燒肉LIKE (英皇鐘錶珠寶中心)

營業中

休息中

由於疫情關係好耐冇去戲院睇戲終於可以去睇一套想睇好耐嘅戲就係飯氣攻心匯豐信用卡喺英皇戲院買飛仲有買一送一折扣優惠所以鎖定喺Times Square睇戲同食飯行咗上半個鐘都搵唔到Times Square有咩想食誤打誤撞去咗對面英皇鐘錶大廈食燒肉初時因為未試過都好擔心平價燒肉嘅質素因為早排食過覺得質素真的很不符合整性價比反而今次比牛角平很多但牛肉豬肉質素都非常高如果一般套餐大概價錢$55都已經有交易如果想食好一點可以食日本牛大概價錢都只不過是$140真的非常抵食推薦推薦

🇭🇰Hong KongAverage expense pp: HKD$200-300+📍Address: 燒肉like, Causeway Bay日本一人燒肉專門店，肉嘅品質一向有保證，就算一個人獨樂樂都可以享受到燒肉嘅快樂。今次推出宮崎牛🐄加上Asahi Super Dry 生啤酒🍻，鍾意食牛肉一定要去試吓。座位私隱度高，抽油煙機系統幾好，食完唔會全身好臭😷配有多款特製嘅醬汁，等客人享受到烤肉嘅美味以平民價格，就可以食到上等級別嘅宮崎牛稀有部位，上級肩肉屬於牛隻肩膀部位，可以切出嘅份量極稀有，油脂分布均勻，入口充滿油香，令人垂涎欲滴。一個宮崎牛上級肩肉套餐，附有白飯、味噌湯同沙律。另外一個宮崎牛必試嘅部份，推介牛肩胛肉，屬於牛隻前腿上半嘅位置，肉質比較結實，油含含量比較多，入口爆油，肉質非常豐富。由於我哋係食肉獸，所以點左鹿兒島和牛西冷牛扒，數量有限，當然要一試！採用鹿兒島牛隻背部脊骨較少運動嘅部位，因此係新款入面最多油脂嘅肉，通常係最受歡迎嘅部份，肉質濃郁之餘夠柔嫩，有入口即溶嘅感覺😍

銅鑼灣日本一人燒肉專門店 – YAKINIKU LIKE星期五Happy Friday難得早放，去咗銅鑼灣睇場戲等朋友放工一齊食飯，揀咗呢間位於銅鑼灣羅素街嘅燒肉LIKE，月頭出糧對自己好啲，見到佢地推出期間限定嘅宮崎和牛餐點，一於嚟返場日式和牛燒肉盛宴啦，除咗全線分店推出宮崎和牛，銅鑼灣羅素街分店仲推出咗全新分店限定嘅 鹿兒島和牛餐點，佢地更引入咗Asahi Super Dry生啤酒杯罐，和牛燒肉配搭 Asahi，真係「一個人原來都可以盡興」呀~淨係得Asahi唔夠喉，想約埋朋友一齊燒肉暢飲? 當然無問題啦，推廣期間凡喺銅鑼灣分店惠顧「鹿兒島和牛西冷牛扒」，更可以自攜餐酒及免開瓶費，隨時想歎就歎，喺鬧市中嘅寧靜一角度過極緻嘅燒肉時光！宮崎牛上級肩肉套餐 ($248)套餐加配白飯、和風湯及泡菜或迷你沙律，餐廳選用嚟自日本宮崎牛嘅上級肩肉部位，位於牛隻前肢肩膀位置，肉味香濃，油脂分佈平均，就咁用少少鹽調味就夠，保持返食材原有嘅味道😍宮崎牛肩胛肉單點 ($192/100g)呢款牛肩胛肉都好出色，雪花紋好靚，係牛前腿嘅上半位置，肉質較結實，油花較重，做到入口即溶嘅效果鹿兒島和牛西冷牛扒 ($

