燒肉ONE

營業中

休息中

日式速食燒肉店，價格親民貼地，體驗新奇有趣。美國牛小排+牛板鍵套餐每個座位面前都有細細個燒烤爐，火力可自由調節，方便易用。牛小排的油花分佈均勻入口柔軟甘甜，牛板鍵則較為有彈性，肉味濃郁，配上溫泉蛋紫菜飯增添風味。首次落單如果追加單點肉類仲有半價優惠，點可以放過！加咗個澳洲M2西冷扒，肉質鮮嫩juicy，半價之下性價比好高。壽司燒套餐店員把甜醬油湯底放到爐上。湯底份量不多，但無須加湯，保持濃味，煮烏冬時會索晒啲精華。牛肩胛捲成一卷，每片肉質厚實卻又軟嫩。我加碼美國牛頸脊，牛味濃，就算湯底甜都冇蓋過牛味。本身會跟娃娃菜、芝士竹輪，甜品+$8黑糖慕絲，成個set好多野食，更冇諗過一個人都可以食到壽喜燒！除咗肉類仲有海鮮類選擇，叫咗個甲羅燒，燒大概3-4分鐘再攪拌均勻就食得，燒完香味不斷湧出來，餸飯食一流！

同事介紹我食尼間一人燒肉店，話lunch 食最貴都係70蚊，性價比超高！於是我就約左男朋友收工過黎試下尼間燒肉店🤭套餐種類繁多除咗一般既豬、牛、雞之外，仲有一人壽喜燒😂唔怪得知咁多人食，而且醬汁選擇都好多有10款左右 ，真係一間可以滿足唔同人願望既燒肉店.❗️溫馨提示 每個座位隔離都有一個QR code，大家可以跟返自己嘅QR code黎落單，因為餐盤比較重，送餐時會方便同事知道邊個坐位，減少意外發生。✨Yebisu 惠比壽啤酒之前食居酒屋試過尼款啤酒100％麥芽製造既啤酒，飲落好香麥味，口感濃厚，未試過既朋友可以一試。✨套餐E (西班牙豚五芯、亞洲豬頸肉、日本新瀉雞爽肉) 300g 一次過滿足哂三個願望既套餐，300g 都係$148‼️真係抵食架🤤🤤雖然好平但肉質一D 都唔劣架，豚五花肉質軟化，豬頸肉外脆內軟，雞爽肉肥瘦適中有嚼口，食落肉汁多，日本雞真係好好食🤭另外再加購左紫菜溫泉蛋飯🥚🍙，配埋肉食一流！✨套餐H (美國牛板腱、美國牛頸脊）200g $148左上係牛頸脊，石下係牛板腱，依兩個部位都唔係以油脂作為賣點，牛頸脊脂肪唔多，油花適中，有咬口且爽嫩。牛板腱筋就較多，肉質感覽厚實一點

“美國牛小排+美國牛板腱套餐”($148/200g)“西班牙豚五花+亞洲豬頸肉+日本新潟雞爽肉套餐”($148/300g)宜家愈開愈多一人燒肉店🔥價錢實惠啲所以間唔中都會食吓😝今次去咗銅鑼灣開冇耐嘅燒肉ONE😋我地叫咗2份set share😆一份係美國牛小排+牛板腱🐮一份係豚五花+豬頸肉🐷+雞爽肉🐔另外仲用優惠價追加咗牛舌+牛胸腹咁樣就可以一次過食齊哂豬牛雞🤣每個套餐仲會包一碗白飯/生菜+沙律/枝豆亦都可以加錢轉做溫泉蛋紫菜飯😍呢道仲有個特色就係調味醬汁超級多😝想試哂每隻味都有難度🤣肉質品質正正常常😚當中牛舌幾唔錯☺️店員行過都會幫你較吓個火,幾貼心

