牛脾氣

營業中

休息中

太和新店！便宜飯餐情報速遞～午市套餐非常抵食！最便宜一份$58 左右店內滿闊落的，服務員的服務態度也不俗一口炸雞球飯$58一份沙律🥗連油醋，連著一些粟米🌽，非常開胃雞球大件而且有很多，連著一些蛋黃醬跟燒汁，炸得酥脆有肉汁，飯粒稔軟，抵吃！吉列芝士炸豬扒飯$68同樣有一份沙律，另外把非常流心的芝士釀進豬排內，一拉就拉起芝士拉絲，配合超滑的滑蛋跟蓋飯，真的超好吃😋暫時只有汽水🥤選擇，不過可以選coke zero也是不錯

牛脾氣 (大埔)-嚟到大埔，咁啱經過見到星期日竟然都有lunch set, 所以就入去試吓啦～ 去到門口見到好多mirror 嘅相同埋product😍 鏡粉/ 神徒們 如果經過幫襯仲可以問店員獲得一套應援卡添🤩-Lunch set佢嘅lunch set每個都包一個小嘅沙律做前菜，沙律上面好多火龍果😍，再包一杯罐裝飲品（咁今次我就要咗忌廉同埋雪碧）-🔍 Set A. 汁煮牛肉飯 $58牛肉分量好多，再加上整得恰到好處嘅溫泉蛋，經典嘅配搭撈埋一齊撈飯一流🤓🔍 Set B. 黑椒牛舌飯 $68牛舌份量都算多，厚薄適中，再配上醬汁調味，就算平時放工叫外賣夜晚食都係一個唔錯嘅選擇🤨-📍牛脾氣 (大埔)大埔汀角路17號汀角樓D1號舖

是日去開大埔，突然想食牛，朋友就帶左我黎牛脾氣，點左個舖頭招牌菜-爐端石板燒。客人可以選擇原片燒肉或者吉列牛，今次我就選左試後者。爐端燒用明火燒熱石頭來烤牛，食落有肉汁，而又食到牛肉原本嘅質感同味道。另外朋友就試左或蛋芝士吉列豬扒飯套餐，大大碗配好大份既火龍果沙律同飲品，絕對對得住價錢。吉列豬外皮好鬆脆，唔會皮肉分離，肉質唔會好乾，炸得幾唔錯！另外仲試左佢既蠔，真係好大隻，而且又爽又鮮甜，唔會太重海水味！

牛. 脾. 氣. 😼太和地鐵站行大約5分鐘 大埔消防局對面 對正八號花園 呢間 牛 脾 氣 根本冇脾氣😌服務態度你劉華果隻優質服務佢親切的笑容 u make the difference都會令食客笑住甘離開🙂◉‿◉*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*好啦入正題 😂牛柳粒定食 有火龍果沙律🥗😆配Coke zero小食叫咗個炸雞皮餃子🥟 真係第一次聽 見佢咁特別 就邪惡一次啦⬆️牛柳粒定食 播返牛脾氣紙巾好搞笑 🤣🤣店員送架😝😆⬆️吉烈豬扒明太子醬滑蛋飯 明太子醬好惹味 滑蛋夠大塊 豬扒厚實

