燒皇燒烤雞煲專門店

營業中

休息中

我最愛既上水藥膳雞煲。佢可以揀半隻或者一隻雞，通常都揀半隻，咁就可以叫多d其他野食。其他打邊爐食品就叫左牛肩肉、羊肉、雲吞、魚皮餃、貢丸、芝士腸、皇帝菜同烏冬。上水其他火鍋店未必有得叫牛肩肉，而牛肩肉比較有咬口同冇肥牛咁肥，所以有我揀我會揀牛肩肉。雲吞唔係好似魚皮餃咁係雪藏嗰種，唔知係咪佢地自己包呢？對我黎講其實最重點係烏冬，因為個湯底好夠藥材味，淥完d肉之後，再放烏冬，烏冬吸晒d湯真係好正。隔左D油之後，我仲會飲返碗。飲完唔會口乾，所以應該冇乜味精。今晚三個人共食左$660。藥膳雞煲牛肩肉羊肉貢丸&芝士腸比較唔滿意係服務，佢黎晒d餸好耐都上唔到個湯底，一開始問佢地兩次又聽唔到咁。雖然佢最後有講唔好意思，但比較悔氣，希望呢點佢地可以改善啦。