牛奶冰室 (怡豐大廈)

營業中

休息中

一直有幫襯開下晝，佢個生滖牛肉通粉好出色，湯底好入味，又有生疆絲，處處看見廚師的用心。坐得也舒服。3月第一次幫襯，門口姐姐欄住要做安心出行，我乖乖嘟左，佢話我無針咭，我俾張針咭佢睇，佢唔接受，要用佢手機嘟我張針咭。我張針咭係我個人資料。我都係想振興經濟，幫襯值得幫襯堅持嘅餐廳。唔明白嘟咗客人針咭又有幾合法，安心出行依家什至唔會通知確診資料。我已經有展示我有打針這也不能靈活接受，很擔心在疫情下這種餐廳的生存率

跑馬地相對比鄰近銅鑼灣、灣仔係一個節奏比較慢嘅社區，亦都匯聚咗好多來自唔同地方嘅街坊。以前喺度開餐廳都會諗有無人來😰，呢幾年多咗咖啡店，亦多咗餐廳。😊對上一個比較新式嘅茶餐廳可能係「大少爺茶餐廳」，之前開喺「南亭」隔離。老街坊一定知。有好人來跑馬地都會去幫襯舊祥興，其中係因為比較Old School嘅茶室，其二係好多雜誌都寫過佢哋。但對於我來講如果一個老派茶室嘅奶茶保持唔到之前嘅水準，餐牌唔迎新，喺依家年代難生存。🤨牛奶冰室肯定係喺跑馬地呢30年以來，最大嘅茶餐廳。我幾驚訝佢哋會喺養和醫院對面嘅位置開餐廳，因為之前20年未試過有食肆喺嗰度開店，主要來講人流少！食物來講對我頗為驚喜，好多茶餐廳都係A BCD餐，但呢度幾多選擇（附上餐牌），有中、有西。我鐘意意大利蕃茄肉碎濃湯通粉 配牛乳炒滑蛋、蒜香牛油多士，我鍾意呢度係因為早餐可以轉埋做米線，外面好多淨係通粉、公仔麵或者米粉🍜，埋單40有找。奶茶亦尚可。牛奶冰室出現應該能夠破跑馬地舊茶室排隊去飲奶茶、食蛋撻嘅局面😃。📩Email Rating: 🌝🌝🌝🌝🌜

XO仔對「牛奶冰室」依個名唔算好陌生，起碼一響朵腦海中迅即會浮現出其黑白母牛個嘜頭，只係一直未試過。週末突然收到蕃薯Uncle來電，告知連鎖店於跑馬地新設之分店剛剛開幕，並誠邀小肥兩兄弟一齊去嘆下午茶，嘻嘻，兩隻為食貓呆在家中當然係立即答允啦！店子門面光鮮，正門前方企滿等外賣嘅客人。窗邊條人龍先係等緊堂食嘅。由於翻枱夠快，三口子排咗十五分左右就已經有位。店舖前方為收銀部及外賣部，陳列架上及雪櫃內可見多款包點。內側嘅用餐大堂光猛開揚，二至四人散座均以抗疫膠板隔開，空間感都好足。餐具收藏於餐桌嘅拉櫃內，慳位又衛生。自助落單流程簡易快捷，不用跟服務生對話可倍添安心。細佬於輪侯時早已參閱過附帶彩圖嘅過膠餐牌，諗定好要見識一吓咩叫「皇牌西多士」，目標明確。黑糖漿雪糕西多士（$44）：如相所示，西多士色澤金黃，可惜一啲油水都冇，而且唔得鬆身，內外都係咁乾噌噌。雖則伴配嘅雲尼拿雪糕可為西多添上濕潤，無奈雪糕毫不軟滑，食落質感仲係好粗嚡，加上量少味淡嘅黑糖漿缺乏香甜，真係唔明點做皇牌喎！跟餐點咗杯熱奶茶，不過所謂「濃D」都唔係好夠味。蕃薯Uncle因深深被桌上嘅「芝你最愛」靚相吸引，所以就點咗個「爆漿

A number of restaurants have opened over the years in Happy Valley but from all the years I've lived here, 牛奶冰室 (English name: Milk Cafe) is the only one I can think of that had the whole neighbourhood a  buzz. This was the first cha chan teng  run by a huge restaurant group. And it seemed everyone was curious. I had tried the one in Causeway Bay and have been to a number of their other restaurants in this group. So, I knew what to expect. But how will it fare in my little neighbourhood? I decid