牛気 (雅蘭中心)

營業中

休息中

薄到透明的肉，如圖一樣，我哋見到都好驚訝，你話放題我都理解，我們一行三人是食午市定食，並不是放題，反而半自助的食品質素不錯：榴連波波同肉丸都好食，服務就差，大家都好似唔休做咁😂😂反而有個後生仔，好勤力招呼客人，加湯時有用手擋住小朋友，今日星期六午市都無爆場，香港食肆生意唔好，真係唔怪得人一間食肆返唔返轉頭，好大部分係個服務，就算好食到飛天，態度唔好，真係無下次，希望香港食肆自己都爭氣D,否則無人肯來了

星期四嘅中午，約咗朋友去食牛氣邊爐，因為我發現佢有個期間限定-北海道蛤蜊魚湯底。識我嘅人都知我幾鍾意食蜆，用蜆做嘅湯底一定係好清甜。我哋叫咗黑安格斯牛加極黑牛海鮮放題。今期係北海道主題，真係啱晒我心水。黑安格斯牛新鮮到爆，浸佢六秒攞上黎食就剛剛好，鮮嫩多汁。海鮮拼盤唔洗講，肯定新鮮😍我哋一路食一路狂歡，吹水無限，好彩呢度有個大雪櫃俾我哋任飲。仲有兩個甜品專櫃，啱晒我呢個甜品達人，無甜不歡嘅我🎈但我至愛都係佢嘅炸榴連同埋豆腐花😍😍😍仲有低糖北海道牛奶軟雪糕🍦大量蔬菜🥬新鮮選擇多，一定夠你揀、食過夠🤭除咗邊爐料，仲有熟食，等唔切嘅朋友可以擦一轉熟食先😄再慢慢烚下烚下。。。。傾到咁上下，攬住個大肚腩想賣單，再來多客芝士焗生蠔，經理熱情款待，都好難推卻，點知出奇地好食😋下次想去擦餐勁，都唔洗諗去邊度，黎牛氣就得喇😆

呢間連鎖和牛火鍋店一直都好出名，今次係第一次嚟呢度食晚餐，估唔到都幾抵食，全部和牛都係任食，特別澳洲和牛，配佢哋新推出嘅蜆肉湯底好好味，味道好夾另外佢哋飲品飲品任飲，最有驚喜係甜品櫃楊枝甘露真係好好食，重點係真係全部任食，位置方面，佢哋喺雅蘭中心地下，要留意地圖如果唔係會好容易搵錯出口，搭地鐵過嚟都好方便，一出地鐵站就會見到，店員服務都好好，位置坐得舒服，同朋友嚟呢間打邊爐就啱晒，而且佢哋有兩個半鐘頭任食，時間嚟講算係長，依間真係大力推介

放學突然話想打邊爐？🤪 仲話係放題個種😝 發育中嘅小朋友真係好食得架🤣🤣 好彩我地搵到一間lunch menu 到5pm 嘅火鍋放題 😋 牛氣 ！佢地而家做緊「和洋祭🎌🎊」主題，我地當然要試下佢嘅全新主題湯底 —「北海道蛤蜊魚湯」，有8隻左右蛤蜊，無沙，如果再重啲魚湯味就更好！餐別我地就揀Lvl 1，因為仔主打牛肉，又唔鐘意太肥喎！ 佢呢度嘅牛就算Lvl 1 都好好味。同埋自助區都有好多丸類、麵類選擇！ 特別一提就係佢地提供本地水耕菜，好味又環保！熟食仲有牛肉飯、薯條、燒賣、咖哩魚旦等，啱哂小朋友口味！飲品同甜品都有好多選擇，而仔最鐘意就係有得玩又有得食嘅棉花糖😂 呢度嘅員工好細心同殷勤，一睇到我地有咩需要就會主動幫手，例如加湯、開棉花糖機、同埋提我地小朋友140cm 先計成人😂 仔仲係138cm 呢餐真係食得好滿足😌食足120分鐘，飽到瞓覺💤🤣🤣🤣

