牛涮鍋 (已結業)

這次想買外賣回家吃吃，很樓下商場逛逛經過這家，看到正在做外賣優惠😍😍，外賣有75折🤭價錢相對便宜一點，所以就決定買回去吧。外賣款式有數款飯和一人鍋選擇，價錢不算貴可以接受😆。💥汁煮豬軟骨飯 HKD$49，除了豬軟骨還有流心蛋🤤，食物份量不過不失。豬軟骨肉質腍身挻煙韌不硬，流心蛋味道適中不咸😆，底下有很多飯可以吃到飽飽的。💥MouMou家牛肉飯 HKD$39，這個牛肉份挻多，牛肉肉質腍身挻入味。裡面還有甜洋蔥令到口感更豐富，這個貨價錢便宜又好吃，底下也有很多飯也是吃到飽飽的🤭。

門口員工連基本安排入座都唔識，一班人係出面等，前面1-2組客問問題又唔識搵其他員工答，搞成幾個字，等到火都黎，叫左號碼又去答其他人問題。答完番黎又唔記得叫左號，又開始叫後面既號碼，同佢講番仲諗住搞掂左佢岩岩什點號碼先再安排，火到即刻走人。仲有2個月前既一件事，疫情期間安排人坐抬貼枱，後場大把位又唔開，知道以前係因為唔想清潔可以理解，疫情期間仲搞d咁既野真係唔知d員工個腦諗咩，咁樣整埋d洗手水液果d門面功夫有鬼用。幫襯過咁多次，牛涮鍋d野食係ok, 但天水圍店d員工做野真係不知所謂。

網上外賣平台有券順便試下嗌個牛肉時短鍋個app限死左一定要嗌壽喜燒湯底不過本身我都鍾意食依個湯底原價要$52有優惠最後比左$22原先以為好細兜送到嚟好大兜有滿滿嘅牛肉有金菇有菜有芋絲咁我可以分兩餐食個湯底我覺得淡左啲外送番屋企可以慢慢食個湯底仲可以留番淥粉絲又多一餐幾好

因為做左牛角會員之後就多左去佢旗下嘅餐廳食，而今次就去咗天水圍食呢間牛涮鍋！而今次就試咗佢個澳洲和牛肩脊肉放題，$318要加一，如果星期六日或者公眾假期就再加多$10。佢有八款湯底揀而我今次就揀咗黑蒜油豬骨湯同四川風麻辣湯。佢湯底就一般般過得去，佢四川風麻辣湯聞落好香不過食落湯就淡左少少。佢除咗肉類同海鮮，係出面亦都有好多嘢食同飲品俾大家選擇。食呢啲放題大家最關心嘅梗係佢嘅肉，我就覺得我揀嘅呢個套餐入面有三款肉都幾唔錯，分別係澳洲和牛肩脊肉，美國見島特選和牛肩脊肉同埋美國S R F和牛。頭兩款肉食落其實好似，牛肉味會偏淡不過油脂就會比較多。至於S R F奧牛肉味會比較重油脂較少，如果鍾意肉味較重嘅就可以主力食呢一款肉。我就覺得牛涮鍋性價比高，食物質素唔差而且又唔同套餐比大家選擇豐儉由人，鍾意打邊爐嘅你一定要試一試！

最近見到牛涮鍋有外賣，仲做緊promotion!只需廿蚊就有牛肉鍋或Mou Mou家牛肉飯連一罐可樂！只有三日做promotion,原來一個牛肉飯要$39及牛肉鍋要$49，但廿蚊真係點都要買返屋企食吓！由於星期六時間，去到已經好多人排隊，店員姐姐都好有禮貌叫我哋逐個逐個去排隊！我點左一個牛肉飯+1個牛肉鍋！原來牛肉鍋都有湯底，我選擇咗櫻花蝦沙嗲湯底，仲問我加唔加$10有埋飯/烏冬連可樂，我唔加，因為我有手肉飯！咦！諗落點解會選擇櫻花蝦湯底呢？由於平時入去食係無呢個湯底，諗起都覺得好惹味呀🤤！等咗差唔多半個鐘左右，終於有啦！雖然係外賣，但店員都好細心咁話俾我知要返去用微波爐叮翻熱個牛肉鍋食！返到屋企叮完終於有得食，牛肉飯同吉野家嗰個牛肉飯味道分別不大，但佢裏面嘅牛肉無咁碎同靭，仲有啲中華沙律伴住，又幾特別嘅配搭！再試埋個牛肉鍋，以為叮完之後嗰啲牛肉好靭啦，出奇地唔靭，加上櫻花蝦沙嗲湯底，簡直係絶配呀！牛肉鍋𥚃面仲有芋絲、白蘿蔔、餃子🥟、蜂巢豆腐、娃娃菜等嘅食材，真係不能盡錄，好豐富呀！打破咗平嘢無好嘅定律，廿蚊真係一啲唔會hea做，正！正！正！到時想食，正價我都會食，吉野家以外嘅選擇，唔

