牛摩 (已結業)

琴日9月28日 · 小朋友身高90cm要計小童價？？？？香港d食肆真係唔多合理 話說我同朋友一起各自帶小朋友2歲3個月去食飯。我朋友個仔是大隻仔，剛好91cm。。。我個仔就梗係85cm都唔夠職員就不斷講總之高過90 cm，計小童價錢👎🏻我覺得好唔合理大家都是同一個歲數，為何生得高就一定會食得多呢？係一個餐廳都已經出現這樣的不公平，香港又點會公平🤧抱怨之後都要有一些建議我覺得可以提供一些小童餐例如是牛肉烏冬來替換霸佔你的位座位🤔完

相信大家都因為疫情有一段時間沒有打邊爐， 我都唔例外，屋企人恨打邊爐恨到發燒，所以今晚試了火鍋外賣自取套餐。套餐包括了牛肉一份、蔬菜拼盤和丸類拼盤。湯底選了日本直送豚肉雜錦海鮮鍋味湯底。《特級牛肉》每逢要兩份的牛肉或豚肉，總是一碟質素較好，一碟較差，而特級牛肉，肉質比較鞋。《極品牛小排》肉和脂肪分佈均勻，呈粉色，肉質嫩滑軟腍，大家都一致認為這款好吃。只食肉不夠，還要將其中一套餐升級。《升級加倍滋味海鮮拼盤》原隻虎蝦彈牙，墨魚仔很爽，廣島蠔新鮮甜美，帆立貝肉質不韌。《豚肉》追加了兩份豚肉，第一碟大家只吃一片已停手，因為肉質超鞋，相反第二碟的肉質卻嫩滑一點。《蔬菜拼盤》蔬菜包括了生菜和娃娃菜，蔬菜新鮮甜美。《丸類拼盤》除了香菇貢丸外，其他的配料也不錯，印象較深刻是芝士海鮮豆腐得滑、南瓜軟腍，有甜味、蜂巢凍豆腐吸了湯底精華。套餐的份量很足料，滿足了各位的願望。

其實間間任食火鍋店都差不多價錢，出開青衣，經過牛摩，見4點幾5點，用午市既價，提早食個豐富既晚餐揀左特級牛肉，無要到海鮮，因為任食牛其實夠曬唔得閒。湯底就梗係要鴛鴦鍋，揀左壽喜燒同埋辣湯。豚肉就認真馬馬地啦，但係牛舌同埋牛肉都幾好唔錯，夠曬薄切，又有牛味，特級牛肉相當唔錯。自助區可以自己混醬，有好多火鍋配料，丸類，蟲草花，冬菇，菜類為主。亦有沙冰，熱飲，凍飲可以斟，不過佢無現成包裝既飲品。甜品方面，有泡芙，凍餅之類，但全部都唔好食，最後只能同人鬥狂食乳酪同雪糕整體性價比都高既，下次有機會再來

係 Openrice 購買咗火鍋換領券湯底同例明嘅雞湯或者海鮮湯唔一樣，拎時先通知店員話係味噌湯味但係開出嚟完全係pizza薯片嗰隻好嘔心既濃芝士味當然唔排排除可能有人會好鐘意但我全家就冇一個人鍾意呢隻味道轉番用自己買既湯底套餐食物份量都算夠但丸類不多例如香腸蟹柳芋絲魚皮餃響鈴等等呢啲都無自己加料就會完滿啲食物質素就中等總括而言 $299 4人餐算係方便抵吃但相比起其他火鍋店賣嘅外賣套餐牛摩套餐食物種類明顯較少無配辣椒蔥花豉油等等配料亦無包按人頭份量既飲料