尋日下晝3點同屋企人黎食buffet，揀左最平既168餐，食物質素都幾好，選擇都幾豐富，蔬菜品類好多，個魚湯鍋底都幾多材料。而且當日有30min加時優惠，可以食到5點，時間都好充裕。但係門口個位侍應個態度就真非常差，我地揀餐order慢少少就好惡，好似我地冇俾錢咁。其實出黎食餐飯都係為左開心下，但侍應個樣咁惡，我地想提少少要求都驚會俾佢鬧，冇咩開心體驗。下次幫襯牛氣都唔會再黎呢間舖，已經俾侍應搞到心理陰影。

最新推出和洋祭，最吸引係芝士焗生蠔任食，叫咗lv4豚骨湯底，味道唔錯，都幾濃,「和洋祭」期間，可以免費升級至「北海道蛤蜊魚湯」不過我冇叫主打澳洲黑安格斯牛及SRF美國極黑牛，兩款牛肉都唔錯，黑安格斯牛肉質更軟嫩，而美國極黑牛肉味更濃郁，都幾好食海鮮款式好多，海蝦好大隻，鮮甜彈牙，最好食！三文魚刺身，可以任食，都幾新鮮，唔錯～和洋祭，重點必食，芝士焗生蠔，Lv4或以上就可以任食，新鮮熱辣，味道香濃，有蠔味😋自助區，和洋祭多款產品、丸類、蔬菜類、甜品、飲品應有盡有，仲可以DIY棉花糖，有得玩有得食，低糖牛奶雪糕，好好味！鐘意飲啤酒嘅+$38仲可以任飲啦，呢日晚上都好多人食，熱鬧～

❇️周一，我約了舊同學在旺角的「牛気」嘆下火鍋放題，進入店內，環境寬敞明亮，整體設計既現代又舒適，非常適合聚餐。我們選了每位$348的1.5小時放題，主題是和洋祭、格斯牛以及SRF美國極黑牛的無限量供應，真是物超所值。而且，海鮮火鍋的選擇也相當豐富，從新鮮的蝦、貝類到各式丸類，應有盡有。✳️我們開始時選擇了幾款牛肉，肉質鮮嫩，搭配店內特製的醬料，味道極佳。隨後，我們又嘗試了海鮮，鮮甜的口感讓人欲罷不能。此外，店內還提供各式各樣的熱食和紅酒牛肉，讓我們的火鍋宴更加多樣化。🌟飲品方面🥤🧋，冷熱飲品任飲，讓我們在享用美食的同時，還能隨意選擇自己喜歡的飲品來搭配。

最近好友生日, 佢話想食牛気~ 我地揀左Level4:  澳洲穀飼黑安格斯牛+SRF美國極黑牛+海鮮放題 ~當然必點:澳洲穀飼黑安格斯牛: 味道濃郁，入口柔滑細嫩。SRF美國極黑牛：油花均勻豐腴, 牛肉味濃厚。仲有其他肉選擇, eg. 牛小排、牛肩肉、美國肩胛肉眼~刺身有三文魚選擇, 食落非常肥美~特選海鮮有: 原隻鮑魚、日本帆立貝、墨魚滑、脆鯛魚片、 水魷、花膠、大海蝦等. 特別推介大海蝦：超大隻，而且彈牙爽甜，必點!!水魷又爽又滑, 食完一條又一條~另外, 出面仲有個自助吧, 可以自己拎野食, 大量蔬菜揀, d 菜好靚好翠綠~仲有魚蛋、薯條、關東煮等, 最後食埋雪糕先滿足!

