牛角日本燒肉專門店 (奧海城2期) (已結業)

老友鬼鬼的同班frds一齊去牛角刷餐勁，實在叫左好多款既食物，由於大家都爭崩頭的狂食，很多食相物的相片都沒有拍下來。可能有朋友會認為我這一個辟好比較傻，因為我在等眾燒肉還未燒好的時間，我叫了一碗白飯送紫菜伴吃。但是真的好吃得令人難以停口下來，吃到10分鐘左右，燒肉都燒至金黃香脆便可以一同伴飯了。這個食法是咪相當不錯呢不知道有沒有朋友仔跟我一樣食法呢。前菜黎講，「紫洋蔥和風蕃茄」都是一款好不錯的選擇喔，蕃茄非常新鮮香甜，配以燒物進食還可以解膩喔。「牛肋肉四品盛合」包括有:牛角上級牛肋肉、骨付牛肋肉、壺漬牛肋肉、和牛牛肋肉，個人比較喜歡「上級牛肋肉」很有口感而且牛味濃。「多春魚」、「塩味牛油帶子」也是必點之物，不過多春魚要好有心機燒才會燒得香口平均，大家要努力喔。「肩脊肉」是牛的背部位置，也是里肌肉的高級部位，肉質很細膩結實，且肉汁多，油花如大理石紋似的。「四品野菌盛合」、「五品野菜盛合」包括有:雞髀菇、靈芝菇、金菇、鮮冬菇、洋蔥、秋葵、粟米、薯仔、雞髀菇，都是極度吸味之食材，而且很有咬口。大家都食到捧住個大肚TUM番屋企，好滿足的一餐呢

黎到牛角食Lunch，唔想成身燒肉味，可以揀「牛角唔燒」，呢度午巿定食有好多選擇，而近排天氣轉冷，最好緊係食韓式石頭飯啦！我就自私少少揀左個泡菜石頭海鮮豆腐湯配紫菜飯。石頭鍋個湯真係滾住上，湯入面充滿泡菜香辣味，相當醒神。海鮮有八爪魚、蜆、最重要係蛋白質豐富的豆腐，非常燙口。成個湯每樣材料都好夾，我當然唔會錯過每滴精華將成碗湯都飲曬。紫菜飯都係一絕，簡簡單單一碗日本珍珠米飯上面鋪滿紫菜，紫菜上邊係海鹽，混入飯一齊吞果位鹹香果然非同凡響！食曬紫菜後將湯加入飯內就變成泡飯，又多一重口感，果然係人間極品！是我牛角唔燒入面最強力推介的午巿定食。

終於都到禮拜五，兩日唔使返工所以決定今晚要食餐好。不過因為是先知道要加班嘅關係，就叫做女朋友訂咗喺奧海城嘅牛角食放題啊。因為要加班女朋友就訂咗夜晚九點之後入座。我哋準時到達，果然一到九點店員就叫我地入內用餐喇。我哋揀咗極上嘅組合$358。原本係要$398架但係因為我哋九點之後入座所以稍為平左少少。一坐低肉已經送上，效率實在太高喇，事不宜遲立即燒肉。其實我哋叫咗好多唔同種類嘅肉，唔同部位既肉，但係因為一上枱已經放咗係個爐上面燒，忘記影相。牛哥我最鍾意就係佢哋自家製嘅鹽醬，點燒肉來食，美味非常。話咁快90分鐘放題時間已到，仲有甜品送，係豆腐雪糕。

今日遲咗食lunch 又想食燒肉 咁就入咗嚟牛角啦 佢兩點半後 午市套餐有七折 價錢都算合理返啲😗我同朋友叫咗兩個餐 熊本豚肉眼拼牛角飯 同燒肉定食B每個餐都有配一個沙律 昆布湯同飲品 佢個昆布湯 淡淡地幾好飲 唔會係嗰啲好鹹嘅味精湯👍🏻豚肉眼好大塊 都有啲厚 所以都要燒得比較耐😬 而佢嘅肉質唔算太林 又唔會好韌 幾有咬口 不過燒嘅時候要注意 因為佢啲脂肪好搶火好易搞到啲野燶晒 我叫呢個餐除咗想試佢嘅豬扒之外 最吸引我嘅其實係個牛角飯😻 牛角飯上面鋪住滿滿嘅紫菜 再加上嗰個特別嘅汁 真係好好食🙊 最緊要佢可以無限添加 啱晒我呢個大飯桶 不過大家記得食得晒先好叫呀😉B餐就揀咗骨付牛肋肉同豬頸肉 兩款都有四件 牛肋肉幾林 豬頸肉都冇咩特別 略嫌細條咗啲 如果大條啲就好啦😚總括嚟講 呢個下午茶真係可以食到好飽 如果想食價廉物美嘅燒肉 食呢個下午茶就啱啦😛