“鹿兒島和牛西冷牛扒(200g)”($378)“宮崎牛上級肩肉套餐(100g)”($248)“宮崎牛肩胛肉(50g/100g)”($98/$192)“Asahi Super Dry 生啤酒杯罐”($35)平時都好鍾意去燒肉LIKE食燒肉因為真係又抵又好食😛最近各分店仲推出咗期間限定嘅宮崎和牛餐點忍唔住又要去食吓新嘅餐目🤤今次提供嘅宮崎和牛有2個部位分別係上級肩肉,牛肩胛肉2款都可以選擇套餐/單點☺️套餐會包埋白飯,沙律/泡菜,和風湯上級肩肉油花分佈十分均勻😍食落油香十足,而且帶點嚼勁☺️牛肩胛肉肉質較為結實,肉味濃郁😋除咗2款宮崎和牛銅鑼灣店更有店舖限定嘅鹿兒島和牛西冷牛扒大大一塊都只係$378😍和牛西冷燒完之後入口即溶,超!級!正🤤果然係鹿兒島和牛🤤🤤🤤推廣期間凡惠顧鹿兒島和牛西冷牛扒更可以自攜餐酒同免開瓶費🤩宜家仲有得叫Asahi Super Dry生啤酒杯罐🍻呢個啤酒特別之處係開罐後綿密嘅泡上網睇到佢喺日本開賣後更一度賣斷市😆邊燒肉邊飲返啖都真係幾爽😝宮崎和牛餐點只限定提供到9月20號咋想試嘅朋友記得快啲去食啦😛

之前自己一個人都嚟過呢間燒肉LIKE食一人前燒肉，覺得都幾方便同抵食，今次見銅鑼灣店出咗全新嘅和牛menu，當然要以約埋班friend出嚟邊燒肉邊吹水。鹿兒島A4和牛西冷牛扒 (200g)朋友一致贊同呢款銅鑼灣分店限定嘅和牛西冷最好食，厚厚嘅牛扒入口啖啖肉非常有滿足感，肉質腍嫩易咬開，肉味香濃。宮崎牛肩胛肉 (100g)宮崎牛作為日本頂級和牛之一，呢款牛肩胛肉口感緊緻順滑，牛味濃郁。宮崎牛上級肩肉套餐 (100g) $248而呢款宮崎牛上級肩肉，紅肉同脂肪比例均勻，油香同肉香並存，肉質就更加腍身。套餐除咗肉之外仲會有埋白飯、和風湯、泡菜或者沙律，夠晒豐富。牛小排&牛板腱套餐(200g) $145除咗和牛，我哋都叫咗其他牛肉套餐，好似呢款有牛小排同牛板腱嘅套餐。牛小排相對會油脂多啲嫩口啲 ，而牛板腱就偏實淨同肉味重。牛舌&牛板腱&橫膈膜肉套餐 (200g) $160至於呢款套餐更加可以一次過食到3款牛肉，性價比高。牛舌薄切，但都爽口。而橫膈膜肉喺燒肉店都比較少見，厚厚一塊，帶有獨特牛香。Asahi Super Dry 生啤酒杯罐 $35嚟得食燒肉當然要飲番杯冰凍啤酒，呢到竟然有呢款Asa

有日喺銅鑼灣工作完，諗住食個Lunch，見到樓下有人派傳單，心諗好似幾抵食喎，就試下啦。呢到係手機落單，然後用信用卡或者八達通俾錢。佢有幾款唔同既套餐俾你揀，有牛，有豬，有雞，任你選擇，之後有啲醬汁俾你點呢到可以加$25轉套餐，或者單點都得，而我就揀左三部合奏套餐（有豬五花腩，雞腿肉同埋豬頸肉）。嘩，啱晒我呢啲食肉獸啊。而且個套餐可以揀沙律或者泡菜，個飯可以揀白飯或者紫菜溫泉蛋飯，個湯唔洗揀，係包埋嘅，揀完之後就可以燒㗎啦。食燒肉，點可以冇嘢飲呀，我叫左蜜桃茶，滿足嘅一餐，下次再食過。

