爭鮮外帶壽司 (港鐵荔枝角站)

營業中

休息中

今日湊仔放學嘅時候佢話好想食壽司但係我又唔係好肚餓所以係爭鮮買咗盒外賣俾佢食我買咗小朋友最鍾意嘅蟹柳小卷俾佢食呢盒嘢食真係好抵食只係$12就有12舊即係講緊一蚊有一嚿佢呢隻小卷個size比小朋友食，亦都係可以一啖一口真係好方便而佢真係味道都係正正常常冇驚喜，但亦都唔會難食

Lunch 唔知食咩好，經過爭鮮見到有特濃二重蟹膏盛，至愛食蟹膏既我一定買黎試試。雖然價錢平，但出乎預期甘好食，蟹膏非常鮮甜，六件一口氣就食晒。我驚唔夠飽，再買多個三文魚丼飯，三文魚都算新鮮，合格啦！以甘既價錢，佢地性價比都算高。

今天，既然難得係星期一就要出門遠行。不過天氣實在太熱啦，所以出發前就想買支嘢飲，便不時之需。咁啱喺地鐵站行緊嘅時候見到一間爭鮮，於是乎就隨便行入去睇吓有咩便宜飲品好買。點知就見到$7一支嘅日式茶，仲有煎茶同焙茶兩個選擇添。仲比我發現呢個價錢比起隔離嘅七仔平咗至少$3，七仔一支茶都要買$10，我當然二話不說，即刻用八達通俾錢買咗支茶。煎茶仲要喺雪櫃雪咗好耐十分清涼，飲落去真係透心涼啊。以後我都會去爭鮮買嘢飲，真係平好多。

*推薦皇帝蟹柳壽司*爭鮮外帶壽司絶對係平價壽司的好選擇，款式都幾多，熟壽司又有，魚生刺身壽司都有，雖然味道唔算好突出，但呢個價錢都算係咁啦！好鍾意佢哋的腐皮壽司，一盒$20已經有好多件。另外每次都會買的皇帝蟹柳壽司都好好味，好鍾意皇帝蟹柳壽司上的沙律醬，配搭得幾好，一件一啖，好正！盒裝雜錦壽司最抵買，有熟壽司又有魚生壽司，大眾化價錢！另外仲有獨立包裝的壽司，自己想食邊件就自己入盒，好方便又夠衛生。另外仲買左包酸奶，幾開胃。

荔枝角區好少外賣壽司店.爭鮮開左係幾好.起碼多個選擇.價錢又抵食，雖然一分貨一分錢.但爭鮮質素尚可接受.可選擇散裝壽司或盒裝.蒲燒鰻魚丼（$42）：有5大件鰻魚、蛋碎、中華沙律.鰻魚都好厚身，唔會薄切切.而且鰻魚無骨非常之好！因為最怕食到好多有幼骨嘅鰻魚.鰻魚唔會有泥味.不過鰻魚皮就有點兒失敗，鰻魚皮太好韌.好難咬開！蛋碎太碎筷子好難夾起.中華沙律份量都比好多.白飯份量超級多.可惜太過凍令到啲飯變到好似一舊磚.