爭鮮迴轉壽司 (坪石邨停車場)

營業中

休息中

今次試呢間分店, 無得拎飛,要排隊, 不過都算快。帶子sushi: 乾左d, 不過都ok。鰻魚sushi: 鰻魚薄, 不過都ok。三文魚刺身: 有4,5塊,都幾厚身。燒三文魚腩sushi: 個醬汁幾好味, 再少d salad sauce會更好, 魚腩真的超肥 (個人覺得) , 有d 漏。blueberry cheesecake: 呢個價錢食到都算大舊ge cheesecake真是幾抵, 不過個餅底唔太新鮮, 不過整體唔會太甜, 好味。呢度ge甜品好似多款d, 我見仲有chocolate mousse, 雪米磁果d。

彩虹而間分店第一次食，唔知係爭鮮改左政策定個別員工問題，場內只坐左3-4成人，好多吉位，但要求要各食客痴住坐，吉位亦唔準放袋，叫你掛係腳底個勾，椅墊同枱面有水點亦無濕紙巾俾人抹手🤦🏻‍♀️，只叫你自已搵紙巾...食物質素：無期望，唔肚瀉已感恩🤮希望爭鮮唔好愈做愈衰啦🤭

整體都OK ,食材尚算新鮮，但灸燒蝦千祈唔好攞，唔新鮮，腥到我嘔翻出嚟。啲蝦嗰啲真係唔係太得。（灸燒蝦我冇影到😨😭～）我係夜晚繁忙時間去，真係完全冇機會食到隻燒三文魚同埋花之戀，就算叫咗職員去整都好。三文魚好新鮮呀好味！但八爪魚壽司啦，真係太鹹喇， 最好唔好攞嚟食啦～（我食其他分店嘅外帶八爪魚壽司都唔會咁鹹架，所以有啲奇怪囉～）腐皮卷好正！唔似係擺咗好耐，都算新鮮嘅。飯粒爽甜新鮮彈牙蟹柳棒都好新鮮好甜！不錯

其實間唔中都會林起佢、間唔中都想去食下，撞岩依日間唔中，我地黎左食晏佢依度8蚊碟，其實都幾抵，堂食都係加一。而且除左一d特定款式外，佢期期都推新款，新款得黎唔似某間食肆既款式咁嚇人。只要你坐係度，如果覺得面前既壽司上面既魚生唔夠新鮮，好似表面有少少開始「炆炆緊」，你耐心等陣都通常會等到表面帶油光既魚生係舊壽司上面希靈魚係我至愛，魚子卜卜脆三文魚，老公至愛，表面都唔太乾身～三文魚亦都係老公喜愛，表面都仲有油光～芝士醬蟹子軍艦，好香芝士味其他壽司既質素，係8蚊有2隻黎講，都算不過不失仲有酸子薑任添今期見到但無食到既新野有，螺、蜆、山葯、蘋果批等等

在坪石邨開業只有短短年多的日子，沒有特別的裝璜，主打每碟8元的壽司、前菜、甜品和飲料，但卻吸引一眾街坊食客。一到假期，往往要等上半小時。由入座起計，要在40分鐘離開。壽司種類凡多，食材新鮮，壽司飯也輭糯可口，最愛吃那火燒三文魚壽司，入口即溶，每次也吃上三、四碟才會滿足。如不喜歡堂食，也可選擇外賣，很不錯呢！

星期五差不多9點先放工，約左老婆買野之後食飯。買完野都差不多9點半，我提議去爭鮮！可能比較夜，所以沒有人等可以好快按排入座爭鮮通常每隔一段時間都會出新野，令到顧客唔會悶😃今次發現有芝士蝦，好濃郁芝士味，蝦都算新鮮！還有細細隻小蕃薯，如果甜d更好味！之後，我們食返我最喜愛食晚希靈魚，魚子夠脆又彈牙，都算ok必食免費酸薑多汁的鰻魚壽司，都新鮮。後來食左芝士軍艦，但加入少許wasabi,有點格格不入火焰芝士三文魚壽司，都燒得幾好味，但其中一件果得半舊魚，有點失色。總結一句，以咁既價錢都算ok