燒肉like係日本嘅過江龍，主打平價燒肉，香港而家有七間分店最平嘅套餐都係＄50左右，午市同晚市嘅價錢一樣，而且唔駛加一服務費服務同環境唔好要求太多，但算乾淨企理要留意番用餐時間係60分鐘，諗住同朋友坐耐啲吹水就唔得啦今次我叫嘅係牛舌＋牛板腱＋橫膈膜肉150g $118如果要250g 就$160另外我加＄18要咗50g嘅牛五花嘢飲都算平，汽水＄10 罐，啤酒都係＄22罐啲肉唔算係特別正但都對得住個價錢每一枱都放咗幾款燒肉汁俾你點肉我覺得燒肉汁嘅質素仲好過牛角如果你想快快食個平嘅燒肉絕對可以嚟食飯時間都幾多人等位，可以考慮 GULU app攞咗飛先

因為無得book位，諗住去到仲要等位啦，點知原來無乜人，可能銅鑼灣呢間比較難搵。QRCode落單，直接電話比錢（唔知有無得比現金）。完成交易後5分鐘度，飲品先到，野食跟住到，第一次食，order左Like套餐250g+牛五花100g，套餐有沙律🥗或泡菜㨂，飯亦有1、2、300g㨂，仲有湯，不過湯就麻麻地，但感覺百幾蚊都唔差，即刻燒黎試下，好食喎！佢仲有好多調味料任㨂，試左3樣，暫時BBQ醬油最正，問心，比起其他貴嘅都無咁多調味㨂，最多3樣。最後我地再追加左豬頸肉100g，麻麻地，下次試其他。

之前見到朋友食，睇餐牌又見價錢唔算貴，於是決定去試一試！入到去油煙味唔重，呢度聲稱個爐唔會好大煙，咁個身就唔會咁大味！D staff都好好會講解個位有D咩，點落單，仲問我要唔要口罩套！好細心！☺️呢度係自助點餐，自己用電話掃QR code落單，記得俾埋錢先叫完成order！我掙扎左好耐要唔要㩒結帳，驚會埋左單冇左張枱⋯😂佢地只接受電子支付，夠環保！👍🏼 (雖然我係用開cash.. 😅)另外佢仲有好多醬汁可以揀，有選擇困難症嘅朋友慎入！🤣我叫左個100g牛五花套餐，大食嘅朋友可以叫多D，佢有200g/300g揀！套餐包湯、沙律/泡菜、飯、肉！個餐上得好快，D肉都好嫩！差唔多係入口即溶！😋沙律就鹹左D.. 應該係個汁鹹！湯都好飲嘅！正常海帶湯咁~好在佢夠平，下次可以再試其他！🤤

睇戲前諗住搵個地方食晚飯又想食燒肉 臨時臨急放題又full哂行行下抬起個頭見到呢間餐廳 好奇上openrice 睇下一人前燒肉？好似幾好 不如試下啦入到去每個位前面都有一個爐用手機掃QR code點餐仲有飯量可以選擇選擇好之後直接俾埋錢 好方便😁我點左個牛小排牛板腱套餐🤤再散叫厚切牛舌牛舌就好多脂肪 食落好靭牛小排唔錯😋😋佢推薦五花肉都幾好有時行行下唔知食咩 都好推薦黎試下上菜快 慢慢燒 質素唔差 坐得又舒服☺️☺️☺️☺️

入門口完全唔覺有油煙味, 店中有6種不同的調味料和醬汁〔 Like套餐250g 〕 $125 .套餐有白飯/泡菜/麵鼓湯,牛方面有牛舌/牛五花/橫膈膜, 加錢加左個紫菜木魚蛋飯, 性價比還可以〔 美國頂級西冷牛扒套餐120G 〕 $138 .到餐後西冷已經幫你切好, 也用汁醃過方便進行燒, 西冷牛扒性價比好高, 肉質和牛味都好出.非常方便, cp值都幾高既店.👍🏻(好味指數: 9/10)

