牛角日本燒肉專門店 (奧海城2期) (已結業)

在過去差不多一年的時間我成日食牛角、牛涮鍋，沒想到我坐年消費尚欠三百多元就可以榮升金會員，為咗可以享受金會員的優惠，昕昕爸爸就趁佢放假，我下午去醫院覆診的日子約我食午餐~~~點餐後就上沙律~~~今次點了牛角特選牛五品燒肉盛合，成個餐感覺不錯，只係厚牛舌係比較花時間咀嚼，我寧願佢地切薄d，起碼可以容易咀嚼，食落覺得好d米國產和牛3種&牛角燒肉2種嚴盛，呢個餐的肉基本上全部入口都覺得淋和好食，特別係雪花牛和雞胸肉，所以價錢貴d係有道理~~~牛角飯係可以任添，通常我湊女去一定要添一碗，今次添一碗兩人分剛好（即係每人一碗加半碗）眼見會員積分即將到期，所以用3600分換一口雪花和牛，昕昕爸爸話咁食法真係返唔到轉頭由於我本身身體有輕微感冒，所有冇食雪糕😥

一不離二，又燒肉。揀左Plan C，$408一位，再上一級已經係$888，個人覺得冇必要。Plan C已經有和牛+海鮮，total 82款食物任食。但基本上我地只係瘋狂燒上級牛肋肉同牛舌，個胃根本冇空間食海鮮🙈但無論幾飽，燒肉一定要配飯，有d飯落肚感覺冇齋食肉咁膩🍚牛角飯明明只係紫菜麻油撈飯，唔知點解就係好滋味😋唯一有d麻煩係加$28任飲生啤係冇得係taplet落單，要逐杯叫staff refill，但大家都好忙，叫兩三次先有人過黎refill，好麻煩🙄

牛角燒肉不嬲都有質素，今日一於試下午市定食嘅石鍋定食，見到岀咗一個新嘅飯，石鍋黑松露蒜香海鮮飯，一於叫嚟試下！另外仲叫咗石鍋牛油粟米牛肉拌飯。嘢飲叫咗一杯凍檸茶，一杯凍奶茶，兩杯茶底都唔錯，正常水準。首先上嘅係沙律，麻醬味道足夠，正正常常。石鍋牛油粟米牛肉拌飯，非常之香。石鍋夠哂熱，所以牛油溶得好快，一下子就溶哂可以同個飯一齊伴。牛肉本身醃過，好入味，粟米大大粒夠香甜，加埋蔥粒香氣四溢！石鍋嘅熱力保持到個飯到最後都好熱。另一個鍋飯就係石鍋黑松露蒜香海鮮飯。本身望落去覺得白色一片，好似好淡咁。但其實飯入面有醬油，黑松露醬喺味道同香氣上都十分濃郁，所以唔會唔夠味道！呢個飯比起牛肉拌飯清淡，食到嘅係蒜香加黑松露味。海鮮正常，唔算突出亦唔係差，夾埋蒜片同黑松露醬就剛好。環境舒服，服務態度幾好，食物質素高，整體幾滿意！

今日五個人去左奧海城牛角燒肉放題慶祝朋友生日～首先讚一讚佢地reception聽電話既同事都好專業呀，我地唔清楚唔同分店既種類佢地都解釋得好清楚🤓因為六點前入座可以平$30, reception姐姐都好好提醒我地😬我地揀左B set, 因為有和牛又平啲～盛合仲有一口牛肋肉、肩脊肉、豚肉燒同雞腿肉👍🏻放題方面任叫有牛舌、牛肋肉、豚扒、野菜什菌、蜜糖香腸等等肉類方面都好新鮮，個人最鍾意牛肋肉，叫完一round 又一 round😂最重要既牛角飯我都食左兩碗～啲紫菜加埋個汁，配上日本珍珠米真係不得了😍最後仲每位有個豆腐雪糕，好好味！唔係好甜，但好重豆腐味，個個都飽到捧住個肚走🥳

