牛涮鍋 (已結業)

星期六一起身，就好想食牛涮鍋，去到大概12:30PM, 就已經好多人啦,好彩都晤洗等位。今次點了豚肉同美國牛,食60 分鐘,都只係$69同$79。（未加一）我地分別選了2個湯底,就係番茄同魚清湯，湯底清清地,可以自己去醬料區自配醬料就好d。60分鐘套餐雖然只係包一碟肉, 不過都可以任食自助火鍋配料,有好多選擇,例如芝士年糕、各類蔬菜、金孤、麵,仲有各類飲品, 同我最LIKE的甜品,非常正。呢度不論飲品、野菜、甜品既選擇都好足夠，性價比絕對高！強烈推介❤️❤️

打邊爐放題～放縱啦！肥死啦！喜歡肥牛既朋友仔，一定不能錯過🐮一人一鍋，鍾意點打都得呀！不同價錢，可以揀唔同級數既肥牛😋除左肥牛，仲有沙律、飯、菜同丸類等選擇未完呀，仲有甜品呀！軟雪糕🍦好好味呀，奶味十足，仲有啲似雪糕車既味道哦😍

打邊爐其實一年四季都可以😅 而近幾年，香港出現咗好多以日式邊爐打正旗號嘅連鎖集團，當中有好多都係以食牛為主嘅，其中一間係「牛涮鍋」！而呢間係我咁多間打邊爐嘅餐廳之中最鍾意嘅一間（尤其大角咀分店），其實間間「牛涮鍋」都有少少唔同，我所指嘅係食物選擇方面，例如大角咀分店會有個salad corner ，而其他大部分分店係冇嫁喎，除此之外，佢有啲丸類同埋蔬菜都比其他分店多選擇。同埋由於好多自助形式嘅食肆，喺攞食物或者飲品嘅地方，都會搞到好污糟，不過呢度好好嘅係，d待應會成日保持四周圍乾淨整潔！👍🏽

今日涼涼地，就諗起去食一個午市火鍋放題。等了大概15分鐘，店員講解收費時，想不到長者有優惠，媽媽的價錢跟我的相差了$60元，有驚喜😁。我們被安排吧枱位置，枱面很寬敞，位與位之間有足夠空間，所以坐得很舒服食物方面，蔬菜新鮮，有數款丸類，款式都是比較特別的，燒芝士丸，蟹黃蛋卷，元貝丸；另外還有年糕、餃子、蒟蒻⋯等等醬料有3款，柚子醬油、麻醬、醬油、辣醬及不同醬汁配料。主角出場—牛肉，我們點的是牛小排，油脂分佈平均，質地軟熟，滿意另外點了一碟豬肉，肉質亦軟熟，不錯。由於是一人一鍋，我們分別蕃茄湯底及鰹魚湯底，兩者都不錯。吃飽後，還有甜品專區，有芝士餅，泡芙，大福⋯等等，當然少不了有雪糕，有牛奶味及蜜瓜乳酪味，我就吃了一個紐紋，蜜瓜乳酪酸酸的及滿滿蜜瓜香，要讚的是，雪糕配料有很多，有脆脆玄米，棉花糖，麻薯，麥片⋯還有三款醬料，有朱古力醬，士多啤梨醬，焦糖醬，很滿意另外值得一鑽，地方整潔，員工亦很有禮，之前去過第二間分店，但這間分店各方面都更勝一籌

今日心血來潮，去左牛涮鍋食$68午市邊爐。感覺奧海城呢間分店做得唔錯，有任食沙律，d沙律菜都新鮮，而且有我最喜歡食ge芝士丸類。點左壽喜燒湯底，壽喜燒湯底涮牛肉特別野味。另外，好鍾意食呢到ge拉麵，同壽喜燒湯底好夾👍🏻食飽飽仲有mochi同雪糕做甜品，$68都真係算抵食👍🏻👍🏻👍🏻

