牛涮鍋 (已結業)

有晚男友話好想食火鍋，見就腳就諗住係屋企附近間牛涮鍋食邊爐，見到食既野一樣但晚市貴午市成80幾蚊（兩個人合計），於是忍到第二日午餐黎。記得好耐之前黎有年糕魚餅，但今次無左，少失望。我地叫左麻辣湯同蕃茄湯，麻辣湯好食，唔算辣譚仔十小左右，蕃茄湯就無咩特別。牛肉同麻辣湯底好夾，好食，菜亦新鮮。基本上火鍋配料方面都好食，無咩可以挑剔。野飲方面果汁全部都太甜，味道比較人工。甜品個到，d麻糬好好食，我飽到一個點都食左三個落肚haha。

今日好晏先起身11點幾先食咗早餐,咁晏晝3點幾先食到午餐，我哋於是揀咗牛涮鍋食lunch,午市時間十分抵食2個人加咗10％都係280蚊，平均140蚊 for one.我哋揀咗美國牛胸腩放題,湯底揀咗味噌雞白湯。湯底都OK,煮咩都有味。再加上出面自助形式攞野食，都有好多款選擇。lee個價錢真心抵食，我本人推介牛奶軟雪糕再加上朱古力醬真係好滑好好味。埋單時店舖仲送咗張coupon，下次第2個人半價，更加抵食

同屋企人黎到牛涮鍋食火鍋放題其實價錢上呢間都算平 而且配料又多元化今無論老人家大人小朋友都一定有野系岩食黎到一坐低 因為就正正坐左系甜品櫃隔離 已經忍唔住夾左一盤泡芙黎食 可能因為佢岩岩新補上去 系雪櫃岩岩拎出黎就放入甜品櫃 所以入而本來系cream既變成好似雪糕咁 我又反而更鐘意佢好似雪糕咁食去到自助沙律🥗區 裝左一大盤蒜香麵包粒🤣佢又香又脆 好似食緊零食咁 唔知出面邊度有得買呢類蒜蓉包粒食呢甜品櫃入面仲有呢款糯米糍 佢既皮整得好岩我心水啊❤️煙煙靭靭！佢分別有芒果 綠茶 同朱古力味而本人就覺得朱古力味最好食 因為味道整得最濃味而芒果又同綠茶味比下去食火鍋方題當然系唔小得佢既任叫牛 雞 同豚肉啦計計埋埋總其都追加左7-8轉牛肉黎咁多轉都唔會話特別有一轉全部得肥膏 好小肉岩哂我 因為我鐘意食偏瘦既肥牛豚肉就無咩特別但雞就想特別講一講 因為佢既雞雞味好濃 而且又滑 雖然唔清楚佢同咩部位 但個人認為佢既雞比牛更好食啊🤣配料睇圖都個多元化 各種丸類 餃子 魚皮等等蔬菜既選擇都唔小加 食左好多蛙蛙菜同油麥菜！最後更有自助雪糕區食乳酪雪糕做結尾 整到咁既樣算系成功啦🤣 有技巧加🤣！

其實應該好多人都食過牛涮鍋既，都係放題式打邊爐，都唔算貴既，最平既好似唔使200蚊有交易，而且質素都唔錯。不過我今次去食左佢既澳洲和牛肩脊肉.先講湯底,食日式邊爐當然要嗌醬油湯,好濃肉方面肥牛同豚肉都真心唔錯有脂肪分佈 達到令肉質香口既程度又不致於太肥 太流任食既價錢 呢度既肉類叫好唔錯至於菜類同丸類 選擇亦幾豐富有我最愛既竽頭！春卷都好食！飲品有汽水啦,有果汁,DESSERT都係任食架，見到有抹茶同芒果 MOCHI ，超好食，仲有軟雪糕(定係YOGURT?)任食.YUMMY

苞芺不太甜，又好食，又夠凍，唔會好淋芒果味、抹茶味、朱古力味芒果味好香又唔會好甜 抹茶味唔會苦亦都唔會好甜肉類可不停仼叫 真係好底食雪糕可以自己整 牛奶味好濃唔會好甜