終於等到啦終於等到啦。。終於等到晚市堂食回歸🎊一條友行經Times Square抬頭一望。。對面英皇。。俾佢一句：「一人前燒烤」就吸引咗上去🥢上到2樓，燒肉店就喺正元氣壽司隔離餐廳門口已經有好熱情嘅服務員接待😊整體用餐感覺不錯，服務員細心解釋，手機落單仲可以俾埋錢。。正至於食物我覺得仲可以有較多嘅進步空間😂😂咁又講句公道，收費總算合理💵我相信我會再去😋溫馨提示：用餐時間1小時..所以想吹水嘅你..食飽轉場吹過啦🥂

今次試下銅鑼灣燒肉Like👍🏻 位置時代廣場對面二樓 環境好乾淨食完都唔會成身好大陣燒肉味 抽風做得好好一人一鑪燒餐廳用手機點餐，點完直接手機付款，我覺得好方便，餐廳係唔收現金既，去既時候記得留意啦。我揀左豬五花腩&雞腿肉套餐200g $72 （有一款細份量100g揀)套裝包: 白飯(可以揀小中大碗，如果唔中意食咁多飯既可選擇細碗，又唔會浪費👍🏻）和風湯（個人覺得好油，所以無乜飲）迷你沙律/泡菜 （我揀左沙律菜，正常咁啦）另外單點左：魷魚🦑豬頸肉魷魚跟左一個醬 有少少酸酸甜甜咁 都幾好味豬頸肉好厚好大塊豬五花腩薄薄地一塊 好快燒熟 好好食 😋 醬料都有好多選擇 ：我試左蒜香醬油同BBQ醬👍🏻好味😋整體來講 好滿意 如果想一人燒肉都無問題啦回頭率90分😚

點咗個三寶套餐，250g 大份的牛腩片，橫隔膜同牛舌，加十五蚊upgrade個細飯做海苔温泉蛋飯。材料新鮮又足份量。性價比高，滿意的。服務方面有大改善空間。店面雖然不大但樓面只得两位侍應，接待，出餐，執枱一脚踢，遇上好似我呢d用唔到電子錢包自助落單既，又要幫我係counter做，所以好多時佢地會應接不下。但職員已經好努力了，希望美心集團請多個人幫輕吓。

🥢今次嚟到銅鑼灣羅素街新開嘅燒肉餐廳, 🙋🏻‍♀️佢地主打一人燒肉體驗, 入到去空間感好足, 💨又唔會好大陣油煙味. 一坐低就見到整齊排列既醬料, 🌶 有韓式辣醬、胡麻醬、鹽味醬、🧄蒜香醬油同BBQ醬等任君選擇, 用嚟點肉食一流😛🥩美國頂級西冷牛扒套餐 ($178/180g)🥩🍚呢個係全線分店期間限定嘅套餐, 佢有跟白飯, 和風湯, 🥗泡菜或迷你沙律. 而個飯更有大, 中, 小碗俾大家揀, 非常貼心. 🏅西冷牛扒用咗Prime Grade級別嘅腰脊部位, 上檯時大大塊, 🔪仲已經切好幾份方便你燒, 每次放3-4塊上部迷你無煙烤爐整啱啱好. 🤗佢地本身已經用醬汁醃過牛排, 所以食落淋身多汁, 好適合餸飯🥄🐂LIKE套餐 ($95/150g)🐂☝🏻見佢寫住特別推薦又係no.1之選, 一於試試佢. 😎呢個餐有三款唔同部位既牛, 包括牛舌, 牛五花同橫膈膜肉, 👏🏻最吸引我嘅就係橫隔膜肉, 佢脂肪分佈平均, 牛味濃郁, 🥚我再另外+$8 要咗隻溫泉蛋點肉同撈飯食, 十分滋味🤩😋總體 (味道, 性價比, 環境, 服務態度) : 8/10——————————————————————————————🥢