牛奶冰室 (置富第一城商場)

營業中

休息中

星期四放假 通粉㽼起 第一時間諗起澳X牛奶 但星期四好似休息 喺附近有間牛奶冰室都有火腿通粉食 開咗咁耐都未試過即管試吓 蛋同多士都普普通通 但個通粉一嚟到即刻有啲驚嚇 用個大大嘅湯碗裝住 上邊有啲碎嘅綠色菜 望落真係有啲恐怖兼驚嚇 試第一啖 嘩點解係甜嘅？係落砂糖嗰隻甜 跟住嘅味道就好似係花奶加水再加啲牛油咁 可以講咁大個仔未食過碗咁唔好食嘅通粉 食咗唔夠五啖頂唔順放棄 仲有想講杯奶茶顏色正常 但完全冇茶香味 一啲都唔滑 唔該呢間嘢嘅有關人士睇到呢篇食評自己認認真真試吓自己的出品 以上純粹個人意見口味 大家有興趣可以去試試

等咗45分鐘外賣晚餐，結果話你知賣晒！😡😡白白企係門口45分鐘，離晒譜！一早落單時唔講，追過張單，話煲緊飯要等多幾分鐘，最後，等咗45分鐘後，話咕嚕肉賣晒，問你轉唔轉牛柳，轉就盡快做比你！咩態度！？仲話最多送個蛋撻比你食，邊個想食你個蛋撻呀！妖😡😡

牛奶冰室中伏🤦🏻‍♀️食個tea 得二片牛肉以為下面仲有點知得圖片呢d🤬都要四十幾蚊吖唔知以為叫咗個碎牛意粉🤬想成本低都唔係咁係呢度真係一件件穩陣d雖然係下午茶份量都唔係咁好少叫炒野食呢度只可以食早餐唔怪得宜家咁易搵位

早餐食牛奶冰室要睇彩數，通常行過冇人/唔多人排隊就入去食，因為好鐘意食個炒蛋，同埋早餐比午/晚餐經濟，會首選。經手機apps 點了以下食物：1. 香脆雞扒麵：食落食即叫即炸口感唔錯，份量夠、麵條有咬度唔錯。配炒蛋多士：炒蛋滑嫩，一食便愛上，多士即製香脆配上牛油是無敵配搭。2. 黑松露滑蛋三文治：上枱時陣陣黑松露味，麵包烘底加熱辣辣炒蛋好滿足，相對食麵飽度差唔多，如喜愛多士嘅值得一試。3. 餐飲：凍咖啡及熱杏霜一般餐廳水準味夠濃。服務員上餐速度快，有禮貌，見隔離桌有漏單，但都好快跟返足，讚讚讚!!!

去到餐廳門口落單買雞扒蛋火腿早餐一份，落單時間係11:09am. 當時門口沒有大多人買外賣/ 等位，餐廳職員叫我𨍭頭拎，買嘅時候餐廳都沒有將繁忙時間外賣要等25分鐘個牌放出嚟，我一直喺門口等，直到差唔多過咗25分鐘就叫個職員幫我跟進，佢望一望我張單就叫我再等，完全沒有跟進過，期間見外賣平台 外賣不停出，之後職員都將繁忙時間牌放出嚟，當我發現後我一個號碼都可以拎外賣，時間亦等咗38分鐘，我同職員講叫佢幫我取消個外賣因為太耐，佢先拎我張飛去跟進，之後就話等多2分鐘。終於呢份外賣我等咗40分鐘，11:49am 先拎到，職員一句唔好意思都冇講，我話你寫繁忙時間都係等25分鐘，我等咗40分鐘，佢話雞扒要時間煎，完全沒有歉意，咁嘅態度，以後都唔會再幫襯。

新開業到而家大半年差唔多個個星期都幫襯平時間唔中受吓短直黑髮五十幾歲女收銀嘅氣都算，明知喺光顧飲食業尤其茶記不嬲服務係咁，平時自己申請幫襯買氣受又真係唔怪得人，之前外賣試過漏餐具、又試過漏俾客飯，曾經求吓店員改善下服務質素，有咩驅使我咁多次經驗唔出post而家先俾comment呢？原來今次又中招點咗$78嘅小菜俾錯咗$67嘅小菜，打公仔搵錢辛苦連十一蚊都扼埋，店電話長響無人聽，唔係個個外賣都住附近，奉勸沙田街坊外賣望清楚，經常漏單錯單，開業半年多已經三劑😢

📍牛奶冰室 (沙田)沙田銀城街1-2號置富第一城地下G71-G73, G82B號舖🌸厚切午餐肉半焗流心蛋蔥油飯$50午餐肉有八大件，流心蛋好邪惡，蔥油比較鹹，整體不錯下次再食其他，菠蘿包好大個，同埋蛋撻都幾吸引#沙田#shatin #第一城#第一城美食#沙田美食#香港#hongkong#hkfood#hkfoodie#食好西#相機食先#手機食先#香港好去處#週末好去處#茶餐廳#港式#午餐肉#流心蛋#牛奶冰室#菠蘿包

