牛寶寶 (已結業)

全新款式，多咗好多小食，味道不錯，最好食蒜香薰蹄，越式湯粉好香蝦油味道，紅油黃金皮蛋好好美，泰式串燒雞肉及黑毛豬，泰式沙爹醬好正，冰鎮奶茶，茶香濃入口香滑，食完午餐埋單還有雪糕送，真係好抵食

泰式豬頸肉湯檬啲豬頸肉切到好似花咁，襯埋個碗好靚。泰式雞翼湯檬有成五隻大size 雞翼，好誇張！抵食！如雞翼再入味啲更好味！樽仔奶茶偏甜冷氣偏大，可以叫店員幫手較細啲。

牛寶寶營業時間好似到中午3點半，平日星期一至五好難去幫襯，所以星期六時間夾到就即刻上去幫襯。環境正常，坐位鬆動。食物味道令人有驚喜:湯檬的湯底味道濃沃，十分好味。無骨海南雞肉質很滑。自選2餸湯檬揀了豬扒及魚肉春卷，豬扒係炸過的，炸完之後仍有肉汁，並非炸到好乾。魚肉春卷跟南記的十分相似，味道很好。

冇咗班長之後， 附近中午放飯冇咩台灣餐廳選擇。呢間中午奇蹟地唔使等位直接入到去， 手機落單都幾方便， 嘢食大概10分鐘送到。排骨比較薄身， 肉質偏瘦， 但係唔算特別乾身。 肉燥係我鍾意食嘅肥瘦均勻，份量完全夠餸飯。

唔知點解d人話ok, 一個負評都冇，真係頂唔順，係幾難食……..所以忍唔住要寫第一個食評……..見咁多人讚，所以去食早餐，如果係普通都算，點知係好難食，雪菜米係一pat野……………..

午飯時間的荔枝角有很多選擇，但又因工廈林立的關係，不太好找位置。和同事想靜靜吃個LUNCH，便到了牛寶寶。店不大，可scan qr code 落單。我點了個台式排骨滷蛋肉躁飯($48)，肉躁份量非常慷慨，完全蓋過了白飯。肉躁不是太咸，排骨(命名豬扒似乎更為貼切)也很香。套餐包一杯熱飲，甚為扺食。當日點了咖啡，咖啡味道普通。最驚喜是結帳時才發覺有雪糕送！是日味道是芒果味。雪糕不是超市常買到的牌子。雖然小小一杯，但味道也不錯

億利大廈真係餓虎床龍， 茶記都特別啲，講定主題先: 牛腩同咖啡好正，仲要有折。👍🏾因為自己響億利返工，身為地頭蟲當然要洗樓試晒佢😂行過見到外賣自取有85折，即刻走去試~又有台式肉燥飯又有越式扎肉/ 香矛扒 水準都唔錯， 唔會太肥。不過呢間野既主角其實係牛腩！又多又正，第一次試記住唔好叫雙拼，單叫蘿蔔牛腩， 最少有六舊半😂。佢牛腩係長切的，靚過出面切到方型果啲雪牛。另一主角無咖啡，茶記竟然有即磨😂😂雖然細杯啲，但係堅野而家一個月最少食佢一次

牛寶寶係呢頭返工，其實都成日食佢，有好多飯麵選擇，仲要係黃店，就推介一下。 —————————————————————    平時lunch都幾多人，今日叫咗個雙拼米線，魚肉春卷同雲吞。米線係行爽口路線，好啱我口味，魚肉春卷好好食，佢唔會浸到好淋，仲feel到有炸過嘅香味，雲吞大大粒，同埋雲吞唔係成日有，去過幾次都食唔到，所以有就會叫，跟餐有嘢飲，呢度啲嘢食全部都係勁大份，一定食得飽，細食嘅女仔嚟到可以叫少啲，唔洗浪費食物。基本上呢間嘢係我食堂，lunch諗唔到食咩就會嚟食。$44—————————————————————  牛寶寶地址:  荔枝角長沙灣道883號億利工業中心4樓402號舖

星期五的午飯時間，沒有訂枱之下勇闖億利工業大廈覓食。由一樓開始，進了好幾間餐廳都不接受walk-in, 最後來到4 樓這一間。估計應該是黃店的緣故，牆貼上別具心思的字句。我們三人等了一會，終於可以坐下。餐廳主打咖喱和少許泰式、台式粉和飯。這個豬頸肉米粉，份量超級無敵多，大量芽菜湯底，豬頸肉燒得非常香口，配上泰式酸汁，越食越醒胃。台式肉操豬頸肉飯，滷肉入味，叫了少飯份量剛剛好。炸豬扒米粉，豬扒炸得鬆化，新鮮熱辣，芳香四溢。每個午餐包一杯飲品，價錢$4x -$5x 左右，而且還送一杯小雪糕🍦，CP 值超高！