牛涮鍋有好多分店，個人覺得大角咀分店做得比較好，食物款式比較多，而且有有salad bar，salad菜都ok新鮮。我地點左$68一小時放提，各一碟牛肉，菜丸麵類任食，揀左甜豉油湯底。特別鍾意芝士丸芝士魚腐同埋日式拉麵。日式拉麵配甜豉油湯底唔錯，好夾。其實出面食碗普普通通ge拉麵都要60幾70蚊，仲未必好食，呢到$68任食拉麵任食餸，味道唔差，精明之選😎

如果有2間邊爐餐廳擺係你面前，你會點揀？我最終揀左依間，因為未食過，而且佢有好多牛牛公仔插畫，岩晒我依d 低b 既人😁見到依隻牛牛都唔使多介紹，係呀， 我去左牛涮鍋～對於我依d食野鐘意打亂章既人，又點會到最後先黎甜品丫😂😂佢依到有部雪糕機俾你自己o即，有牛奶同士多啤梨味，都好原材料味道。配料佢有好有日本特色既迷你蕨餅😋佢既調味料用左富日本特色既木勺子外，仲要有酸紅蘿蓉，用黎食肉，非夾👍🏻邊爐材料最驚喜係佢個粒南瓜年糕，以為只係黃色一舊，點知咬一口後，裡面有南瓜蓉，正呀！不過個蕃茄湯底就失色左d,唔見有蕃茄或蕃茄蓉，應該係用茄膏開，放舊白蘿蔔落去，再撈返左黎，見到佢個表面染左粉紅色一層，都有少少驚😨下次都係試其他湯底😜我地揀左牛肉同豬肉，份量都唔少，顏色都幾鮮😊甜品仲有cheesecakes 同 大福，大福有朱古力同綠茶味，皮夠軟，而且重朱古力和綠茶味，唔錯😁

今日初三, 第一日返工, 同同事諗住午餐食好D, 就去打邊爐放題。公司附近有間牛涮鍋, 之前食過唔錯。呢到有分肥牛級數, 收費唔同, 我地選左最平個隻$108左右, 任食任點的, 其實都好唔錯, 顏色睇落好新鮮, 脂肪均勻, 切得好薄。 不過食90分鐘, 由於今日紅日, 無任何咭優惠。蔬菜類就有個自助吧, 任夾的, 有好多款蔬菜同菇類, 如油麥菜, 生菜, 娃娃菜, 金菇, 雞脾菇, 冬菇, 秀珍菇, 粟米, 豆腐, 翠肉瓜等等......還有沙律吧同甜品雪糕任食。我地選左每人一小鍋, 自己選湯底, 我選左甜醬油, 甜甜地。自己喜歡食咩自己煮, 我覺得幾方便。

本身7點拎左飛 等到9點都未入得去 我諗正常人都會燥燥地 咁咪問reception 會吾會收鋪都未有得入去 佢串串共答:其實9:30之後都有好多人賣單既 阿姐吾系你等吾系你餓緊系講乜都得喇 等吾系一個問題 但小姐 你態度有必要咁差咩？

有位關係不錯的前輩要走了，於是和她一起吃飯。我們挑了一個鐘任吃的 plan，聽另一位這裡的常客同事說，極級牛肉和普通牛肉也是差不多，於是我們挑了普通的。湯底則分別選了甜豉油和豬骨。甜豉油的湯底的確好吃，唔會太淡，也不會太濃，牛肉放下去涮完之後真的沾上甜豉油味。雖然牛肉得幾塊，但菜和各類丸子可以任拎，飲品也是。荔枝汁好喝 ! 最特別的是甜品有抹茶乳酪雪糕，配料可按個人喜好自己加。但因為有乳酪的關係，這雪糕有點酸。=口= 其他的甜品就一般，不是很好吃，看得出打面粉發泡的泡比較大，口感較粗糙，也沒什麼味道。環境不錯，幾好坐。吃完之後好飽 ! 有會員卡的話免加一 ! 我們埋單才每人70幾蚊左右。在奧海城來說，算是不錯的抵吃之選 !