上星期見到新店推介銅鑼灣黃金地帶有一間新開業嘅日式燒肉店，重點係開業優惠下午茶都只係$38起，雖然我地今日係嚟食晚餐，但晚市套餐連前菜、甜品都只係$68 起，單點項目有齊牛、雞、豬、大部分都係$50內有交易🤩🤩，無論係份量定質素都對得起個價錢，性格比超高👍🏻👍🏻平日晚市都全院滿座，座位方面就分雙人爐同一人爐，如果想嚟獨樂樂速食燒肉，咁燒肉One 就係一個唔錯嘅選擇😉我地兩個人就諗住單點可以揀多幾款肉類試，用QR code 自助落單後就可以先調醬汁😌因為淨係醬汁都有超過10款，大辛、中辛、小辛，連芝麻醬同柚子醋都有齊，放齊係台面任君選擇👍🏻美國牛胸腹 - 又稱牛五花，脂肪豐原且牛味濃，無論係火鍋定燒肉都係必食之選南美洲牛舌 - 牛舌厚度適中，燒烤時間唔需要鬼太耐，又可以保持口感同爽感美國牛頸脊 - 牛頸脊係牛牛活動最高嘅部位，所以脂肪較少，肉味更濃厚日本A4 和牛三角肉 - 雪花紋路明顯，油脂分布平均，和牛牛味最濃，記得要留意火候，烤得好唔好就睇大家功力啦西班牙豚五花 - 五花腩油脂含量較高，燒嘅時候要小心搶火😎油香豐腴超滋味澳洲M2 西冷扒 - 一客有150g 份量足夠兩三人分享，一大

之前番工偷撳電話嘅時候收到朋友WhatsApp 話睇到一間銅鑼灣的烤肉店做開店優惠$29有燒肉套餐，有肉有飯有小菜?!舖頭支援網上取票，但我到既時候都係要等一陣。舖頭係用QR code落單，而且係電子付款，當日都見到有啲老人家唔係好識用，但係啲職員都好幫手上菜速度還可以，因為個日新開張第一日人超級多，而且每個人用餐時間只有45分鐘。除左$29套餐以外，仲可以用半價追加一份肉，我追加左一份牛肉，但感覺仲係有啲唔夠原價追加左一份雞爽肉，雞爽肉好好食💓💓老實講，以岩岩一開店$29呢個優惠價錢真係冇嘢好挑剔。牛肉有啲薄，冇咩味但旁邊有好多唔同嘅醬汁，同埋鹽你可以自己加雞爽肉真係超級推薦

依家去食燒肉，唔使一定要約埋一大班朋友，一個人都可以好好enjoy燒肉嘅過程餐廳座位都好寬躺，就算一班人過嚟，都有啲四人枱，唔使同人哋share一張大枱，燒肉嘅選擇除咗牛肉，仲有豬肉，雞，海鮮，想打邊爐仲有壽喜燒選擇枱面上邊已經放咗大約10支燒肉汁同埋柚子鹽，綠茶鹽，俾大家自由調味今日我哋叫左兩個一人套餐，美國牛胸腹+牛板腱+南美牛舌套餐（250g) $148，加$28可以有溫泉蛋紫菜飯，牛胸腹油花旺盛，肉質肥美，入口嫩滑，牛板腱肉味較濃，肉嘅顏色粉嫩，證明好新鮮，牛舌質感非常爽口，唔會太乾仲加咗兩蚊叫咗三粒泡芙，裏面係忌廉餡，超抵食✨美國牛小排+牛板腱（200g) $148牛小排位於肋眼下方，油脂分布均勻，肉質柔軟甘甜，用嚟燒烤最適合不過餐廳而家仲做緊優惠每個套餐可以半價加一份燒肉✨日本和牛A4三角肉(100g)$54和牛屬於罕有部位，油脂分明，但係食落唔會有好重嘅油膩感，每邊燒10秒就食得，入口即溶✨澳洲M2西冷扒（150g)$84澳洲和牛喺日本黑無毛牛和美國黑安格斯牛配種而成，特色係牛味比較濃，又可以減少和牛嘅油膩感，肉質好嫩滑✨汽水$12套餐加配$12就可以加支樽裝汽水🥤，燒肉

