牛奶冰室 (屯門時代廣場北翼)

營業中

休息中

這間店平日都多人。地點都方便，所以就走入來試試。乕餐牌都多選擇，看照片亦很吸引。叫了2個餐：生滾牛肉湯通粉配牛乳炒滑蛋及蒜香牛油多士寫了是用牛乳做湯底，牛肉份量OK，湯底夠特別，其他茶餐廳很少有這種配搭。另外份炒蛋及多士都唔HEA。蛋滑，多士有蒜香牛油味，幾好食！整個餐感覺比普通茶餐廳健康一點，多了牛乳湯底，覺得蛋白質很豐富。蒜香蜜汁叉燒煎半焗流心雙蛋飯這個是黯然銷魂飯的加強版吧！首先要大讚他的叉燒，叉燒有濃厚蜜汁，大件多肉，易咬唔韌。而流心太陽蛋有多好食就不在話下，再配上甜豉油就是這個飯的長勝要決。賣相及味道都非常吸引。2個都是午餐，內容跟出面的相似但亦有點特別之處。配上飲品一杯。飽肚滿足！坐位都舒適。不怪得人流都多！價錢亦正常。

新開左牛奶公司的冰室係屯門市廣場附近，於是去光顧左好幾次，都係叫咖哩牛坑腩飯。舊址係佳記冰室，食過幾次，越做越差。牛奶冰室重新主理懐舊咖哩牛坑腩飯＄67，及 黑糖牛奶紅豆冰(另加$9。 咖哩好香，還有煮咖哩汁的配料，洋蔥碎等，吾會好稀。飯用珍珠米，米米大又圓，牛腩煮得夠入味，吾鞋口，亦吾多肥肉/肥根。黑糖牛奶紅豆冰，黑糖好好甜，一般飲走甜即磨咖啡的我，試過一次已足夠。紅豆好大粒好甜，已預先混入左糖漿，成杯飲品一定要攪拌好先放入口，否則就是浪費了。

打羽毛球前的邪惡下午茶🌝炸雞脾配粟米🌽（$40），炸雞脾雞肉嫩滑又多汁，配粟米比一般配薯條🍟可以減低一點點內疚感。黑糖醬冰淇淋西多士（$38）三片麵包夾兩層花生醬，甜度剛好，一凍一熱係絕配。唯一美中不足係客人太多，店員太少，經常聽到有人咆哮先至得到服務

經過屯門太耐冇食過西多士，一心諗住去冰室就係要食西多！冰室會諗起以前嘅懷舊感覺，雖然話懷舊但係而家啲食物都創新咗勁多西多士都有成幾種嘅新口味，例如黑糖配雪糕西多士紅豆西多士，都十分之吸引！但我受選擇叫返一個最正宗原版嘅西多士😎加$9就可以配一杯黑糖紅豆冰，佢唔會太過甜，加上牛奶可以中和叫咗一個雞肉撈麵，十分之嘢加上價錢都好親民而家就算係好普通嘅食物其實都好貴，叫晒所有嘢都係$100有找！

星期六節目，碰巧家人放假，起床后 食個早餐，稍作休息 午后去市中心商場 走走逛逛 ….下午3:00 多，下午茶☕️時間 😀路過屯門時代廣場 ，最近新開張嘅 「牛奶冰室」 人多滿座，要排隊等候 職員安排入座，幸好幾分鐘就輪到我哋啦，非常小小的雅座😀 一般茶餐廳餐廳🍴簡單裝潢，新潮 型格 懷舊 ….下午茶menu : 三文治、多土、粉 麵 飯、撈麵 … 等等勁脆嫩滑炸雞脾 （粟米🌽/薯條）$40嘩！手掌大 大隻，脆皮 香噴噴，熱辣辣，肉質汁 juicy, 夠嫩滑，一小段 甜甜粟米🌽揚州炒飯 $42 （要求走蔥）色澤 賣相👌 ，淡黃色蛋炒… 香粒粒 火煺、蝦、紅蘿蔔、略謙豉油味太濃 偏咸餐飲： 香滑 熱奶茶，調校適合，岩我的口味埋單啦，原來收銀處嗰度 門口有出爐麵包賣，菠蘿包、雞尾包、腸仔包….

食左三次：第一次星期六晚7點半，九成滿，但唔洗等位。仔細看了看餐牌，其實同意樂/百份百差不多。所以以下食評就同大興邨的百份百比較一下。點了三個晚餐🐱中式牛柳 $74比百份百的大碟一點，鑊氣夠，煮法調味配料類近，酸酸甜甜配蕃薯，不過牛柳更大條，更有口感。🐱XO醬西蘭花蝦球 $76蝦球有六大粒，爽口彈牙，炒得比百份百好吃，不會太濕。🐱蝦醬菜心炒牛肉 $65比百份百大碟1.5倍，很多菜心苗，嫩嫩的，而且炒得很香。蝦醬很惹味。牛肉也大塊不會很碎。有點筋位咬唔開，但整體ok!三個餐跟白飯跟熱飲，凍飲加$3，特飲加$9，雪糕特飲加$12。🐱黑糖牛乳涼粉冰$9涼粉很多而且彈牙，黑糖配紅豆很香。飲管如果粗點會方便啲！🐱黑糖牛乳紅豆冰$9紅豆很綿很多很好吃！🐱熱奶茶$0奶茶是lipton奶茶，跟百份百差唔多！環境方面，其實挺大，裝修也時尚的，不過坐得比較密，座位不算太舒適，同埋明明開張不久地面牆身餐牌等等都有些髒亂。侍應數量唔夠，場咁大都無用，未能招呼所有客人。第二次：我以前很喜歡意樂的牛扒餐，不過因為愈賣愈貴，又愈來愈唔好食，所以無點一段時間了。見到牛奶冰室有，而且比較平（$98 包熱飲），就試吓，結

食個早餐火腿通粉，居然比d芥蘭菜絲😱d菜仲要係生架🤮又有苦味，濃雞湯淡過水，凍檸茶變凍檸汁，落單已經要求濃茶，點知都係毫無茶味，奶茶都係咁😔最攪笑係個唔正廣東話阿姐，攞住杯凍檸茶話奶茶，咁米問多句係檸茶定奶茶，居然大大聲答米話檸茶囉，1個就聽錯咁2個人聽都錯😡比d生的芥蘭菜絲人食，飲d淡如水的茶，無下次囉！