星期日行完街，喺旺角等巴士打黎訂6:30枱都仲訂到，好彩有訂定，黎到已經有人等枱。叫左個最平既牛胸腩餐，因為其實我地食佢既牛、豬同雞都係一碟起兩碟止。星期日始終人多，次次出去拎野食都有野食係fill緊，全場都坐爆，又唔係太感受到人地話餐飲生意差左喎，可耐任食場又唔同啦。野食都係正正常常，冇咩特別，但食完正餐食甜品，未夠8點已經冇哂雪糕筒，好似又太快喎。到埋單先知原來星期六，日冇左9折，而且佢本身比平日貴$10，我地一家4口差唔多等於1個小童價錢，下次都係平日食啦，哈哈哈~

因為做左KABU會員既關係，所以都會經常去牛角同牛涮鍋食飯。儲左差唔多1年既積分，今次儲夠4900分就換左1位晚市美國上級牛胸腹放題😋牛涮鍋既性價比都算高，有時仲會有信用卡優惠！無論係豬、牛、雞既肉質ok，火鍋配料既選擇都多👍🏻 而我就好鐘意佢既沙律吧，蔬菜好新鮮，每次我都會係開始火鍋前去夾左一大碗沙律食先～而且佢既甜品櫃都好出色，有別於一般火鍋放題既甜品淨係得雪糕，佢仲有泡芙、麻糬、細細件既cake等，味道都算ok😛

在天水圍不知食乜好上黎openrice一睇見到呢間牛涮鍋只有好評無負評果斷決定一試去到門口店員會先叫你選擇食咩餐由2百蚊一個人到5百一個人都有咁啱有個hsbc信用卡優惠套餐就試試個餐有澳洲和牛同少量海鮮(元貝 青口 廣島蠔)海鮮就一般冰鮮質素，所以食左一件就無再叫過而和牛配上壽喜燒湯底(甜醬油)真係好味，最重要係加5蚊加隻蛋，簡單配搭就已經好正👍🏻牛，豬，雞個套餐係包埋，任你食。雖然係任性但質素都不錯。最後買單兩個人六百幾蚊呢個質素的任食火鍋性價比都算不錯👌🏻尤其係啲牛有牛味亦不會太韌啱晒鍾意食肉的你😁

本身係會員，不過係食牛角多，今次就同屋企人食牛涮鍋！因為仲有一個三送一嘅優惠未用。我記得之前食過荃灣嗰啲分店好似冇咁多配料選擇。定係已經改變左我唔知，覺得天水圍分店呢間唔錯。既然有優惠就食美國肥牛級數嗰種。四個湯底，昆布、甜醬油、豬骨、黑蒜。本身鍾意甜醬油，但係今晚覺得越食越濃，反而黑蒜味幾特別，因為好似出前一丁嗰個味道

甚麼都要等。服務又差。上菜慢。不值得。貼錢買難受。連冷氣都唔夠，好局。以前唔係咁。宜家一句講曬唔夠人手，咩都等。成桌子野都無人清。希望快點好起來。唔係都食唔夠飽。

