營然 (已結業)

近排因為準備結婚睇場嘅野所以成日都周圍去，今次就去左北角海逸君綽酒店睇場，睇完之後行過見到有間餐廳主打健康營養餐，於是乎就試試佢，睇下同平時食開果比較係咪真係健康D呢度D 餃子全部自家製，每粒都包得好飽滿，超級足料老火湯非常清甜而且飲落唔會太鹹或者飲到有味精，感覺好有屋企FEEL麻辣手撕雞好入味，肉質唔會話太淋或者太韌無花果雪梨蘋果茶呢度每日都會有唔同嘅餃子款式，今日就係雞肉餃子呢度仲有唔同嘅健康食品可以比客人買返屋企TIM

今晚唔想煮飯，想食水餃。知道屋企附近有間食湯餃嘅餐廳開咗，一直都未有機會試，所以趁機去食下。一入到去“營然”就覺得係健康 home cook feel嘅菜式。菜單簡單易明，主打湯，飯，麵，水餃。我同老婆兩個人啱放工都幾餓下，於是叫咗一個口水雞飯套餐同一個雙拼餃子套餐。各自都有跟嘢飲，另外我哋嗌咗一人一碗是日老火湯 - 粉葛赤小豆豬骨湯同埋菜心。啲嘢食一來到我真係哇咗一聲。好多呀！絕無呃秤！估唔到個水餃同麵係多到要分開碗上㗎！試一試個湯，好濃！而且飲落無味精，似係阿媽煲嘅湯個雞都幾嫩滑，唔會過老 餃子我哋叫咗兩款， 韭菜豬肉同埋蟲草花豬肉餃。兩款都好juicy,而且唔油膩！個素麵索咗啲湯，清清地但好好味！平時夜晚我好少食澱粉，但忍唔住成碗麵食晒！菜心無多餘嘅油分，真正係食得健康。飲品方面我就揀咗經痛救星茶療，甜甜地，飲完個身暖笠笠，好舒服  老婆嘅無花果雪梨蘋果茶我無試，因為佢好快已經飲晒。咁證明都唔差得去邊掛！其實仲可以加好多唔同嘅小食，但我哋真係太飽，唯有留返下次。呢間餐廳細細地，但勝在價錢實惠，而且食物健康無負擔，真係好homie feel! 好warm! 

第二次來呢度，同上次一樣叫雙拼餃子加個湯，不過今次揀老火湯唔揀燉湯，因為上次試過冇味。老火湯本身單點$30，但跟餐只係加$15，所以係非常抵嘅。今次點了韭菜餃拼蟲草花餃(10隻)，而是日老火湯係青紅蘿蔔豬骨湯，一共$64。先飲啖湯，係非常清甜而且飲落好舒服，唔會太鹹或太重味精，仲大大碗，讚 不過餃子就認真麻麻，粒粒都睇落好似幾靚仔幾飽滿，但韭菜餃入面無乜肉而且比較重味同鹹，而蟲草花餃就比較乾。其實上次啲餃子都一般，但好似好過今次 🤔 其實佢地仲有飯麵餐，下次可能試下手撕雞餐。

天氣好乾燥，夜晚食飯想飲番啖湯水，滋潤一下。喜歡北角區一帶，因為總有一間平民小店在附近。今日揀咗位於炮台山站AIA大廈後面嘅「營然」，睇個名都知道係主打健康有營養嘅菜式。好彩早咗到，晚飯時間都差不多座無虛席，人流都去得很快，大家都是想來食個家常便飯而已，亦都有好多人專程來外賣餐廳有五款餃子，餃子套餐$42-$59不等，加$8仲可以配粉麵，一向為食嘅我就忍唔住叫咗個雙拼餃子10隻加上海麵，加一杯桂花雪梨茶夠晒滋潤啦掛！餃子大大隻，咬落仲好juicy，皮嘅厚度適中！飯餐也只是$40多元.....跟餐加燉湯才$28，今日是日燉湯係蟲草花淮山杞子燉豬展，呢個湯水有助健脾同明目，啱晒我哋呢啲上班一族手撕雞飯好食到停不了口，入口嫩滑有雞味，味道亦好惹味，送飯一流！我諗如果叫麻辣一定更惹味，下次一定要再來再加$26-$28仲有一個小食，涼拌皮蛋豆腐，真係好抵食。小小的店舖卻有一份暖暖嘅心意！

話說之前去埃及，差唔多日日都食自助餐，就算天生麗質，都會肥咗少少咁囉！返到嚟香港，當然要得輕營啲，咁先可以keep住我魔鬼身型㗎嘛！今日，就去北角營然，主打健康飲食。雙拼餃子 - 香菇粟米豬肉水餃 + 韭菜豬肉水餃全部餃子自家製，包得好飽滿，超級足料，配上高湯，清清地，好健康。餃子皮雖然有啲厚，不過口感一流。一食落口韭菜豬肉水餃，就有好香濃嘅韭菜味，食得出係新鮮包起，十分爽口。另外，香菇粟米豬肉水餃味道豐富，濃郁香菇加粒粒甜粟，真係無得彈！麻辣手撕雞飯手撕雞撕到一絲絲，肉質嫩滑，雞味濃郁，配埋惹味麻辣油，十分醒胃，食多碗白飯都得！無花果蘋果雪梨雪耳燉豬展呢個燉湯一啲都唔馬虎，原盅燉，切粒蘋果雪梨加雪耳，十分足料，入口清甜潤喉。檸檬薏米水 + 羅漢果菊花茶兩杯自家製飲品都無添加糖，非常健康。薏米水十分足料，粒粒薏米，清熱祛濕，再加埋檸檬，有助美白，正！羅漢果菊花茶好香濃羅漢果味，清熱止咳一流！

