影片
更多
2021-10-14
413 瀏覽
食左三次：第一次星期六晚7點半，九成滿，但唔洗等位。仔細看了看餐牌，其實同意樂/百份百差不多。所以以下食評就同大興邨的百份百比較一下。點了三個晚餐🐱中式牛柳 $74比百份百的大碟一點，鑊氣夠，煮法調味配料類近，酸酸甜甜配蕃薯，不過牛柳更大條，更有口感。🐱XO醬西蘭花蝦球 $76蝦球有六大粒，爽口彈牙，炒得比百份百好吃，不會太濕。🐱蝦醬菜心炒牛肉 $65比百份百大碟1.5倍，很多菜心苗，嫩嫩的，而且炒得很香。蝦醬很惹味。牛肉也大塊不會很碎。有點筋位咬唔開，但整體ok!三個餐跟白飯跟熱飲，凍飲加$3，特飲加$9，雪糕特飲加$12。🐱黑糖牛乳涼粉冰$9涼粉很多而且彈牙，黑糖配紅豆很香。飲管如果粗點會方便啲！🐱黑糖牛乳紅豆冰$9紅豆很綿很多很好吃！🐱熱奶茶$0奶茶是lipton奶茶，跟百份百差唔多！環境方面，其實挺大，裝修也時尚的，不過坐得比較密，座位不算太舒適，同埋明明開張不久地面牆身餐牌等等都有些髒亂。侍應數量唔夠，場咁大都無用，未能招呼所有客人。第二次：我以前很喜歡意樂的牛扒餐，不過因為愈賣愈貴，又愈來愈唔好食，所以無點一段時間了。見到牛奶冰室有，而且比較平（$98 包熱飲），就試吓，結
第一次
星期六晚7點半，九成滿，但唔洗等位。仔細看了看餐牌，其實同意樂/百份百差不多。所以以下食評就同大興邨的百份百比較一下。
點了三個晚餐
🐱中式牛柳 $74
比百份百的大碟一點，鑊氣夠，煮法調味配料類近，酸酸甜甜配蕃薯，不過牛柳更大條，更有口感。
🐱XO醬西蘭花蝦球 $76
蝦球有六大粒，爽口彈牙，炒得比百份百好吃，不會太濕。
🐱蝦醬菜心炒牛肉 $65
比百份百大碟1.5倍，很多菜心苗，嫩嫩的，而且炒得很香。蝦醬很惹味。牛肉也大塊不會很碎。有點筋位咬唔開，但整體ok!
三個餐跟白飯跟熱飲，凍飲加$3，特飲加$9，雪糕特飲加$12。
🐱黑糖牛乳涼粉冰$9
涼粉很多而且彈牙，黑糖配紅豆很香。飲管如果粗點會方便啲！
🐱黑糖牛乳紅豆冰$9
紅豆很綿很多很好吃！
🐱熱奶茶$0
奶茶是lipton奶茶，跟百份百差唔多！
環境方面，其實挺大，裝修也時尚的，不過坐得比較密，座位不算太舒適，同埋明明開張不久地面牆身餐牌等等都有些髒亂。侍應數量唔夠，場咁大都無用，未能招呼所有客人。
第二次：
我以前很喜歡意樂的牛扒餐，不過因為愈賣愈貴，又愈來愈唔好食，所以無點一段時間了。見到牛奶冰室有，而且比較平（$98 包熱飲），就試吓，結果相當失望。
蘑菇湯同意樂的差不多。牛扒卻比意樂差。係一般茶記很淋較假的那種牛柳，無咩牛味，或牛扒口感。而且偏細塊。好像跟隔離枱正好點了的和味啖啖肉（雞扒+煙肉+蛋+牛扒）的大細差不多，後者肉更多之餘仲要平$10。可以說是CP值極低。
另外試左枝竹牛腩蘿蔔煲$72+凍檸茶$3。
份量算多，調味也正常，可惜牛肉、蘿蔔都炆得唔夠耐，唔入味之餘，牛肉偏硬，蘿蔔很爽脆，只有枝竹夠淋同入味。
值得讚係凍檸茶好大杯！但見到外賣杯就好細，一半都無。
第三次諗住encore小菜，點了中式牛柳和菜心牛肉，水準無第一次咁好，份量少了，而且overcooked....
可能唔會去第四次。
張貼