味覺旅遊 ~ 和食聽聞大埔汀角路這一帶有不少美食，今日在這裡逛了一圈，最後被店名及小店風所吸引，仲有牛舌飯亦係朋友嘅至愛，決定在這裡食午餐。小店餐廳座位唔算多，不過環境光猛，淺木色餐枱望落好舒服。侍應們貫徹小店風，親切友善。午餐時間仲有套餐可選，除了主食外，跟餐仲有前菜(今日嘅前菜係火龍果沙律)及汽水。 黑椒牛舌飯$68 🐂嘩！不得了，一座小小的牛舌山，非常吸睛，雖然係黑椒牛舌，但黑椒味無搶到牛舌的獨有香味，而且厚薄適中，有咬口。 一口炸雞球飯 $58🐓雖然呢度係牛肉專門店，但呢個炸雞球，完全唔失色，炸得幾鬆，雞肉很嫩滑。最特別係飯面的汁，炭燒雞汁，黑色微酸，初時感覺怪怪的，但配上雞球及飯一起食，出奇地夾，酸酸地仲幾開胃，而且搭配炸物一起食，感覺更清新。 跟餐火龍果沙律🥗👍👍👍很少餐廳的跟餐沙律會用火龍果，新鮮的沙律菜，加上火龍果，配上黑醋，真係幾好味。 芝士薯餅 $18🥔本人至愛。炸得金黃色，滿滿的芝士，非常吸引，就算我相機食先，影完一輪相先食，芝士仍然流心狀態，入口非常鬆脆，芝士味很香濃，配上薯蓉，好好味。下次一定會再食！😋

12月31日除夕夜，周圍餐廳都要等位，唔想等的情況下隨便入了一間大埔小店，但估唔到有驚喜🤩門面不太吸引，座位不太多，而且下單後等的時間亦較耐，不過除夕夜太多單，都可以理解嘅，店員亦很耐心地告訴我們要等，不過算啦，自己亦唔抱太大期望，本身諗住快啲食完就算咁就是但叫咗一個吉列豬扒滑蛋飯，諗住實冇死喇，但相當有驚喜👍🏻豬扒炸得十分惹味，金黃色的外表，肥肉部份亦不太多，肥瘦剛好，黃金比例，真係食過吉列豬扒嘅首幾位🙈而且豬扒入邊充滿芝士🧀拉絲芝士超飽滿，超好食😋加入少少千島醬醬汁😆燒牛小排🐮牛肉超靚，無論色澤和肥瘦都係頂牌之選入口充滿牛香，入口即溶的感覺真係估唔到小店有咁高質素牛肉有醬汁和海鹽白飯上面加入配料🍚

味道⭐⭐⭐⭐環境⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐話說今日起身冇咩做，所以決定今日又去覓食啦！今次去左大埔睇下有咩食，經過見到一間叫做牛脾氣嘅餐廳，係一個專食牛嘅鋪頭黎！本人都好鍾意食牛，所以就試下啦！一入到見到mirror牆😆😆因為今日3點幾先到，所以人較少可以安靜咁享受午餐😉叫左個午市定食（蒜片牛柳粒飯），同埋雞皮餃子1.午市定食（蒜片牛柳粒飯）$68嘩！比我預期嘅吸引，個套餐包左火龍果沙律、汽水、牛柳同飯個柚子火龍果沙律生果同菜都靚，加埋個柚子醋，食落覺得好Fresh。蒜片牛柳粒整很岩岩好，蒜片唔會過左火牛柳軟硬岩岩好，食落牛味到好濃。2.雞皮餃子＄38依家我十分之欣賞，炸個時間控制得岩岩好外層唔會炸到硬晒，咬落去外脆內嫰，勁似日本d燒雞皮一樣好正😋😋味道岩岩好唔會過濃，加埋個餃子汁食，簡直一絕今餐價錢都合理，加埋都係＄106食到好飽好滿足😍😍依個會係我返兜嘅餐廳之一

約咗朋友去太和，見平時食開既粥粉店旁邊開咗間燒牛店決定試一試佢。今日個目標食燒肉！所以我地叫咗燒牛肉餐+一份普通午市套餐。炭燒雞扒併明太子雞翼飯：雞扒調味比想像中淡少少，煎得香口唔會油立立既，配上燒汁令人忍唔住清碗。個明太子雞翼好滿明太子，炸到岩岩好仲有雞汁！個set跟沙律+野飲，相當抵食！最後我們試咗今日既目標：石板燒牛。M7和牛西冷定食，正常量都有成10幾塊牛肉，份量十足，重點係牛味濃既同時油脂感十足，其實唔需要牛油熱爐都得。點少少鹽+燒汁，跟味素飯食美中少少不足係鐵板熱力差少少，未做到焦香既效果。值得一讚既係店員姐姐很友善，而且性價比係有的。

