牛芳百世 (已結業)

招牌牛腩與坑腩，收費相差五元正。晚了才來，店舖就只有坑腩和招牌牛腩提供。招牌牛腩，六十元，吃了一口，黎生的牙縫間就充斥著牛肉絲，牙關也咬得有點累，繼而吃一口坑腩，六十五元，又軟又稔又有牛味，非常好吃！其清湯底也很美味清甜，濃而不肥膩，以牛骨敖制而成，非常不錯吃，感覺有別一般的清湯腩。一邊吃一邊在想，只是相差五元的價錢，怎麼是天與地的質素差距，是水準不穩，還是招牌牛腩真的不夠水準，不明。店舖所採用的餐具也很特別，全木制品，有別一般的吃牛腩的小店子，感覺非常新鮮。來此店吃，吃坑腩吧！

今天星期日約十二點三十五分－個人到店，坐在另外兩位女仕旁，我一心試他的崩沙腩,點了后，旁邊女仕也點了，同一個侍應下單，過了八分鐘，女仕的食物到了，我再等五分鐘，我的還未到，問我的食物呢？結果侍應你眼望我眼，沒有下單，當時店內不足十個客人，如此差勁的垃圾店，再好吃也是假，最后起身走人，這店要是這樣，也不長久。

剪完頭髮食個快飯，選擇左牛芳百世食牛腩飯。咖哩爽腩飯（$65，咖哩汁加$3）爽腩即崩沙腩，係牛肚皮嘅腩位，食得到有塊薄薄膠質，可以接受啦。但咖哩汁調得唔係咁好，唔夠香亦缺乏椰汁味。招牌牛腩飯（$60）牛腩以清湯碗上，飲左啖湯都夠清甜，但主角牛腩就唔係咁掂，過硬了。而且兩碟飯都煮得好硬，落唔夠水煲飯了。再加一碟油菜（$13）補充纖維，普通貨色咁啦。如果一間店以牛腩自居，但連最基本嘅牛腩都煮得唔好，就好難令客人再幫襯了。

經過尖沙咀 突然之間想食牛腩河響金馬倫道 見到間野幾新潮睇落去 好似幾所人去食 一到去先知呢 好多位枱都係大陸人坐得唔係咁舒服就預咗架啦 食個牛腩河姐唔使坐得舒服嘅見OpenRice 先前啲人 話佢煮牛幾有質素所以把心一橫 食個最貴嘅崩沙腩河 因為唔食得辣所以揀一個清湯過咗大約5分鐘呢就有得食啦一眼睇落去 話以為自己食緊啲頹廢牛腩河正常牛腩河都會擺得靚靚地 佢就擺喺度散開曬冇外表唔緊要睇吓有冇內涵囉首先試個湯：冇咩味 食完仲好口渴 之後係蘿蔔：好老有根 而且完全無牛味 試埋啲河粉：果然係清湯 清到以為自己食緊凈河最後係個牛腩：無肉仲有好多咬唔開的皮 好韌 而且牛味都唔多 去返正常少少嘅潮州店 食牛腩河好似好啲睇得香港做牛腩生意 比番少少心機啦😞

實在太差，專登開個account 不吐不快。約咗朋友尖沙咀食野，經過見到呢間店主打牛腩，於是入去試一試。打開Menu ，一碗牛腩麵都差不多要＄70 ，貴貴地，心諗可能好好食呢 。於是叫住一個崩沙腩，一個牛坑腩，一上台，嘩好細碗...食落啲牛腩完全唔好食，唔係唔夠好食嗰隻，係唔好食...！個湯底跟本就係非常濃厚嘅味精湯，食完口乾嘅感覺足以維持一整晚...！其次就係店員嘅態度，由落單到俾錢，態度都好差。對住客落單就非常黑口黑面，自己一班夥計圍威喂喺度玩佢地就開心，俾錢時對住客又係黑口黑面，多謝都冇句。 又難食態度又差，都唔知呢間野點解可以經營落去？對於有食評話好食，我真係覺得難以理解.....

工作關係經過尖沙咀金馬倫道見到呢間食牛嘅食店，好多人等位於是就入去試吓，望到有咖喱牛腩飯，既然主打食牛一於就試吓啦，嚟到碗咖喱牛腩有D炆到爛晒，有D仲有牛腩形，3比7，全部共有6舊牛腩3舊薯仔，咖哩汁好少好少辣味，無咖哩香，飯夠乾爽！奶茶差過大家X！咁就63蚊，依家啲野真係好遺，食個午餐姐

都幾好味~不過有啲貴lor。。。(主食$40~70到，飲品$20~30到)圖系咖喱牛腩飯同清湯牛肚飯(可轉其他如：河粉，餅，面等)個清湯好清甜，啲咖喱好香，仲可以見到啲香料！薯仔同牛肉都煮得岩岩好！幾多肉嘅~但系啲份量大約只有7~8分飽lor。。。衞生我覺得麻麻地lor~地板好油，有啲員工掟布。。。菜式都唔系好多，早午茶晚加埋得個十幾廿零樣好似冇水供應，要買裝修都OK，唔會好逼d音樂好鬼死大聲整體都唔算好差。。。

我平時都唔算大食，竟然可以食完都唔飽，啲牛腩的確係企理，好啱我呢啲女仔怕嗱渣，但我真係唔飽囉！乜香港人咁細食架咩？男仔點算個晏食左$80，真心氣餒，好懷念天后嘅牛腩河。。。