今日約左朋友去食牛角放題 其實已經早左一個星期打去BOOK咖啦 不過佢都話已經無位 惟有WALKIN 拎飛六點半已經攞左位 最尾等到八點幾先有得入我地嗌左398既套餐再加$28啤酒放題之所以嗌398唔係298 其實係睇中佢啲海鮮既不過啲海鮮食左一次就已經無再嗌第二次啦所有野都好咸同埋真係唔多新鮮~啤酒放題只可以簡一款啤酒 啲STAFF成日收走左隻杯就無再REFILL番比我地LOL下次再黎食 都只會嗌298算啦

之前約咗兩位兼職舊同事晚餐，其中一位準備在11月尾臨盆，在等待入座時負責帶位的服務員一見到我的舊同事就入店內拎椅子出來給她等候，同樣的情境在山竹前一天的午餐時間我見過一次，感覺呢間店的員工對客人的用心。今次我們決定食放題B餐，由於我係銀會員，可以變相免加一用餐一去到就給我們每人一盆食物~~~之後我們用電子餐牌點食物，準備生B的同事笑說之前去旺角食放題是自己拎食物，呢間可以不用離開座位就可以食食食，服務真的好好~~~好明顯大家愛吃牛當我見到辣豆腐時問了職員才知道可以先點後叫走辣，感覺好好（忘了影唔辣的豆腐）~~~最神奇係大家冇點蠔但出現了蠔，同事二人不吃，最終我一個人食晒3隻~~~用錫紙盆燒蔬菜裡食物應該不是時常做~~~在最後會送上一人一球的豆腐雪糕，但由於準備生B的同事唔敢食雪糕，我就一個人食足兩球~~~在時間到前會有溫馨提示Last order 和埋單，星期五去食係貴過星期一至四少少，而我和其中一位同事夾錢請準備生B的同事，當預祝她生產順利，離開時負責帶位的服務員幫我地影合照，還笑說期待下次帶埋BB來一齊食

是晚約好四口子食燒肉, 星期日由六點半現場攞飛排到九點入座, 好彩有KaBu app可以check住叫號, 慢慢行住街都唔怕 miss左 ~由於大家胃口唔算大唔想放題, 加上之前食過匯豐卡七折二人餐份量都好夠, 叫左2個2人前餐. ( 注意同一個餐唔可以叫2個，所以叫左各一) 😊兩客沙律同辛味青瓜都醒胃, 好快清哂牛角嘅牛一向有質素, 雖然有醬汁但唔點一樣夠味。生蠔加左牛油燒, 鮮甜味美 ，加埋d菇其實岩岩好夠飽.. 我地額外叫左兩個牛角飯share , 大滿足 ✌

口淡淡想食香口嘢，牛角永遠是我的不二之選！叫了一個$69的午餐，有沙律、有麵豉湯、有6至8片肉、有飲品、而且白飯更可以任添，最緊要係坐得舒服，環境濶落，真係好抵！今次我叫了豬頸肉和豬大腸餐，加辣汁上。豬頸肉如常的鬆軟好味，沾了些秘製醬汁，好味！豬大腸是我第一次嘗試，送上時已去了肥膏，感覺上是健康了一點，估不到又好好味！沙律新鮮，麵豉湯不過不失，值得一讃的是，牛角現在提倡無飲管行動，又環保又有意義！值得支持！

成日都食牛角 永遠都好多人今次咁啱有機會中午飯時間見冇乜人 甘就入去食左午餐平均一個普通set below 100蚊可以自選肉類兩款 當然選晒舉就會貴啲 但都係100以下但我就覺得可以選擇貴啲既set 120-180左右肉類多啲款 4-5 樣即係份量又大啲 最重要係可以任食牛角飯 冇得輸不過呢間啲服務一般 成日要催單 可以留意下

