燒皇燒烤雞煲專門店

營業中

休息中

因為疲症好耐冇食過雞煲，今日放工就同朋友去左上水一間雞煲到食野，呢到唔係好顯眼，唔搵真係唔知呢到都有雞煲食。一開始我地就叫左個麻辣小辣雞煲，小辣好岩啲好似我咁想食辣又唔係好食到嘅人，雞煲唔會好辣但又好惹味。身為一個鍾意食芫荽嘅人望到煲野真係好有食慾！雞煲食完之後就會加湯做邊爐，都叫左啲火鍋配料，雖然每份起碼$20但好大兜，都抵食。呢到仲有個特別嘅地方係仲有串燒可以叫，除左一般嘅菜同肉類之外仲有海鮮串燒，樣樣都大大份調味都好夠，好香好惹味。

其實串燒真係好好食好想搵翻以前係大陸食既風味重孜然粉辣粉今次就試下燒皇既味道都係續串續串計我地又係一去到就有位 3位店比較細 所以d枱都唔算闊串燒既選擇都多而且佢唔單止有串燒食 重有雞煲如果又想食雞煲又想串燒 都算係唔錯既選擇不過我地今次只食串燒黎到 staff都會好細心甘話小心熱裏面有菇菇同金菇同d芝士一齊夾住食 好好食😋芝士味都重 每一口都可以食到芝士d菇又多汁 雞軟骨 好爽口唔會燒到縮曬水唔乾身雞翼都夠味食到有孜然粉既味staff會續串講翻邊d羊肉 雞腎 牛肉羊肉我唔食啦 但佢地話 d羊肉好嫩唔蘇雞腎真係值得食 大大粒 小辣都好夠味 又夠爽口 唔同出面燒到勁細粒甘牛肉味濃 又唔鞋 又多汁 最主要真係唔肥但係比起雞腎佢就細粒啦 再放多少少辣粉都可以更加野味蒜味重 食完真係口臭好多汁 d茄子肉一絲一絲甘拉出黎 啖啖蒜味燒牛舌 佢雖然大塊 但都做唔到入口即溶既感覺佢係夠厚 多汁 但都普普通通豆腐乾好脆口 一咬都聽到好清脆既聲 好似食緊薯片甘 裏面真係乾身 一d汁都唔會有食左甘多甘濃味既野 食翻d個豬肋骨 感覺好清身因為佢d汁 酸酸甜甜既 但我覺得d肉比較肥左d骨同肉既比例都平均 唔會骨

真係好耐無入嚟上水，今日嚟探朋友bb，再出外食個晚飯聚正下舊，呢間就正正朋友家附近，種類都集中串燒及雞煲今日就試試個椰子雞鍋，見到個鍋都好清澈，係用咗椰子水做湯，大大片新鮮椰子肉㗎，入面仲有紅棗雪耳夠哂滋潤清甜我哋2個人就叫咗半隻雞，件頭都大喔，侍應倒落去慢火15分鐘就食我，估唔到隻雞咁嫩滑，記湯飲埋啲椰子湯，真係好鮮甜好好味皇帝菜好新鮮，嚟哂啲清甜椰子湯確係另一番風味，越食越想追加菜去浸湯食蟹子丸同埋魚皮餃雙併好抵食，好平民大眾化價錢京蔥牛舌好惹味，京蔥經燒過多一入香氣，而牛舌配上醬汁一齊燒好香甜，牛舌爽口，面上仲有七味辣粉再增加層次味道鵝肝多士都有喔，多士好香脆，而鵝肝都油香微脆燒菠蘿好多汁又燒到好香，酸酸甜甜打完邊爐食啱哂

