牛涮鍋 (已結業)

放假食嘜好？好多餐廳假日唔做午餐、下午茶，差杯茶自然好，有D隨時貴成倍，食中午同夜晚差唔多，食得好都話，又食返工餐？條氣實唔順。有幾多人返工中午會食火鍋、燒食？我唔會，通常時間有60分鐘，食飯時間都係一個鐘，就算你老細萬數成班人去食唔睇時間，食個90分鐘，返到去成身味周身唔自在，隔離有其他部門無份去更係麻煩，除非食完收工！左搵右搵，千辛萬苦俾我搵到間假日有做午市火鍋，仲要同平時一樣價！接近一點去唔洗等位，照舊選好先入，選擇幾多，60分鐘一碟肉，有單款或雙併，任食係90分鐘，越貴越多款，出面D野都係任食，除非你有信心食多幾碟肉，唔係為多半個鐘最平都要花多幾十蚊，事實我加十五蚊升級多半份肉，出面食小小，60分鐘真係好趕，個煲又淺，最尾想倒肉落去都難，甜品都無時間食，但好夠飽！平時日式火鍋辣都無料到，今次試四川風麻辣湯就夠晒，花椒落唔少，一路食一路咬到，可以鴛鴦再加個昆布湯，中和下。豬肉雖然平，但依D地方食到嘅通常好食，丹麥皇冠豚梅肉，薄薄一片輕微加熱就食得，入口肉味香濃，軟熟無根無失望！醬料款多但湯底夠味最後唔洗點用，蔬菜款少唐生菜都清咗要等補，煮娃娃菜、油麥菜、蓮藕、菇同粟米等都要時間，

星期日早上行完山，行到身水身汗肚又餓，中午時段到荃灣廣場“牛涮鍋”食番個火鍋放題，中午2點嚟到唔使等位就可入坐，職員告知已沒有大鍋位選擇，問我地坐一人一鍋位有沒有問題，哈哈~仲好啦！唔使就要乜湯底，自己個鍋自己選湯底！一行三人我地選咗2個甜醬油湯底，1個黑蒜醬油豬骨湯底，牛肉選咗美國見島特選和牛牛脊肩肉放題 ~90分鐘店內地方唔算大，坐位亦坐得舒服，有足夠的空間擺放食物，牛肉和豚肉可再追點，飲品、甜品、蔬菜、 丸類、醬料、其它食材…可自行出外自取。牛脊肩肉貪佢唔太肥又有牛肉的厚實味，薄薄的牛肉加上湯底，入口即溶一口接一口豚肉薄而不靭，入口軟綿可口，雞肉肉質淋甜鮮味，令人回味吃不停口飲品、丸類、其它食物也選擇頗多甜品櫃亦有不同種類的小蛋糕，甜點、軟雪糕令人愛不釋手 反而青口、帶子、北寄貝不夠鮮甜，沒有海鮮的鮮味，有點失色 但整體二百幾蚊一個人，咁多選擇的放題也是很不錯的平、靚、抵的選擇

突然Lunch同朋友想打邊爐，於是就揀左一間聽講平靚正的牛涮鍋，竟然唔洗等位就有位，我地想食平d，於是午餐我地揀左最平$118的美國進口牛肉放題，湯底則叫左番茄同未試過的黑蒜油湯底，我地總共有90分鐘的用餐 時間 。我地幾個坐響一個好大的圓桌卡位，好寬敞，台下面有部平板電腦，只要拉出就可以追加肉，加湯等等，十分貼心，唔洗次次都要叫人幫忙。我地唔係叫一人一鍋果d, 而共用一個大鍋，左邊係蕃茄湯，有超濃既蕃茄味，而右邊係黑蒜油湯底，有d似公仔面的湯底，味比較淡，唔推薦。我地叫的美國進口牛肉望落顏色鮮紅頗新鮮，紋理均勻，脂肪比例略為多少少，同埋比較薄切，食落雖未至於入口即溶，但係牛質算嫩滑，肉汁同湯底的配搭都做到滲透口腔的角落。除左肉當然唔少得各式的火鍋配料，餐廳入面提供的丸，蔬菜選擇都好多，以一個咁抵的放題來說好唔錯。我地除左牛亦有追加豬同雞肉，呢d都係免費，肉亦非常出色。最後當然唔少得甜品，首先拿左朱古力雪糕，呢度可以自己加 topping ，有朱古碎，m&m之類，除左雪糕之外，甜品櫃仲有CHEESE CAKE,馬卡龍,泡芙等等， 呢d全部都係細細件，唔會話食到太飽。飲品方面除左汽水外，