食日式燒肉通常都比較貴 今次同大家介紹嘅係一間抵食嘅一人燒肉🫢 所以晚市時段都可能要等位㗎😗 我哋嗌咗兩個套餐 一個係F餐 美國牛胸腹+美國牛板腱+南美洲牛舌套餐 另一個係I餐 美國牛小排+美國牛板腱套餐🐮 啱晒我呢啲牛魔王肉類美國牛小排 紋理分明 牛味出眾🐮 美國牛板腱 牛味濃郁 份量充足😗 美國牛胸腹 充滿油香 肉質肥美☺️ 南美洲牛舌 口感軟腍 👅 每個餐仲可以半價額外加肉㗎😗 日本A4和牛三角肉 半價加配 牛油味香👍🏻 亞洲豬頸肉 外脆內軟 爽口彈牙🐷配菜 有飯或者生菜揀🥬 我地嗌咗一份紫菜溫泉蛋飯同埋生菜😮 紫菜溫泉蛋飯淨係個汁同面頭嘅紫菜已經好好食🤤 生菜就感覺好清新 想食得輕盈啲可以選擇呢個前菜或甜品有好多款揀 我就揀咗沙律同日本泡芙😻 泡芙去到最後先食都唔會融晒啤酒仲有優惠添呀 50蚊兩罐咋😝 我地揀Asahi同埋Suntory The Premium Malt‘s🍻 同友人各有喜愛整體嚟講 想食個快靚正嘅燒肉晚餐 呢間餐廳絕對係你嘅選擇之一啊🥰

銅鑼灣SOGO後面呢間燒肉店，就啱晒啲唔想食太大份量，又想過吓癮食燒肉嘅人😙一人一個set，揀想食的肉類，又有飯/沙律、小食。我哋叫咗兩個set，可以半價再加多1分肉👍🏻食靚少少有日本A4和牛三角肉，油脂多啲靚啲，所以燒起上嚟個火都勁啲🤣牛舌都推薦，一碟仔都有幾多塊。牛小排肉質幾腍，本身有啲燒汁味道都唔錯。加左兩隻扇貝，好大隻好厚肉😍套餐個飯可以加錢轉紫菜飯，或者好似我咁要左生菜，包住肉食，無咁肥膩😛🔸美國牛胸腹+美國牛板腱+南美洲牛舌套餐🔸美國牛胸腹＋美國牛小排套餐🔸扇貝2隻🔸日本A4和牛三角肉🔸日本新瀉雞爽肉🔸日本枝豆🔸日本伊右衛門抹茶玄米茶📍#燒肉ONE (#銅鑼灣美食)銅鑼灣東角道26號怡安大廈地下1-3號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_銅鑼灣

前排去開銅鑼灣總統戲院睇戲，經過呢間位於世貿對面嘅日式燒烤店，俾佢非常有日本特色嘅門面吸引咗，就一於試吓啦！餐廳裡面係貫徹日本燒肉店嘅風格，地方雖然唔係好闊落，但係就好熱鬧！呢度係主打一人前嘅日式燒肉，除左可以食燒豬、牛、雞肉之外，都有一啲其他嘅熟悉，例如丼飯、串燒等等，最緊要嘅係價錢合理。由於係qr code用電子menu落單嘅緣故，我無影低度我當晚就order左加大份（200克）嘅牛小排+牛板腱（$217）套餐：前菜可以選沙律、枝豆等選擇，後者係我最愛，梗係要order啦！飯係標榜日本產嘅米，可以選擇多飯少飯，也可以加錢轉紫菜飯。牛肉好新鮮，油脂分布平均，而去份量都夠！見隔離位order A4和牛好吸引，忍唔住都跟佢一齊叫！係呀係呀好彩原來跟慘叫可以第一份半價額外order，50克A4和牛都只係$54咋，超抵！甲羅燒只係$49，好划算。蟹膏好香，燒黎食一流！飲品+$15，可以order日本茶。解膩一流

一開始係比佢嘅門面吸引入去😂因為實在太搶眼喇！🤣但食完之後令我想再食多次嘅就一定係佢嘅味道😋😋枱面上已經準備咗唔同嘅日式醬料，就算同枱唔同人有唔同口味都冇問題👍🏻我哋兩個係叫咗兩個唔同嘅套餐，一個叫咗日本和牛，一個叫美國牛小排，最抵嘅係可以用50幾蚊嘅價錢再加添一份和牛，最後仲叫咗個甲羅燒😋二選一一定係叫日本和牛，油脂分布好均勻，入口即溶，超級好食，完全唔似只係賣二百幾蚊，仲要有飯同埋小食附送，仲可以俾你揀少飯，啱晒女士可以食少啲飯食多啲肉🤪🤪另外甲羅燒撈紫菜飯食又係一流。小食方面加咗個泡芙，都係平時食開嗰隻日本泡芙，但只係加兩蚊，真係超值！仲要好貼心，每人都會有一杯水，係熱飲杯嚟嘅，隨時可以拎佢嘅綠茶粉嚟沖茶飲，或者自己係水機加水，真係抵讚👍🏻最後兩個人食咗咁多嘢都係$500，性價比真係極高，位置又方便，一定會再嚟過！