係荔枝角返工，附近雖然好多選擇。但係第一首選一定係牛寶寶，下午茶餐好抵食，30幾蚊就有一個餐，重點係好味同同事通常都叫三個餐share，咁平除返開都係4x蚊一個人

今日專誠黎茘枝角行街，係openrice搵到呢一間牛寶寶餐廳，因為第一次黎所以都唔係好知，原來係係億利工業大廈入面，上到4樓原來仲隱敝，左轉入最尾果個位，餐廳外面裝修其實幾靚，乍看之下似高級餐廳，而入面環境都幾寛敞，座位舒適！由於天氣太熱，唔係好想食好多野，所以我叫咗一個下午茶餐：泰式魚餅米線，凍奶茶！加咗$3之後埋單都係$30👍🏻👍🏻，非常合理既價錢！而且食物質素都唔差，魚餅既質感幾彈牙，米線淋度亦啱啱好，唯一需要改善既係杯凍奶茶，偏淡，不過總括嚟講都不過不失，下次亦都可以再黎光顧，值得一試噢！

聽朋友講有間食午餐送雪糕，仲要話個午餐好好食，於是去試下。原來平日星期一至五去食，好多人，餐廳坐爆哂之外，連門口都排長龍，所以我就星期六去食，唔需要等位，入面坐得好舒適，又有大電影睇，仲有口罩袋提供，非常鍋心👍🏻👍🏻之後我就叫佢個午餐香茅豬扒飯，試下係咪真係朋友講得咁好食，再加埋杯UCC既咖啡，平時餐廳都係普通咖啡，於是試下。豬扒真係好軟熟，唔會太老，調味都唔錯，但咸左少少，如果唔係就perfect喇。食完後，仲有香港製造既椰汁雪條送，椰汁味重，唔會好易溶，又唔會太甜，出面係無得買，所以大家黎食，到最後記得拎埋雪條食😂😂

朋友係附近做野，帶左我去呢間話好好味。一入去已經聞到有好香既牛味，其實係食泰式野比較多。叫左個牛腩泰式魚餅湯金邊粉，另外加個豬扒。個牛腩意想不到好有驚喜！又香又林！魚餅亦到好有口感，香料味唔會太重。豬扒有少少乾，不過個味幾好。反而個湯底有少少油。朋友食個豬頸肉湯金邊粉，個豬頸肉都推介！林得泥會爽口。不過會推薦配飯食，先會有個好味泰式醬。Lunch set 之後仲有個甜品送，今次係玄米茶味雪糕，好特別既味道亦好好味！一定會再去食！不過記得lunch hr 係會好多人既😂

💖 #冰鎮奶茶 // 跟餐 + $5沒有被冰稀釋的奶茶 濃厚絲滑.❤️ #泰式無骨海南雞配椰香油飯 // $53雞肉偏瘦 雞髀雞翼部位很嫩滑 其他部分有點煮過頭了油飯份量十足 暖暖的 香氣四溢可以沾甜醬油或泰式酸辣醬喜歡附送的醃蘿蔔！非常清爽開胃.現在午市送雪糕啊～ 港式奶茶味 🍂🍨小小的 當飯後甜品剛剛好‎- - - - - - - - - ‎- - - - - - - -follow instagram @fisweet for more.

位於毫不起眼的工廈之內，只招代自己人。在這裡有水準的食物和環境，電視機中播的是nowTv是其中一個賣點。泰式的飯食和檬粉也是不錯之選，午餐後還送餐後甜品。甜品是不同口味的雪糕。好貼心，加上面的的侍應都非常親切，十分地道和有人情味。店內有少量室外位置，午餐時間都會滿座，不過流動得都快手。環境都算正常。泰式豬頸肉飯 首先，豬頸肉的切法好特別，不像一般的一片片，而是一粒一粒連接著的形狀，應該是更方便食用。而口感方面，是爽口彈牙有點像蘆筍的感覺，搭配上秘製少少辣非常惹味，加上酸味更加開胃。酸酸辣辣特味道配普通白飯也是回味無窮。唯一美中不足的是堂食用外賣杯。