日式燒肉我其實都唔係成日食，因為平的又好普通唔好食，貴的又可以去到好貴。牛角一向口碑都唔錯，但以我係吃貨的程度來說，如果逐碟叫，我怕我銀包會出血。所以今次選左有牛肉的放題，試下平時逐碟叫的分別。佢有幾個級別比你選，我們叫左個普通有牛食就算。牛肉有幾款，牛肉粒，牛腓肉等等，仲有幾隻味豬，雞。。但所謂的海鮮就弱左d。。得兩樣魚。Overall,三百元左右，我覺得都比出面那些又逼又吵的燒肉餐廳好的。

今日喺旺角行咗一陣間行到好夜先肚餓🤗🤗🤗🤗然之後朋友就提議不如去食牛角嘅宵夜時段💁🏻💁🏻💁🏻因為追加有半價好抵食👍🏻👍🏻👍🏻所以我哋就係行咗過嚟奧海城呢一間食💕💕💕其實之前已經成日嚟奧海城呢間牛角色佢通常都有優惠🤓🤓🤓🤓不過呢一間牛角都幾多人所以下次可能要早啲打電話嚟book😆😆😆😆不過我哋今日都等咗唔係好耐就入得去喇我哋叫咗好多唔同款嘅牛嚟食🐮🐮🐮🐮🐮仲叫咗兩杯嘢飲🍹🍸呢度嘅牛真係好高質好鍾意喺呢度食😋😋😋😋😋同埋員工都好nice好好人

與友人一行4人原本打算到旺角店吃放題燒肉，不過怕等候太久，於是決定轉戰奧海城店，人少些，空間亦多些。用app更可以電子取票，於前往途中先取票，就可以節省等候時間啦！我們選了基本牛set，另外可以平板電腦點餐，非常方便，隨時添加美食甫開始，先上了每人一份肉，邊燒邊等辣油豆腐，嫩滑惹味，作為頭盤，寧舍開胃牛角飯是必點的，溫泉蛋滑，紫菜加上秘製醬汁，惹味可口最後送上一人一球的豆腐雪糕，清新一下放題時間只有90分鐘，略嫌不足

><平時食開牛角午市套餐 得一碟肉唔係咁夠喉食肉獸於是嚟食燒肉放題豐儉由人 最低消費係$198 星期一至四 早割/夜割但如果要有得燒牛肉就起碼$248極上All you can eat($328)想食海鮮所以揀咗呢個 限時90分鐘一開始就會有每人一客嘅和牛牛肋肉&四品盛合喺ipad嗌食咩 嚟得有d慢 肉仲未解凍哂唔係咁划算><><><><><><><><><><><><><牛角日本燒肉專門店大角咀海庭道18號奧海城二期1樓128A號舖

食牛角如果唔想成長一陣燒肉味，又或者午餐時間唔夠唔想花太多時間慢慢燒，大可以來到牛角吃佢地不用燒的午巿套餐。呢度唔需要燒的套餐也有很多選擇，好似有石鍋飯、仲有溫泉玉子飯，全部都係唔洗燒就有得食，極之方便。蒜鹽雞腿肉溫泉玉子飯（$59）就好似我今日柯打的蒜鹽雞腿肉溫泉玉子飯，有嫩滑的雞肶肉，再加上半熟的溫泉玉子，簡單又健康！只要輕輕破開溫泉蛋，蛋黃汁就流入飯中，混和來吃蛋香滲入粒粒飽滿的珍珠米中，口感更為綿滑。

今日lunch time又黎到牛角。因為之前黎親都係叫燒肉set，今次反而想叫其他定食試下。於是就揀左個蒜塩雞腿肉溫泉玉子飯。首先上碟嘅係迷你沙律同昆布湯。食完之後岩岩好個飯就送到，第一眼望到就覺得都幾吸引下，啲雞肉都頗多，應該都有10幾舊。除左肉同蛋之外，仲有啲生菜同洋蔥。全部野撈埋之後都幾好味。不過飯本身嘅汁就唔係好多，要另外再加檯面嘅燒肉汁。啲飯都幾大碗，食完之後已經好飽。個set價錢$59，味道唔錯分量又夠，下次黎都會再叫依個set