噚日我同太太去咗旺角牛氣食放題，真係食到飽飽哋！我哋揀咗Lv4套餐，有澳洲穀飼黑安格斯牛、SRF美國極黑牛同埋海鮮放題，真係超值！一入到去，環境好舒服，位子唔會太擠迫。服務員好快就帶我哋去位，仲介紹咗唔同嘅湯底俾我哋揀。我哋最後揀咗鴛鴦鍋，有辣有唔辣，啱晒我哋兩個口味唔同嘅人。先講講澳洲穀飼黑安格斯牛，呢個牛肉真係靚，雪花分布均勻，油脂香濃，食落去口感嫩滑，真係入口即化！SRF美國極黑牛就更加唔使講，肉味濃郁，脂肪比例啱啱好，食完一片又一片，完全停唔到口。海鮮方面，三文魚刺身真係新鮮，肥美多汁，仲有大隻嘅海蝦，爽甜彈牙，打邊爐一流！墨魚滑同埋脆鯛魚片都係必試之選，口感非常好。自助區仲有好多蔬菜、丸類同埋熟食，選擇多到眼花撩亂。甜品方面，我哋試咗雪糕，真係好正，甜而不膩，食完仲想再食。整體嚟講，呢次牛氣放題真係超值，無論係牛肉定海鮮質素都好高，服務又好，環境又舒服。下次一定會再嚟，推薦俾所有鍾意打邊爐嘅朋友！

☞ 追蹤 @foodbitxh.__ 留意更多吃喝玩樂資訊‼️-🍽️ LV5.泰式美食貓山王榴槤の食べ放題💠泰式湯底💠海鮮冬陰功湯💠榴槤甜品💠榴槤雪條💠特選牛小排💠炸鮮奶💠 日本九州和牛肩ロース💠澳洲谷飼黑安格斯牛💠清酒&啤酒任飲放題 💖-牛気而家推廣緊 《泰國祭》主題，有多款泰國菜式，如泰式地道金不換炒肉碎、泰式燒豬頸肉木瓜沙律、泰式無骨鳳爪、多款榴槤美食等等✨ 其中牛肉極力推薦日本九州和牛肩ロース，油脂分佈非常之完美，食落入口即溶，只要LV5或以上套餐即可免費任食‼️而且LV.5 以上放題套餐即可免費任飲清酒同SAPORO啤酒，酒鬼千祈唔好錯過👍🏻 -📍 牛気 (雅蘭中心) (旺角)@nabeurawa 旺角彌敦道625 & 639號雅蘭中心1樓118號舖-#hkfoodie #foodbitxh #foodbitxh_cwb #hkeat #hkig #hkfood #hkfoodblogger #打卡美食 #hkrestaurant #香港好去處 #打卡餐廳 #香港打卡 #餐廳推介#假日好去處 #平民小食 #香港必吃 #香港美食 #香港好去處 #香港探店 #香港旅遊攻略 #香港達人

今日同fd去咗試呢間日式放題火鍋餐廳，見到有個會員專享套餐，只係$398 晚市就可以食盡日本九州和牛肩胛肉眼，食物選擇勁多，而且仲有好多高級日本同美國牛肉，質素都唔錯添！餐廳裝修感覺好舒服，而且座位都好闊落，唔會逼到成枱都係人。最緊要係價錢唔貴，真係可以食到停唔到！😋**泰式船麵湯**呢個限時湯底好特別，有啲啲嘅椰奶味，仲帶少少鹹香味，好開胃！🥘**日本九州和牛肩胛肉眼**呢款牛肉真係好正！肉質好嫩，油脂分佈好均勻，入口即溶，而且帶有淡淡嘅牛肉香味，簡直係人間美味！🐮**穀飼牛肩肉**呢款牛肉相對肉質比較有嚼勁，適合鍾意食肉嘅朋友。😁**PRIME美國肩胛肉眼**呢款牛肉肉質都算嫩滑，但係油脂比較少，所以食落去會比較乾身。🐂**特選牛小排**呢款牛肉係我嘅最愛！肉質超嫩，而且油脂豐富，入口即溶，真係食到停唔到！😜**SRF美國極黑牛**呢款牛肉係餐廳嘅招牌菜，肉質細膩，油脂分佈均勻，而且帶有淡淡嘅香氣，絕對係必試！😎**黑安格斯牛**呢款牛肉肉質都算不錯，不過油脂分佈比較少，所以食落去會比較乾身，但係勝在價錢唔貴。🐃**牛骨髓****脆鯛魚片****雞腿肉****豚肉**除咗肉類之外，