最近天氣又落雨變涼少少, 所以就去左打邊爐暖身, 揀左呢間除左火鍋仲有串燒食既餐廳~椰子雞煲-半隻 ($188)半隻雞睇落份量都好足, 有我最鍾意食既雞髀位, 連雞頭都有埋俾你~ 仲有椰子肉~湯底很足料! 除左有大量既椰子肉, 仲有雪耳、紅棗、杞子, 聞到已經覺得好香!煲滾左水, 店員就幫手落隻雞~ 等幾分鐘後店員再幫手熄火同等我地用餘溫焗一焗再食~雞肉就會保持嫩滑~ 啖啖肉! 落其他火鍋配件之前飲一碗湯先!嘩, 簡直不得了! 椰子味香甜到一個點! 好似仲甜過呀媽煲果D咁~ 仲有D椰子肉係Q彈的, 似係椰青刮出來既肉, 好正! 勁快飲晒成碗, 都唔會覺得口渴, 應該冇落味精! 飲完即刻覺得好滋潤!叫左D火鍋配料:美國桶蠔 ($138)好巨型! 同罐可樂一樣咁大隻Crazy! 漉完唔會覺得縮好多水~ 食落都幾新鮮, 爽甜爆漿~肉質肥美, 唔錯!頂級安格斯肥牛-大(198) 牛魔王必食!絕對唔洗擔心肥膏會多過肉既問題! 而且一D都唔鞋口, 唔韌~ 食落幾香牛肉味, 高質!手打芝心蝦丸($58) 都係推介!口感好爽彈! 仲有食到一舊舊蝦肉~ 包住溶左既芝士~ 正! *不過食既時候睇熱 因為D

過時過節必定帶女皇吃喝玩樂，為搏紅顏一笑。坐滿無位，只能安排到最後巷仔位勁唔開心！貼住幅牆黎左，堅係貼到實黎坐。張檯只夠放一個煲加兩隻小長方碟，細到不停地撞跌野落地，激死我！幸好坐底十幾分鐘就有位掉返出廳坐，心情才平伏一點。白小麥啤，德國來的其實都幾重口味，要飲快一點，越不夠凍就越苦澀越唔想入，大大桶又無冰桶鎮住，快唔到啦！黑小麥啤，味濃凍好飲，唔夠凍就麻麻地，甘味太強唔想飲。蒜香燒大海蝦，新鮮滾熱辣剛剛燒起，熱到連發泡膠碟都溶掉，致癌物質有點心理壓力，點解不跟串燒妹一樣用油紙墊經濟實惠兼環保！珍寶蝦體形吸引燒得香噴噴，蒜香烤香使得食慾大增！入口充滿蒜蓉辛甜加微辣惹味，爆汁爽彈帶鮮蝦味，滿分！蒜蓉牛油燒生蠔小辣，調味料還調味料，生蠔還生蠔，完全無任何溝通。居然生蔥、生指天椒，燒完先鋪係面，忘記調味嗎？挑走生蔥生辣椒，只蒜蓉醬汁連蠔啪入！幸好蠔肉厚厚飽滿多汁，爽彈新鮮，甜而不醒。燒蟶子皇小辣，只微微溫暖不熱烘烘。鮮甜味一般，爽嫩度一般，調味都一般。燒雞腎小辣，竟然好好食！香辣落味重手，結實得黎夠爽夠多汁，食得到的雞甜味。燒雞腎、燒鴨舌，非常出色燒雞腎燒鴨舌！鴨舌爽脆肥美多汁無乾掉，香料惹

今日同朋友行完山即嚟呢到醫肚，本身朋友住上水都係呢間熟客嚟，話一定要帶我嚟試餐廳環境簡潔都坐得舒服，牆上都寫上各款必食推介，同埋是日新鮮海鮮呢到主打必食椰子雞煲，麻辣雞煲同埋勁多款串燒，行完山想食啲滋潤啲清潤一下，今次我就揀咗椰子雞煲試下鍋內有紅棗，雪耳及鮮椰肉，湯頭係椰子水嚟，店員仲話不含味精，叫我烚完雞件一定要試個湯，果然湯底非常清甜而雞件都幾黃油，烚10多分鐘可熄火慢慢食，雞件入口嫩滑一啲都唔嚡口仲叫了美國頂級安格斯肥牛，雪花油脂均勻，嫩腍帶點咬口，食落牛味都濃香另外仲叫了多款串燒及海鮮，蒜蓉牛油燒生蠔都好大隻又生新鮮，最愛食蒜蓉嘅味道，仲有陣陣牛油香去帶出蠔鮮味芝士黃金燒元貝更不得了，好大隻啖啖肉，面上仲有好多芝士㗎入面係濃濃鹹香沙律醬，呢個好好食燒鰻魚係用上新鰻魚去燒，一客3大條，魚皮燒到香口微脆，入面魚肉鮮甜帶點點爽口愛肉的要試埋燒M7安格斯牛肉串，灑上調味粉的牛肉更惹味，牛香濃郁，牛舌就爽口有咬口，仲有蒙古羊肉串都好好食，呢到嘅串燒抵食性價心好高

