燒肉ONE

營業中

休息中

平日夜晚7點幾黎到銅鑼灣，想食日式燒肉，見到呢間一人燒肉好full，我地兩個人就決定入黎食啦🤤坐低左見到係QR code落單，有埋Wi-Fi密碼，好方便啊😋🤤 我地叫左一個牛魔王燒肉套餐，包左澳洲M8和牛牛胸腹、美國牛小排、美國牛頸脊 、美國牛板腱，總共200g肉，另外再用$54半價加購50g日本A4和牛三角肉，可以從枝豆/ 麵豉湯/ 沙律揀一款前菜。飲品則需自己添置，用左$15加左日本蜜瓜汽水🍈🥤跟住叫左一個100g澳洲M8和牛嫰牛胸腹餐，加左$54 50g日本A4和牛三角肉。一樣可以揀前菜，每款套餐都包一杯雪糕🍦燒肉真係好正啊，好重牛味、油花味，同商場入面嘅高級燒肉店冇咩唔同而且好容易燒，d肉都唔會痴底。我地再叫左兩隻溫泉蛋、兩件芝士年糕、魷魚鬚天婦羅、兩隻好Q大虎蝦🤣，真係好大啖啖肉好爽口🤤🦐燒肉醬汁每張枱都有，超過十款，仲有中文指引，好方便🤤😋最後食埋杯雪糕，大滿足！🥰😙 仲要唔洗加一，正啊😆😆

星期日相約朋友去銅鑼灣行吓買吓嘢發現咗一間性價比極高嘅燒肉！首先我哋嗌咗一個牛魔王燒肉套餐同埋日本新瀉雞爽肉套餐，兩個餐都包一杯嘢飲、麵豉湯，同樣揀咗食日式燒肉必食既紫菜溫泉蛋飯，而肉就諗住大家share食試吓唔同既種類～牛魔王燒肉套餐包以下肉～澳洲M8牛胸腹、美國牛小排、美國牛頸脊、美國牛板腱另外再用跟餐價加咗一個澳洲安格斯肉眼扒同日本鹿兒島豬五花日本新瀉雞爽肉套餐就雞爽肉同另外加左日本A4和牛三角肉同生菜～所有肉燒出嚟都好香好鮮味，而我就特別推薦大家一定要加澳洲安格斯肉眼扒同埋A4和牛 ，好適合用燒烤方法煮，肉汁鮮美，啖啖肉令人好滿足 ，如果唔鍾意食牛嘅朋友可以食豬肉同雞肉🍗，肉質都好唔錯，油脂分都好平均，豬肉就好適合包生菜咁樣食而且呢間燒肉店有好多唔同款式嘅醬汁俾你選擇，佢唔單止有成個轉盤都係一樽樽嘅醬汁，而且仲寫埋邊款醬汁配邊款肉類係最好食真係好細心同好專業兩個人叫咗一人一個餐加咗好多肉埋單$500左右，仲要食到好飽如果想想燒唔同種類嘅肉推薦呢一間日式燒肉位置闊落之餘亦可以享受到燒肉嘅樂趣

行完工展會過左9點，叮一聲就諗起燒肉One 全單7折，去到就即時入座，經apps order 以下套餐1. 美國牛板腱+美國牛小排配生菜(肉加大)：個火幾猛，喱個餐都食過幾次，可惜澳洲和牛賣曬，牛板腱&牛小排暫時最岩食嘅部份，燒肉夾住生茶食冇咁膩，冇白飯咁飽，麵豉湯加七味粉都唔錯，甜品雪糕味道隨機，每次都期待會有咩味。2. 美國牛板腱+美國牛小排(肉加大) 配紫菜溫泉蛋飯，個飯就算要加錢都值回票價，真係好好食，加上肉類品質保持穩定，唔會點限時，枱上有醬料轉盤，轉盤上有說明書，簡介肉類建議配搭的醬汁，每種醬都好惹味好配對，設計有心思。態度親切有禮有笑容，主動詢問需要叫起甜品及提醒只收電子支付，上餐速度快，讚讚讚!!!

