營然 (已結業)

第二次來呢度，同上次一樣叫雙拼餃子加個湯，不過今次揀老火湯唔揀燉湯，因為上次試過冇味。老火湯本身單點$30，但跟餐只係加$15，所以係非常抵嘅。今次點了韭菜餃拼蟲草花餃(10隻)，而是日老火湯係青紅蘿蔔豬骨湯，一共$64。先飲啖湯，係非常清甜而且飲落好舒服，唔會太鹹或太重味精，仲大大碗，讚 不過餃子就認真麻麻，粒粒都睇落好似幾靚仔幾飽滿，但韭菜餃入面無乜肉而且比較重味同鹹，而蟲草花餃就比較乾。其實上次啲餃子都一般，但好似好過今次 🤔 其實佢地仲有飯麵餐，下次可能試下手撕雞餐。