今日係旺角行街想打邊爐，朋友介紹去呢間牛氣食，話d牛好高質，真心係都幾好因為做緊泰式主題，所以叫左個船湯湯式配麻辣湯，兩個都好正我地食呢個九洲和牛牛肩胛肉眼既放題，個和牛油脂分布平均，入口即溶，牛香配油香好鬼正，另外澳洲穀飼黑安枱斯牛同埋美國極黑牛都好正，豚肉同雞肉都唔錯出面既自助吧夠哂多選擇，菇類同菜類都有好多種，另外都有好多丸類，熟食區都好多野揀，有冬蔭功湯同牛肉飯等等仲有泰國即食麵提供，好似去左泰國咁，飲品選擇都好夠最後仲有楊枝甘露同軟雪糕作結，夠哂滿足

平時間唔時都鍾意同朋友打邊爐，食過咁多間都覺得牛氣整體幾top，企企理理，啲嘢食夠新鮮。前幾日就去食咗呢個會員專享嘅🇯🇵日本九州和牛肩胛肉眼嘅放題套餐，佢除咗呢個和牛亦都有🇺🇸SRF美國極黑牛、prime美國肩胛肉眼同埋🇦🇺澳洲穀餇安格斯等等11款肉類（包括埋豬雞同埋魚）！牛真係夠新鮮，每款都有佢嘅特色，我哋最鍾意食呢個日本九州和牛因為油脂夠香，入口即溶😋😋適逢泰式主題，有好多主題相關嘅嘢食例如酸辣炒飯，榴槤芝士撻，泰國mama麵，船麵湯底等等，又可以多啲選擇✌🏻丸類菜類都好多，菜仲要係本地水耕蔬菜，夠晒誠意😬

今次嚟到旺角雅蘭中心牛氣食火鍋，位置好方便，地鐵站/朗豪坊行3分鐘就到。又想食靚少少嘅牛又想食海鮮，最後揀咗Level 4 - 澳洲榖飼黑安格斯牛 + SRF美國極黑牛放題 + 海鮮放題，差唔多所有種類都有哂，90分鐘任飲任食，肉類掃QR code落單，又可以出去自助區夾丸/菜/熟食/甜品同攞飲品。湯底今次揀咗鴛鴦湯，壽喜燒食牛最match! 另一個鍋想食少少辣又唔想太油，揀咗微辣嘅牛骨湯底！肉類最推介牛小排同SRF美國極黑牛，牛味好濃，肉質嫩滑！海鮮推介大海蝦，啖啖肉又超彈牙，highly recommend!自助區好乾淨，丸類都好多款，仲係平時坊間少有嘅企鵝丸/麻吉燒。菜類竟然有我最愛嘅䈑筍，仲有泰國mama麵，好興奮！甜品做緊泰國祭，有我最愛榴連！點餐嘅D24榴連酥皮盒好打卡able，好足料！出面自助區嘅榴連炸彈/榴連大福/榴連巴斯克/榴連蛋撻全部都做得好細緻，同出面甜品店不相伯仲，食左幾輪先停到口！總括嚟講牛氣暫時係食過咁多間火鍋放題最高性價比嘅一間，分店多，質素亦保持得好好，不時會轉主題，新鮮感亦提高，可以不斷encore!

今日嚟到牛气打邊爐， 啲嘢食真係好正，嗌咗好多款唔同嘅牛， 最正嘅就係極上牛肩肉， 肥瘦均衡，咬落去超淋， 好有牛味， 再嗌咗啲刺身，最好味就係三文魚， 好多魚油， 每一塊都好肥美，好大塊，好厚身