叫咗兩個套餐→牛魔王燒肉套餐：有澳洲M8和牛牛空腹＋美國牛小排＋美國牛頸脊＋美國牛板腱、麵豉湯、紫菜飯、雪糕呢個套餐非常豐富，不同部位的牛，大大滿足了對於無牛不歡的我倆😋😋😋→澳洲安格斯肉眼扒套餐：～除咗肉眼扒仲有紫菜飯，日本枝豆和雪糕，牛肉好嫰，牛味濃，真的冇得輸！另外追加了大虎蝦、燒鰻魚串、燒鮑魚串、日本鹿兒島豚五花，食物品質好好，服務也不錯，下次會再來！

Happy Friday約咗同事lunch去食燒肉賀一賀🤣揀咗間喺公司附近嘅銅鑼灣燒肉，之前都食過，覺得和牛唔錯門口寬敞開揚，裏面都有好多位，等左陣就可以入去，座位空間都大，唔會感覺太逼太侷促有全日套餐可以揀，仲要全日都唔使收加一服務費我就揀咗日本宮崎A4和牛牛肩胛套餐，朋友就揀澳洲M8和牛嫩牛胸腹套餐，套餐包咗珍珠米飯、沙律/枝豆/麵豉湯同甜品日本宮崎A4和牛牛肩胛套餐和牛燒一燒，入口即溶，嗰種油而不膩，好有牛肉油花嘅香味，超正，即刻好掛住日本❤️澳洲M8和牛嫩牛胸腹套餐呢個相對日本和牛就冇咁嫩，冇咁多油花，不過好有牛味，係另一種嘅美味套餐可以用半價再加肉，咁就加咗日本A4三角肉同埋A4牛肩胛抵另外叫左鰻魚串同鮑魚串，鰻魚就要自己點汁再燒，燒得幾香，鮑魚都比較新鮮仲有兩粒帶子，都幾大粒同新鮮調味料有好多款，任君選擇套餐包左免費嘢飲，我就揀咗果汁仲有甜品，揀咗雲呢拿雪糕，滿足嘅一餐不過一個鐘就有少少趕

燒肉ONE係一間日式燒肉速食店，呢到主打快靚正嘅一人燒肉，用親民嘅價錢就可以食到靚牛肉啦，仲全日免收加一添！呢到最特別嘅就係有成15種唔同點牛肉嘅醬汁可以任君選擇～牛魔王燒肉套餐💰HK$240呢個牛魔王套餐可以一次過試哂4種唔同嘅牛肉，有澳洲M8和牛胸腹、美國牛小排、美國牛頸脊、美國牛板腱，跟餐仲加咗南美洲牛舌(+$19)，套餐本身仲包咗麵豉湯 、紫菜溫泉蛋飯(+$18)、雪糕、日本罐裝蘋果汁(+$15)！如果鍾意食冇咁多油脂嘅牛肉，叫呢個套餐就啱晒啦！呢四種牛肉都牛味濃郁，而且肥瘦均勻！追加嘅牛舌薄切得來亦好有咬口～日本宮崎A4和牛牛肩胛套餐💰HK$300日本宮崎A4和牛牛肩胛(100g)，紫菜溫泉蛋飯(+$18)，沙律，雪糕，追加日本A4和牛三角肉(+$54)！A4和牛牛肩胛油花滿佈超肥美，一食落去啲油脂爆曬出來，入口即溶肉質軟嫩，令人食過返尋味！A4和牛三角肉就肉質感重啲，油脂冇A4和牛牛肩胛咁多～美國牛頸脊💰HK$58肉質鮮嫩，牛味香濃～紫菜溫泉蛋飯超正，勁多紫菜碎再加埋流心嘅溫泉蛋同啲飯撈埋一齊，配燒肉真係一流～雪糕係CoCoBerry嘅沖繩鹽味雪糕，咸咸地嘅雲呢拿味，幾特別