今日到上水探朋友，順便到藥房購買防疫用品，上水的價錢稍為較市區低，一次過買了不少家庭所需品。購物完畢，朋友知我鍾意打邊爐，專程帶我到這間她大推的火鍋店用餐！餐牌上的串燒非常吸引，單看照片就令人垂涎三尺！最後點三款海鮮串燒，包括芝士黃金燒元貝、蒜茸牛油燒生蠔及燒鰻魚。我們一人點了一隻芝士黃金燒元貝($50/隻)，SIZE好巨型，剛燒起的芝士面賣相非常誘人！像瀑布般的芝士與大大粒的元貝融為一體，每口元貝都混合了秘製醬料和芝士，超級美味！！元貝好鮮甜彈牙，店員說所有海鮮都是新鮮的，怪不得那麼好吃！絕不是急凍的貨色能媲美。蒜茸牛油燒生蠔 ($55/2隻)生蠔鮮味十足，絕對沒有腥味。蓋上大量蒜茸，香口無比！第三款海鮮點的是燒鰻魚($88/客)，原本以為是日式的那款，沒想到來的是新鮮燒的鰻魚！厚切鰻魚烤得外層香脆，魚皮脆口帶黏，魚肉嫩滑鮮甜，非常美味！～～接下來到火鍋的部份～～我們點了店家的皇牌養生推介 －椰子雞煲 ($188/半隻)店員先將椰子湯底放在爐上煮滾，然後再將半隻雞倒入椰子湯底中。湯底中有紅棗、椰子肉、杞子等，有健脾補產的作用。煮好的雞超級鮮甜，帶有清甜椰子味，雞肉更是富有濃郁雞香味，

同幾個朋友好耐無見，次次都係要食雞煲聚聚，呢間燒皇食過唔只一次啦，我地都覺係石湖墟最正既一間！所以今次又食佢！我地好早到，原以為呢個時勢無咩人食，點知到七點就差不多坐滿人，好受歡迎！我地次次都叫一隻麻辣雞煲，小辣已經好惹味！除左雞煲外，一定一定要叫呢個牛肋骨！今次雖然有Ｄ失手，靱左Ｄ，不過都好入味！呢度Ｄ燒物都係非常好食，以往我地會叫好多串燒，今次只係叫左個燒茄子，少少辣，好正！食完個雞煲可以加湯叫火鍋配料，有午餐肉、芋絲、枝竹、生菜、墨魚滑蝦滑、金菇等等，都好新鮮，一班朋友食就最o岩！野飲都好多元化，最過癮係叫兩公升1664啤酒幾個分黎飲！可惜有人揸車，所以叫檸茶檸七可樂等，不亦樂乎！

我最愛既上水藥膳雞煲。佢可以揀半隻或者一隻雞，通常都揀半隻，咁就可以叫多d其他野食。其他打邊爐食品就叫左牛肩肉、羊肉、雲吞、魚皮餃、貢丸、芝士腸、皇帝菜同烏冬。上水其他火鍋店未必有得叫牛肩肉，而牛肩肉比較有咬口同冇肥牛咁肥，所以有我揀我會揀牛肩肉。雲吞唔係好似魚皮餃咁係雪藏嗰種，唔知係咪佢地自己包呢？對我黎講其實最重點係烏冬，因為個湯底好夠藥材味，淥完d肉之後，再放烏冬，烏冬吸晒d湯真係好正。隔左D油之後，我仲會飲返碗。飲完唔會口乾，所以應該冇乜味精。今晚三個人共食左$660。藥膳雞煲牛肩肉羊肉貢丸&芝士腸比較唔滿意係服務，佢黎晒d餸好耐都上唔到個湯底，一開始問佢地兩次又聽唔到咁。雖然佢最後有講唔好意思，但比較悔氣，希望呢點佢地可以改善啦。

一行入黎差不多坐滿，坐左係近門口角落位置。落完單等左15分鐘以上，開始有吉枱，同佢講想轉枱，可以坐得舒服d。叫左半隻麻辣雞，雖然少辣但係都幾野味。至於個茄子，係大量乾蒜，好香口，但係好咸。羊肉串同雞軟⻣串都好味，下次可以叫多d串燒。最後食完雞煲叫佢加湯，叫左個加拿大特級牛肩肉，脂肪較少，要用多d牙力。