牛摩 (青衣) 📍青衣青敬路33號青衣城2樓203號舖香港人一連四季都想打邊爐🍲，咁就決定簡間最就腳既「牛摩」，因為可以用THE GULU apps 排隊，方便快捷。基本上一到已經入座，我地一行兩人簡左豚肉🐷雞肉🐤放題+ 自助放題區（HKD 159/ 一人），而湯底方面簡左壽喜燒（附送雞蛋🥚一隻）。限時90分鐘。雞肉好高質，碌耐左都無變韌，雞皮肉嫩，而豚肉色澤均勻，碌幾秒都食得夠曬薄。飲品種類吾算多，都係以汽水🥤為主，都係大路既可樂、忌廉、雀巢檸檬茶，好彩有提供汽泡水，咁可以係甜野以外既選擇。即食有中華沙律同螺肉，咁都可以暫時搵野食住既心態。火鍋配料區：有多款蔬菜🥬，唐生菜、油麥菜等，又有提供不同🍄：有金針菇、雞髀菇、秀珍菇、冬菇肉等，都吾錯。重點係有不同丸子🧆：龍蝦丸、墨魚🦑丸等，都應有盡有。甜品方面：有泡芙、小蛋糕🍰重點有乳酪雪糕🍦，有低脂北海道乳酪，朱古力🍫味乳酪，仲有多款朱古力豆，CEREAL TOPPING😍味道中規中矩。員工收碟速度算快，下單之後幾乎吾洗點等已經上爐。總結：價錢合理 食物款式都算多過下打邊爐🍲癮一試無妨#打邊爐#青衣#牛摩#丸子#乳酪#壽司#雞肉#豚肉#蔬菜

今日一行四人在想食什麼午餐，經過牛摩門口發現大大的廣告 ─ 牛市放題優惠四人同行三人收費，立刻二話不說就決定試一試。職員說有兩個餐是做這個優惠，分別是精選牛肉同特級牛肉放題。最後我們選了特級牛肉放題，而鍋則是一人一鍋，有十個湯底可以選擇，我就選了番茄湯底。入座後就可以去自助區取菜類，丸類和菇類，還有雪糕和飲品，都有很多種類選擇。其中，飲品除左一般的款式外，還有沙冰可以選擇。另外係雪糕方面，則有好吃的乳酪和朱古力雪糕。至於正餐，牛肉，豬肉同雞肉都可以無限添加，而牛肉的碓十分美味，入口有一股牛味而且細嫩。最後我們食了7,8碟牛肉，食得滋味食得飽。

之前係荃灣食過牛摩但個間就超級一般，今次就比佢‘澳洲穀飼黑毛牛放題‘90分鐘任食吸引左，就比多次機會佢啦！6:30pm 時間尚早大約等左5分鐘就入座，揀左鴛鴦鍋‘博多美人骨膠原啫喱雞白湯‘（+$10）及壽喜燒味！壽喜燒同之前一樣係比其他壽喜燒真係淡d冇咁甜，可能呢個就係佢特色吧！我唔識欣賞！點知另一湯底骨膠原仲淡😔呢款放題可以任食黑毛牛、牛舌、雞肉、豬肉，四款肉都中級質素，黑毛牛幾重牛味，雞肉幾滑！自助火鍋料區就冇咩特別！飲品亦唔多！服務方面可以改善下，可能時間仲早只有2-3位侍應，特別兩位比輕年輕d嘅女侍應👱🏻‍♀️，聽完order後轉身就走， 雖然做到order嘅野，但全程零對話，起碼加湯時有句‘小心’都叫有d交流，夜d多左2位侍應情況就好dd 😁😁

嗰日係我返舊公司嘅last day 同事farewell就黎左我地青衣城最愛嘅牛摩-最鍾意嘅係佢價錢非常相宜肉同菜都係無限添加-我地叫左最普通級數嘅肥牛、豚肉同雞肉湯底叫左豬骨湯底同冬陰功湯底老實講就兩個湯底都一般般冬陰功湯底都唔辣同無乜特別風味-佢嘅肥牛、豚肉同雞肉都係正常貨色啦始終我地只不過係叫左最廉價嘅級數唔可以expect太多-但有兩個位要讚呢間抵食嘅火鍋店第一就係佢個任添配菜區佢有提供羽衣甘藍我好似無試過喺其他火鍋店見過呢個算係貴價嘅菜-第二個就係佢嘅任添frozen yogurt 記得好幾年前fro yo仲係風靡一時嘅時候，fro yo價錢都唔算平嘅（仲要係段磅計錢）以牛摩嘅價錢可以任食fro yo真心係抵嘅

