爽爽麵店

營業中

休息中

一場來到元朗，去試一試這家名物。這店雖然小小的一間在巷子裏，而且座位不多，裝修普通，但也有很多人來幫襯。這間餐廳最出名的是醉雞，食客可以選擇新鮮雞或冰鮮雞，另外還有豬扒或其他配料供食客選擇。我們選擇了一客冰鮮醉雞配米粉，及一客冰鮮醉雞配幼麵，另外我們還叫了一支自製菊花茶。自製菊花茶十分冰涼，味道不會太甜，很適合夏天喝，可以清熱消暑。湯米粉和麵送來的時候都是熱騰騰的，而醉雞是分開用碗送上的，雞件的份量也不少，而且浸滿醉雞汁，餸麵一流。醉雞件啖啖肉，而且鮮嫩爽滑，皮薄肉嫩，浸滿醉雞的酒香，十分美味。$47可以吃到如此美味的醉雞麵，真是十分滿足，難怪這間小小的食店在元朗這麼出名！

店舖位於元朗鳳群徑我試咗2個招牌菜一個醉雞,另一個係豬排米粉店鋪有得揀冰鮮雞/新鮮雞我㨂咗新鮮雞🐓價錢嚟講佢算非常實惠,份量足夠酒香適中無蓋過鮮雞味👍🏻但係隻雞唔算嫩滑聽人講過一句「醉過方知酒濃，愛過方知情重」但我唔認同,小妹覺得「飲過的確香濃，食咗先知普通」跟住我就試吓隻豬排👅其實我對啲豬排無乜興趣,所以無乜期望但估唔到豬排肥瘦好適中👍🏻👍🏻👍🏻厚度唔係薄個款,好咬口感,味道唔錯,肉汁鮮香豐富,無講明係新鮮豬,都有咁嘅效果,有啲驚喜🤩🤩

優點冇乜藥材味嘅醉雞汁+有雪凍過嘅醉雞=外賣可電話落單缺點堂食成日等好耐先有位有時啲雞斬得太碎最近外賣經常執漏野(多數男士聽電話先會有依個情況)最近食完都肚屙，初初以為自己腸胃唔好，但同枱其他人都有屙暫時唔會再食

元朗爽爽麵家基本上係飯堂，食咗咁耐都有大大話話10幾年，醉雞豬扒一流喺第二度都食唔到，雖然地方細細得幾張枱，每一次都要等好耐甚至乎好多次都係叫外賣唔去堂食，但係每個星期都要食一次，醉雞豬扒米，豬扒一定要叫半肥瘦，醉雞米就加埋雞汁食，食完之後一次愛上，仲有嗰度啲菊花茶都幾好飲，鍾意嘅朋友可以叫半隻雞同斬料晚餐返屋企食，服務態度都算正常嘅，因為我都比較多要求佢哋寫單都寫得幾準確，走空啊走湯啊走青啊，通通都做到，所以咁多年都一直食

元朗嘅爽爽醉雞應該好多人都識，朋友話好好食，跟佢來試下。首先，我要講下佢哋嘅招牌菜式——「醉雞米粉」。呢個菜式係爽爽醉雞嘅招牌之一，醉雞有得揀新鮮雞or 冰鮮雞，揀咗新鮮雞。味道鮮美，雞肉鮮嫩多汁。配上醉雞嘅醬汁，味道絕對係一級濃郁。但我個人覺得麻麻地。另外，呢度嘅「豬扒」都係出名嘅招牌。豬扒煎得香脆，肉質嫩滑，每一口咬落都帶出豬肉嘅鮮美味道。煎得比較燶少少，更加增添咗味道嘅層次感。如果你鍾意豬扒同港式煮法，呢個「豬扒」絕對係一個唔錯嘅選擇。我個人就認為正常。除咗食物之外，「爽爽醉雞」仲有自家製嘅「菊花茶」。呢杯茶清香怡人，有助於消暑同埋消食。喝一杯菊花茶，可以幫助你消除飯後嘅膩感，令你更加舒服同享受食物帶來嘅滿足感。從來未飲過咁濃嘅菊花茶，好足料，推介。總括：朋友覺得好好食，我覺得普通，所以都係好睇個人口味。

