牛摩 (已結業)

新正頭最緊要食餐好同埋最緊要滾起今次我哋選擇牛摩因為每次都冇令我哋失望今次亦唔例外 我哋選擇咗個三百幾蚊嘅澳洲牛第一轉上嘅菜有牛舌 雞肉豬肉 不過我始終都係鍾情於牛肉正所謂一分錢就一分貨 佢哋有百幾二百幾三百幾同四百幾嘅牛肉90分鐘四百幾我覺得貴咗少少唔捨得但係我又想食好少少所以選擇三百幾嘅牛肉我哋一條氣叫咗六轉牛肉佢嘅水準依然保持冇揸流灘食完肉就要食番少少菜佢哋除咗啲肉靚之外外面個自座位亦都係好整齊款式亦都好多而且飲品亦都係自助任飲當食到飽曬嘅時候發覺出咗事唔記得留肚食雪糕食唔落有啲蝕底嘅感覺最後埋單兩個人七百幾食到捧住個肚出嚟感覺好滿足總結冇揸流灘嘅放題環境好寬敞食物質素非常好有時間一定會再來

平日晚上，朋友說想打邊爐，搵左這間，限時90分鐘，我地食7-8:30pm（唔知係唔係之後無乜人，定規矩如此，last order 及埋單的確以90分鐘為限，不過，我地之後坐左多成個鐘傾計，無被人趕~😆)。入座前，要先揀邊款放題及湯底。我地三個為左懶係養生，都揀左「蟲草花雞白湯」味道不錯（之後發現自助區有蟲草花，雞又在我地可任加的項目，下次試下其他湯底先）。我地揀左「海鮮+特級牛肉放題」，有特級牛、精選牛、雞肉、豚肉、蝦、帆立貝及墨魚仔任叫，佢會各俾一份客人先，特級牛好正，我地recall左三次。有蔬菜、丸類、其他自助區，種類、數量都不錯。最正是有簡單壽司+前菜區，啱晒我這種要有米落肚既人。飲品方面選擇一般。甜品是兩款口味的乳酪雪糕，正！環境乾淨，食具乾淨，上食物都快，會主動加湯。埋單每人$247，總結：價錢與質素相符，值得一試，亦可再試。

慶祝聖誕新年，大人細路都食得好開心90分鐘特級牛肉放題，食食食特級牛肉、豚肉、雞肉，仲有壽司、飲品、沙冰、乳酪雪糕、芝士蛋糕等甜品，八款湯底任選，一人一鍋，真是大滿足！

天氣一轉涼就想打邊爐🍲，咁就決定簡間最就腳既「牛摩」，因為可以用apps 排隊，方便快捷。基本上一到已經入座，我地一行兩人簡左豚肉🐷雞肉🐤放題+ 自助放題區（HKD 159/ 一人），而湯底方面簡左豬骨湯同壽喜燒（附送雞蛋🥚一隻）。限時90分鐘。雞肉好高質，碌耐左都無變韌，雞皮肉嫩，而豚肉色澤均勻，碌幾秒都食得夠曬薄。飲品種類吾算多，都係以汽水🥤為主，都係大路既可樂、忌廉、雀巢檸檬茶，好彩有提供汽泡水，咁可以係甜野以外既選擇。可即食：有幾款壽司🍣同中華沙律同螺肉，咁都可以暫時搵野食住既心態。火鍋配料區：有多款蔬菜🥬，唐生菜、油麥菜等，又有提供不同🍄：有金針菇、雞髀菇、秀珍菇、冬菇肉等，都吾錯。重點係有不同丸子🧆：芝士豆腐丸、龍蝦丸、墨魚🦑丸等，都應有盡有。甜品方面：有泡芙、小蛋糕🍰重點有乳酪雪糕🍦，有低脂北海道乳酪，朱古力🍫味乳酪，仲有多款朱古力豆，CEREAL TOPPING😍味道中規中矩。員工收碟速度算快，下單之後幾乎吾洗點等已經上爐。總結：價錢合理 食物款式都算多過下打邊爐🍲癮一試無妨

上星期專程入青衣和2位朋友打邊爐，聽聞很多人排隊，所以都一早嚟攞位食，90分鐘時間任食，揀㗎精選牛肉款式。第一碟既牛肉相當唔錯，但後來嚟的幾碟牛肉都已經唔得，又"鞋"又韌，賣相好似好靚但食落口就好唔掂!至於其他款都唔多選擇，有生食亦有熟食，熟食有壽司類，唯一好就好在菜類比起牛涮鍋較多，汽水亦係真“百事可樂“任斟的，比起牛涮鍋的可樂好飲好多。仲有這間火鍋店最值得本人推介的就係芝士豆腐、墨魚滑、乳酪和泡芙都好好味

今日喺青衣城，一個人唔知食乜嘢好，最後決定去打邊爐。五點幾六點去到，冇乜人，亦都有好似我咁一個人打邊爐嘅。搭枱中間會有塊板隔住，感覺比較良好。揀咗最平有牛肉嘅套餐，價錢148 ，住戶證有九折，即係唔使加一。牛肉比較鞋，自助區有小小甜品、不同蔬菜、汽水等等，選擇唔算多，冇期望就唔會失望。湯底或者豉油應該有味精，食完會口渴。侍應服務態度不錯，會主動收碟、上牛肉等等，但埋單有啲亂，叫咗我埋兩次單。老實講如果我唔係生酮飲食，百五蚊我會揀食其他嘢。