趁住呢幾日天氣仍然凍凍地，一於同女朋友去青衣城「牛摩」食放題。我地揀咗「美國極品牛小排＋海鮮放題」。90分鐘，任食極品牛小排、特級牛肉、精選牛肉、豚肉、雞肉、帆立貝、海蝦、墨魚仔。最適合肉食獸一族。首先係燒肉的食法。放D牛油落去個煎PAN度開鑊，再放上極品牛小排，由於個電子爐溫度夠高，燒一燒就食得，真係好香牛肉味！帆立貝、海蝦、墨魚仔呢啲海鮮都好適合燒肉的食法，香噴噴的油脂味，真係好滿足。食到咁上下，就轉火鍋。火鍋係自選湯底，一人一鍋，唔洗驚同檯食飯口味唔夾，自己鍾意食咩就食咩，夠晒自由。我揀咗日式壽喜鍋，甜甜地，仲有生雞蛋提供，可以點醬。餐廳供應唔同種類的肉丸、芋絲、腸仔、魚蛋、蔬菜、烏冬、蕎麥麵，不過因為之前已經食咗好多牛肉，好滿足，真係眼闊肚窄。飲品都係任飲，可樂、橙汁、蘋果汁，大路嘅選擇都有。當然都仲有雪糕甜品，但我食唔落喇。

每次夜晚行經牛摩都總會好多人等緊位，今次終於約左朋友仔一齊去試下。我哋決定食豪少少，揀咗極品牛小排加海鮮放題，呢個本身已經包埋豚肉同雞肉。原來除咗邊爐之外，仲可以燒埋肉，好新奇有趣，我都係第一次試，店員仲好用心教我地點燒。我地越燒越過癮，燒左一整碟牛小排同牛舌，兩樣都係薄切，入口即融。仲燒左一盤海鮮，包括蝦、魷魚、帆立貝，特別推介燒魷魚，夠晒爽口彈牙。佢配有秘製醬料用黎調味，少少辣辣地，加落燒肉度更加惹味。另外仲有兩舊仔骨膠原用黎舊肉太乾ge時候加。之後我地就揀左湯底打邊爐，一人一個自私鍋，分別揀咗豚骨濃湯同壽喜燒。本身自取配料都有唔少選擇。各式各樣ge丸，每樣一粒試下主力都係留番個肚食肉，豬牛雞各一😋，全部肉質口感都唔錯。呢餐食得好滿足，食到撐住個肚走。走ge時候岩岩到黑夜時段，$99免加一，超抵，下次又可以再黎食過。

牛摩青衣青敬路33號青衣城2樓203號舖今晚同屋企人去左青衣城買嘢，唸住順便行陣食埋飯啦，行行下見到呢間<牛摩>,完全比佢呢個promo吸引左，心唸有無睇錯呀日式火鍋放題只係$99蚊仲要免加一，再望多兩眼係真架，9點後入座就有呢個優惠，我地咁為食當然一定要試下啦一坐低職員即刻問我地揀咩湯底，有成10款揀真係有d選擇困難症呀，唸到頭都大埋，哈哈。。順帶一題，呢到係一人一鍋，好衛生企理架$99蚊須然係最平價既套餐，但都有齊豬肉牛肉雞肉，任點任食架，而且一D都唔馬虎，全部都大大碟肉質新鮮，唔會因為平而將貨就價另外，出面仲有幾拾款食物可以任囉，真係好豐富，而且全部都有蓋掩住食物，非常衛生，值得一讚除左火鍋配料之外，餐廳仲有日式前菜(中 華沙律，螺肉), 壽司。。。最後食飽，記得要食埋個乳酪雪糕做甜品，咁就好完滿無花無價，3個人食真係每位$99x3 =$297無任何附加費同加一，非常抵食強烈推薦大家多d黎幫襯，抵過快餐店打邊爐

喺青衣工作完畢之後揾地方食晚飯，見到呢間日式火煱店門口有個玻璃門雪櫃，裡面放咗牛肉喺度，好似幾吸引咁，所以入去是旦食。喺火煱店門口有侍應幫忙量體溫，門口位置亦有消毒液供雙手消毒用。坐低之後叫左個晚市海鮮+極品牛🐂小排放題($295)，有幾款湯底可以選擇，我就揀左豬骨濃湯。原來呢度喺可以揀燒煱嘅食法，之後再轉番火煱嘅食法，咁都幾好，啲🐂肉可以同時有燒煱同埋打邊邊嘅兩種食法。牛排同牛舌都切得夠薄，可以好快煮熟，同時唔會擔心啲🐂因為時間太耐而變得又老又勒，而且repeat order好快就可以上枱👍。除左🐂同海鮮，仲有其他肉丸同埋蔬菜可以任食，唔單止咁，仲有汽水、咖啡、茶、軟雪榚都喺任飲任食，正。

