牛一 (屯門市廣場1期) (已結業)

七點半左右原本打算用apps攞飛，點知爆咗，但屯門友堅持要食，話屯門區其他火鍋都唔得。去到現場，飛都派完，要排後補。排咗大約45分鐘，入得。按不同級數的牛收費，這跟牛涮鍋有點像。我們選了178。鴛鴦鍋加$18，選了蕃茄濃蝦湯及麻辣，蝦湯蝦味不濃，麻辣也屬小辣。牛和豬同侍應落order任叫，其他就自助。混醬方面，生蒜+麻醬+黑蒜豉油，好好味。咖喱和牛飯同那個白汁飯都超好味，好食過好多日本餐廳同KFC。和牛炒飯就反而一般，啲三文魚籽好鹹。肉類肉味不太濃。麻辣爆醬丸同一隻方形的芝士魚餅都好食。蔬菜類選擇多而且也非常新鮮。另一正嘢係有frozen yogurt同宇治抹茶雪糕，好rich, 要咩配料都有。出面食frozen yogurt, 呢度就可以任食食個過隱。

今日終於都可以試牛一嘅午市，講左好耐，但次次都因為太多人，所以就無去到，今日終於試到午市真係相當多人，我吸取左教訓，原來可以用apps遠距離拎飛，我1點望一望，都要等成30個，由出門就拎定，去到2點幾就已經到我地，由於我地覺得午餐食唔到好多，於是就揀左套餐，一碟肉加無限食出面啲配料，時間60分鐘，食得比較倉促一坐低我就去瘋狂拎左好多丸啊菜啊豆卜等等，包裝野飲只有菊花茶檸檬茶椰奶仲有啤酒，無乜選擇，乳酪機旁就有汽水機橙汁等左5分鐘，個鍋同肉類都上左枱，我將啲配料一次過倒曬落去，等滾起期間我都唔浪費時間去唧左碗乳酪，後來食左先發現唧左牛奶雪糕，但都好好食，仲加左乳酪爆珠等左陣終於滾起，望落個鍋好足料，我今日係為黑蒜豉油而來，仲要落左辣，一試個湯底就知拿野，揀錯湯底，個湯底超重口味，落左好多辣椒同蒜蓉係底，蓋過曬所有配料豉油味，唔點野都好够味，所以試唔到個黑蒜油講返2碟肉類，第一碟係牛拼豬，牛只有3塊(因為一開始無影到，所以相中得返1塊)，豬原本有5塊，都切得好薄，豬肉味道唔錯，牛就一般貨色，勝在够平另一隻貴少少嘅極上美國肥牛花紋好靚，但唔知係個湯底太濃定點，食落同普通肥牛無乜分別，所以下次

貴公司明明有派飛system,但係就唔比人攞飛要來排隊等位，是什麼玩法？問職員，一位主任級既職員就只係識話你去隊尾排啦，一樣姐，但重點係見唔到隊尾！咁即係排邊？問就剩係識話最後面咪隊尾囉！愈來愈差既服務

牛質素對於放題黎講屬於幾高質 配料及配菜都有好多選擇 仲有雪糕做甜品 每次都食到飽飽先走 大回本原過希望可以增加更多甜品同增設訂座功能 因滿座時要係門口等都唔知有冇機會可以食到 曬時間等 訂座時可預先和客人溝通

每次都會揀lunch黎，因為真係好抵食！揀左午市60分鐘放題 可以揀牛豬or混合 價錢由68至148不等 睇你想食咩質素la 我通常揀中間價位 哈哈湯底方面 有眾多選擇 你想清清地有混布 干貝清湯 揀有d味道 又有蕃茄 豬骨湯 想辣都有泡菜湯 而我揀左佢最新出的 中華麻辣 同 京都藥膳湯 個湯底一黎已經聞到超級香！你睇到張相就知 真係好吸引 材料好足！以後黎應該都會叫呢兩個湯底 推介！野食方面超過50種配料 好多選擇 而且會定期轉下d野食 令你唔會厭 野飲仲有健康工房選擇 岩晒我唔中意飲汽水的人 食完仲有乳酪or雪糕 自己整 咁ge價錢 真係好抵食！