係咁多商業大廈嘅當中，呢間小小嘅餐廳都幾特別，雖然地方唔係好大，坐都要比較close，但勝在佢嘅野食真係好健康，好舒服。麻辣手撕雞撈麵$49佢嘅醬汁真係嚇親我，非常之入味，完全唔會話太假太刺激，啱啱好，而肉質係好自然，唔會話林到爛晒，仲keep住有咬口，再配上波菜麵，味道就剛剛好，惹味得黎又唔會話好大負擔，仲好營養添！除咗麵食外，仲會有餃子同湯品，餃子食落好包滿，勁足料，再加埋配上嘅高湯，清清地反而食到餃子配料嘅味道。而湯每次都唔同，飲落真係好足火喉，好舒服好保。

朋友早前去咗旅行，講到好好玩，風景又靚，搞到我都想八卦一下，今晚就約咗喺朋友公司附近食飯。我去咗朋友公司一齊去搵地方食野，原來炮台山附近都有好多嘢店，經過見到呢間小店有餃子食，見價錢又幾抵，就入左去試下。主打豬肉餃子，有韭菜、白菜、香菇粟米、芫荽、蟲草花不同款式的餃子，餃子好大隻，超級飽肚。仲有手斯雞、蔥油雞飯！D雞好滑，蔥油又好味，送飯一流。本來想叫燉湯，可惜賣晒，好在仲有老火湯，超級大碗，好甜，足料。另外叫咗個涼伴豆腐，好滑呀！服務員話啲飲品好好飲，果然係冇介紹錯！😋

係咁多商業大廈嘅當中，呢間小小嘅餐廳都幾特別，雖然地方唔係好大，坐都要比較close，但勝在佢嘅野食真係好健康，好舒服。麻辣手撕雞撈麵$49佢嘅醬汁真係嚇親我，非常之入味，完全唔會話太假太刺激，啱啱好，而肉質係好自然，唔會話林到爛晒，仲keep住有咬口，再配上波菜麵，味道就剛剛好，惹味得黎又唔會話好大負擔，仲好營養添！除咗麵食外，仲會有餃子同湯品，餃子食落好包滿，勁足料，再加埋配上嘅高湯，清清地反而食到餃子配料嘅味道。而湯每次都唔同，飲落真係好足火喉，好舒服好保。

味道不錯。吃了韮菜餃。餃子不油膩也沒有過多肥肉。湯餃湯底好味而且仲有幾條青菜及香蔥。十分健康。當得起個「營」字。鋪仔細細其實可以放到客人枱上。就不會搗到樓面塞住咁多人。客人拿餐有可能做成危險。湯也十分住家。真材實料。見得到燉湯是用了十分瘦的肉燉。仲有菇菌。湯應該沒有加味精。飲時仲熱辣辣。剛開張時幫襯過一次。過了幾個月而家第二次再食。發現餃子竟然好似大粒左。是個小驚喜。(因為第一次幫襯時覺得餃子好似細咗啲）繼續努力！

嗰日約咗朋友，朋友想食啲健康嘅嘢，公司附近有一間餐廳啱晒佢要求。餐廳位於北角，鋪頭唔算太大，環境十分整潔。是日餐湯同燉湯非常吸引。仲有餃子套餐，手撕雞同其他小食，飲品亦非常吸引。洛神花山楂，酸酸地非常開胃。無花果雪梨蘋果，非常清新嘅配搭。蕃茄薯仔湯，湯味濃郁，茄味香濃。是日燉湯紅棗杞子猴頭菇，火候十足，材料豐富，飲落十分滋潤清甜。麻辣皮蛋豆腐，豆腐嫩滑，配合皮蛋獨特嘅味道，加上麻辣味非常刺激。番茄豬肉餃子同香菇粟米豬肉餃子，餃子皮薄，而且餡料十足，肥豬肉相對比較少，再配上口感彈牙嘅菠菜麵。口水雞飯，雞肉嫩滑，口水雞醬汁非常野味，加埋麻油非常香口。餐廳食物味道一流而且價錢合理，絕對適合喜歡健康之人。

朋友住在炮台山，知道我是餃子痴，介紹了營然給我食晚餐，還説是must try ah，咁就一於今晚try try 啦來到門口，好有大自然feel 啊芫荽豬肉餃子咬落很香芫荽味，和肉的比例很好，非常爽口，湯很清甜，配埋菜，更合乎多菜小肉的原則今晚的湯是螺頭雪耳紅蘿葡豬展煲雞腳，夠老火，料很足，一飲似是阿媽feel 的靚湯羅漢果菊花茶清熱止咳，飲落甘甘甜甜，一點都不會難入口啊有多款餃子餐供選擇也有飯餐供選擇洛神花山楂酸咪咪，很適合夏天飲吖