邊個話食燒肉一定要約朋友食架，自己食都可以好盡興架！！（雖然我今晚都係約左朋友黎😂）我自己好鍾意呢度嘅一人燒肉主題，所以點都黎幫襯支持下～～我地一人嗌一份套餐再另加肉同菜，總之就嗌到成枱都係😛一人一爐食得超方便！爐嘅旁邊仲set up左個轉盤放置各種燒肉汁辛辣汁等等～套餐K:日本A4和牛三角肉 (和牛果然油花紋理細緻，入口即化嘅口感無可匹敵！）套餐E:西班牙豚五花+亞洲豬頸肉+日本新瀉雞爽肉 (每款肉各有3-4塊，呢set係特別平但肉質都夠鮮嫩，非常抵食！）套餐有跟飯同野飲,我地都係揀紫菜溫泉蛋飯，野飲我嗌左個茶味啤酒，好特別架又唔高酒精濃度，味道我會形容為平時嘅麥味變左做茶香咁。另加嘅肉有美國牛小排&南美洲牛舌，仲有秋葵同生菜，食左咁多款肉真心都冇伏！抵佢咁多人幫襯👍👍

首先點解我覺得呢度好特別,係因為呢度又可以燒肉又可以壽喜燒但係如果兩個人用一個爐嘅話，就要留意同一時間係唔可以又燒肉又壽喜燒，所以要食完燒肉再食壽喜燒，呢個體驗都幾有趣，朋友之間又可以互相share食嘅食牛胸腹牛小排套餐+紫菜溫泉蛋飯覺得牛肉的質素比想像中好， 肥瘦適中而且重牛味， 食完一塊會再想食一塊紫菜溫泉蛋飯打三隻蛋撈埋啲飯，食真係冇得頂因為真係 食完飯想再食一塊所以有叫多咗幾份 其他肉類五花腩、豬頸肉、雞肉、腸仔、 秋葵第一次燒秋葵，感覺都幾搞笑， 冇想像中會淋patpat，仲係好爽，但係面有一點焦香 食完壽燒肉就食壽喜燒， 直接喺個爐上面加咗一個鍋， 同樣呢一個 美國牛胸腹肉都係好重肉味配埋偏甜嘅湯底係唔需要再加其他調味料另外嗰嚿獅子狗裏面係有一層芝士夾心，所以好好食呢度另外有一個特別係枱中間有一大盤醬汁， 淨係燒汁都有好幾款有中辛、甘口、大辛， 又有芝麻醬同其他不同的醬油好想試曬所有醬汁，但是真的試唔曬我始終覺得芝麻醬+牛肉係絕配整體店舖環境都算很乾淨， 座位之間都唔算好迫店舖價錢唔貴，所以都幾多人，都要等一陣位兩個人大快朵頤，捧著肚子離開下次經過再試下其他燒肉