我今晚替家人在這裡慶祝生日，本來想試試這裡和其他日式放題有什麼分別，結果是食物種類都頗多選擇，蔬菜類多一點，但是問題中有三個，首先，其他日式放題是進去後才選擇要食什麼級數的價錢，但是這裡要在門口選擇好。 其次，其他日式放題是一人一鍋，但是這裡是家庭式鍋底，即是只可以選一種湯底，如果要兩種湯底要加錢。最後，就是顧客的問題，因為我的家人取雪糕的時候，有另外一個女顧客故意擋住，後來我找經理投訴，但是當我離開付款的時候，竟然那個女顧客走出來擺出一副惡人先告狀的樣子嚟兇人，自己攪事還要惡人先告狀。

今日兩公婆飛甩百厭仔去拍拖.  首先去睇早場, 跟住就過市中心食牛一.  行到過嚟11:45 唔使等位,  order  90分鐘 美國牛肉,豚肉放題, $118.00.湯底叫咗季節限定湯底 (京都藥膳湯).嚟到呢度梗係主攻牛肉啦, 我哋叫咗好多round呀! 多到唔記得幾多.  係首輪order啲牛肉頗肥, 之後都唔差, 係越後order嘅反而越靚 (唔知點解呢!)都有拎出面嘅丸類, 菜類, 冬菇, 薯粉......牛丸頗咸, 黑色嘅丸以為係墨丸啦, 但入口又似豬肉丸, 冬菇無剪腳, 食得較麻煩. 菜類竟然有羽衣甘藍喎. 飲品方便有紙包雪梨茶, 紙包羅漢果, 紙包檸茶, 汽水, 啤酒, 仲有我like嘅jolly shandy. 食飽主菜, 當然要食埋佢嘅乳酪雪糕先至perfect啦! 可自行加上朱古力/士多啤梨醬, 仲有好多topping揀添 . 食完真係好滿足.118.00 x2 另加一 埋單$259.60

在這三十幾度高溫酷熱天氣下，我們仍然都喜歡吃火鍋，不是經常，所以都沒有所謂的。去過無數次的牛一，地方寬敞闊落，舒適整潔，還有設置幾個卡位，因為自己較喜歡坐卡位，所以覺得這間店不錯。推出別注限定新口味 "京都藥膳湯" ，如果現在是秋冬天，我會選擇這湯底，驅寒補暖。晚餐有 90 分鐘，可以慢慢吃啦，還有其他海鮮類等已供選擇。今天喜歡淡十勝芝士豚骨湯做湯底，而肉類就揀了澳洲和牛，每次來到都吃極上美國牛肉或特級日本和牛，未在香港品嚐過澳洲和牛，與其他的分別在那 ? 自助枱上有很多蔬菜類、丸類、粉麵類、調味料等，亦有牛肉炒飯、日式咖喱汁、日式忌廉汁，另外有兩大個凍櫃盛載多款飲品及汽水茶飲料，還有自製乳酪機，配上不同topping，製造出獨特喜愛的yogurt，很美味的晚餐！ 

又來到我最喜愛的火鍋店之一的牛一，位於屯門市廣場的這間牛一經常客似雲來，等位一小時成了平常事，星期日的下午四時半，已經開始現人龍排隊。如果不是限時的話，相信食客不止等一小時吧為什麼等這麼長的時間仍要食？因為平靚正，午餐任食1.5小時，連加一都是$129.8單看價錢唔算抵食？但只要對比灣仔區的café午餐對比一下價錢，$125元食個不太好食意大利粉，牛一火鍋店可以食到新鮮的靚肥牛和豬肉片，蔬菜及丸類，任食乳絡，任飲茶及汽水，實在是十分超價了。

今天打手機遊戲的兄弟門約食飯，從來無試過因爲打機約出來傾我們選擇了埋單大約$180的肥牛，就開始興高彩例地談天説地。地方感覺還可以，食物質素就和一般放題式火鍋差不多。有啤酒和很多飲品可以選擇。只是因為這店長期爆滿，如果想聊天的朋友還是應該去其他餐廳，因為只有1.5小時，如果太過多話，分分鐘會吃不夠。他們的海鮮類食品是要加錢的，不像一般餐廳的要叫比較高價錢的才可以免費享用。這樣也有好處，因為叫高價錢的牛大概沒有位置吃這海鮮吧。