呢間餐廳就位於世貿中心對面 都好易認平日晚餐唔使等位直入佢啲套餐全日都供應，抵食，又唔使收+1🔥不過整體來講呢味道同質素都唔算太好.🔥D餐 美國牛小排＋美國牛板腱套餐 200g $158美國牛小排＋美國牛板腱 (200g)配日本新潟A+珍珠米飯，麵豉湯,CocoBerry雪糕米飯仲可以揀唔同嘅份量 價錢一樣🤭特別推介牛小排 油脂尚算豐富.🔥I餐 牛魔王燒肉套餐$188澳洲M8和牛牛胸腹＋美國牛小排+美國牛頸脊＋美國牛板腱 200g.配上日本新潟A＋珍珠米飯 ，麵豉湯，日本泡芙M8和牛不過不失吧 覺得有少少物非所值都係鍾意食牛小排 牛板腱多啲 感覺上性價比更高😂.另外仲叫左 🔥魷魚鬚天婦羅(50g) $28.0🔥日本甲羅燒额 $48燒鰻魚串(2串）$58.燒鰻魚好好食 😋夠晒肥美，不過要記得自己控制火候🤣🤣 仲可以自己配埋啲醬汁甲羅燒用嚟撈飯真係好正😋另外，佢嘅炸物魷魚鬚天婦羅都好食😋😋.另外要一讚嘅係餐廳有超過20種醬汁俾你自己選擇真係花多眼亂 又排你揀😂😂不過整體來講 而家咁多間一人燒肉店呢間真係比較遜色其他餐廳嘅質素明顯比較好希望佢會改善一下

約左朋友去銅鑼灣買聖誕禮物 行街前當然要食飽飽 佢話銅鑼灣世貿附近有間燒肉幾抵食一於去試下 呢到係qr code 落單 主要分套餐同單點 超値xCP値最高燒肉套餐、 全日套餐 除左肉 、仲有 飯 、前菜 同 甜品估唔到呢到會提供咁多醬料仲好好咁介紹邊隻肉沾邊隻醬先最夾朋友叫左 牛魔王燒肉套餐有澳洲M8和牛牛胸腹、美國牛小排、美國牛頸脊、美國牛板腱 總共200g 牛肉脂肪分佈平均 每種牛既味道都有d 唔同 一次過試晒唔同既口感 叫左珍珠白飯 送燒肉一流沙律 可以包住菜食 有咁漏甜品 日本泡芙 叫完套餐仲可以半價追加一份肉 叫左日本鹿兒島豚五花 50g 有成三塊 相對比較瘦 不過豬味都幾重 我叫左 日本新瀉雞爽肉 套餐雞爽肉 100g 原來雞爽肉係咁好味 比雞肉/柳更有味 更有咬口 一樣叫左送飯既珍珠白飯同沙律包肉最後係CocoBerry雲呢拿 雪糕呀 仲有 平日午市仲有飲品送 熱茶/汽水都有得揀 朋友話唔夠喉 仲想encore 所以叫左扇貝 同 好q 大虎蝦 燒完既扇貝保留住d 汁 食落好鮮甜 虎蝦真係好q 大隻 重點食落勁爽口 啖啖肉食好爽呀 佢最抵既係每日下午2-6 所有飲品/小食

