牛八涮涮鍋專門店 (已結業)

星期六晚，周圍都要排隊等位，見到呢間唔駛等位，以為甘筍，原來食落先知中伏，因為兩個人食，諗住肉唔係食太多，咪叫$158就算啦，點知黎到第一碟牛肉，跟本食唔到，'孩'都咩甘，諗住第一碟差啫，俾多次機會佢，點知仲差過上一碟，豬肉仲白哂哂，$158啫，唔係俾d甘差既貨人食架，食到冇哂心機，諗住新開差極有個譜，點知仲衰過xx鍋，真心請我都唔會再黎！想食既人真係諗過先好去，可能食最昂貴既A4和牛餐就會俾d靚d既牛🙄

喜歡吃牛的我咁啱見到新開左呢間日式牛肉shabu shabu 火鍋放題店，見今日都好想食好嘢就去左試啦起初係之前見到呢個牌先，好似係正常放題店 再看另一個餐牌，我承認係我冇每一隻字好小心咁睇、但睇到個藍色位寫住「限時90分鐘」，我同朋友都一致覺得呢個都係放題... 心諗都幾抵食喎.坐低左就知道中左伏啦，佢其實係一碟牛肉再加放題區而已。既然都黎到，咁都試下單碟啦佢好似其他日本牛肉放題咁一張長枱間開5個兩人位而有少少唔同係佢一定係一人一鍋， 我要左骨膠原雞湯而朋友要左胡椒和牛清湯。牛肉我地就要左極上黑毛和牛同埋霜降黑毛和牛。（註：這個一人一鍋細火又唔太滾，大火少少又好似滾晒出黎咁)放題區嘅食品正常，驚喜係有綠茶そうめん同埋咖啡機，估唔到自己沖嘅咖啡都幾好味喎汔水都有5種，甜品就有士多啤梨同原味frozen yoghurt.... 但到朋友食完放題想食甜品嘅時候部機已經冇啦 而家有呢個優惠，如果佢唔係有少少刻意誤導嘅話...

早前黃大仙中心大裝修，多了很多食肆。晚上，我們特意來到牛八涮涮鍋。我們大約晚上9時左右到達，等了一會才有位。店內座位也不少，空間也大，我們坐得很舒適。我們選了最基本的$158套餐，包括澳洲縠飼牛、美國豬肩、雞腿肉。至於湯底，我們一行三人，分別選了胡椒和牛湯、泡菜豬骨湯、骨膠源雞湯。湯底還未來，我們便火速衝到自助bar拿蔬菜。蔬菜眾類眾多，宜且很新鮮嫩綠，我認為質素最好的包括蕃茄、金菇、木耳等。但秋葵則較老，較多筋。由於蔬菜質素相當不錯，我們不斷吃菜。醬油配料的選擇較少，不過應該也有適合你的口味。至於肉食，牛肉及豬肩切得很薄，肉質尚算鮮嫩，牛有牛味，豬有豬味。雞肉則比較遜色，肥膏較多。每人可以獲得肉食的份量很多，我看見不少顧客未能食光。飲品種類也不少，特別要提提咖啡，香濃幼滑。吃飽飽後，嘆一杯，回魂啡，非同凡響。最後，我們以乳酪作結，乳酪也有草莓口味，草莓味濃，酸酸甜甜的，大讚

真心未食過咁差嘅火煱放題。新開張餐廳，於是試下食，點知會係咁伏。放題價錢158最低，上一級就係178，再上就係278和牛，見價錢差成一百蚊，於是揀左178一位。佢擺底左4碟肉，一碟豬，三碟牛，再加幾粒雞肉。 啲牛肉差到咁我都第一次食到，不但冇雪花，肥膏都冇我都真係第一次食，韌到咬都咬5到，食左一碟，頂5順同個侍應講，佢講可以換，換左碟有少少肥膏嘅牛俾我(欣賞侍應的服務態度)，雖然第二碟牛有少少肥膏，但仍然係無牛味加好“孩“，食到唔想食。反而佢豬肉就好食啲食到咁冇mood 真係好失望價錢又5算超平，咁嘅肉質完全唔掂，好難食，真心無胃口，唔會再食！難怪完全冇人排除，雖然係平日夜晚

因為有傳單有coupon所以2個人去食，2個人食lunch可以一齊減$30！原先最平嘅course係每位$69加一，可以揀牛/雞/豚，肉類份量係一碟，而配料區的所有野菜、丸類、麵/飯等等就任食，仲可以任飲汽水/coffee，任食雪糕。本身食量唔算大，都係食$69 Course好啲。原本以為勁多人，點知真係唔多，午市只有半滿。一入座就即揀course同湯底，有6款選，因為一人一鍋，唔駛同friend share。我選了壽喜燒鍋，味道都唔錯，幾有日式風味，而雖然個course咁平，牛肉份量唔算少，質素唔差唔會係食肥膏咁。至於出面野菜區食物質素唔錯，refill得都幾快，如果有多少少丸揀就好了，我呢啲勁鍾意食菇，所以食左好多金菇、秀珍菇、冬菇、雞腿菇，同埋估唔到有soba，口感煙煙unun，勁正！粟米就通常度度都有，都幾鮮甜。其實如果keep就大約$60位真係超抵！可以再回頭食！

揀左特級和牛套餐*2，$278一位再加一，埋單六百左右但呢間野，我和朋友都話有第一次無第二次黃大仙唯一一間日式火鍋，但開呢間實在太可惜個鋪位員工服務好好，但我覺得湯底無咩味，我朋友揀胡椒，我系雞湯。不過可能系我平時食太重口味😌個人口味吾同。但吾錯嘅系可以成個湯倒左換過新，但要系之前自己揀嘅味，因有d店只肯加湯不能倒晒再加。但點解要倒晒再加系因為食完肥牛d湯變晒紅色其中一樣最震驚系，兜芝麻醬入面跌左兩條芝士腸係底。。。。乳酪雪糕吾好食，太甜，朱古力雪糕太苦。甜品甘樣我也是非常絕望本來果晚開開心開慶祝星期五晚周末假期，但食左成晚菜，同自己講食多d菜好，好好，好。。。

今日中午去試呢間任食牛肉雞肉豬肉火鍋店，午市$108加一服務費，用膳時限為90分鐘。新開張用coupon 減$30。裡面每人一個鍋，任選湯底，我地選左泡菜湯底及壽喜燒湯底配一粒生雞蛋，我覺得壽喜燒個湯底濃味d,好味d。出面有自助區，可以拎蔬菜如大白菜，蘿白，烏冬等等，汽水咖啡任斟，仲有乳酪雪糕，係有綠茶味同原味，都幾好味，鍾意甜d，可以選原味，喜歡帶點苦澀味就可以選綠茶味，亦有兩溝，不過我覺得雪糕吾夠凍。雪糕亦有配上3種醬汁。火鍋配料方面，雞肉幾滑，牛肉都吾差。基本上3樣都ok,想好d，可以選貴d牛。