食評味道一般。主要是服務方面。由帶位既一個平陰姐姐講野快無問題。但問題係講咁細聲。客人聽完都吾清楚講左乜。 last order 埋完單。個有位應該係個負責人女士。都好有心咁提點客人。直斥語氣：你知你地過左時間嗰呵。可能客人係時間點上有稍為阻到小小時間。可能阻住左準備落場or山門時間。負責人好心得滯心急想汁枱定咩。都希望她能夠尊重一下客人 。應該先說聲：吾好意思！你地限時已超時了。客人聽了後會明白識做離開。若客人早知超時。就都不用你咁盡責用直斥態度提示啦。若作為負責人這樣的態度差又禮貌欠奉去與客人溝通。實在留下壞印象。同時會影響 帶領同事對客的態度。客人不只是來品嚐食物同時也會感受店舖服務。

平時普通一個lunch都要$40-50而家最平$69就可以有火鍋放題我地一行4人1:30 去到已經唔使等位可以直入我地叫左最普通既豚肉冇加大，一碟大約有8片，對女仔黎講都夠食出面既配菜方面有不同既丸同菜，另外仲有鰻魚飯對lunch 黎講種類都算多飲品方面除左有基本汽水外，仲有不同果汁如百香果茉莉茶/青提子汁/蘋果汁同橙汁甜品有大福，cheese cake同泡芙另外仲有軟雪糕不過得60 mins始終有d趕，因為你等火鍋湯底滾都要一定時間，所以進食一定要快，如果唔係就食唔切啦

一行四人黎牛涮鍋食午市火鍋，非常興奮，真係好少中午飯去打邊爐。佢有分60分鐘/90分鐘兩種。前者係套餐咁，肉類只供應一份，飲品+甜品+配料就任食任飲。而後者係真正既任食任飲，叫最貴既黑毛和牛的話仲可以任食海鮮 tim !不過 lunch 費事食到$300幾咁貴，加上時間問題，所以最後叫 60mins 套餐！每人可以叫唔同既肉 set 叫左豚肉，澳洲和牛。以前黎過食黑毛和牛覺得好正，所以今次試埋澳洲和牛比較下。澳洲和牛入口好香牛味同脂肪味，雖然脂肪比例唔及黑毛和牛咁細密，但已經非常出色了。而豚肉亦非常出色，油脂味香而不膩，食落去唔會 hi , 好好食既豚肉！4人共用一個大鍋，左邊係泡菜湯，微微辛辣味，好香既泡菜味。右邊係蕃茄湯，都幾濃既蕃茄味。加上佢地加湯係用原本既湯黎加，所以唔會愈食愈淡味，very good 配料區種類唔算好多，但樣樣都有 d 咁，而且整體味道都好，蔬菜而非常 fresh , 無乜爛菜。而且有得自己搞沙律，我欣賞佢有芝士粉，玉子粒。加埋一齊食係一流啊，新鮮蔬菜黎做沙律真係唔同 d .甜品亦 very nice,個大福超煙 un , 好有趙頭，唔會放到硬曬呔d cake