話說今日心血來潮，去咗間小店試吓燒肉，店面唔算起眼但一入去先知，藏龍臥虎嘅地方😏。一落座，見到環境好乾淨，服務員又親切，第一印象掂過半呀！👌喺呢度，我試咗啲經典嘅牛肉串燒，中意佢哋嘅用心 — 每串都燒到岩岩好，外層微焦，帶啲香味，咬落去又彈牙。肉質鮮美，夾埋啲自家秘製醬汁，鹹香得嚟唔死鹹，簡直係「咁撈得」😍！再嚟，啲五花肉當然唔可以錯過，肥瘦比例啱啱好，點兩秒太耐會太肥，點少咗又唔夠香，咁啱好我就識得啲「火喉」，整出嚟啲肉質嫩滑，肉汁充滿，一啖口感到肉香味同碳香味完美融合，真係「正爆」！最後，用咗啲青菜同埋泡菜清下口，響應個招牌奶茶，甜甜地喺口腔留迴啲燒肉嘅餘韻，完！成！美！食！撈！局！😋🎉整體黎講，呢度嘅燒肉真係「出奇制勝」，平民價格，食得痛快，饞嘴又滿足。下次帶埋班Friend嚟開「火」，實行share吓彼此個「燒肉樂」啦！🥳🍖🔥

難得平日放假，去咗銅鑼灣行街，行行吓好肚餓，突然間口痕好想食燒肉，見到呢間餐廳好似好特別，裝飾好吸引，所以就決定入去試吓。餐廳有好多款燒肉可以選擇，亦都可以選擇食套餐，無論係豬肉，雞肉，定係牛肉套餐都有得揀，而餐廳都係主打食牛，有普通到和牛都可以選擇，仲有好多唔同級數嘅牛可以揀，豐儉由人。牛魔王燒肉套餐呢個套餐包括澳洲和牛胸腹，美國牛小排，美國牛頸脊，同埋美國牛版腱。主食揀咗紫菜溫泉蛋飯，用紫菜撈埋蛋黃，配白飯超級好味。呢個套餐最正嘅位係在於可以食到唔同牛肉嘅部位，每一款都有佢唔同嘅特色，鍾意試唔同部位嘅朋友就一定要揀呢款啊！日本A4和牛三角肉牛肉質素好高，基本上係入口即溶，好似食高級餐廳嘅燒肉咁樣，真係好有驚喜！香濃抹茶雞蛋仔焙茶黑芝麻雪糕雞蛋仔超級香脆，亦都又超濃嘅抹茶味，而雪糕係本地品牌嘅芝麻雪糕，兩種配埋真係好夾！

中午想食燒肉，真係食過翻尋味╴係銅鑼灣區以燒肉黎講係較經濟，叫個午市套餐+多半份肉，有埋飲品甜品，埋單價都係百幾蚊。今次經apps 點了以下食物：牛迷之選(美國牛胸腹+牛板鍵)配生菜及4款享受(美國牛胸腹+日本新潟雞爽肉+南美洲牛舌+西班牙豚五花)配紫菜珍珠米飯，每個套餐均會配給麵豉湯，飲品(今次叫左樽裝汽水) 、雪糕，仍然有半價優惠加多半份牛小排及日本和牛。今次兩人共用一爐，位置唔算夠唯有輪流燒，肉類品質維持高水準，可惜個米飯粒較硬，唔係好岩食。態度親切有禮有笑容，上餐速度又夠快，讚讚讚!!!

成日心思思想食燒肉，行經銅鑼灣見下午茶有半價就諗都唔使諗即刻入去食返餐。呢間全日都唔收加一，加上下午茶時段半價，真係幾抵食！同友人點咗一個日本A4和牛三角肉同宮崎A4和牛牛肩胛套餐，配紫菜溫泉蛋飯，有埋沙律同枝豆，都好豐富。調味料都好充足，好多款醬料任揀，啱食仲可以買埋添，又俾佢諗到😂食燒肉就梗係飲啤酒啦，不過友人唔鍾意飲酒，就叫咗支裝忌廉。和牛牛肩胛勁肥美，油花滿佈，燒嘅時候勁香牛味，用嚟配飯一流！塊肉厚到好似午餐肉咁，正！和牛三角肉就冇咁多油脂，肉質感較重，唔鍾意食咁肥嘅朋友仔就可以叫呢款啦！另外要讚吓個紫菜溫泉蛋飯，加埋個燒肉汁，可以食幾碗！見佢咁抵食，忍唔住追加咗個美國牛頸脊，好香牛味，而且肉質鮮嫩，又係送飯一流！

