牛芳百世 (已結業)

剪完頭髮食個快飯，選擇左牛芳百世食牛腩飯。咖哩爽腩飯（$65，咖哩汁加$3）爽腩即崩沙腩，係牛肚皮嘅腩位，食得到有塊薄薄膠質，可以接受啦。但咖哩汁調得唔係咁好，唔夠香亦缺乏椰汁味。招牌牛腩飯（$60）牛腩以清湯碗上，飲左啖湯都夠清甜，但主角牛腩就唔係咁掂，過硬了。而且兩碟飯都煮得好硬，落唔夠水煲飯了。再加一碟油菜（$13）補充纖維，普通貨色咁啦。如果一間店以牛腩自居，但連最基本嘅牛腩都煮得唔好，就好難令客人再幫襯了。