牛寶寶 (已結業)

三日嚟咗兩次😂第一次食口水雞河粉$48，手殘唔小心刪咗張相😅不過份量非常足夠，略咸，不過浸一浸啲湯撈河粉啱啱好！第二次食海南雞飯$51依然份量好足，飯係椰香油飯個人覺得麻麻哋唔鍾意椰子味飯，湯都幾好，湯料有白蘿蔔同雞腳，好多蔥，醬料都唔錯，係甜醬油同酸辣醬，其實個雞唔點醬本身都有味。個人覺得值得一讚呢度係掃code落單，落完單3-5分鐘就有得食，啲姐姐都幾nice，炒梗場你有嘢問都係好聲好氣。

牛寶寶一直都係午餐之選，今日同同事六人一齊黎到，等左十分鐘左右，雖然老板娘開左大風機係門口比我地等位，但都熱到出晒汗口水雞配米粉好感動我食晒成個餐，口水雞好正，好麻辣，簡直係刺激味蕾，配番清清地既米粉，味道岩岩好，唔會辣到食唔到特別值得一提係呢度既凍檸茶好岩我心意，應有既味道都有，而且好清，同Starbucks 既柚子冰茶茶底有啲相似，相信下次我都會再飲檸茶我地用QR code 點餐，順利點餐既話真係好快，三幾分鐘就送到，但如果手誤既話，又要同侍應姐姐講，反而就變得慢左！希望可以越做越好！差啲唔記得，埋完單仲有杯裝雪糕食

中午食左呢間打工仔飯堂既餐廳，價錢貼地，岩打工仔黎食個中午飯，咁樣配搭都係51蚊，性價比唔錯。香矛豬扒幾香，肉質都唔錯，做得幾入味，幾好味，飯有少少汁不會太dry，幾好味。朋友叫滷肉飯，試咗啲滷肉都幾好食，但如果多啲就更好了，杯奶茶都是唔錯的。環境方面，我覺得餐廳嘅裝修設計都坐得舒服，但最大問題係大熱天時冷氣唔夠，令人會唔想堂食，但通常一班同事都會想一齊出去食，呢方面餐廳要改善下～整體上呢間餐廳都值得一試，都會再回頭！

今天買了戲票去D2睇十點半早場，去睇戲之前想係附近食早餐，經過係openrice搜尋，見呢間牛寶寶店名特別之餘，食評都好，而且見早餐算多選擇，價錢又相對平，於是決定一試。到達餐廳，可以在坐位上透過手機點餐，很方便，我選了黑松露炒蛋餐，配豬柳漢堡，茄汁焗豆及迷你雪菜肉絲米粉。餐包括鮮牛油餐飽及冷熱飲品。當餐飽送來的時候，是暖暖的，吃下時，感覺很溫暖呢!食物整體都好味，而且足料，真的很開心吃了一頓豐富美味的早餐。

以前的工廠大廈，逐一改變成食肆，不是同事帶我去億利，也不知道有咁抵的午餐！同事說今天好幸運不用排隊等候，直入而且有四人枱😄各自挑選自己的午餐後，原本想用 掃QR Code 直接落單，但只有我失敗，只好用人手落單！效率很高，很快就送上午餐！泰式無骨海南雞、椰香油飯（包湯一碗及drink ),最驚喜的事付錢後有自家甜品一杯

午飯時間很多人，地方唔大但算整潔，排左一陣就有位。比較特別係用手機掃餐桌上的QR code就可以落單，唔怕落錯👍🏻野食都ok，食既係泰式無骨海南雞湯檬粉($48)，叫呢個餐有湯送，另跟餐送熱飲的，要左熱奶茶，奶茶用外賣紙杯，但係比一般的細杯，全部味道正常唔錯，粉既口感軟硬適中，唔知係我大食定係份量真係唔多....男性去的話應該要加底先夠。最後有甜品送(今次係椰汁西米露)，甜品係放在收銀處，埋單時可拎走的，總括來說，算抵食。

今日4個同事黎到E 到食飯 同事介紹佢地好食既係泰式無骨海南雞飯 錦我就試下佢先我飲左啖例湯 蔥花味比較多 我唔係好鍾意錦我又食左啖飯先啦 嘩~好香呀 仲係暖暖地既飯 飯粒粒分明 但係唔乾身 粒粒都充滿油分咬洛去 香味充斥成個口腔D雞更加不得了 好滑 骨好少 比足半隻你 無偷工減料另外同事叫左原汁蘿蔔牛筋腩飯我同事食到一半先記得影 因為佢話太好味啦 蘿蔔好大塊 好入味 牛筋腩就比足兩樣牛筋好林 牛腩好少根 肉多比較UN但係個汁 送飯一流!總結:小店黎講又平又好味 會再光顧~