今次又嚟到大埔搵好嘢食🤩睇到一間叫牛脾氣既日式小店!店舖外面午餐牌見到好平價於於是同朋友喺度食午餐!店舖不大但乾淨企理衛生,坐得比較舒適🙈食物質素好食而且價錢便宜覺得不錯!黑椒牛舌飯🌟套餐包埋沙律同汽水只需($68)我覺得好抵食👍牛味濃郁肉質有咬口,而且每塊牛舌都大塊又厚加埋日式醬油一齊食味道絕配!吉列芝士豬扒飯🌟味道令我好驚喜😋吉列豬扒外皮炸得好酥脆裏面有好多芝士,醬汁係明太子味道好好食!而且個滑蛋好嫩十分推介👍雞皮餃子🌟脆卜卜雞皮加上餃子原來咁好味,新鮮嘅配搭😋

今日要介紹呢間CP價高既小店俾大家! 小食:1. 日本室津生蠔 $55無諗過呢到都有日本生蠔食，生蠔好肥美，鮮甜! 配埋柚子醬~ 竟然有一個好fresh配搭又幾夾wor!! 真係未試過呀!2. 雞皮餃子 $38 外面個層雞皮炸到金黃色~熱辣辣又勁脆，雞皮入面包住左隻餃子~ 內餡既肉好多汁! 外炸內軟感覺，好好食呀!!! 好幸福呀!! 套餐 (跟餐配沙律菜+ 汽水)1. 炭燒雞扒拼明太子雞翼飯 (拼汁煮牛肉) $68明太子雞翼原來係將明太子塞入雞翼到，包住晒d明太子，好考功夫~而且仲要好好食好好食呀!! 從來未食過咁。 雞翼煎到全部金黃色~又香口~又肉質鮮嫩! 雞扒好大塊~燒到皮香肉嫩! 配埋佢個汁煮牛肉撈飯食~ 一級棒吉列豬扒飯 配沙律菜 $58 (配明太子沙律醬) 吉列豬扒大大塊，外層炸得好鬆脆，豬扒亦好厚肉~ 加埋佢個個滑蛋~半熟架 ! 蛋汁出晒黎 ~配埋佢個明太子沙律醬! 無得輸啦。 送飯一流!!沙律菜加火龍果配沙律醬~酸酸甜甜咁~好開胃呀!

一聽個名牛脾氣 就知呢間餐廳主打食牛啦 入去之前都有啲擔心店員有牛脾氣 點知店員態度服務都超好🙈雞皮餃子🥟呢碟小食幾特別 餃子嘅皮係一片厚身嘅雞皮 炸到外脆內軟 咬落口仲好juicy😼全日套餐B 牛舌飯有份沙律再加汽水配嘅 沙律都幾足料㗎 除咗有雜菜之外 仲有火龍果 配埋柚子醋都幾開胃😝 牛舌飯份量幾多 除咗有好多飯之外 牛舌有接近10片😮 真係冇乜見過牛舌飯有咁多片 另外仲有一碟醬汁 蒜香味幾重🤤美國prime牛小排特盛套餐有份沙律配 呢份沙律有啲特別 有啲小龍蝦沙律喺面🥰 令原先嘅火龍果雜菜沙律更加好食 見到有石燒牛 女朋友即刻心心眼😍 話好想食 我哋嗌咗特盛 牛小排份量真係好多 半肥瘦嘅雪花牛小排 食落牛味重 仲油香十足🐮 另外有碟甜甜地嘅醬汁同埋鹽 個人覺得牛小排配鹽嚟吊味會好食啲🤪 簡簡單單已經好好食 飯上面有飯素 真係好好送飯食物質素幾好 而且店員好有禮貌 有好詳細介紹唔同牛嘅特點 等我哋可以容易啲選擇😗