今日自己一個去咗食牛涮鍋，其實入邊都幾多人一個人食，個湯底我叫咗香草蜆湯同埋麻辣湯，個蜆湯冇乜蜆味，不過都帶有點蔬菜嘅甜味，所以全程都係食麻辣湯比較多，個麻辣湯就唔錯，冇乜油但係就幾多花椒，所以食落口都幾香，點少少豉油就夠，咁先唔會遮左佢陣香味。肉類方面我淨係食咗豬肉同牛肉，豬肉反而冇上次咁滑，煮熟左有啲鞋，牛肉就反而幾好，幾香牛肉味。配料方面多咗幾隻新既丸類，有一隻係入邊包住粟米濃湯，有一隻係黑松露忌廉湯，有一隻係芝士丸，食得出有啲芝士味不過就真係偏甜，溝得其他嘢太多。公仔麵我就建議佢分一半，成個面實在係太多啦，而且都好難放入去個鍋。甜品方面就真係一個大伏，當啲甜品係贈品就好啦，唔好認真。佢嗰個青蘋果雪糕一支出嚟已經溶溶地，食落口超級大化學味，吐都吐唔切，原味雪糕就普通cheap野雲呢拿味，薄荷蛋糕加埋佢隻質地就好似牙膏，芝士蛋糕冇芝士味，唯一好少少就Oreo芝士蛋糕，但係我始終覺得芝士係帶酸味，撈埋啲Oreo就唔係好夾，唔好撈得咁碎應該會好食啲。拎啲甜品浪下個口就夠，主力食返牛肉啦。

今天行經T town牛涮鍋，看見有$49午餐，二話不說便和朋友大吃一頓😆(只限幾間分店有$49咋)$49午餐沒有肉類供應，自助bar則任食，我們喜歡吃蔬菜類，冬菇丶金菇丶蕃茄丶生菜丶油麥菜丶西洋菜丶豆腐丶青瓜等，我們看到已經心心眼😍我們最愛是豆腐，吃時一定要配胡麻醬，我往往吃四塊才夠😆吃到最後，一定要吃拉麵，配上甜醬油湯底，簡直冇得輸👍🏻甜品方面，最近少了乳酪雪糕和泡芙，所以有少許失望。總括來説，$49(會員免加一)已很超值😁😁

午餐一人火鍋很抵食，$68就可以食到一個豐富的午餐，比其他地方吃午餐已經好好。今次選擇了雙拼肉類，牛是和牛，配以雞腿肉，但雙拼肉類份量感覺比較少。蕃茄湯一開始不太濃，但越食越入味，最後吃一杯牛乳雪糕有驚喜，味道似雪糕車買的啊！

今次黎到天水圍既商場隨便行下，以我所知天水圍就唔係太多小店選擇，所以同朋友都係揀左一d大型少少既餐廳食飯，打下邊爐，又可以坐得耐d。四個人都揀左食日本牛同豬，一入到去，侍應就問我地冇哂大鍋，用四個小鍋枱o唔ok，當然冇問題啦，四個鍋仲可以揀四種唔同既湯底tim，我中意佢打邊爐既料好多元化，樣樣都好新鮮，而且日本牛真係好夠滑同有牛味，唔係次貨扮上菜，仼食黎講都可以接受，食完正餐緊係要食下甜品啦，佢地仲有部雪糕機係到比你自己擠雪糕食添，大滿足啦！

好耐之後已經知道「牛涮鍋」是任食火鍋，但有啲貴同太heavy。知道有火鍋早餐，而且唔貴$40 有找，又任飲飲品，所以時不時都會去食。By the way 早餐只是星期六、日同公眾假期。5 個set 有牛、豬、雞、丸或素菜揀。一人人個小小鍋。我地都選了蕃茄湯底，最健康。今次試下丸丸套餐。除了丸，有啲菜呀，菇呀咁。自己一個「煮早餐」，好玩～我唔要湯公仔麵，我要撈麵，仲有個笑哈哈（我好有創意，I know haha)飲品任飲，有soft drinks，hot coffee/tea，豆漿及梳打水等。