接完女朋友放工係北角搵搵野食⋯⋯係d橫街窄巷見到呢間野幾特別，開始個陣仲以為食素，原來有飯有湯有餃子，就膽粗粗試下。menu其實design 得幾好，一目了然，簡潔清晰。我地就叫左個手撕雞米粉，蔥油雞飯，蟲草花雞湯，粟米豬肉餃同蕃茄豬肉餃......手撕雞幾好食，肉夠嫰，加埋甜甜地既醬汁幾特別蔥油雞飯就有少少油，同埋肥蟲草花雞湯就好足料，無咩味精。正！至於餃子，我比較欣賞豬肉粟米餃，豬肉同粟米好夾。而蕃茄酸酸地，幾開胃，但係就好似同餃子唔多夾咁。整體係好食既，地方又簡單乾淨，有唔少ol都黎食。

營然好味 今日兩點令鐘去左呢間叫營然既小店叫佢做小店既原因係 舖入面真係得十個八個位呢個鐘數黎就唔洗排隊，但我相信lunch time一定要排了 (位那麼少🙊)叫餐嘅時候，係用紙同筆嚟落柯打嘅唔知係咪因為兩點嘅時候，小店無咩人所以店員叫我哋坐低，食完先畀錢！但係朋友話之前食過，係自助形式！客人要自己點完餐，畀完錢，自己攞嘢食！再自己攞翻D食物去自己個位！朋友推廌我食手撕雞，但係唔聽話既我，見到有口水雞 就一心叫左呢個(屁孩無誤)🙊同埋見到openrice個個都係食餃子同埋手撕雞，仲未有人寫口水雞，所以就幫大家試下味啦！最後事實証明 我係無錯既！😏😏😏口水雞真係好食過手撕雞(個人口味)食咗兩啖朋友嘅手撕雞，麻辣味都好夠！撈埋麻油，好香口！雞肉都唔會太鞋，味道唔錯而我叫嗰個口水雞，個醬汁真係不得了！好食到我問個店員有冇得成樽買走！好可惜嘅係，佢哋話而家暫時未有，但係可以同老闆反映下，睇下遲D會唔會推出!個雞好滑，而且有好多嚿，配埋個白飯食完真係咪話唔飽！另外,加分嘅係,佢嘅手撕雞同埋口水雞都會有好多嘅菜喺側邊,啱曬都市人，有機會可以食多d菜👍🏿👍🏿👍🏿總括而言，價錢適中 中意食辣既朋友一定

成日聽人講，出街食飯通常都健康。今日我就要打破呢句說話！全因俾我發現咗位於喺北角炮台山嘅小清新小店—營然。店舖面積唔係好大，走簡樸文青路線又帶點工業風。餐廳食物款式唔係好多，主打手撕雞/蔥油雞飯同餃子。仲有多款自家設計嘅養生花茶。我同友人分別嗌咗一個蔥油雞飯、香菇粟米餃子拼蟲草花鮮肉餃子配上海麵。另加左一碟菜芯苗同娃娃菜。蔥油雞飯嘅雞件位置係脾位，啖啖肉之餘，肉質亦非常嫩滑。餃子內餡料十足，皮薄多汁。豬肉偏瘦不肥膩。上海麵質感煙韌，好味呀！要食得均衡，菜係一定要食既。兩個字形容：清甜。至於花茶方面，我地就叫咗「顏值up茶療」同「平心靜氣佛系茶療」，前者味道帶微酸；後者味道清香帶微微蜜糖味，飲完好舒服！

今日係北角開完會就順便係呢邊食埋晚餐，發現原來呢邊都幾多小店，咁就梗係要支持下小店啦！環境：地方細細地，幾張兩人至四人既枱，見到幾多人黎叫外賣拎走，雖然細，但其實佈置得幾精緻，所以都坐得幾舒服。服務：呢度係自助叫餐，拎餐同收盤既，有調味料同紙巾各樣都係自助形式。衛生：雖然係自助形式，但都會不時有人出黎抹下枱，地方都算乾淨。味道：我食既係手撕雞湯米，個手撕雞份量都幾多，沾滿麻油既雞絲配清爽既瓜絲同清湯米粉，非常適合我偏好清淡既口味，而個羅漢果菊花茶絕對唔係平時飲甜到漏既飲品，而係真材實料既涼茶飲品！男朋友食既係蔥油雞飯，雞肉好滑，蔥油份量剛好，不過佢覺得我個手撕雞好食d。我地仲叫左個雙拼餃子，原來係湯餃，特別推介粟米豬肉餃，粟米增加口感，豬肉索埋肉汁連湯食，可以一個人食晒成碗！抵食：今餐食完成個感覺係，出街食飯原來都可以食得咁清新，唔會成口味精架，而且平均都係80蚊一個人咋！