牛涮鍋 (已結業)

樂富商場裝修後，我幾乎在商場內迷路，行完UNY後開始肚餓，打開電話用openrice apps尋找商場內的食市，最後選擇了牛涮煱，因為我既想食火煱又想食雪糕，這間店可以一舉兩得,我選擇了$118牛肉火煱，湯底則選了和牛清湯及韓式泡菜辣煱，牛肉是每人一碟，侍應一次過拿了兩大碟放在枱上，其實一碟已夠我們吃，另一碟只吃了幾片，很浪費！其他配菜是自助的，選擇不算多，主要是蔬菜及急凍丸類，較為ok的只是和牛炒飯及稻如庭烏冬，其實好不好吃湯底真的很重要，我選的那兩個湯底也很差，所謂和牛清湯真的清到淡而無味，韓式泡菜煱不辣也不夠味~最後的甜品自助雪糕，只得一種選擇就是牛奶味，幸好軟雪糕不錯，我加了很多提子乾及餅乾碎看食評看到很多關於服務的投訢，其實只是人手不足引起的問題，好像我的湯底只剩下很少也沒有人幫我加湯，但我的其他要求也做到，所以請多些人就可解決這問題，平蔭頭扎馬尾的侍應有禮貌，有笑容，全晚未停過，值得一讚

去過荃灣、尖咀、旺角、樂富同FB留言讚賞。6/9晩再去樂富,正如以下朋友所講;差差差。上級牛肉色瘀肉“un”,重差過自己去超市買。放低第一碟時已心諗:有無攪錯?我唔係叫最平個隻喎,平時食開都唔係咁!個樣好肉酸!同個女侍應講換過一碟全牛,放低時都覺得怪怪地,滾塊再食,好似豬喎,叫老公試塊,都唔肯定,問番個女侍應,第一時間答:係牛黎架!但個樣同味真係好豬喎,見我面有不悦,就入左廚房,轉頭出黎話:唔好意思,係豬黎,換個碟比你地。唉!真係豬牛不分,當D客儍架咩!!等等等,要追之下,8分鐘後先黎第三碟,雖然個樣好過第一碟,但肉鞋有渣。無晒心情下出去攞最愛嘅波菜同柚子醋,點知d菜係爛葉似隔夜,柚子醋又無貨!貴店教客用醋食菜,無貨?!心情跌落谷底!再食牛,都係食到lur番出黎。滿心歡喜黎,但一肚氣走。食牛涮鍋成餐,最好食居然係個軟雪糕,但兩個人三百幾蚊去哈根大食到肚痾都得。總結,搵笨!有口碑後,無論服務同食物質素無晒,以後唔會再幫襯樂富,亦唔敢再去之前滿意嘅分店,更唔再向親朋戚友推介。

經常去mou mou 開餐， mou mou 各間分店都去勻，但講到服務，呢間最差。未見過一間 mou mou 的服務員係木口木面既，唔特別需要笑容燦爛，但唔好一收碟就黑面，又粒聲唔出，舉手叫又扮睇唔到，特別係某位男員工，叫他斟湯執野就黑晒面俾晒面色，辛苦過自己郁手，以為佢唔識笑唔識講野？又唔係喎，對住d女服務員即刻笑晒，好似兩個樣咁。走既時候，企門口既男員工望住你地走，就係唔講聲多謝，原來講句野咁辛苦？唔係話要你服務殷勤，但 mou mou既員工俾我既感覺係訓練有素，有禮貌又勤快既，我未試過去過一間mou mou有咁樣既服務，好似好唔希罕食客黎開餐咁，如果mou mou訓練漏左呢兩個人，就需要跟進下喇。呢間 mou mou 黎過幾次，服務態度毫無寸進，唔會再黎！！！

當天點了味噌湯底，味道不錯。進口牛肉雖然只有一碟，味道非常普通，但是分量足夠。放題食物有大約三十種，包括年糕，大量菜蔬等等。值得一讚的是這裡的侍應相當有效率，無論加添牛肉，加湯加水，全部都非常快手，而且更會主動給客人加湯。最後的冰淇淋奶味非常濃，超級好吃。總結來說，放題六十多塊午餐性價比高，值得推薦。

因有2人減收$100的優惠劵,即去試試選了每位148 的牛肉.嘩!D牛肉好"正"呀!醬料多選擇.花生醬 柚子豉油 ...放在外面自取的菜 ,烏冬,素麵,番茄,芽菜,生菜,菠菜,龍蝦丸....還有白飯及炒飯.汽水,雪糕(好勁牛奶味)服務員的態度非常好,見你食完碟牛,即問你需否再要?要一碟還是兩碟?推介:將大量番茄加入辣湯底,D味道好 "夾"值得一試!

本小姐生日過左好耐~~仲係補食緊生日飯^^話說我地食8pm~~生日就大家齊齊豪一次,食318個上級和牛~~~嘩~~~真係好正~~唔可以話入口即溶~~但真係好滑好嫩口~~~~不過3碟之後,開始有d貨不對板~~d牛本身係雪花紋~少白邊~~~而家係2邊都係有1隻手指咁粗既白邊,食落去都冇咁滑~~佢話係部位唔同(好官腔)之後食極都係呢隻lu....後尾同佢講要瘦d,佢就話介紹澳洲牛~~咁呢隻都ok既~~雪花少d,但都滑既~~甜品玩雪糕~~其實已經好飽,但又好好食~~特別係加埋d粟米片~~~318x7+31.8-150(coupon)=2289~如果由頭到尾都係第1碟牛就抵~if not,就叫澳洲個隻算lu~不過叫左頭幾碟,唔知會唔會又俾低一級既你.........

短短一年之間，牛涮鍋已經在香港開左六間分店，以平價日式涮涮鍋放題做賣點，雖然我都算係牛魔王一名，但偏偏對放題唔太感興趣，不過今次有優惠券在手，加上屋企附近樂富開新分店，即管來走一轉趁下熱鬧。呢度主要分涮涮鍋ShabuShabu同埋壽喜燒Sukiyaki兩種放題，而每種放題類別亦以肉類質素分為四等級，價錢亦由$118至328不等。以我經驗所知，平價日式放題唔應該選叫最平同最貴嘅級數，而澳洲進口牛肉及和牛之間亦每位相差一百大洋，精打細算下最後決定選要上級壽喜燒($158)。自助食材吧有各式各樣嘅蔬菜丸類，亦有不同醬料俾大家，其中最值得推介可以話係豆腐同稻庭烏冬。雖然係平價放題，但呢度所提供嘅烏冬出奇地幼滑細膩，烏冬慢慢滑到喉嚨入面，感覺極佳，比起好多烏冬專門店做得仲要好，非常有驚喜。薄切牛肉片油花唔多，不過肉色甚為對辦，以呢個價錢黎講已算超額完成，而我最中意嘅壽喜燒剛好同呢種薄切牛肉互相配合，甜甜嘅湯底將牛肉味變得更濃更精彩，口感更為豐香。值得一讚嘅係呢度侍應相當有效率，無論加添牛肉，加湯加水，全部都非常快手，而且更會主動提供意見俾客人咩時候需要再加湯，呢90分鐘有如此水準嘅服務，絕對滿意