嗰日放工同朋友三個人去試吓呢間個店員同我地講只有一個大鍋所以我哋就冇得試一人一個鍋坐低冇幾耐店員就拎咗一碟肥牛同一碟豬肉雞肉我哋就把握時間去拎出邊嘅配料出邊嘅醬料選擇都多嘅但係飲品就少啲得汽水同果汁，仲有啲丸啊菜啊同我最鍾意嘅年糕甜品就得幾款賣相唔係咁靚嘅蛋糕所以我都冇拎到淨係試咗雪糕味道都唔錯第一次叫嘅牛肉麻麻哋反而豬肉唔錯但係第二次叫既牛肉就幾好味，呢個價錢講都OK嘅。

火鍋放題相信大家都食唔少，環境食物大家差不多，但筆者認為牛涮鍋比較出色，所以9成機會都係食牛涮鍋。是晚揀左最平個款牛肉餐，牛胸腩。如果你對牛只係有基本要求，又想食到好飽，咁你揀呢個價錢已經足夠。最平呢款牛味當然冇咁重，脂肪比較少，相對當然食落比較鞋口，但都會比一般火鍋酒家好。而牛涮鍋過人之處係佢嘅服務，畢竟食物價錢差唔多，點解我要揀你？筆者覺得牛涮鍋多間分店都比其他牛肉火鍋放題，例如牛一，牛陣等等好，所以食落個人心情都好d啦，而且環境都寬敞d同舒服d，唔會好迫。食物上牛涮鍋丸類同菜類都會比其他地方少，但筆者認為，如果你咁想食其他雜類食物，不如去酒樓好過，唔使哂錢黎食。所以我覺得你黎得就專心d食多d牛好過啦。另外，值得一提，如果你鍾意食豬肉，呢度嘅豬肉都唔比牛肉差。前提係你要識整。豬肉係一種愈煮愈鞋嘅食物，如果你煮得剛剛好，係會好鮮滑美味嘅，一般灼1分15秒至30秒左右啦。火鍋放題周圍都有，筆者已講左佢比較好嘅地方，其他就見仁見智啦。用餐日期:1/1/2019是餐費用:$391.6味道:8/10環境:9/10性價比:7.5/10

牛涮鍋食咩真係唔駛多講，講重點①2個人去食，未排過隊。P.S.去過旺角，奧海城，銅鑼灣，紅磡食都排成個鐘。②唔知係咪新開張，成日推第二位半價，要最平個有牛餐，2個人2百蚊左右賣單。大X樂晚市一個人打邊爐，肥牛加多碟都接近1百蚊，加多廿蚊可以任食，大X樂定牛涮鍋，你識揀吧！③最點最高階的和牛餐的話，不妨試下先單點一個和牛再加最cheap牛餐。總覺得和牛打邊爐和普通牛分別不太大，CP值在心中。④個場比較大，服務員明顯不足，有時加湯無人做，要自已加埋，自助餐來說，我接受到。

食左幾日麥皮餐 口淡淡 突然好想食牛 近近地 就呢間啦。一人一鍋 Honey中意蕃茄 我就中意豬骨 各自各喜好 唔駛就黎就去 我中意。第一次到來 餐廳整體乾淨 又光猛 店員非常殷勤 服務一流 有禮貌 有耐性。今時今日香港已經好小有這種服務 值得一讚 就係個個都有禮貌 唔會hea做。抵讚👍。入正題：今次澳州和牛做特價6折 兩人連加一$445元 就這個吧。澳洲和牛 牛味極濃 雞肉算幾滑 豬肉都唔鞋 尚算合格 丸丸蔬菜等全部都一般 都算新鮮。飲料方面：沒有罐裝飲品 全部都係機斟 味道相對較甜。雪糕好味 夠滑 超滿足😋

之前喺度用匯豐卡優惠半價食晚餐，送咗張買一送一嘅午餐優惠券，於是同朋友來用這個優惠。喺呢度最想食嘅就係牛肉，因為味道都可以，羊肉味重，ok.兩個人可以用一人價錢食得飽飽，好抵