之前去大埔附近食飯，已經見到這間餐廳，見到有石燒牛肉食，價格又不貴，所以便約了朋友去食.餐廳不算大，不過但座位闊落，枱也大.裝修簡約，燈光光猛. Menu 選擇多，午市定食抵食，會配上沙律菜和飲品，所以我們叫了一份定食和一份石燒牛💠吉列芝士豬扒飯 配沙律菜🐷🧀🍚吉列豬大份,外層炸得香脆而入面是滿滿得芝士，好鵬湃，有流心效果.上面加了沙律醬，咬落外脆內軟，芝士味香濃.配上一大塊的炒蛋，蛋很滑身，看列有少少半熟的蛋黃，攪勻後伴飯食好好食💠美國牛小排 配沙律菜 🥩上石燒時，職員會提供濕紙巾圍裙防被石燒的油濺到☺️牛肉切得好整齊，花紋細緻，也足料. 放上石上燒，吱吱聲好清脆.牛肉燒到5成熟後便可沾上醬汁加少少鹽，香口又嫩滑.

今晚又返大埔先食晚飯，屋企附近開左呢間都未試過。叫左兩個餐，一個係聖誕一人餐一個係燒肉。 聖誕一人餐有好多野，有湯、前菜、刺身、小食、主食、飲品同甜品。我最鍾意就係食雞軟骨，呢個炸到好脆好好食。主食我哋叫咗芝士吉列豬扒飯。呢個芝士吉列豬扒邪惡，d芝士爆出黎。第二個餐梗係要試佢嘅燒牛肉啦。燒肉都ok，肥瘦都算平均。飲品同甜品我都係同朋友一齊share。 果汁有好多味可以揀，我哋揀咗桃汁。呢個布丁我好想去超級市場睇吓有冇，細細個幾好味😂

見到新開左間日本燒肉店，睇到有燒牛食，所以就放工相約好友去食飯傾計，雖然店舖細細坐位不多，不過都算坐得舒服😌可以傾吓偈，等我睇睇餐牌就點左幾款野食～黑椒牛舌飯牛舌有點韌，但都可以接受，味道不錯再配左上少少黑椒去調味更香口美味😋😋😋原片燒肉爐端石板燒牛小排把牛小排放上石板燒一燒就可以食，肉質鮮嫩多汁，再配上玫瑰海鹽和燒肉醬汁就更加美味可口啦～套餐沙律和汽水真是豐富又美滿的晚餐👍🏻👍🏻👍🏻

返工叫外賣係routine同事很喜歡吃這類型的套餐，看見這間 新加盟店，便叫來試試我選了比較穩陣的款式，滑蛋鰻魚飯應該不會中伏吧於是便選擇了這個套餐，還包括一罐汽水滑蛋鰻魚飯的套餐有兩款，一款是一本(一條)鰻魚，另一款是半尾鰻魚 我比較貪心一點選了一整條鰻魚的套餐一打開這盒外賣真的是令人覺得幸福感滿滿 外賣餐具包裝非常雅緻，用非常美麗的紙包著，內裏的木筷子觸感很滑身，是圓形的，比象牙筷子還要粗。接着當我看到鰻魚的份量真的有點驚呆了我沒有想過餐廳真的是給我一整條鰻魚 果然非常符合商品說明條例 味道方面，就是一般日式鰻魚的味道，鰻魚肉亦有一定厚度滑蛋方面，這張相片可能展示得不太清楚我一直以為是一般炒滑蛋，類似親子丼那一種。一打開外賣盒，竟是螺旋形的滑蛋鋪在圓拱形的飯上 日本節目曾示範這種煎蛋，在製作時要在半熟蛋中心插入一雙筷子，然後順時針方向旋轉才能做出這種螺旋形的蛋蓋，絕對是心機和手藝之作不過這個飯售價一點也不便宜，一整條滑蛋鰻魚飯索價175元未連運費我相信到舖頭吃價錢應該會相宜很多