在荃灣溜澾半天，妹子過來找伴吃晚餐，荃灣選擇多，好難揀啊……妹子提議荃灣廣場吃火鍋。6點去到未見人龍，今次用會員優惠劵，有一客免費海鮮盛合，大家都不是吃貨，決定今次唔食牛，揀丹麥豚肉+特選雞腿肉放題！選了昆布和蕃茄湯底，先去拿蔬菜和飲料，試吓熱情果加梳打水，好酸！好彩只係裝咗少少試。都係飲蘋果加梳打吧!海鮮盛合望見擺盤真係唔開胃，食材求其疊在一起， 生蠔還跑到墊外去，花幾秒就感覺唔同晒，食味：鮮蝦OK、帆立貝鮮甜、魷魚還可以、蠔OK。丹麥豚肉+特選雞腿肉，雞腿肉雖然嫩滑有雞味，還是偏愛豚肉的肉香和口感，一共追加了3份哩……蔬菜有金菇、冬菇、大蒜、娃娃菜、蘿蔔、粟米...等，另有沙律菜及配料選擇，紅藜麥都有啊！其實一個百多元的放題晚餐，除了各式火鍋配料，還有沙律、甜點、雪糕…等，今時今日係好抵食！食到飽飽連cake都唔想食，甜品淨係食咗牛奶雪糕，奶味香濃，正!今次食完又要行遠啲先至搭車喇，消耗吓卡路里，兼幫助消化嘛，嘻嘻！

今天一家三口到訪，也當是食個中秋飯，早去拎位都會好快有位，好開心呀!第一次入嚟新裝修後的店舖，嘩!我兒子超鐘意，好有童話的感覺，好適合一家大細的餐廳!我們點了極上和牛自助餐，啲牛真係超正! 好香好有質感!豬同雞都好滑! 而店裡面都有很多日式的配料，也有足够蔬菜選擇，真係食到飽一飽呀！而當我們追加的時候，都好快送到俾我們。服務員不用叫都自動自覺來加湯，感覺好被人照顧。整個用餐時段都好開心，最後當然唔少得食雪糕啦！今天真的是吉著肚子來，抱著肚子走啦！

早前因爲健康問題開始減肥，好久沒有去食任食放題之類的餐廳，女友近來工作忙碌，難得今日兩口子出街拍拖，本來到荃灣一田食海鮮丼，但佢話好肚餓想食火鍋，就破列一次，最多呢2日做多D運動啦！去到牛涮鍋，因為才6點，不用等位，侍應先詢問要乜價錢之放題，因為有匯豐卡有折所以就揀咗個有澳洲和牛嘅，海鮮嘅放題，每人有一客澳洲和牛和一份海鮮，之後，美國小牛扒，雞肉，豬肉任食，自助枱仲有沙律、蔬菜，日式魚餅，甜品，雪羔和任飲果汁汽水。雖然選擇不算多，但新鮮乾淨。一人一鍋可各自揀湯底，但我兩都選左日式甜豉油湯底（壽喜燒），個人人覺得最夾食牛肉，一人一份之和牛肉質非常好，海鮮有：一隻蝦，一隻扇貝和一隻尤魚，海鮮質素一般。侍應收碟快，加湯快，服務好。地方坐得舒服啊😌

※本文以用餐當日的環境、服務和食物質素為準，口味亦因人而異，文章只作參考之用。-一係唔打，一係就一星期打成三次邊爐! 今晚去開荃廣一田拎行李箱，順便去左牛涮鍋食晚餐。原來牛涮鍋推出左期間限定既「米國見島特選和牛」，90分鐘任食特選和牛，仲有新出既紅菜頭羅宋湯底同法式洋蔥牛似清湯，聽落又幾特別!適逢世界杯狂熱，餐廳環境都有掛上球衣裝飾，食火鍋加$69仲可以換到迷你足球一個。湯底方面小妹揀左羅宋湯底同甜醬油湯，羅宋湯個款飲落仲見到牛肉粒架，味道酸酸甜甜幾開胃，不過配牛肉至愛都係甜醬油，會令人食唔停口。自行出去拎火鍋配料、甜品同雪糕等，佢地既芝士南瓜魚腐，每次黎必定食好多舊。米國見島特選和牛放題 $288/位米國（美國）和牛，望落顏色鮮紅頗新鮮，紋理均勻，食落雖未至於質感幼嫩個種，但係牛味就非常明顯，我倆都覺得相當唔錯。