去完第一次，就不斷返去！太正，有時在別區突然想下午茶，就大嘆可惜不在荔枝角，不然實去牛寶寶！精心餐牌，可見老闆細心！非一般的茶餐廳餐牌！第一次去點了一般茶記沒有的《風沙雞翼》！超多風沙！而且雞翼不是一般的細size，同一般茶餐廳下午茶最多只給你3隻，這裡居然有5隻巴西雞翼咁大！即叫即炸，熱、多汁、不乾！還跟嘢飲！早期只收$25, (怎麼可能？！),現在亦只是$28~! 超值啦！如再加十元八塊也超樂意比，因為細心好味有質素！去過幾次後近排愛點他們的《芝士火腿西多士》！又是另一精彩力作。在外邊茶餐廳現在已很少有地方可吃到。金黃色、新鮮炸，芝士火腿配合糖漿的份量剛好，不太甜，味道口感又超有層次！又是只收廿幾蚊連飲嘢！而且還有茶餐優惠咭，儲夠5-6個$20以上茶餐印仔，可當$20用～!還沒介紹他們同樣精彩的牛腩飯、豬扒蛋飯！店內多位子，午巿多人卻不喧嘩。有一角落在窗邊旁，鬧市中坐下來享受美食，享受一刻放鬆，超讚！！我喜歡台灣，通常會說：「台灣，怎可不去？」現在我會說： 「牛寶寶，怎可不去～!」

去4樓買急凍海產，見到＜牛寶寶＞的易拉架，店名好有趣，就決定翌日試佢地嘅早餐。我地公司喺＜牛寶寶＞對面大廈，要買滿一百蚊才送外賣，好在今日有4條友一齊落柯打，一定湊夠數。打開外賣袋，八個眼球都被牛油包包吸引~因為附近幾家餐廳都唔係用哩種包包，摸上手，男同事驚呼 : 「個包仲暖㗎！」，另一位男同事已急不及待大啖咬 : 「好味呀！」望下張收據，原來凍飲及外賣盒都唔使加錢，又係一個驚喜~另，真係俾巨型庵列的size嚇親~女同事話豬扒咸咗DD，我就覺得庵列淡咗D，如果加少少黑胡椒粉就完美勒~

其實都上兩個月既事，只係依家先開始寫。呢間係無意中發現既餐廳，發覺都好唔錯，而且環境都好舒服，價錢又親民。首先係有飯、有粉，可以比唔同選擇大家既餐牌。入到去仲有另一張餐牌。仲有自己包裝既濕紙巾。我叫左個豬頸肉粉，好多豬頸肉、夠晒足料。食到好飽啊。朋友叫左個牛筋飯，雖然影落去份量唔大，但其實都食到好飽呢，而且牛筋炆得入味又夠淋身唔痴牙。跟餐兩杯野飲，味道唔錯，係熱華田同凍檸茶。埋單仲有雪糕球 / 雪條送，有飯後甜品真係好正呀。

店主本身都做開飲食業, 之前鋪頭係青山道, 有做午市有晚市火鍋, 雜誌都有報道過, 信心保證, 所以完全知食客要求..足料, 抵食, 又有免費wifi如果有zero 可樂就好啦本身已經足料, 再加埋普通可樂就太heavy

公司附近有新餐廳開張，即刻去試，好食就多個選擇嘛。因為我2點先放飯，所以已經有下午茶可以食。呢度除左有台式食品之外，仲有泰式粉面海南雞等等，其實選擇都幾多。最後我都係叫咗個雙檬粉，如果你只要單餸，都只係$25！！響荔枝角呢個價錢真係抵到爛！！A開頭都擔心下午茶咁平會好細碗，原來都唔係，食極都食唔曬，最後真心飽。雲吞唔算咸，幾有咬口，而豆卜就好多汁好好咬，都算多粒。唯獨檬粉好快發脹，食食下會唔想食，不過怕餓無辦法啦T.T朋友叫嘅腐皮魚肉卷聽講係好食，都彈牙唔會好油膩，由於佢哋仲細食過我，所以叫單餸都飽到嘔。你話呢度超級好食又唔係，不過午餐同下午茶價錢咁平，叫做不過不失，如果對食要求不大的話，係可以做飯堂㗎～Menu:

《牛寶寶》 🐮 #荔枝角📍荔枝角長沙灣道883號億利工業中心4樓402室-同事一直都話牛寶寶嘅海南雞飯好食🤤今次lunch一於同同事一齊食雞😻-泰式無骨海南雞飯 $48跟椰香雞油飯 例湯 熱飲(凍飲加$3)好老實講我覺得真係好抵食呀！-無骨海南雞非常之滑而且肥瘦度適中 就算唔蘸醬都可以雞都幾入味👍🏾👍🏾我最欣賞佢嘅椰香雞油飯 一啲都唔會油膩 恰當好處！不過例湯就比較偏咸一點 不過可以接受到！-instagram: 90sfoodieshare

荔枝角真係一個福地，成日有好多唔同款式既餐廳開，見呢間係4月新開，同班同事午餐一於去試下入到去已經有有陣牛味，唔覺得好蘇，係幾香既牛味。午餐都有幾多選擇，有檬粉，有飯，有麵。雖然叫牛寶寶，但佢唔單單得牛食，仲有香矛豬同雞果d東南亞款式。今次我叫左個香矛豬排湯檬粉。份量都幾多，仲有五隻雞亦真係好有驚喜平時既餐廳得3隻，呢度有五隻，真係好滿足😂😂味道方便，雞亦都滑既，唔乾，香矛味就少少，個湯就正常，如果係牛骨湯底就更加好！價錢方面都相宜，配埋熱檸茶，44元。算唔錯

之前系香工後面food court開檔,非常抵食，套餐$3X ,份量大，一飯/面飲品仲有油菜或小食，搬到億利工廈後環境座位比較舒適，份量細左，味道依舊正常，不過不失。。