今天去食，個鍋過左十幾分鐘都唔滾。過左十幾分鐘都未上菜，以為要自己點，於是便追加。原來要自己搞個鍋先滾，如果我傻更更左係度，咪白等？食食下，追加的野先到，然後個侍應好心急，明明無位都硬要放上黎，結果醬料整個打翻，我的褲子和鞋都是胡麻醬!最尷尬的是，旁邊的女生都弄髒，我好唔好意思。之後個侍應居然無理我然後同個女仔講係我整!我激到講唔到野。明明係我最慘，佢推落我度!!中要好耐先黎拖好個地而我自己用大量紙巾擦完之後，啲紙巾居然放桌子上人收。我整餐都食唔落。同埋成程佢只係上過最初的四碟。200元的晚餐，真的貼錢買難受

突然間興起，想食打邊爐，約咗兩個朋友去到屋企附近嘅牛涮鍋，點左個高級美國牛，配上自己最鍾意嘅壽喜燒同埋喺出邊任拎嘅配菜，十分滿足！仲有任食既雪糕同飲品，勁快回本呀！

收工同朋友仔食飯，朋友仔亦食過幾次呢間🙂本人就第一次食～晚市90分鐘放題 ，我地9:30入座～我地選擇咗「美國上級牛胸腹放題」揀揀咗我最鍾意食四川麻辣湯底同蕃茄湯底🍅🤙🏻牛豬雞來了～又幾好食喎！䐁肉同牛胸腹好薄 、䐁肉 雞肉 好嫩滑！本人唔鍾意食豬肉都覺得好好食呀呀呀呀🤣🤣相比之下 牛就一般（無牛味）如果想選擇平啲可以食158個套餐😁跟住攞咗啲配菜，蔬菜全部好新鮮！丸類就特別推介新品「香辣冬粉豆腐」（小小辣）（呢個芝心丸不推介 外面那層東西口感很膠)食完第一輪肉再encore追加第二輪～（亦追加了普通牛胸腹 果然沒有上級牛胸腹好吃）但好奇怪第二碟豬肉切得較厚 睇圖片也能知道不太好吃（豬騷味☹️） 雞肉牛肉正常 食咗呢一輪就沒有再追加飲品方面推介 蜜桃汁不太甜 幾好 可以溝味道及梳打水👍🏻👍🏻甜品方面 本人只選擇了食雪糕 但雪糕很「油」，不好吃😰😰其他甜品味道普通（可以不吃 不要浪費食物） 食到10:30餐廳內的食客全走了 我們見冇人便立即離開不想打擾員工下班時間（雖然收11點😁）*店內員工都十分nice

尋日有幸再再牛測鎬食飯，基本上本人住天水圍，食左好多次。但今次要留下負判，服務及態度大幅倒退。首先，飲品處無冰，成個鐘無人理，叫左都唔添。到問經理囉飲管，佢好自豪咁話，而家我地用環保飲管。我話好呀，咁支持環保，咁3支唔該。佢er 左一聲，話要收2銀錢一支。。。。 我當堂呆左，食係你個放題200蚊一位起跳，你夠膽收人2蚊一支飲管？學下人地譚仔一樣紙飲管，加9蚊杯凍飲全部都派。 我本身有敏感牙齒，唔用飲管基本上等於自殘。。 又話以客為先嘅？ 我好支持環保，但你唔好完全無option 比個客之後個湯 lone 左，叫佢快快手加湯，重話你個藩茄湯，要得好耐既，最後咪全個湯lone 哂囉，臭到隔離檯添。個waitress 你覺得好唔好意思？好多檯加肉都等好耐，差唔多每一檯都投訴。。。 希望貴分店可作出改善。我平常去其他牛角分店服務好好的。

雖然限時個半鐘，但次次食完都好飽既，而且唔算趕，加$22仲可以任飲生啤，最重要係成間餐廳都乾淨企理，同埋小朋友去食呢樣好重要。今次又黎食，可以叫2個鍋，試左黑蒜油、昆布湯同豚肉雞白湯，個個都唔錯，但黑蒜油食下食下就會冇哂。天水圍呢間星期一四有個優惠，$200零就有幾款牛食，次次都會逐樣叫黎食下有咩分別，食個時記得既，但下次黎又搞唔清邊款打邊款。最鐘諗意佢出面自助既食物久唔久就有一兩樣新野，唔會食黎食去個幾樣，都叫有d新意，同埋今次見到啤酒轉左大杯，500ml一杯，其實真係好，侍應又唔使成人幫人加酒，食客又唔使等咁耐。