爭鮮迴轉壽司 (旺角中心第一座)

營業中

休息中

突然同老公兩個好想食壽司🍣老公提議去旺角食爭鮮，咁就出發gogogo其實一去到見到咁長龍，本身諗住轉陣去隔離台灣野，不過老公話等半個鐘睇下點，結果又真係差唔多半個鐘就入到去😏其實我同老公嘅食量係幾驚人嘅🤣🤣平時食親壽司都係大概20碟埋單，今晚竟然係31碟，果然係嚇親隔離枱🤣🤣隔離枱一對情侶不停望住我哋係咁攞，我聽到個女朋友話一啲都唔好食，然後又望下我哋枱面咁多碟🤣然後佢男朋友話佢乜都話唔好食🙊其實我覺得性價比來講係OK嘅如果你話俾我聽呢度$20碟，我就會話佢唔好食，$8一碟來講我又覺得OK好食喎🤣🤣其實啲帶子都新鮮嘅仲有一碟我同老公都係以為係牛，原來係魚嘅壽司都幾唔錯個喎另外今日突然想試佢哋嘅甜品嗰個泡芙同埋綠色嘅糯米糍都真係OK真心講性價比高其實唔算太差

係旺角呢啲鬧市想搵啲平平地既野食，除左食雲吞麵車仔麵之外，都幾難有平加上當日有啲唔舒服喉嚨痛，爭鮮成為我既首選——平+清淡。其實我諗好多人都食過爭鮮，都冇咩要特別介紹。原來每間分店有既款式都唔同，好耐之前我係旺角分店食過一件燒三文魚腩，後尾我係屯門兩間分店&上水分店都未見佢既蹤影…直至今日再光臨旺角鋪，佢出現啦搵返昔日既味道！呢舊燒三文魚腩同其他分店既唔同，佢係加左"美乃滋"同"砂糖"去燒，食落甜甜地，而"砂糖"燒完會變脆面，又多左一種口感。由於三文魚腩係燒過，啲油脂溶左，咬落口已經feel到陣陣魚油香，而且魚肉嫩滑，入口即化，可惜成個用餐過程只見到三碟旺角店屬人流多既分店，所有迴轉壽司都新鮮，轉一round已經冇左8成😂

坐得較後，等左十五分鐘都無一碟三文魚刺身經過，同服務員反映，只會同你講有擺到，叫我等，又話刺身係限量供應。對比我樓下那間，服務差天共地。同一排，幾家人都食到好不滿。再三反映，個經理居然叫我入去搶。

不過都要一讚嘅就係，呢度嘅只燒三文魚燒得非常之香。三文魚亦都幾新鮮，鮮甜。熟蝦亦都唔錯，新鮮又甜。但一直都冇我想要嘅花之戀，同左職員講點名叫左，一直都無黎啊。但我點名叫嘅呢一個腐皮沙律都唔錯嘅外脆內凍😆正

我係大埔爭鮮迴轉壽司既忠實粉絲，今次來到旺角位於地下既爭鮮壽司分店，我去到果陣時係1點，岩岩走左批客，有d檯姐姐仲未執，對比大埔果間，尼一間其實品種有d少，得基本款，雖然廣告有貼新品，但實際都沒有，甜姜既碗都係空既，無人refill我食左一d基本款，鯡魚壽司，鯖魚，三文魚壽司果d，見到新品酸甜藕片，於是諗住試下，麻麻地囉，份量有d少，8.8蚊（加一後）就唔抵囉今次食完覺得齋壽司好單調，款式唔多，都係大埔果間好d，畢竟旺角係高租金地段，想要質素好都有d難既

有少少時間可以食碗麵，見到有間爭鮮無人，就入左去。 坐左七至八分鐘，見佢轉轉轉....都無乜什麽想食。就隨便拎左幾碟。 油甘魚，一點都唔肥，有少許乾身，呢塊魚大片點，一碟只有一件。 三文魚有點雪味，唔香魚味，食左一碟，無意思想食第二碟。 黑椒油甘魚，很多黑椒，夠辣。 食完四碟，當中有兩碟係相同的，而選擇真係不多，有啲覺得平平地過下口癮咁囉。