話說爭鮮出咗個紅莓批，個人覺得幾好食，所以為佢寫呢篇食評。呢個紅莓批上面嘅紅莓好足料！係紅樹莓。好有咬口，亦都好多。上面嘅醬有啲似雜莓醬，酸酸甜甜好開胃！下面嗰批係正正常常嘅餅底。好香嘅牛油味咁大個批都只係8蚊咋！抵過去西餅舖食嗰啲，真係平靚正

Years ago you wouldn't find sushi in Choi Hung because you would have to go to the city for it.Choi Hung used to be really old fashioned but all that has changed with modern joints like Subway, 759, McDonalds and Sushi Express.Went here for lunch.The sushi costs $8 per plate with a 10% service charge on top.The tea and soy sauce are self-service.Wasabi comes in sachets but I don't know if they charge you if you use more than one because there was only one sachet on my table.As I was dining there

好耐未堂食過爭鮮壽司, 跟家人來彩虹, 幸好不是太多人, 基本兩個人不用等就有, 比其他店好, 店內好光猛, 好乾淨衛生的感覺. 之前去淘大一間, 這間感覺闊大了許多~ 壽司在旺市清得快! 不擔心衛生, 整體感覺平實, 較其他壽司店偏甜, 灸燒鰻魚 及 腐皮壽司 是我最愛.反而最令人驚喜時芝士蛋糕, 非常鬆軟可口, 不會實的的.

來爭鮮好多時都係買外賣！點知今日見到轉車坪石邨開了間迴轉壽司！地方幾大，光猛乾淨，一個人唔太肚餓，碟碟$8，入去坐低，店員會印張時間紙放枱頭，講明40分鐘時間！自助沖茶，茶包及杯都放晒枱頭，方便我加茶包，再有一包芥辣及濕紙巾，獨立包裝！開始攞壽司，坦白講款式唔多，我都係揀大路嘅食！三文魚--比想像中厚同肥！帶子--唔片薄，好厚肉！芥辣八爪魚--唔辣，有啲爽口蔬菜！加煙韌八爪魚！幾好蟹子--好多好足料！紫菜已經唔脆！三文魚子--估唔到$8都有三文魚子，魚子卜卜脆，加爽口青瓜！不錯！黃金魷魚--軍艦好滿，黃金色魚子卜卜脆！廣島蠔--呢個掙扎了一下先攞，始終蠔容易出事，攞咗之後食，唔算juicy,反而似曬過嘅蠔肉，蠔豉嘅口感，沙沙的！再加上食第二件時食到蠔殻！not good!免費酸薑--唔辣爽口，解膩一流！店員好勤快，收拾都好爽手，仲好有禮！（講真價錢平好多時都要受氣，呢度唔使）食飽向店員招手，佢數碟數後寫在紙上，然後我去收銀比錢！可以八達通比錢方便！欣賞有個架放膠蓋！比放在迴轉帶衛生！呢個點子好！簡單舒服嘅一餐！

行完街路過爭鮮迴轉壽司，就有一種抵擋不住的誘惑，於是就自動波行左入餐廳食宵夜了。而餐廳有用餐時間限制的，每次40分鐘，如果趕時間的客人都可以考慮一下啦。還有餐廳的每碟壽司或前菜都是劃一收費，碟碟$8，認真抵食。一坐底就立刻攞左兩碟前菜食住先，就係辣味螺肉和芝麻八爪魚，前菜口感有咬口，好爽脆。之後壽司和軍艦都好好，夠新鮮，帶子壽司的帶子好厚身，沒有黏口的感覺。而軍艦方面黃金花枝以及海膽花枝都非常入味，口感非常爽脆，好正。三文魚籽軍艦的三文魚籽粒粒都好晶瑩，食落口完全無腥味。總結：CP值高，壽司碟碟$8，真係好抵。不過盡量避開人多的時間來光顧，因為真係會大排長龍架。