由舊鋪搬到新鋪，棒場客依然一樣多。味道亦依舊好食！醉雞作為招牌菜，有冰鮮雞及新鮮雞選擇！我就食不出有太大分別，所以通常會叫冰鮮雞！醉雞米粉HKD47相對來說非常實惠。另一個特色是不用加錢可轉任何部位，而我最愛點的是雞脾。一定夠滑又啖啖肉！醉雞米粉還提供豐富的醉雞汁作為調味料。加落米粉中能夠使整碗更加美味。你可以根據個人口味的喜好選擇加雞汁！每碗醉雞還添加了少量的雞腎。充滿醉雞味道，而且爽口！10分好食小總結❤️❤️❤️❤️📌坐位比較迫📌no.1 醉雞📌值得一試

醉雞豬扒撈麵醉雞同豬扒都係呢一間舖頭嘅招牌，所以嗌咗呢個一次過試晒兩款，初頭以為撈麵係營多嗰啲。不過最後佢同我講話係蠔油撈麵，開食嘅時候可能自己唔係太習慣，覺得個撈麵有啲鹹。之後開始試個醉雞，一試就知唔簡單。醉雞汁好有酒味，每個雞都好滑。而且師傅斬雞之後都唔會有碎骨喺啲雞度。之後講吓個豬扒，豬扒好厚，但係又唔係好鞋，而且佢唔係醃肉醃到好滑嗰種。令到我覺得果然名不虛傳。環境呢度個環境就好似啲小型麵舖，加埋我可能星期六去食，要等位。雖然諗咪買單都$70左右，但係都值得嘅，大家真係可以去試，強推呀！

可以自己揀雞胸/其他部位新鮮/冰鮮既醉雞味好濃入面仲會有雞腎新鮮貴過冰鮮少少 但我認為食冰鮮都足夠佢仲可以冰鮮加其他餸例如 豬排，聽講佢雲吞 好好食 好易賣曬我去到嗰日已經冇曬 所以就冇得叫仲有得加碗雞汁 另上 佢嗰辣椒油仲係自家製我既食法 將雞汁倒埋入碗粉

好嘢真心食過唔少，但同樣愛食嘅元朗友全部力推呢一間小店。試過就明白真係好值得推介，會成為我成日由南區千里迢迢去元朗的原因😂🧾呢度嘅餐牌好簡單，一係食豬扒，一係食醉雞，仲有最啱我嘅雙拼，一take過食晒兩樣！雞就可以揀新鮮同冰鮮，價錢唔同！我幾鍾意呢個玩法，豐儉由人，清楚明白！🐷首先碗麵一來到，豬扒已經舖左半碗咁多。跟住就會聞到個種脆脆嘅香味。識食嘅朋友仲要教我叫半肥瘦，更加極品！沒食已經哇哇聲！一入口真係好似聞到咁香，肉味香濃又唔會有豬肉騷味，醃到啱啱好，唔會太鹹得豉油味，配埋半肥瘦個種滿足！算炸豬扒數一數二！🐔醉雞來到，滿滿一碗，份量絕對啪得住好多上海餐廳一份例牌。而呢度連埋豬扒同麵先港幣66！講真，港島起碼108😭即刻懷疑自己食唔晒，果然食唔晒，太良心！講返個味道，皮滑脆爽，肉質軟滑，雞胸同雞脾冇分別個種嫩滑。醉酒嘅味道係想像中嘅味道，都幾恰到好處，唔會太醉，唔會太甜，唔會太鹹，醉嘢最講求就係平衡。所以如果你來到元朗食到呢間，或者專程為左佢去元朗我覺得都唔會失望❤️

每次落元朗都必食，長期大排長龍，搬左鋪之後仲多人左😭醉雞肥豬米加雞汁走胸😋鋪頭好貼心，可以隨便揀雞部位，再免費加雞汁。醉雞好香酒香味，唔會太過濃，雞好滑同入味，仲有幾舊雞腎，份量都岩岩好！豬扒好香，叫肥豬就肥瘦剛好，好淋得黎又有咬口，同埋皮有啲燒過，好香口！個人建議要加個雞汁撈米粉食，更加惹味！