之前一直想試下牛涮鍋，預啱呢期匯豐咭有優惠，今日就同男朋友去奧海城城呢間食下係app 度拎飛，唔洗等位。一入去就要揀邊隻牛肉同湯底，通常呢啲就揀中等既無咁易中伏，就一於$178 美國特上牛小排放題。呢排想食清d。叫左昆布湯同豬骨湯底，食90分鐘。個鍋底果然清，我中意昆布湯多d。牛肉方面就有d 失望，望落好薄，都叫入口即溶既@ 但比我感覺同係酒樓食既差不多。$178都係咁，如果叫最平就唔敢想像了。反而d 丸方面新奇d，開頭怕唔好食，每樣拎一d。不過食落幾好。連個魚片都有牛牛logo印，好得意，推介芋頭丸，咬落去有好香芋頭味，又唔會覺得膩。至於菜、金菇、烏冬、麵⋯⋯呢d基本野就全部都有，無特別。甜品方面，可以自助乳酪雪糕，但本人覺得太甜，食唔到。草餅，cheese cake就反而ok。飲品都係部機上面教客人整soda，感覺幾好。呢餐就真係不過不失，埋單400蚊，下次自己買野係屋企打邊爐會開心d

今日親戚請我黎呢到任食火鍋, 點左最貴個收費, 因為可以試晒咁多款肥牛同和牛, 因為親戚勁鍾意食牛, 呢到1人1鍋, 自己都煮, 好方便, 又唔洗同人爭, 鍾意食咩自己選擇, 黎到主力食牛, 樣樣牛都叫晒, 頂級和牛是最好味, 脂肪比例及牛肉味重, 令人一食再食。 另我喜歡這裏的甜醬油湯底, 用來煮腐皮, 味道一流, 仲有甜品同乳樂雪糕任食, 好滿足!

星期六約埋三五知己去打個邊爐 話說我未食過牛涮鍋又一直想食 所以今次就去試左由於星期六既關係 730pm拎飛 大概要930pm先有位 叫到no.既時候 店員都幫我地落左單先 慳番d時間因為等左成兩個鐘 餓到一個點 所以一有野食就已經瘋狂去食 主要都係攻牛肉 要求唔高既我唔識分咩係靚牛肉 食得就得清完一碟就即刻嗌多兩碟 都算上得幾快呢到丸類唔算多 得兩三款 其他配料都好少食

一家人都係牛涮鍋嘅忠實fans，我地最鐘意就係黎奧海城呢間，因為坐得舒服，又有得一人一個鍋，唔洗爭，仲可以試多幾隻湯底。我地六點前去，唔洗等位我地揀左美國上級牛肉，都不錯，牛肉唔算肥，價錢都經濟啲。大約二百蚊一個人。丸類菜類唔算多選擇，都係有芝士丸，芝士場，金菇等，但係只係食牛都夠食，呢度仲有沙律自助，乳酪雪糕同牛奶雪糕仲有其他toppings加，唔飽仲有蛋糕食，所以都算多嘢食。推介湯底，甜醬油，櫻花蝦泡菜(好似係限定)

這日去了奧海城 shopping行過牛涮鍋門口見到我至愛的 My Melody雖然未到晚飯時間，但是有 My Melody 陪食喎 ... 就早少少食這餐飯喇 !!!還有慶祝牛涮鍋登陸 5 週年的聯乘 My Melody 精品換購店內有很多 My Melody 裝飾連自助食物 Bar 都有 My Melody 的縱影食火鍋不少得的一環 ... 混醬 我們點了至抵食的美國上級進口牛肉放題 (HK$178 成人 / HK$108 小童)囝囝囡囡很鍾意 fruit punch DIY至鍾意將汽水果汁隨意的搭配出自己喜愛的口味 唔知系咪太耐無嚟呢 ?! ?!原來現在不只有雪糕，仲有個甜品櫃 ... 有泡芙、brownie、芝士蛋糕和乳酪而我至鍾意不太甜又煙煙靭靭的麻糬，有抹茶、柚子、朱古力 3 款口味最後，當然要食埋杯乳酪至完滿的** 以上是以我的口味、喜好和情況作出分享，一試 / 合用與否請自行決定