燕之家燕窩專門店 (已結業)

101231 星期五 | 買完餅，喺燕之家買咗支燕窩冬蟲夏草 ($23) 回家嘆下午茶，倒落杯飲，水汪汪無料嘅，飲落口就只像有少少甜的水咁，雖然瓶上的label寫著材料有水、冰糖、燕窩、松茸、北冬蟲夏草和冬蟲夏草，不知道後兩者有甚麼分別，但係是否真材實料，作為消費者，都不知道從何查究，唯有相信她的商譽吧了。

101003 星期日，媽媽喜歡食燕窩，買盒燕窩糖氹佢，話係孝敬老人家，其實自己有份食，個盒裝潢幾名貴，打開個盒睇一睇，內裡只得十五粒，共有五款果汁味，士多啤梨同蘋果，提子、荔枝和檸檬，糖裡隱約有小粒，好似燕窩嘅物體，食落款款差唔多，煙煙韌韌好嚼口，粒粒都係少少甜，酸味蓋過果汁味，荔枝、檸檬味較濃，其它果味食唔出，跟一般果汁軟糖，其實差唔得幾多，送禮俾人幾好睇，自己食就唔化算，未試過就心思思，試過亦不外如是。