雞煲食過好多，第一次食呢間雞煲仲有燒物，剛開門入座，座位不多，地方小小，座位都舒服。坐低叫了半只雞小辣，還可以选多芫茜正！黎到雞煲好香，員工仲幫你煮，食得叫你。比起一x個間還好食，價錢仲平過放題，雞件滑，辣中帶麻好野味，食一只雞都無問題。質素好打邊爐配料新鮮，份量仲好多，唔夠還可以叫燒物，即叫即燒熱辣辣上台好正。下次還會再光顧

周圍都雞煲 食到岩口味合心水有時都幾難食過一次燒皇😋我就覺得幾滿意夜去又唔洗排隊 好小有1664飲不過我就飲藍妹 岩feel d會再去食 最緊要大家都北區👍🏿like

星期四晚兩個人來試，開咗咁耐都係第一次食～呢到幾特別，雞煲又有，串燒又有，所以唔一定正食雞煲打邊爐咁悶…叫咗半隻雞既麻辣雞煲，有得選多洋蔥、多芫茜，正 ~ 洋蔥煲完又甜又勁入味！雞煲辣度麻度有得分開選擇，我覺得都幾貼心我地揀咗個煲小麻、中辣…　中辣比上水D雞煲中辣.. 係辣D.. 麻得嚟好香半隻雞足料，食完雞叫多小小其他食物已經夠～打邊爐叫咗個蔬菜拼盤(~$30)、雙併（蟹柳+海膽丸, 各4件)~$34、牛肩肉(有12塊)~$78串燒叫咗牛串、羊肉串、雞軟骨.. 羊肉串超正，超軟超香! 串燒大串，唔貴，好食！同埋當晚有$50三隻燒黃貝，勁多蒜辣椒，明顯用過熟油，勁香勁抵食！呢間雞煲，我覺得上水最好食呢間，串燒亦都係～非常值得推介！！PS 服務快、好好! 

幾個月前經過呢度見到有間新開的餐廳，今晚才有機會嚟呢度試食晚飯。一入到去服務員態度很好，很親切幫我們帶位，座位坐得都算是舒適。這裡原來有很多法國，德國啤酒款式揀，雖然我唔飲啤酒，但鍾意飲啤酒的朋友一定會喜歡這裡。今次我們淨係食了燒烤食物，味道不錯，材料夠新鮮，燒蠔勁大隻肥美，鵝肝多士很脆，雞翼外皮燒得脆脆的，牛舌夠林入味，菠蘿很甜。每樣食物都加很多蒜頭乾蔥碎在上面令食物的香味都提升了不少。下次會試埋呢度嘅雞煲，火鍋

2017.03.01 😐係啲個雞煲 泛濫的時代🐔上水舊墟居然又開一間以雞煲為主打的食店不過今次佢地就穩陣啦 做埋串燒🍢上水都少有串燒店 聽落都幾吸引店面的裝修簡單卻有種高雅舒適既感覺而且亦用上舒適既沙發木椅子供客人使用 值得一讚😚由於有賣串燒 他們將原有餐廳的設計巧思地改為bar台除左一般常見的藍妹 青島啤外；仲有1664 白帽子修道院啤可選擇 種類挻多的不過仍有好大的進步空間藥膳雞煲 (半隻雞) $128煲上桌時 雞是另上的 要自己加落去烹調藥材的量都算幾多 當歸 黨蔘 紅棗 龍眼肉 紀子當雞吸收曬藥材的味道🍲淨下來的汁用黎泮飯食 呀媽話食完成個人暖曬日本黑豚豬肉片 (細) $48個人建議如果黎啲度最好就不要叫羊肉片首先 份量不多 而且是碎碎的🐐我地一放落煲已經散曬 唔抵食而圖中所見是豬肉片🐖份量我覺得ok的 而且味道亦不錯 可以一試汁燒鰻魚 $88黎到以串燒為主題的店鋪 燒鰻魚仲要係牆上寫著的推介當然唔少得要試試佢第一 我是等得不耐煩 超久的🤢第二 亦是的最不滿的地方 點解咁得意會將熱辣辣的串燒 放落發保膠上碟呢溶x曬🤕第三 外表跟我想像中不一樣 不是燒汁的嗎 味道亦怪怪的 曬上大