開頭以為午市都有夜題, 一行4人去食多dd, 點知原來係無既, 咁都要叫下d午餐set啦..我地要燒肉, 一個叫左$95 set 包包沙律, 一碟肉, 同drinks and 白飯, 另3位要左 $149 set包沙律, 一碟肉, 同drinks, 仲有牛角飯係可免費加添~我地叫左3個$149餐, 落係對的, 不過先來一個set時是錯的.... 唔夠人做野, 永遠搵唔到人, 叫我地等等時塊面黑的, 服務十分之麻麻有2位小姐經常埋來要收走d飯碗先... 可能佢地係新返工single skill燒肉係咁上下價錢, 不過可能成日去日本食開, 肉的portion偏少, 質素又一般, 最好味竟然係個牛角飯!!!!!下次如果好似今次想止痕, 都要晚上來食放題/去雅蘭食放題會開懷好多~

今次朋友生日相約去大角咀牛角散叫晚餐。排隊排左成個鐘。終於入得去。取飛係預訂左三個人。入坐後就先order左最大支既清酒。其後打算加多個位。便詢明可否改做四人。之後穿黑色衫既員工就話只可以食90分鐘。我之前黎過幾次食都無人講過。而且我仲要叫左最大個支清酒。90分鐘叫我地點飲。任食及非任食都係90分鐘！員工rocky重覆多次外面好多人等梗。等位取票都未曾講過。全晚黑口黑面望住我地張枱。一到90分鐘。其餘散叫食物都未到。叫人埋單！成餐飯好似我欠左佢咁！！

日式料理不嬲都好鍾意食^ _ ^我仲要係一個食肉獸😋😋仲要係一個超鍾意食牛嘅食肉獸🐮今晚晚餐就揀咗食牛角嘅燒肉☺️☺️我揀咗原味嘅汁，啲牛嘅顏色好鮮艷，好吸引😍唔知係我燒得耐左定點，我覺得啲肉有少少嚡：（不過肉味都係好出嘅！但略嫌啲肉薄身左啲，如果厚啲嘅話，口感會更加好😋我仲叫咗啲牛舌食，不過我覺得真係有少少硬，可能真係我燒嘢食嘅技術唔係幾好lol黎牛角食嘢必叫牛角飯🍚佢嘅紫菜好味程度同啲飯配合埋一齊食，勁正，我諗起去食嘅人會明😝

剛去完旅行回港，Honey專登帶我吃好一點，看見奧海城有我喜歡的牛角燒肉，當然又要攞飛排隊了。首先，來一客沙律，海蜇柚子醋沙律 $55蔬菜新鮮，配上酸酸的柚子醋，非常醒胃。海哲爽脆彈牙，正。鹽味牛油帶子 $52牛油配帶子一向是絕配，可是真的咸了點海鮮盛合 $118有五款海鮮，尚算新鮮，大大隻的車海老呀，蝦肉彈牙。廣島蠔食落creamy。厚燒牛舌 鹽醬 4片 $52如圖所示，真的很厚切。很入味，但要注意的是牛舌不可以燒得太耐，否則會很乾和韌。肩脊肉 鹽醬 6片 $62一如概往，這是我必點的，牛味濃郁而且不嚡口，配上牛角自家製鹽醬，令人欲罷不能。巨峰活乳酸梳打 $28食燒肉，點一杯凍飲最好不過，有巨峰味又有乳酸味，幫助消滯。雪糕銅鑼燒 $38甜品一定是點這個，把外表燒得熱辣香脆，冰凍的雪糕夾在中間，食落有冰火交融之感。是日消費 $450左右

上星期相約朋友係奧海城呢間牛角食晚飯，由於大家都唔算十分肚餓，所以放棄了食放題，今次反而單點 叫一些喜歡食嘅就算了！喺門口已經有好多人取飛，我哋係金會員，所以唔駛等得好耐，下張枱就到！肩脊肉，燒起上嚟牛肉很香，很有牛脂嘅味道！薄切牛舌，呢個係我哋必點嘅選擇，因為牛角嘅牛舌係味道最好，因為佢薄薄地，所以加熱一陣，燒至變色即可入口， 味道十分濃郁！今次罕有地試下呢個雞胸肉， 又出乎意料地好食，雞皮唔介意可以燒耐一點， 香脆爽口， 而雞胸肉十分入味！有時單點， 慢慢細嚐，至會發覺食物嘅真味道！