牛肉拉麵 (已搬遷) 新店位置

想係紅磡試新野, 大約夜晚9點, 試下幫襯一個客人都無, 只有兩位老闆,  但俾我感覺幾親切我未食過真正蘭州拉麵, 本來都幾期待, 想試下其他食家推介既蕃茄麵, 但可惜已經賣哂唯有叫碗牛肉麵, 拉麵係即叫即拉 , 心諗應該唔錯掛新鮮熱辣既牛肉麵黎到, 湯底普通, 我只飲到咸味, 湯無乜牛味, 就算有牛味, 都俾咸味cover 哂啦牛肉粒味道OK, 切到細細粒麵叫左幼麵, 算幾有口感, 少少彈牙, 即拉係唔同D不過如果呢碗係正宗既蘭州拉麵, 咁我真係無興趣再想食 

之前果排有人介紹了一間有新鮮手打麵嘅食府所以上個禮拜就去咗紅磡(黃埔)試下呢間野. 我係下午三點去嘅 都有人排緊隊, 其實因為佢得大概七至八個位, 不過turnover好快基本上食完走因為環境真係唔係話特別好. 例如因為太多人所以食完走員工未必有時間可以抹枱, 可能會有少少污糟, 不過我都覺得接受到 (尤其是呢個價錢). 我見好多人都係外賣我要嘅係最(完美)原味嘅牛肉麵, HKD30 我要左闊面 因為平時冇乜機會食, 食落去係非常有口感, 小彈牙, 好似食緊 pappardelle pasta 個湯非常熱, 夠味 (我走咗coriander)  HKD30  - 係呢個價錢來講食到咁嘅質素係非常之難得, 再加埋唔係幫襯一啲大型嘅食府更加要推介. 加油加油如果想食牛肉麵走去去試下啦, 不過就要非繁忙時間去,如果唔係有排等. 我一定會再去

週日下午一行三人紅磡半日遊。兩大目的：試食行家推薦的牛肉拉麵和新開幕的煎餅廚房！這間「直抒胸臆」叫做「牛肉拉麵」的店舖小小（如圖），6個靠牆吧台座位，印象中無洗手間。三人在隔一條街的新開的煎餅廚房排足半個鐘先落左2份煎餅order，被告知需等候2個鐘先有得落！所以決定先食牛肉拉麵。三人三碗麵，牛肉麵（毛細麵）、牛展麵（細麵）、牛筋麵（細麵）。評價有三點：肉：三個中間，牛肉最出色，肉質Q彈，香味濃郁自然；牛展麻麻，肉質和調味均遜一籌；牛筋同樣普通；總體比8分麵：現場師傅手工拉麵，本應該勁道、正宗，但是效果差強人意，推斷是「和麵」的步驟有缺憾；出於善意，且希望改進，比8分湯：最不濟係湯底，男友習慣試粉面類食物第一件事就係試湯底，話呢個湯底寡淡，欠奉正宗蘭州拉麵「味香濃卻色清」之特點，和「同門」的肉和麵比較起來真係失禮人... 但可以在香港地食到呢個質素，已屬難得，比6分，算合格仲係好想買張機票飛蘭州！！！

廣東的牛什/腩麪，日本拉麪和台灣牛肉麵王者輩出，代表大西北的蘭州拉麪，仍然未知鹿死誰手。論麪的彈性和湯底，我推薦此小店。此店王磊先生會在收到訂單後，即場拉出麪條。即打即放湯，彈牙煙韌。我吃的是牛筋拉麪，32元，十分便宜。湯底不算咸，可以一飲而盡。對我來說，這正是蘭州拉麪的好處。麪條份量頗多，下午茶份量剛好。

