影片
更多
2022-09-06
887 瀏覽
銅鑼灣日本一人燒肉專門店 – YAKINIKU LIKE星期五Happy Friday難得早放，去咗銅鑼灣睇場戲等朋友放工一齊食飯，揀咗呢間位於銅鑼灣羅素街嘅燒肉LIKE，月頭出糧對自己好啲，見到佢地推出期間限定嘅宮崎和牛餐點，一於嚟返場日式和牛燒肉盛宴啦，除咗全線分店推出宮崎和牛，銅鑼灣羅素街分店仲推出咗全新分店限定嘅 鹿兒島和牛餐點，佢地更引入咗Asahi Super Dry生啤酒杯罐，和牛燒肉配搭 Asahi，真係「一個人原來都可以盡興」呀~淨係得Asahi唔夠喉，想約埋朋友一齊燒肉暢飲? 當然無問題啦，推廣期間凡喺銅鑼灣分店惠顧「鹿兒島和牛西冷牛扒」，更可以自攜餐酒及免開瓶費，隨時想歎就歎，喺鬧市中嘅寧靜一角度過極緻嘅燒肉時光！宮崎牛上級肩肉套餐 ($248)套餐加配白飯、和風湯及泡菜或迷你沙律，餐廳選用嚟自日本宮崎牛嘅上級肩肉部位，位於牛隻前肢肩膀位置，肉味香濃，油脂分佈平均，就咁用少少鹽調味就夠，保持返食材原有嘅味道😍宮崎牛肩胛肉單點 ($192/100g)呢款牛肩胛肉都好出色，雪花紋好靚，係牛前腿嘅上半位置，肉質較結實，油花較重，做到入口即溶嘅效果鹿兒島和牛西冷牛扒 ($
星期五Happy Friday難得早放，去咗銅鑼灣睇場戲等朋友放工一齊食飯，揀咗呢間位於銅鑼灣羅素街嘅燒肉LIKE，月頭出糧對自己好啲，見到佢地推出期間限定嘅宮崎和牛餐點，一於嚟返場日式和牛燒肉盛宴啦，除咗全線分店推出宮崎和牛，銅鑼灣羅素街分店仲推出咗全新分店限定嘅 鹿兒島和牛餐點，佢地更引入咗Asahi Super Dry生啤酒杯罐，和牛燒肉配搭 Asahi，真係「一個人原來都可以盡興」呀~
淨係得Asahi唔夠喉，想約埋朋友一齊燒肉暢飲? 當然無問題啦，推廣期間凡喺銅鑼灣分店惠顧「鹿兒島和牛西冷牛扒」，更可以自攜餐酒及免開瓶費，隨時想歎就歎，喺鬧市中嘅寧靜一角度過極緻嘅燒肉時光！
宮崎牛上級肩肉套餐 ($248)
套餐加配白飯、和風湯及泡菜或迷你沙律，餐廳選用嚟自日本宮崎牛嘅上級肩肉部位，位於牛隻前肢肩膀位置，肉味香濃，油脂分佈平均，就咁用少少鹽調味就夠，保持返食材原有嘅味道😍
宮崎牛肩胛肉單點 ($192/100g)
呢款牛肩胛肉都好出色，雪花紋好靚，係牛前腿嘅上半位置，肉質較結實，油花較重，做到入口即溶嘅效果
鹿兒島和牛西冷牛扒 ($378/200g)
呢個和牛西冷牛扒係銅鑼灣店限定，當然要試下啦，選用日本鹿兒島牛隻背部較少運動嘅部位，油脂豐富，肉味香濃而有嚼勁，烤到微焦就係最佳食法，超滿足💯
Asahi Super Dry 生啤酒杯罐 ($35)
間中都會同朋友去Happy Hour飲下酒咁，記得以前去日本嗰陣見到日本人好鍾意邊食燒肉邊飲啤酒，一於今晚玩盡佢啦，叫咗罐Asahi Super Dry 生啤酒，一開蓋就有綿密泡沫湧出嚟，好似飲緊生啤咁 ，真係好有當年去日本旅行喺居酒屋食飯嘅氣氛呀，正😍
張貼
