燕萍越南餐廳 (已結業)

成日去附近食飯，但都未有機會幫襯，噚晚終於試咗喇。可能係我吔幾個肥腫，覺得座位窄咗啲。但食物好味吖。雞翼大大隻又脆。啲粉、咖哩同嘢飲都正。下次要食牛肉醋鍋，好似幾得意咁。

因工作關係，星期日午飯時就選了這間頗有特色的越南餐廳吃，吃的只是簡單一個茄汁牛腩粉，茄汁頗開胃，牛腩略為硬身，整體不俗，下次再光臨。

牛油雞翼係好好好好味!! 食過最好味的! 每次諗起都好想去食, 但係可惜好肥...另外, 原個椰子焗飯/ 海鮮焗飯都好味.虾餅只係普通其實佢o的食物真係又平又抵食, 20幾蚊一碟卷物, 30幾蚊有湯粉; 40幾蚊有6只雞翼... 好過好多只有裝修的餐廳. 雖然是茶餐廳格局; 但是每次去食都係純粹因為食物好食, 而非賣相或門面, 很樸實的一間餐廳.

開咗咁耐一直都未來過呢間因為次次來親都係隔離間清亭坐爆然後燕萍就出來拉客直覺主觀上都覺得係清亭好食啲所以次次都死等清亭都唔幫襯呢間但今次食完先發現其實差唔得好遠兩個人食了1)牛油雞翼2)豬扒撈檬3)濱海4)炒通菜5)咖喱雞飯雞翼唔錯夠晒大件香脆四隻每人兩隻...(肥死)撈檬不過不失個魚露太酸同埋得個酸冇咩其他味濱海唔錯如果皮薄一點更好咖喱雞都算OK 飯腍了點(本人鍾意爽)炒通菜唔多油兩個人食咁多野梗係飽但都係$180 算幾抵啦

星期六同2個best friend黎呢度食lunch, 2點半左右都唔使等位, 叫左:三絲撈濛: 幾清幾好味, 食完唔係太飽, 但係就可以留肚食其他野.牛油雞翼: 好好味, 好脆, 但係食得多又有d膩, 好彩我只係食左個三絲撈濛咋!我朋友叫左炸蝦餅撈濛同豬頸肉撈濛, 我'痴'左d黎食, 覺得個蝦餅麻麻, 豬頸肉就ok.野食同環境都幾好, 不過係d野食就等得耐左少少.

同女友來食，食完去行花市。叫左2人套餐$168。加$8唔要甜品要兩杯野飲。蒸粉果幾好食呀，牛油雞翼都好食，豬扒OK不過無乜特別。鍋什錦檬粉唔錯，不過兩個人食唔晒。小心檬粉好索水，初初食時唔好飲太多湯。好在佢地肯加D湯俾我地。炒菜熱辣辣上枱時好好食，只不過之後凍左。最正係兩杯野飲：凍鹹桔梳打同熱青檸蜜。真係好好飲。星展信用卡有九折。

1.招牌牛油雞翼-- 一咬落去只feel到漿粉&油，唔香唔脆油淋淋，失敗!2.蒸粉皮--極少料，粉皮綿胎咁厚，一D都唔爽滑!3.生熟牛肉湯河--牛肉ok，粉烚烚，仲衰過超市即食河粉，湯底更加重味精!由開業到現在，質素每況愈下，簡直當消費者白痴，垃圾劣菜!!!

對上一次食牛肉湯河,今次的春卷同香茅豬扒檬粉都不錯!只係d醋甜左d!仲有那碟蒸粉卷,有點失望,d皮太厚+肉碎少+得一塊扎肉仔伴碟!但overall幾好+抵食!d伙計有時企得太埋+忘記添茶

行完貓展,想食越南菜,醒起這兒評價不錯,攞住幾袋嘢都要到銅鑼灣同人迫下,感受下節日氣氛。估不到這裏人氣都幾旺，只是6時許巳有一半坐滿。餐牌太多選擇,見有二人餐,叫了$168的。另外散叫牛尾湯。套餐有小食拼盤,包括春卷、炸蝦片、扎肉、粉卷等，兩支庶蝦、越式炒飯及甜品。牛尾湯完全是牛肉湯河的湯底,加兩件牛尾。感覺像喝味精湯。拼盤都要不得,春卷不脆、粉卷無味,完全無新鮮的感覺。蔗蝦都好少少,蝦肉彈牙,熱熱的,起碼是新鮮炸起。炒飯除了加左扎肉粒及臘肉外,與一般炒飯無異，又無'獲'氣。甜品是眉豆糯米。以為有啲特色,點知甜到漏,我們吃了一口都停了。幾經反省,看來我們叫套餐是失策的。其他人多數叫加喱、蒜蓉包、牛油鷄翼,都食得津津有味，只有我們食到苦口苦面。無論如何,我都決定不會再到此店了。

今日返工前11:20左右同老表到此食lunch,要左2個lunch set$45,1個要左春卷,豬排金邊粉,凍咖啡.另一個要左,蒜茸包,椰水鹵水魚飯,薄荷嗒子.推介春卷,豬排,蒜茸包,凍咖啡.椰水鹵水魚飯就一般,味道似鹵水但無咁咸.薄荷嗒子則十分難飲.服務仍然keep到水準,$90埋單,抵食既!