大中華地區講到牛肉麵，唔計我在香港常吃的廣東式牛腩麵，真正出位的便是台式牛肉麵和中國北方的蘭州牛肉麵。這天在紅磡這間奇貌不揚的小店「牛肉拉麵」，嘗到我近年在香港吃過最好的蘭州牛肉麵。店子極細，開放式廚房，所以看到樣子有點似林志穎的師傅即拉麵團的純熟手勢，由製麵到燙麵一眼看清，新鮮到震。麵分三種闊度，我選了幼麵，麵條頗軟身但不失口感，肉我選了牛𦟌，配搭那清甜的湯頭，太完美了。難得的是碗麵只要三十幾蚊，太便宜了。順帶一提，不同闊度的麵條口感及軟硬度肯定有分別，吃之前最好問問老闆，以配合自己的口味。還有這裏肉是配角，麵條才是主角，食肉獸們不要嫌肉不夠多。

座落於紅磡區橫街內一個唔起眼嘅招牌, 座位也只有6-7個吧櫈似的高腳櫈, 開店也差不多一年, 內進見簡單開放式廚房, 一個熱住的上湯大煲, 泊牆是一個用來搓麵條的長木枱, 一眼就知道是手作北方麵條, 麵條做得都不錯的, 牛肉係鹵水味的牛腱肉之類, 炆的火喉也剛剛好, 但令我們最難接受的不是環境而是湯底調味下的”鹽”! 明白小店成本有限如果要求什麼牛骨牛根湯底是癡人說夢, 湯底本身應該沒什麼材料滾出來的清湯水, 用鹽調味很正常! 不過唔知當日店主是否有心事落鹽時沒太專心落錯份量, 個湯水係個清澈的鹽水湯, 雖然很咸但除了這咸味, 這麵無論賣相,口感, 肉質都算是合乎標準的一碗麵!話雖如此但下午茶時段客人亦是來來往往座位沒有閒置過, 外賣生意亦不錯, 看得出是一家人做的小生意, 而招呼客人落單的年青女店員廣東話還相當生硬, 搓麵條的大嬸則多半是北方口音的普通話, 似乎她們都找到一個機會以自己擅長的手藝在這艱難的環境下掙扎, 而香港人還能以開放態度面對外來的新人, 儘管我們有矛盾的一面, 但同時亦能容納每天不斷迎面而來的新局面,

無意間停進入該店吃麵，怎也想不到可以在香港吃到這麽好吃的拉麵！麵的質地真是很有“勁兒"！麵身一點也不糊、而且企身及很煙韌，但絕不是那種麵心不熟透而死硬的那種，光吃麵已值回票價！……其間有兩位街坊專程過來買剩麵走湯，便知道他的麵有多吃了！首推炸醬撈麵，因為無湯浸住，麵身不會被浸冧，可吃出麵的良好口感……其他麵食的餸味道就一般了，份量偏少至適中(我們叫了牛展湯麵和牛腩湯麵)，但以麵食為主的話，整體份量也很夠的了！

在外國居住時經常在唐人街吃到中國北方即拉即煮拉麵，但在香港沒看到。年頭剛好附近開了這家即做的，便安排去試試。果然不負眾望，拉麵好食有咬口，因見住即拉感覺很新鮮，湯底不是最好的但亦不差，值得推介。個人覺得牛肉麵最好食，牛腩不及香港師傅做的柱侯或清湯好，牛丸不用試，是嘗過最差的牛丸。剛開店時賣28元一碗，牛肉份量太少，與麵不成正比，現在賣30元後牛肉加多了，整體好很多。點餐時除最普遍的幼麵外，還可選粗麵或寛麵，每種都試過，各有各好，不妨一試。座位很少故我必會在非繁忙時間光顧。聽家人說帶外賣回家約10分鐘，麵亦不容易變糊

未踏入店內，隔著玻璃窗已經看到老闆用心地拉麵。麵條粗幼不一，見證著每碗麵都係老闆誠意之作，非從街外從批發商拿貨的一般貨式。 肉質鮮嫩的牛肉，配上清香既上湯，就是一碗好味的牛肉拉麵。

經過紅磡，老友記本身想食米線，但見依頭都多特別野食，就試下其他野~見到依間拉面店細細，又抵食就試一試啦！食個雙拼牛腩牛根拉面， 牛根面32蚊，雙拼加3蚊，抵!我果碗係多青，湯底好清唔油膩，飲落口好清甜，個辣醬好香口，唔同平時出面果啲得個咸字，牛腩係一粒粒咁，比較淋身，我個人比較喜歡一大舊咁有咬口啲，相比起我較喜歡牛根，入味又有咬口!到最尾我一滴湯都冇淨!原來拉面有幾款揀，下次要試下寬面先得!

