影片
更多
2023-06-23
652 瀏覽
經openrice叫外賣自取，話要30分鐘。過左15分鐘系統顯示仲未接單，想打去問又打唔通，於是自己行過去睇吓咩料。去到問個收銀阿姐，佢篤一篤部外賣機話斷左線，而家先收到order。我同阿姐講麻煩盡快。個阿姐由我到達到呢刻佢都係篤緊自己部電話。當時離落order夠鐘仲有10分鐘，咁我只係叫一個飯一個麵，鋪頭又唔多人又冇人等外賣，我預計唔會需要好耐。到30分鐘夠鐘，未出餐；我行開食支煙返黎仲未出餐。已經40分鐘了，呢個時候個收銀阿姐行左返黎（佢唔係長駐收銀位），我就同阿姐講「麻煩幫我跟一跟個餐」，佢聽到後就行返入餐廳，佢行過我身邊時我仲加多句「唔該晒」。但個阿姐由頭至尾都冇對我有任何回應，直頭望都冇望過我一眼，都只係篤緊佢部電話。唔緊要，最緊要你幫我跟單。但我睇住佢行入餐廳後，佢去左執枱。冇野吓嘛？你就算呃我一句話「就得」「出緊黎」都好丫，唔出聲都扮吓野去廚房望吓啦。既然佢唔幫我，我唯有自己去跟。我行左去出餐口，就見到我份餐齊齊整整咁入好膠袋放左喺度。我要強調當時餐廳坐左唔夠一半人，絕對唔係繁忙狀態，個阿姐只要那怕去望一眼都一定望到有袋野喺度，側邊仲要冇其他食物，唯獨我一袋野放左喺度。咁
過左15分鐘系統顯示仲未接單，想打去問又打唔通，於是自己行過去睇吓咩料。
去到問個收銀阿姐，佢篤一篤部外賣機話斷左線，而家先收到order。我同阿姐講麻煩盡快。個阿姐由我到達到呢刻佢都係篤緊自己部電話。
當時離落order夠鐘仲有10分鐘，咁我只係叫一個飯一個麵，鋪頭又唔多人又冇人等外賣，我預計唔會需要好耐。
到30分鐘夠鐘，未出餐；我行開食支煙返黎仲未出餐。已經40分鐘了，呢個時候個收銀阿姐行左返黎（佢唔係長駐收銀位），我就同阿姐講「麻煩幫我跟一跟個餐」，佢聽到後就行返入餐廳，佢行過我身邊時我仲加多句「唔該晒」。但個阿姐由頭至尾都冇對我有任何回應，直頭望都冇望過我一眼，都只係篤緊佢部電話。唔緊要，最緊要你幫我跟單。
但我睇住佢行入餐廳後，佢去左執枱。冇野吓嘛？你就算呃我一句話「就得」「出緊黎」都好丫，唔出聲都扮吓野去廚房望吓啦。
既然佢唔幫我，我唯有自己去跟。我行左去出餐口，就見到我份餐齊齊整整咁入好膠袋放左喺度。我要強調當時餐廳坐左唔夠一半人，絕對唔係繁忙狀態，個阿姐只要那怕去望一眼都一定望到有袋野喺度，側邊仲要冇其他食物，唯獨我一袋野放左喺度。咁我唯有自己拎完走人，全程亦都冇人理過我。
基本上唔係太過份我都唔寫食評。我覺得過份既唔係要我等咁耐，而係呢位阿姐個態度。唔想跟單咪講聲，我搵第二個人幫我。你聽完又冇反應又唔我先咩意思先？我由頭到尾都係好聲好氣，唔該前唔該後。我到而家都唔明有咩得罪佢。
野食既話都係一貫連鎖茶餐廳水準，唔會有驚喜但又唔會難食囉。
張貼