其實呢間同清亭既食物分別唔大，但呢到就坐得好好多，而且無清亭咁迫你order迫你走。所以我通常都會來間。呢度既食物都不錯，不過味精就好重手，食完好口乾。上個星期六下午3點幾來，無乜人，服務都唔錯。叫咗個牛油雞翼，今次比上次少蒜泥，但都好重蒜頭味，而且食完第二日啲味都仲係個口到。牛肉粉ok - 啲湯淡啲。不過叫咗個牛柳粒紅飯，46蚊，啲飯ok，但係啲牛柳粒就好細粒，似牛肉碎多個牛柳粒，跟本就食唔到係牛柳囉。而且啲汁好普通，點睇都唔值46蚊。其實呢到食野唔係咁平，可能係銅鑼灣舖租貴既關係。

今日幫同事系度買外賣,要左2個lunch set$45個,咖哩雞翼飯,春卷及紅毛丹冰,另一個要香茅豬排檬,炸蟹餅及雪鴛鴦.咖哩雞翼飯---咖哩汁太稀!4隻雞翼都幾入味.春卷---2大條,夠乾身,味道不錯!紅毛丹冰---吾得,味道偏淡!香茅豬排檬---豬排頗入味,但吾夠juicy.炸蟹餅---保持水準!雪鴛鴦---亦系水準之作!

今日lunch12點黎左呢度食,入去前侍應見到我拿住把縮骨遮,立即幫我用個膠袋仔入住,咁既service酒店都未必做到!入到去環境都吾錯,冷氣充足,座位濶落,四正!我叫左手$45lunch,自選3款,我捒左咖哩黃鱔飯,炸蟹餅,滴滴咖啡咖哩黃鱔飯---味道不俗!微辣,幾正宗!黃鱔頗爽口!炸蟹餅---炸得夠乾身,蟹餅夠實,口感不錯!滴滴咖啡---必試!咖啡濃郁而不澀不酸,絕對系高水準之作!埋單$45無加一,值得一試!

20050817 7pm男朋友放工後同我食飯, 我想食越南o野, 順手去附近睇下貓仔, 佢無異議, 清亭門口的女人太pushy 勁煩, 我最怕, 講真兩間水準差無幾, 都係過返o黎燕萍.吸煙區響舖頭最埋邊, o的位比較細.2人order-* 牛油雞翼x 4隻- 其實唔係好明點解無兩隻order? 4隻係好勉強情況下先食得晒. 牛油味不太出但係即炸點都唔會太差o既.* 蝦醬通菜x 1 - 男友指定話要, 通菜新鮮, 蝦醬則落得太多, 不過都係好味, 有鑊氣.* 生熟牛肉河(大) x 1 - 竟然相當有水準! 本來無expectation 之下居然十分唔錯, 湯底好重肉味, 牛肉又多兼且大大塊.* 香茅豬扒飯x 1 - 飯太軟, 豬扒不俗, OK.* 鹹檸梳打x 1 - 我的消滯首選.* 青島啤x 1overall o黎講比起上一次o黎幫襯好o左, 上一次就九成都係整定, 今次我地早o黎, 就有即整o野食. 不過同時間好似個價錢貴o左.埋單約$180, 唔錯唔錯.

兩個人去,坐得好迫,叫多d d 野食都唔會夠位擺o個隻,想坐得舒服呢度絕對唔會考慮論食物,好多人都話呢度牛油雞翼好食,叫左四隻....無咩特別,食淨一隻,老闆(?)見到就話不如比個紙袋我地帶走,唔好o徙丫嘛,又話佢地呢度最出名就係牛油雞翼呢.....盛情難卻,雖然唔識欣賞,不過本住唔好浪費,就帶番屋企比其他人食.....不過o個晚番到屋企,瞓到半夜起身嘔!!我bf 同屋企人都無事呀....一致裁定,係我一個人食o個碗茄汁牛肉河太油了!(味道幾好,不過又真係幾油o既)