勞役三星期多後，美國回港幾日，點都要食好野食返夠本，食麥當勞食到驚。由細到大都最討厭牡丹樓，一年都幫襯唔到一次，就算學生年代到牡丹樓唯一目的只是抄功課。何解真材實料漢堡包就唔去食呢？就算茶記、快餐店都會更好。先到尖沙咀浸會查詢課程，但什麼都查不到，走去醫醫肚就剪個靚髮。好餓唔知食咩好，路過喜見新開清湯腩喎，但眼見似乎高朋滿座，照走入去問問啦。剛好門口死角有個獨獨位可以跟靚女搭檯呢，梗係好啦。見個個職員衝上衝落真係好忙，客似雲來，食客不停出出入入。舖面真係有點迫有點細而程長方形，通道緊緊夠兩個瘦人側身走過。最討厭二人迷你檯，細到不得了！幸好只係花幾分鐘食碗麵，不跟您計較。什麼調味、食具及餐牌都沒放，次次都要問侍應攞增加工作量。我想要豉油辣油及牙簽呢，見侍應們勁忙，我都費事麻煩喇。剛發現原來每日有兩段時間供應限量崩砂腩、坑腩、爽腩架，真係各位牛魔皇食家一大喜訊！總結牛芳百世，中環九記行埋一邊靠邊站，不消提。跟生龍質數差不多，可爭一日之長短。最好食始終係大埔群記，最不幸營業時間星期一至六由下午一點開始，賣晒就收檔囉。牛腩撈麵走蔥，木製器皿精緻有趣，極具特色，使人留下深刻印象。好細碟喎，作為食

话说星期六出尖沙咀行街。見到有間牛肉专門店。入到去餐牌有個招牌口水雞。咁就叫。過左4~5個字。餐到。得幾塊雞。件要又细又多骨。配個白钣。送左幾啖飯就食晒D雞。成個白飯已經無心情食。成60蚊。埋單走。吾飽。之後要去格離街食多碗雲呑面。已經吾想再去。

見到門口痴住同好多名人合照同雜誌推介 慕名而來試一試 結果失望而回 果然唔應該對過度吹捧嘅餐廳抱咁大期望 晚餐時段叫左兩碗麵 本身想食崩沙腩 但八點去到已經賣哂 咖哩極爽腩粗麵 HKD68(加3蚊轉咖哩）爽腩都比較肥同夠爽 但麵分量好少 女仔食完都只係岩岩夠飽牛坑腩粗麵 HKD65對坑腩比較失望 之前係銅鑼灣一間茶記食過 又厚又林 仲諗住哩間會做得出色啲 點個份量又少 肉又薄同'鞋' 完全唔值哩個價總結 餐廳裝修唔錯 都舒服同靚 但食物就其他餐廳會更好食同更平 試完一次唔會再黎

星期五去飲杯酒之前 當然要醫醫肚先精選牛店，有大量不同的牛部位清湯腩，湯底很清甜，牛腩煮得好冧咖喱牛舌牛舌入口爽甜 咖喱濃而不辣，配上白飯 剛剛好！最後 龍躉魚頭湯，有點失望只是一味咸，完全飲不到魚的鮮味.. 還是食牛好了

牛芳百世是否想「留芳百世」我唔知到，但是食了之後我覺得絕對不會再有下次，行街看見它們的理念簡介之後才入內光顧，可惜和所說的實在有一段距離。牛舌河 - 牛舌的質量很差肉質鬆散，咬落完全沒有牛舌的獨有香味，原來新鮮的牛舌是這樣的😮崩沙腩河 - 這碗收 $70 大元的崩沙腩河，只能說沒有最差只有更差，崩沙腩好像一盤肉碎，我以為自已叫了碎牛河喔！唉……竟然可以叫自己做牛腩專門店，現在想食一碗簡簡單單有質素的牛腩河真的不容易😓

根據我做人嘅宗旨，盡量唔去評論別人嘅唔好，隱惡揚善，尤其係餐廳，始終食物都係要由廚師精心製作。能夠令到我寫到一篇劣評嘅餐廳。原因就只有一個。。。難食。我經常笑說自己係一個食物進食員，服務態度環境裝修等等都係其次，打開門做生意最緊要，係食物好食，懶理有幾多餐廳入去食比侍應黑面，能夠食到一件好東西，滿足一下味覺享受。受兩句又有咩所謂。呢一篇食評，令我最傷心嘅係招牌牛腩係硬過牛肉。單憑佢嘅切法，已經令我覺得浪費了食物。下午茶時間，明明有下午茶餐唔攞出黎都算，＄70一碗粉，米線仲小過啲早餐，六舊牛腩，我食了兩舊就放棄了。係硬到咬唔開個種。我唔知呢啲叫將貨就價定係點啊。唯一一樣好食嘅就係嗰舊清甜嘅蘿蔔。然而果舊蘿蔔已經佔咗成分野嘅3分之一。買單＄74嘅唔知午餐定下午茶。最後食咗唔夠三份一，我相信落去屋企樓下任何一間賣緊＄40以來一碗嘅牛腩河，都一定會俾佢好幾倍。或者要嘗試挑戰牙力，都可以嘗試去試吓！

今天试了闻名已久的牛芳百世，只能说普通 。所谓招牌清汤也不外如是，汤虽清却没有牛汤应有的牛味，腩虽冧，这却是每间牛腩店应有标準 ；而牛腩的肉味却欠拉奉了。而且面條有浓重梘水味更价钱超贵，绝对不是物有所值 。