第一次食，味道不錯。和朋友一起去，如果平日無人，可以食到5點服務員的態度也很好，服務員也夠自覺，太多碟在餐桌上會拿走仲會問加唔加肉，價錢也不貴，但食物種類比較少...午餐時間比較多學生，牛肉分量好多但豬肉只有3片甜點種類也很多飲料也種類繁多⋯⋯湯底都有很多種類雖然地方比較細，但環境還可以位置都非常方便，青衣城2樓就到，非常好的任食地方，但多人的有點唔方便，1～2位左右就啱啱好呢點係最可惜地方。正！

中秋節假期同呀媽二人撐枱腳，去左青衣城既牛摩食午市火鍋放題，我地揀左$119精選牛肉火鍋，限時90分鐘沙律吧無咩驚喜，得中華沙律、螺肉、泡菜同粟米等，得蒜拍青瓜比較好配料方面，都幾多選擇，質素都唔錯，值得讚既係呢度提供佐賀溫泉豆腐，質感好軟滑，又有豆香，必食！不過，呢個既碗同碟都洗得好唔乾淨，店主要好好留意！精選牛肉比較普通，肉質比較老，烚完會好鞋，而且肉味唔太出，不過以呢個價錢都可接受既套餐除左包牛肉，仲有豬肉同雞肉，整體雞肉取勝，煮完都係咁嫩滑！最後呢到有3款雪糕揀，另外仲有個甜品櫃，可惜度門仲未修理好，感覺唔太衛生

今日咁啱可以同同事一齊食lunch，就揀左食呢間，之前既我唔鐘意食火鍋，但而家火鍋開到周圍都有，慢慢就愛上左火鍋，可能之前唔鐘意係因為比較舊式果款，而我自己就比較鐘意一人一鍋，而牛摩就能滿足到我既要求，雖然食lunch款式比較少，但都已經足夠。

出街食飯問諾諾同諾爸爸想食乜... 一個話想勁食牛肉,一個話想食雪糕，最好嘅方法就係去牛摩食放題啦 。今次嚟到竟然撞到黑安格斯牛肉做推廣啊！🤭$330半價/一位（即係$165）每位再送一個海鮮拼盤😍即刻衝入去！海鮮拼盤雖然係免費，又唔係任食，但質素絕對OK👍蝦比諾諾食晒，無辦法評價🤨蠔、帶子、 墨魚都鮮甜👏至於黑安格斯牛肉，諾媽就覺得肉味明顯係濃過平時食嘅肥牛😋不過由於始終都係簿切＋火鍋形式，所以就食唔到肉汁同口感😅期待下次食扒再試黑牛🤭火鍋放題除咗肉，配料都好緊要，牛摩有齊一家人鍾意食嘅菇菌類、木耳、丸類、菜類、南瓜、烏冬、超甜粟米👍飲品同牛一最唔同就係呢度有沙冰♥️😋芒果沙冰配打邊爐真係好正，重有少量壽司前菜都係任食，真係抵。食飽最後再加個乳酪雪糕配朱古力碎🙈好邪惡啊大佬😂呢個價錢真係食得好滿足👏

好多時食呢啲日式連鎖火鍋店，都會揀最cheap嘅肉食就算，因為都唔抱有啲咩期望今次就想比多少少，試下貴少少嘅肉到底會唔會有分別揀左晚市澳洲極上和牛小排（晚市90分鐘$308，另加一）原來真係差好遠！！！一入口已經好食得出同平時叫開嘅最平牛肉有分別，呢個套餐包左好幾款肉（美國牛肉、美國特級牛肉、澳洲特級和牛、豚肉同雞肉），個人最最最推薦係澳洲特級和牛，encore左5碟，感覺抵返哂食過一次之後，以後都想叫呢個哈哈

Went for dinner and the all you can eat menus for 90 mins are super worth it! They have an amazing beef selection, options for pork and chicken! The drink bar was amazing and there were sushi options and desserts too! The best part of the restaurant would be all the ingredients for hotpot available as part of the all you can eat menu. Definitely coming back again for more!

前排去完亞洲博覽館,途經青衣,畀牛摩門口嘅宣傳牌吸引咗入去。佢嘅火鍋套餐超級抵食。有牛，有龍蝦，有海鮮，仲有好多嘢無限添加。每人都係165蚊。計埋加一都唔使二百蚊好抵食! 以呢個價錢嚟講，我覺得呢一個邊爐嘅質素幾好! 我呢個套餐有兩種牛， 個人覺得穀飼牛冇乜脂肪有啲鞋。如果你唔鍾意食肥嘅牛，呢個會啱你。但我鍾意另外嗰隻牛多啲。🤣

如果午餐想打邊爐，有咩選擇？介紹你--牛摩！晚市之前食過兩次都覺得抵食嘅，加上青衣分店唔洗等位😂如果有會員再有88折 今次5點前經過見到90分鐘放題$109/位（精選牛肉），忍唔住衝咗入去... 飲品多選擇，有沙冰同汽水機汽水可選 醬汁配搭都有，好乾淨 肉類無咩突出，$109任食嘛 湯底多選擇，諾媽只食普通湯底 食材區就唔算好多選擇，但菜都好新鮮 另有少量前菜可自取，例如中華沙律 甜品有雪糕機及少量甜品，諾諾食得好開心整體嚟講，我只可以講係超值超值價❤️❤️用埋會員88折，兩個大人加一個諾諾（兩歲幾）埋單係$214咋😂😂😂

我們一家四口來吃日式火鍋，對老人家來說，十分新奇。老人家大約便宜$20一個餐。我們點了最基本的牛肉任食，牛肉質素出奇地好，油花都算平均。而且一人一湯底，不怕吃了別人放下的食物。還有蔬菜、飲品自取任吃，款式很多。果汁沙冰不俗，就是一冷一熱，喉嚨不適應。