當晚和朋友提早慶祝生日，來到這間位於奧海城二期的「牛角」用膳。我們六時半到達，排隊第三。站著一邊聊天，一邊拿著餐廳單張商量選用哪一款套餐，等候了半小時終於有位了。店員帶我們入內，馬上準備好一切。雖然是烤肉店，但幾乎嗅不到油煙味。我們選了B餐，雖然質素上還有更好的選擇，但對味蕾不太靈敏的我們已經很滿足了。此店是用平板電腦下單的，省卻了揮手找店員的功夫，也減少了店員的工作量。在這裡提一下，這裡的店員很有禮貌，也很容易就喚到他們的注意。說一下這些的食物，牛肩肉是我的最愛了，口感一流。牛柳粒也不錯。雖然肉類選擇有限，但牛角提供了不少選擇，也有生菜提供。我們喜歡包著肉類吃，會比較清新。另外，端上的食物在擺放上也看得用是有用心擺放，尚算整齊的。至於啤酒，也沒什麼好挑剔，十分冰凍，每一杯的份量也可以大口大口喝。結帳後有雪糕提供，是豆腐味，沒得選擇但味道不錯。

是日老闆不在香港 可以鬆一鬆跟同事食個靚lunch我們點了三份牛角特選牛五品燒肉盛合 $129 配湯 沙拉 和招牌牛角飯。同事更是會員 有$100優惠卷牛角的肉都很不錯 特別喜歡牛舌跟牛肋肉。看似午餐食焼肉太油膩 但我把整碗飯吃完後還意猶未盡

作為一個專業嘅食肉獸，最鍾意就係食牛肉，尤其是香港唔係太多地方可以食到好少少嘅牛肉，一般任食或者韓燒放題嘅肉類都係好差，不過牛角比起其他嘅放題，肉類嘅質素算係唔錯，所以都幾好食。而肉既種類都比較多，除咗一般嘅牛胸肉，牛肩肉，亦都有其他嘅部位，例如牛舌 牛肚， 或者豬腩肉 雞肉 ，等唔同嘅肉類。而且仲可以無限咁嗌嘢飲，仲有好特別嘅燒雞肝，不過就比較乾身，燒完食落口比較粉，我就覺得普普通通。同埋食親牛角都好鍾意食佢最尾送上嘅雪糕，今次呢個曲奇雪糕加左好多曲奇 ，個雪糕都好creamy好靚好味。仲有最正嘅牛角飯，配埋紫菜同沙律一齊食，呢餐真係飽到不得了。

有朋友生日慶祝，去左牛角食日式燒肉，好好食選擇都好多。放題有三種價位，我今次揀左中間果個價位的，中間果款包左牛肉，最便宜果款就唔包牛肉。當日唔需要等好耐就安排入座，決定左揀邊款餐後，就可以開始點肉類，其實佢都有包少量的熟食，我地就點左個海蜇柚子醋沙律試一試，味道唔錯酸酸地可以當前菜。飲品都有品少種類，蜜桃梳打都幾好飲。的牛肉的質素都幾好，推介牛舌同一口牛，一口牛好好食，好快就熟，有肉汁，牛油金菇都好食。食完好滿足！

Appallingly long waiting time (2 hours), front desk rude and negligent of calling guests, not worth visiting.There are many popular restaurants in Hong Kong that require much less waiting time, and manage the calling much better, such as literally all the branches of Crystal Jade. I see no reason of visiting this particular restaurant, enduring the unreasonably long waiting time and bad service.

第一次食牛角燒肉放題，事先打電話訂位，原來好早就full晒，只有3成位係預留俾訂位客人，其他位係可以walk in 攞飛。打算食「B餐豪華食之放題」，正價時段$298有51品，早割（六點前入坐）、夜割（九點後入坐）$268就平$30。我地用手機app攞飛，五點幾攞，八點幾先有得入坐，比預期耐好多。見細枱同中枱叫飛速度都算ok，係大枱真係亀速。入坐後即係用pad點餐：每人會包一盒：上菜速度都幾快，冇乜漏單。但牛肉味道比單點差好多，未解凍，冇牛味，又韌。因為我哋燒肉都係主打牛肉，都幾失望。唯有改食其他肉，其他肉類係正常，魚比較好食。最後每人有一球雪糕。要一讚係門口叫飛個店員，態度好、有禮貌、有問必答，答得好清楚。