早前行過牛一見到出左新嘅藥膳湯底，我一向都中意食藥膳野，例如藥膳雞煲。所以趁假期，又無食lunch就去左食牛一lu..我地2個人叫左中間價位$178/位，加一假期5點幾已經到左，好快入座。牛揀$178，但每次黎嘅質素都唔一樣。其實呢個問題不止這次來吃才有，真係無論叫咩價錢，啲牛都每次不同。唔知有無人覺得，就好似亂比咁。講返個藥膳湯先，非常好食，啲牛同個湯好夾。。唔會苦!!推薦!!!其間姐姐收碟張人地枱食完嘅裝牛碟疊上黎我地張枱到再收碟，我明白係有少少重，可是我地都食梗野，會影響到食客之餘，亦不太衛生。希望貴公司注意一下。2個人食左10碟牛就再食個乳酪作為完美嘅號句。乳酪一如既往的出色!配料和味道都多。不過我電話無電，影唔到lu限時內食飽走人，絕對係夠時間慢慢食，大家可以放心。

經朋友朋介紹， 有間平靚正嘅火鍋店， 牛一， 於是我約了朋友去試吓， 從遠處望見，超級多人在排隊， 好彩可以攞飛， 去千色店行一陣回來就食得 有醬料自助吧， 多種醬料俾你自由配搭，鍾意鹹有得， 鍾意甜有得， 隨便配搭！👍👍除了牛肉正之外， 仲有多種蔬菜，例如娃娃菜、生菜、油墨、芹菜等等......還有金菇， 翠玉瓜、鮮冬菇、雞肉腸、廚師腸、魚蛋等等， 種類真係多到你唔信！我叫了極上美國牛肉， 我覺得好好食，唔太肥， 又有牛味，雪花分佈平均 ！值得like !

今次係第二次黎呢到食，兩次食完都飽到嘔咁濟今次揀左極上美國肥牛，加豚肉。不過我相信，對大部份人黎講，豚肉從來都不是重點。而湯底就係佢季節限定嘅，十勝芝士九洲豚骨湯。入到去，好快就已經拎左個湯底黎，開埋爐比我地，一開始先比兩碟牛，一碟豬肉比我地。而出面亦有不同嘅火鍋配料拎，如芝士腸、芝士魚腐魚片、獅子狗、韓國年糕、餃子、龍蝦丸、芽菜、滑蛋玉子、栗米、冬菇、杏鮑菇、生菜、娃娃菜、等等，選擇都唔少。呢個就係十勝芝士九洲豚骨湯底，並無想像中嘅芝士味，基本上係無乜芝土味，食奈左同普通湯底無分別。而佢個極上美國肥牛都唔錯，色澤睇落幾吸引，食落口唔會硬又唔會肥。呢個就係豚肉。食到飽哂之後仲可以diy 雪糕食，食次食左香芋味同蘋果芒果味，對比之下，我就覺得香芋味好食得多。最後，呢到價錢合理，又可以任叫牛、豚肉，真係食肉獸嘅天堂。

唔講食物質素今次都唔係我食係女友去左屯門食5點鐘唔係繁忙時間居然人手唔夠叫碟牛要等極耐先上好似叫牛食要拎走佢人工咁平時食tst staff態度好好仲會問要唔要加牛呢間真係垃圾中既垃圾以前已經聽過10人食夠膽每次叫4碟就只上2碟牛好似乞食咁

友人話牛一shabu shabu好抵食 咁就去食啦不過我地由7點幾等到差唔多9點先有得食叫左極上美國牛肉同豚肉($168)+蕃茄湯底牛肉色澤靚 脂肪分佈平均 頗有牛味豚肉都幾香 唔會嚡 不過相對牛肉就較失色食到咁上下就叫侍應添 食下食下都食左幾轉飲品同其他材料就自己出去拎 都幾多款式最中意就係甜品喇有四部自助雪糕/乳酪雪糕機 Froyo有三隻味任唧 配料又有十幾二十款任落 有筒有杯任你發揮無限創意牛一真心正又抵食!!飽到上心口呀果然無介紹錯!!