銅鑼灣眾多餐廳之中想食燒肉近近地就可以黎呢到試下😋主打牛肉但都有好多部份海鮮同日式燒烤小食都可以燒添！例如燒菠蘿，蕃薯仔，芝士年糕等等！第一個燒肉餐叫左美國牛胸腹+美國牛板腱+南美洲牛舌套餐，配生菜，沙律同CocoBerry雪糕。第二個就美國牛小排＋美國牛板腱套餐美國牛小排+美國牛板腱配紫菜溫泉蛋飯，日本枝豆同日本泡芙😍配菜可以揀麵豉湯，枝豆或者沙律，感覺上比其他燒肉店前菜選擇多左🫣而甜品都可以之後叫店員上或者即刻食添👍🏻扇貝超級鮮甜真係超級好味！冇諗過燒肉店都可以食到海鮮🥹芝士年糕燒完表面脆脆地入面濃郁芝士味真係好正呀！今川燒有奶黃同草莓餡可以揀，我同朋友都揀左奶皇味，甜度適中真係好食😋肉質方面脂肪分配平均而且燒完都有甜甜嘅燒烤汁好好味🤤而且仲有好多汁可以揀，多到眼花撩亂呀簡直😂ps.除左燒肉其實餐廳仲有丼飯可以食😍最後環境方面都幾大，坐得舒服👍🏻👍🏻午市仲包飲品同唔收加一，平時喺銅鑼灣行完街想食燒肉絕對可以一試呀！

今日午餐時間又到了銅鑼灣揾食！經過燒烤0ne日本燒肉速食店有位喎，就入去試下先！入面也尚大，裝修也簡潔，果然冇令我失望！牛迷之選，有200g美國牛胸腹及牛板腱，一個人慢慢燒，Metime靜一靜,味道也不錯！配上沙律，飯選用珍珠米，飲品有支裝可樂,配燒肉類至正!甜品方面有泡芙2粒！90蚊是值得再試！

今日早放工，見你夠六點，仲係德加時段，就落咗樓下間日式燒肉店，早早地食個晚飯。兩個人叫咗幾樣嘢，性價比極高，自己買材料都未必買到。1）👍🏻👍🏻👍🏻宮崎A4和牛牛肩胛套餐（$228）套餐包括有：* 100克日本宮崎A4和牛牛肩胛* 生菜（或揀白飯），* 一份沙律（或者枝豆/麵豉湯），* 甜品（雪糕/泡芙）A4和牛牛肩胛一共有八片，攞出來嘅時候做凍冰冰，size都絕不欺埸，油花簡直係冇得輸，放落個爐都勁搶火，一放入口油香十足，無筋超正，入口即融，真心推介2) 澳洲M8和牛嫩牛胸腹套餐 👍🏻👍🏻食物包括：* 200g 澳洲M8 和牛牛胸腹* 白飯一碗（可以揀生菜）* 一份沙律 （或者枝豆/麵豉湯）* 甜品 （雪糕/泡芙）牛肉足足有12片，標明200g，份量足料，入口易咬冇渣唔靭，牛味香濃，性價比高散叫多咗兩樣：3）日本A4和牛三角肉50g ($108)👍🏻👍🏻極之有信心嘅賣相，大大塊只有兩片，包住生菜入口，口感滿滿，充滿油香，大滿足4）海鮮三皇 （$108）👍🏻👍🏻👍🏻入邊有好Q大虎蝦，扇貝和日本甲羅燒 虎蝦真係有我隻手掌咁大，扇貝上枱時候凍冰冰，特別要讚一讚甲羅燒，大大嚿蟹膏放響蟹殼上面去