聽人講過好多次元朗有間食醉雞湯麵好好味嘅小店，但去過幾次都摸門釘🥲大家要留意佢哋每個月休息日期都唔同！今次終於試到了！去到都係有好多人排隊，所以最尾都係買外賣食。🙈醉雞米 $51 （外賣+$1）佢哋有分鮮雞同冰鮮雞揀，今次因為我外賣，所以就揀左冰鮮雞試下先！外賣會幫你分開裝，咗食之前飲啖浸住雞嘅醉酒汁，嘩！好香濃嘅酒味！再試一啖雞！肉質超滑嫩，而且好有酒味！之後就倒咗啲汁去個清湯米粉到，中和返味道😋

經過呢間爽爽好奇點解咁多人喺門口等舖頭細細 聽到幾個人話專登嚟食好彩自己一個人 好快有位坐一睇餐牌 就覺得佢係個狠角色😂點解價錢偏高都咁多人食嘅☺️係充滿期待㗎叫咗個醉雞豬扒米 $66首先 講吓個醉雞Lucky! 佢俾咗個雞髀我 嫩滑醉得幾入味唔係話煮得好煮 所以啲骨位都係鮮血色我又唔係好介意嘅 啲肉熟就得食到底仲有雞腎🤣👍🏽到個豬扒米豬扒其實幾厚身佢醃嘅調味同我媽整嘅好似！（家的味道）（偏心一句 覺得我媽整嘅好味啲）個米就冇咩特別個湯冇特別調味 可以加啲雞嘅醉汁入去好味啲（小小場外資訊：隔籬枱個女仔應該食開佢話佢個醉雞～冰鮮雞同新鮮雞冇乜分別咁更加可以慳啲錢）

元朗食肆眾多，有元朗地膽帶路食出名醉雞。週末中午已經有很多人等位。大約等咗半小時入座。此店出名食醉雞。醉雞可選擇新鮮雞肉或冰鮮雞肉。新鮮雞肉價錢會貴少少。選了一個新鮮醉雞伊麵及豬扒麵。醉雞雞肉嫩滑及酒味濃。豬扒保留質感不會過分軟爛。可惜湯底及麵條十分普通。可以一試。

我有兩個住元朗嘅朋友成日話呢間好好食成日都推薦人地去食，都喺區內頗出名嘅食店。咁我心諗有冇咁好食呀？好食到要成日講？終於有日都入左去食，店仔細細但門口真係好多人等堂食同外賣喎😮要左個豬扒拼醉冰鮮雞，我又覺得…冇咩特別咋喎👉🏻👈🏻都係一般嘅冰鮮雞味道，不過個雞又冇話比啲酒醃到過左龍有苦澀味，但佢又冇話特別到要排隊去食咁不過公道講句，我唔係食新鮮雞，話唔定新鮮雞會好食好多嘅，下次可以比次機會試埋個新鮮雞然後個豬扒好淋同埋肥肥地，仲有少少筋其實食落似叉燒多過豬扒但價錢又真係好親民，過開黎元朗都不妨一試！

同事介紹元朗必食爽爽嘅醉雞同豬扒，咁啱嗰日落大雨，平時排晒長龍嘅爽爽竟然唔使排隊，可以直入，當然要去試試！😍😍我地嗌咗醉雞豬扒米粉，佢嘅醉雞可以揀新鮮雞同埋冰鮮雞，因為兩者價錢差得多🥺所以平平哋試個冰鮮雞🤩等咗唔夠10分鐘就有得食，個醉雞一上枱就好香酒味😋裏面仲有啲3-4粒雞腎😳雖然係冰鮮雞，但係都好滑，又冇雪藏味，數落應該大約有6件雞😋😋 雞同麵係分開上，豬扒就喺麵到，所以如果想食到香脆嘅豬扒就同要講分開上。食嘅時候可以加啲醉雞汁落去個湯麵到，會即刻幫個湯昇華👍🏻🤩佢嘅豬扒煎得好香，雖然有少少油，但係浸落湯度都ok~ 佢個湯麵會落葱，所以如果唔食，可以同佢講走蔥！我哋仲嗌咗凍嘅自家製菊花茶，$16蚊一支，兩個人share飲啱啱好👍🏻 可以飲得出佢嘅菊花茶好足料，唔算落咗好多糖，感覺都健康啲🤣環境來講都幾乾淨，不過舖位比較細，座位比較少，唔怪得成日要排隊。如果經過又有時間嘅話都可以試下~ 👍🏻👍🏻