紫薯麻糬包轉咗款新包種，食落好軟熟，而且表面鋪滿紫薯粉。紫薯蓉味道清甜，口感綿密。牛奶麻糬容易拉絲，口感軟糯，甜度適中。但略嫌餡料太少，只佔1/8包嘅份量，食一啖都無曬咁濟。

見咁多人排隊特登約屋企人3個人去試一試去到門口攞飛等位門口個短髮呀姐態度勁差由門口有10幾個人等到門口得返我哋三個我哋都冇催過唔出聲繼續等呀姐見我哋等到唔耐煩問我係咪1位🙄我已經燥底答左2次三位之後佢吾出聲向我揮手 之後繼續傾電話咁姐係點呢終於入座 枱都未拍好既刻催我地落單 話廚房要收🙄算拉拿拿林叫野食叫左2人餐加多個餸價錢同普通茶記差唔多野食質素都一般。。。咕嚕肉好酸條魚個醬味道OK，不過有少少腥鹹魚肉餅 。。正常拉

同屋企人食晚飯。叫左個咖喱巨人雞扒同星洲炒米。真係難以形容的難食！個雞扒飯係放入微波爐翻叮俾你（$70）個星洲炒米係本身有行味（$60）真係⋯ 唔會再幫襯😕 再見。

兩個人諗住夜晚食小菜，去左樓下牛奶冰室叫左兩個小菜諗住都正正常常，黎到賣相都可以既，不過xo西蘭花蝦球份量比較少，可以比多啲西蘭花味道都夠係另一個經典嘅沙嗲肥牛金菇煲，越食越覺得奇怪，因為想搵完整嘅一塊長少少既肥牛都無全部都係碎哂 啲配菜都蓋哂啲肥牛碎不過兩個送既味道係夠，唯獨用料要認真對待啲囉 個主肉似執頭執尾咁放落個煲到！Ps圖都是食左先影

近排去得多沙田第一城，見到呢間牛奶冰室的人氣超勁😆次次見到都好多人在等位，剛巧下午茶時段無乜人等位🤪一於入去試下…經典西多士 $35三層麵包嘅西多士裏面夾住粗粒花生醬，有正常嘅糖膠及牛油，炸得熱辣辣口感鬆軟，炸得略嫌不夠脆口，味道正常吉列魚柳配薯條 $39超薄身魚柳，外皮炸得好硬，肉質又梅又腍，好彩炸皮夠硬身如果唔係散曬🤣😂；薯條炸得油膩熱鴛鴦 咖啡比較少，奶茶佔七成，顏色像泰式奶茶般的橙色， 叫咗濃啲但像平常一樣早知去“大X活”食好過😂好彩唔使點等位浪費光陰🤣

Finally I have room to try their icon dish Chessy pineapple bun. As mentioned in the poster, the cheese should be hot and soft enough to create the stretchy effect.However, my bun is not hot enough and no stretchy effect for the cheese, although the taste is not bad and the cheese content is significant too. There are a few types of cheese inside.You can take away and baked it yourself. I think it may be even better!!! You get the control!!!

【沙田區】【牛奶冰室】沙田第一城一向都係沙田區內嘅「美食小沙漠」，餐廳選擇多得嚟，永遠都唔知食乜好嘅。近年附近有埋石門區，情況有所改善，起碼行去石門嗰邊就即刻搵到嘢食。只不過第一城本區呢？搵到替代品唔代表件事解決咗架喎。然而，最近美國餐廳執咗笠，變咗呢間算係連鎖店嘅「牛奶冰室」，情況應該好啲，雖然類似嘅選擇已經開咗敏華。我喺呢啲情況就梗係搵個機會去幫襯吓，叫咗 $48 嘅「全日常餐」，常餐都有三款可以揀，選擇都還可以。我揀咗「五香肉丁湯麵」配米粉，都幾好食，而且都夠晒大碗。配菜有「蒜香多士」同「牛乳炒滑蛋」，前者個醬幾 juicy 但好似蒜香味不足，後者個滑蛋炒得都 okay，叫做附近冇呢個水準嘅炒蛋先，餐飲「熱茶走」水準可以。一場嚟到食埋 $10 嘅「鮮奶蛋白撻」同 $8 嘅「牛油皮蛋撻」，放咗太耐，水準好一般，咁樣食咗 $66，有好有唔好咁啦。而家慈反而大推 $33 嘅「黑松露滑蛋三文治」配熱飲，佢話好好食喎，我就未食過，讀者自行判斷喇。。。呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：荃灣區分店：1am0482（地址：沙

前幾日都已經試過，1個人去食，點知被安排左搭右搭，算啦，冇位冇計，但今日去，我等咗10分鐘，來遲過我2人、3人、4人都入曬坐，我見有2坐位，咪問下我幾時入得，佢答我未有位，我話來遲過我都入曬，佢居然答我「成間舖得2個位係1人坐，我反咗眼問佢，姐係2人坐唔坐得1個人？佢冇答我，同另一侍應講「比果個位佢，跟住我以為有2坐位唔使搭抬啦，點知被安排搭抬，嬲嬲地唔食喇，走人，我唔會再去試😡😡😡😡😡😡