朋友介紹銅鑼灣有間新開的燒肉店,主打平價燒肉,一人一個爐,套餐式點菜,就算臨時找不到飯腳,都可以自己享受燒肉的滋味。店內環境都幾寬敞,而且出奇地油煙味並不多,可見店內的抽風系統都幾好。以手機落單形式,可以自己慢慢睇慢慢揀,不用擔心叫錯或寫錯。跟朋友各自點了不同種類的套餐share,另外又單點幾款肉類，因為每個套餐可以另外用半價加購一款肉。等待上菜時,已經在研究哪款醬汁及調味料比較好味,一整盤應該有數十款,還是喜歡甜味的燒肉醬汁。先來日本A4和牛三角肉套餐,真的要提提大家,這款和牛三角肉油脂極豐富,所以非常之搶火,一不留神都幾易燒焦,但只要燒得剛好的話,入口還是會食到鮮甜的肉質。另一款套餐是西班牙豚五花+亞洲豬頸肉+日本新瀉雞爽肉套餐,油花適中的豬肉肉質柔軟而無豬臊味,豬頸肉肥瘦均勻入口爽口順滑,雞肉亦相當嫩滑。至於單點的美國牛板腱及美國牛胸腹亦相當不錯,但個人比較喜歡食南美洲牛舌,肉身肥厚,牛味濃郁,質感柔軟。另外,日本甲羅燒亦是值得推介,即是燒蟹膏,燒約7分鐘後香氣不斷湧出,鹹甜適中的蟹膏搭配飯來食非常惹味開胃。提到飯,點套餐時大家可以選定份量,100g,200g,300g可選,無論

《📍燒肉ONE 食評》@ihungry.hk想一個人去食燒肉又怕尷尬😳？唔洗擔心！今日小編同大家介紹一間一人燒肉都OK嘅燒肉ONE，話明燒肉ONE當然係主打一人燒肉啦❤️‍🔥！餐廳提供多款親民價一人燒肉套餐、丼飯、燒肉等，而肉質係來自日本、西班牙、美國等國家，等你一個人都可以食到高質燒肉呀🥰！🔸『美國牛胸腹 + 西班牙豚五花燒肉套餐 - $68』▶️套餐包沙律、日本飯、凍水、任選醬汁來自美國🇺🇸嘅牛胸腹肉質結實帶油筋，而西班牙🇪🇸豚五花肉質淋滑，油帶甘香，加埋粒粒圓潤嘅日本米真係超級滿足！餐廳特別在於可以任選醬汁，包括柚子醬汁、燒肉醬、岩鹽、日本胡椒粉等，揀啱個人口味隨你配搭，總有一款啱你心水🤩！🔸『美國牛胸腹 + 美國牛板腱燒肉套餐 - $68』▶️套餐包沙律、日本飯、凍水、任選醬汁美國🇺🇸牛板腱肉質細嫩，密佈油花，咬落口啖啖肉汁💦！不過小編覺得肉嘅份量真係太少，連小胃口嘅我都食唔飽🤣，如果份量多啲就更加好啦！🔸『甲羅燒 - $48』來自日本🇯🇵 甲羅燒加上蟹肉碎，蟹殼裡滿滿嘅蟹膏非常之濃郁，烤過之後香氣加盛，濃濃蟹味帶點鮮甜，啖啖蟹肉🦀超滿足！🤪iHungry肚餓指數：7/10分

講真我就唔係好熟識燒肉既，不過經常係銅鑼灣打躉，見證住呢間新開既日式速食燒肉店「燒肉ONE」，無理由唔trytry佢咖？呢間主打一人一烤爐既概念，主要快靚正既模式，對於一個新手黎講，值得一戰！👇📌套餐D - $98 ▪️ 美國牛胸腹·美國牛小排 (+$50/200g)▪️ 日本新潟珍珠米飯 - 300g▪️ 日本A4和牛三角肉 - (+$54/50g)▫️ 佢地既牛肉質素好高質，呢個「美國牛胸腹·美國牛小排」套餐非常有驚喜，加左50蚊去到200g，份量對一個麻甩佬黎講，絕對夠食有凸，牛胸腹油花清晰，以薄切就咁快燒，入口肉味濃郁；牛小排色澤均勻，肉質軟腍，好好食；隨餐仲附送枝豆或沙律；我額外加左「日本A4和牛三角肉」肉質嫩滑到入口即化，脂肪同肉既比例係岩岩好，拍得住出面居酒屋質素呀！📌套 餐 G - $98▪️ 美國牛胸腹·美國牛頸脊 - (+$50/200g)▪️ 紫菜溫泉蛋飯 - (+$19/300g) ▪️ 美國牛胸腹 - (+$19/50g)▫️ 另外呢個set「美國牛胸腹·美國牛頸脊」同樣高質，大致上同套餐D差唔多，係唯獨是牛小排轉左牛頸脊，肉質比較上結實少少，較有咬口，而加左19蚊轉左做「紫