牛奶冰室 (黃大仙中心北館)

營業中

休息中

昨天經過黃大仙中心 ，一時想不起吃什麼 。看見了牛奶冰室門口， 已經有人在排隊 。其實以往經過都見好多人排隊， 今日總管一試 ，到門口取飛等了大約20分鐘， 終於入座了。坐的位置不太好 ，就是人來人往的通道旁。看了看餐牌 ，在多款的茶餐選擇了 「脆炸魚柳薯條 」配一杯熱可可，另一個是 「蔥油雞撈麵 」配了熱杏霜。等了約十分鐘到了， 樣子賣相是挺漂亮的。 那個蔥油雞撈麵的味道確實對版，竟然雞肉帶嫩滑，而外表焦香， 內外恰到好處 ，一定會返order 。美中不足是 溫度不足 只能夠畀 75分 。脆炸魚柳 賣相十足，魚肉本身車較薄，但香脆啊！ 薯條質較為乾身，灑上的五香粉也匹配的。熱杏霜的味道是絕對可以接受，熱可可則稍為差啲，只有50分。整體還是可以可以一去的餐廳。

一碟麻婆豆腐飯使唔使咁多辣椒乾炒牛河又無嚟味道，黑松露焗豬扒飯冇黑松露味，隔離嗰個阿叔嗌咗個乾炒牛河竟然辣到食唔到，真係離晒譜，我本身係一個好食得辣嘅人，但係佢剩係得辣味。

帶位的混亂 自己個麵包位又放門口 D人又排隊買又排隊入 一片混亂 送食物也混亂 職員態度差 煎雞蛋自己加美極 好似人人都會食咁 單人座位非常窄又高咗D 十分不適服 好似唔食係我損失咁 比之前的翠華差太遠 不會再幫襯

見黃大仙北館間牛奶冰室經常排長龍，今晚諗住試吓，唔係叫啲特別嘅餐，普通叉燒煎蛋飯，足足等左半個幾鐘，啲飯冇口感，冇飯味，好似食緊蒸米漿，爛到一個點，啲叉燒冇叉燒味，啲蛋明顯唔係啱啱煎嘅，唔明點解咁普通嘅碟頭飯要等咁耐，即刻同自己講，冇下次，唔好再做傻仔，要排隊等最少半個鐘入座，等食物到又要咁耐，嘥晒啲時間食啲咁嘅嘢搵笨，今次當買個教訓！

牛奶雪糕超好味，食物既賣相無論點影相都好好睇，但食物就冇賣相咁好味喇，但都唔差。服務就差喇，我去倒杯熱水，返番我張檯 一路比佢哋啲員工係咁撞，條路本來就窄，食客又要行 員工又要行 仲要推部車仔，仲有好多唔識讓路既機械人送麵包仲要你搵位讓佢哋。 茶餐廳黎講價錢中等偏高，不過賣相又彌補番，味道都好好。 係正屋企樓下，成日去食，缺點就係幾時去都要排隊，要提早至少半個鐘去排隊。 總體黎講，值得一試，雪糕真係超好味呀！！！

呢間嘢前身係翠華，新開都有一段時間，但每次食lunch行過都排長龍。😵‍💫🫣今日晏咗食飯，博一博睇下會唔會有位，好好彩呢！嚟到等一張就有👍🏻感覺都似翠華或者敏華。叫咗個黯然銷魂叉燒飯（唔記得乜名）🤭，流心蛋非常吸引！！仲有叫流心蛋蔥油厚切餐肉飯…蔥油真係好香～撈飯一流！上次路過已經見到人哋食個肉絲炒麵，淨係睇佢個脆炸麵山，齋打卡都已經非常吸引！另外叫多個乾炒牛河，份量非常足夠！要一提嘅係數碼落單，連飲品都有四個選項：少甜/多甜？少冰/多冰？少奶/多奶？少檸汁/多檸汁？揀都有排揀～搵個阿姐落單可能仲快！科技，到底是智慧結晶…定係失智麻烦呢？有時太規範就欠缺人性……

終於係黃大仙開朝早幫襯買面包食🤣但味道都一般以為會即焗即出😖😖😖但食左幾日都有少少凍同埋有少少硬不過大大件 性價比都高👍🏻👍🏻同埋員工d態度都唔錯

今日同屋企人落去食嘢，大約8:44入座，之後我哋食到一半嘅時候叫多兩個外賣拎返屋企俾屋企人食，大約九點10幾分叫完，當我食晒個餐嘅時候個外賣到未到，店舖嘅員工人手不足，知道外賣要等，但係我已經係喺食緊嘅時候嗌外賣，之後我等咗半個鐘都未到個外賣，於是催個店員幫我睇睇，結果都係等咗幾分鐘先拎到，我同屋企人坐咗係間餐廳度一個鐘，以後唔會再喺嗰度食，佢旗下嘅餐廳一個唔誠實（另一間）一個等咁耐，唔建議去嗰度食，因為真係等好耐

之前在新蒲崗食過早餐，唔錯，上月路過，知北館會開，已好期待。這位置共有三間食店，分別由牛奶冰室 RUD燒肉及CHICKEN FACTORY 組成24/6/2023（星期六），新開張無耐，先試牛奶冰室，好多人，等位等咗30分鐘午餐款式都幾多，點了三個午餐五香肉丁湯麵配多士炒蛋，個碗好大個，餸及麵都有七成滿，多士稍為燶多D生滾牛肉湯通粉配多士炒蛋，牛肉份量多又好滑，好味，最鐘意係有菜芯，雖然唔多，但都好，好多食店有菜配多是生菜，配菜芯的，唔多黑松露焗雞扒飯，焗飯，等時間較耐，都唔錯

這間茶餐廳開業幾天，來試試，怎知混亂一片，取票後完全不知道叫號叫到什麼，顯示版位置太低，完全看不到及被人群遮住，入口太細，等位的客人完全跟買麵包的客人，打成一遍，你推我撞，不知道他們公司是怎樣設計的。侍應也好像遊魂一樣，不知道自己做什麼。吃完付款的時候，收銀員完全scan不到我的單，不停問我吃了什麼吃了什麼，我已經回覆她兩次，她也不停在問我，最後我叫她在系統內重新輸入我吃過的食物，當我用八達通付款的時候，她又說因為我的單在系統內找不到，堅持要我用現金付款。我真的不知道這間茶餐廳的服務是怎樣訓練出來的。我當天叫了下午荼菠蘿油王黑糖紅豆冰，菠蘿油完全不合格，菠蘿包應該是Overcooked，吃的時候，包是很煙靭，完全沒有鬆化的感覺，好似食緊擦膠一樣。希望餐廳看到這個評分，改善一下吧。