今晚約咗個friend喺荃灣廣場去一田大特價睇下有咩買，直到晚飯時間忽然好想食放題，想起呢間牛涮鍋，我係呢間嘅member，即刻用apps 攞飛，買完嘢，等了不久就有位了，哈哈！我們二人點了兩客日本極上黑毛和牛放題套餐 $388一位嗰餐除了有和牛，仲有豚肉雞肉海鮮同自助 bar，種類及選擇很多！黑毛和牛，雪花紋理分明，顏色鮮豔，脂肪比例略為多少少，同埋比較薄切。入口雖然未有即溶嘅感覺，但牛質嫩滑，牛味濃厚，肉汁滲透口腔每寸角落！上等嘅黑毛和牛，輕輕一趟，已可入口，真係令人停不了口！泡菜拼豬骨湯底，豬骨湯底很鮮甜！海鮮方面有帶子，大蝦， 墨魚及桶蠔墨魚很爽口，蠔雖然細細隻但很有蠔味， 大蝦就一般，未夠新鮮。

這分店一個人去安排小鍋位、他説不可以安排大鍋位。小西湾可以安排、我只不喜歓小鍋、如用小鍋我去吉野家。我只浪費45分、都没説明只可以小鍋位我下次去別外分店、更別外分店或同一集団牛角也一定減少去吃飯。マジ最悪、時間返せ！この店は客の人数見て商売するから最悪。えーと、会員証ランク昨ジーンズはゴールドだったんですけども。一昨年はたかだか13000ドル使って二年連続金会員だったんですけど。しばらくもうもうは控えます。コスパは香港ローカルの店のが良いと思いますね。

我比較鐘意牛涮鍋嘅火鍋，因為肉質靚，湯底都唔錯，價錢大衆化，要平有平！要貴有貴！就算揀平嘅，肉類質素亦唔差，呢樣就係我鐘意嚟呢度食嘅原因！今次揀咗特上牛小排，中等價錢，一樣食得開心，質素亦高，另外豚肉同雞肉一樣質素高，其他火鍋配料都好好，整整齊齊，丸類唔算多，幾款都足夠，蔬菜類款式都多，啱哂我！仲有雪糕甜品都係我至愛❤

試過香港眾多的日式牛火鍋店，始終覺得這家最好， 除咗食物選擇多，質素始終是最重要的，以這個價錢，有這樣的食物質素，性價比是芸芸眾多火鍋店之中，個人覺得超值的。今天又再去試他的牛肉火鍋之餘，見到他的promotion海鮮拼盤，只需59蚊当然柯打了一份，發覺又是超值的，兩隻大大的鮮蝦和肥美的鮮蠔,再加上鮮魷魚及扇貝，實在是超優惠，而且我最喜歡他的蔬菜類，都不是菜頭菜尾，全部都是新鮮的生菜，每一菜類都是爽口青綠的，而另外值得一讚就是他的甜品，除咗一般的糕點，我至愛那個芝士蛋糕，也是做得很不錯，當然那個軟雪糕加脆筒，也是在單尾必試的。總括來說這家餐廳已成為我們的飯堂，每次想起要吃火鍋這便是首選。

做咗會員幾年，終於可以享用到最高優惠，就係買一送一喇！今年同屋企人食得牛角同牛涮鍋多，所以積分可以足夠free一個午巿澳洲和牛放題90分鐘，積分仲可以假日用，非常彈性同超值。澳洲和牛放題 $268 假期係貴$10，但可以慢慢食唔駛趕返工，頭order會有齊豬牛鷄，但食開既人都知可以選擇唔要某種肉，我同阿sir係牛肉怪，比得咁貴錢當然只食最貴既澳洲和牛啦，次等既美國牛就唔駛客氣喇。一坐低即刻order兩盆澳洲和牛，但要等成10分鐘先嚟到，好彩出面丸菜菇都係任食啫，頭兩盆肉既質素係ok既，油脂分佈平均，而且肥膏比較少，淥兩下就可以食，有種入口即溶感覺，所以大家都食得比較起勁，第三盆牛質素都差不多，但第四盆就變得超多肥膏同筋位，每片碌完都要自我切除肥膏位，超無癮！好在大家都已經飽到上心口，如果唔係都唔知第五盆會變成點。。。飯後甜品我只係食咗原味乳酪，但阿sir就狂食芋頭乳酪、芝士蛋糕同泡芙，佢話好好味喎！兩人共消費：$295