香港唯一一家地道的蘭州牛肉麵，老闆現場拉麵，面夠彈，牛肉湯超好味。不誇張的說，甚至比內地的牛肉麵味道還要好。唯一美中不足的是沒有白蘿蔔。而蘭州牛肉拉麵講究“一紅二白”，蘿蔔片是必須的呀~

其實中國的拉麵絕對不比日本的拉麵遜息,至少你的會響呢間平日人山人海既小店感到滿足😉老闆親自打麵條，所以每條麵都有些不同⋯而且口感QQ 的，非常彈牙；牛腱、牛肉，牛筋味鮮且有咬口,牛肉麵清湯牛味豐盈但不油膩～希望小店不會太受黃埔延線的魔爪所影響吧😔

由於食完Under Vacuum 都滿足唔到我地，賴生帶住屈小姐行到黎黃埔，係韓點同牛肉拉麵中間掙扎，韓點呢，個飯卷好好味，而牛肉拉麵就On屈小姐個To Eat List，糾結完一陣之後，屈小姐問賴生究竟食邊間好？賴生分析比佢知，韓點多地方有分店，容易D食到，不如揀牛肉拉麵？屈小姐就笑逐顏開咁講好呀，我都諗過！咁我地就去排隊啦，其實間舖頭好細，1眼望埋去睇晒，1個廚房，6個靠牆/靠窗位，冇嫁啦⋯⋯，所以堂食都要等一等既，係等待既期間，屈小姐當然爭取時間睇下有咩好食啦！見到有新推出既野食-蕃茄牛肉麵，佢又好諗真咁糾結食唔食好，係呢d時候，賴生其實一早幫佢諗好左啦！一入到去，賴生幫屈小姐叫左蕃茄牛肉粗麵，賴生自己就食牛腩牛筋寬麵1）蕃茄牛肉粗麵 （5星）- 蕃茄牛肉係一齊炆既，加左辣椒，啲牛肉超淋超入味，一咬就散兼夾蕃茄味同少少辣味一齊上黎！正！勁好食- 個粗麵都不得不讚，好彈口，好有口感！夠飽肚！粗麵好好食！粗麵好好食！粗麵好好食！（屈小姐話很重要，所以要講3次）- 無論麵，蕃茄同牛肉既份量都好足夠！咁先38蚊！超值2）清湯牛腩牛筋寬麵 （4星）- 清湯真係好清，冇乜油，但都有好濃烈嘅牛

上次去紅磡路經此小店已被那平價錢吸引。今天去寶石戲院睇戲，於是決定到此一探。餐廳只有6座位，到步時前面已經三人在等，我們約等了15分鐘就有位了。一坐下問了店主飲品是自取的，然後落單，都是簡單的牛x面，而我就選擇了牛肉麵。看著師傅拉麵，等了5分鐘，麵就上了，清澈的牛肉湯底好清甜，一點也不油膩，牛肉不肥而且很軟，可能因為售價太平了，所以只有幾粒牛肉也是正常，拉麵口感十足，果然人工拉就是不一樣👍

😸很有誠意的小店完全是試食價有八舊牛爽腩唔講明佢會俾(粗幼兩溝麵*)*註：因麵的拉工有待改善但即拉麵質，淋滑彈牙湯頭比較清，加上大量香菜，但滿有牛香，冇味精，有住家feel ，幾個鐘後都唔口渴，加上小碟麻油涼伴木耳，真係唔會度度吃到$28+$10=38雞unbelievable