自從上星期實施咗控制四人以下同枱在外用膳之後，我發現唔係間間食肆都做得到，今晚去咗青衣城嘅牛摩，防疫措施做得足，入座前例牌度體溫＋用搓手液洗手，呢間舖寬闊，可以間枱座，足夠枱與枱之間有1.5米距離，坐得安心；去過牛摩都知係半自助餐形式，疫情後啲食物都加上獨立蓋保護，加上一人一爐，食得放心。美國極品牛小排＋海鮮放題，平日晚市90分鐘放題，$295成人。牛小排叫咗幾個round已回本，質素都唔錯，油脂分布平均，海洋就有海蝦及帆立貝，原本有埋墨魚仔，但侍應話無返工貨。一餐可有兩種食法，先用牛脂起鍋煎香肉類及海鮮，後可轉換湯底做火鍋，有九款免費湯底選擇，而佢哋嘅博多美人骨膠原啫喱雞白湯加10蚊，至於自助式，我推介草莓沙冰，鍾意草莓酸酸甜甜，有草莓香味，仲食到D草莓子；牛摩板燒、芝士豆腐、各種蔬菜都唔錯。

香港人最鐘意就係打邊爐，但由於最近情況緊張已經忍耐左好耐冇出街食飯。朋友介紹呢間邊爐放題全面提供一人一鍋，就決定靠佢解放一下壓抑多時嘅食慾。八九點嘅時間，入座率大約4成，可以保持安全距離坐，食得放心。選了特級牛+海鮮嘅套餐，先上第一set肉類。不愧係高級牛，雪花分佈非常均勻。本來打算打邊爐，店員仲介紹左可以用煎肉嘅方法，享受同一款牛唔同嘅風味。煎肉有d難度，筆者呢類鮮於下廚嘅人煎左幾塊尚算合格香口嘅牛之後就放棄左，回歸打邊爐。等湯滾嘅途中可以攞下嘢飲，有冷熱飲品，仲有沙冰同乳酪雪糕。打邊爐當然有丸腸類，呢度好豐富。壽喜燒湯底會配一隻生雞蛋，撈落碗度，不但可以沾到蛋汁添加味道，更可以令滾燙嘅食物降一降溫，呢一點係日本人飲食嘅智慧黎。特級肥牛淥熟左同樣睇到油脂分佈，放入口一咬油脂嘅嫩滑口感出曬來，很爽口。珍惜食物，食得曬先好攞，試下這幾款平時最喜歡的打邊爐丸類就好。印了店鋪嘜頭的丸很可愛，也拿了，雖然味道冇乜特別。當中花枝丸很鮮味，口感也彈牙，花枝粒很爽脆。打邊爐湯底越打得耐就越美味，用健康嘅蔬菜同菇類索湯食係最正嘅方法。夾住那塊是響鈴，索湯嘅神器。海鮮的部分，蝦很爽口，扇貝鮮甜。驚喜的牛

平時一家三口放假食晏晝都係大記快餐，呢段抗疫期間無奈地要去啲冇咁多人地方食個晏就快快趣打道回府啦...前排同同事食過呢間餐廳...食完又覺唔錯，於是帶埋兩寶黎食...今次叫既係一人一鍋（豚骨湯底，蕃茄湯底，蟲草花湯底）配（雞肉，豚肉，海鮮）首先講下豚骨湯配雞肉，有4星 啲雞肉幾嫩滑唔韌，好食配埋佢個拉麵一流！蟲草花配豚肉（湯底就麻麻啦，不過勝在啲豚肉好食，肥瘦適中都有3星 扣左係湯底到）最後係蕃茄湯底配海鮮（湯底ok，果盤海鮮賣相好靚，但食落去完全唔掂，夾果下已經夾唔到而係要成餅雪硬左既海鮮倒落個鍋 冰到硬左🤷🏻‍♀️🤷🏻‍♀️ ，跟住隻蠔腥到差啲反胃🤢 唔會再叫呢個配搭）其他食物果啲都唔錯既 真係最差最差係蕃茄配海鮮..我寧願保守啲食返豚肉/雞肉配豬骨湯底就算。