牛車水餐廳 (西九龍中心) (已結業)

太耐冇嚟牛車水食嘢,今日lunch叫咗一個芝士焗牛脷長通粉,一個焗萄國鷄闊條麵。嚟到两款都大大碟,真係唔似午餐份量,芝士配上牛脷,居然冇油腻感覺,萄國鷄肉質都幾嫩口。再加埋红湯同大餐包、餐飲真係飽到上心口,埋單都係$92蚊,两個字：抵食!

今朝早起身又見肚餓，咁就落樓下嗰度食牛車水喇 我叫咗個雪菜米，餐肉炒蛋熱奶茶， 首先就係烘多士餐肉炒蛋送上嚟先，其實多士有啲林林地，佢入面預先搽左牛油，唔算特別好味，好普通，但我覺得可以接受，餐肉炒蛋都不過不失嘅，炒蛋都係正常熟唔係滑蛋架啦， 之後雪菜米就送上黎，講真過份量都幾多大，食落去都覺得啲米粉好似發脹咗咁樣，同埋個 湯底冇乜味 真係覺得麻麻地 順綷真係貪佢夠大碗 夠抵食㗎咋

每個月都會同舅父食一次飯,兩條友想靜靜地傾下計而又可以坐得耐D既餐廳係深水埗選擇唔多.所以多數都會黎呢度食.講真,呢度菜式選擇唔多,價錢唔平,又加一.貪佢呢度可以坐耐D又唔會趕人走,先會黎呢度.兩條友各選一款,佢食西餐,我食揚州炒飯.炒飯只有飲品,冇湯.舅父果份西餐,有湯有飲品都係貴少少.兩款味道普通,唔算話特別好食.

晚上唸住去西九龍中心搵間餐廳食個晚飯，見到呢間餐廳好多位同菜單好似吾錯，求其搵個位坐底，一入到去無人招呼，求其搵個位坐底，我地有幾個人，之後阿姐黎點菜，幾個人當然會講耐小小，但個阿姐個樣就勁吾耐煩，黑哂面甘，個餐包就最尾先黎。好啦食完啦，埋單，我地出去俾錢，我地俾小左小小錢，個收銀阿姐就黑面，隔離個阿叔講野又勁大聲無禮貌話快啲，，怕我地吾俾錢甘既款，去呢到食飯要睇面色

益極無人應，幾個都係，應個個仲可以俾個不耐煩的面色你睇，分工不明確影響餐廳運作，全部去寫單，落完d柯打無人拎野食過黎食呢間野浪費時間 浪費金錢未試過食野食到咁開心

十幾年前牛車水已經好出名，而且價錢都好貴，當年學生仔當然唔會貿貿然入去試啦今次行開好耐無去既西九，竟然有興趣去試下，裝修有d殘舊，根本就似本地舊式茶記feel餐牌都有d舊同污糟但原來餐牌內有乾坤，有特色牛車水美食之餘又有牛排餐，仲有雙拼排餐，因為好餓，膽粗粗兩個女仔叫左兩份雙拼排餐，點知原來無論選飯，意粉，薯菜，距本來就會跟半碟薯菜，而且朋友仔塊排大過塊面，我點個豬手色香味俱全，而且特別講下跟餐個意粉，真係夠曬傳統做法，用茄汁即煮，並不是出面d所謂高級西餐咁，煮好曬有客要就夾落去咁用心的服務，用心煮菜，我支持你，係你令我覺得西九仲有可去既理由！good！

平時都好少去深水埗，難得入到去西九，見到呢間野咁多人，心諗實冇死啦。同埋佢主打星馬菜，又想食海南雞飯，見價錢算平，咪入去lor。點知中伏。。。點了Laksa （喇沙）豬扒米線同海南雞飯。Laksa 完全不是Laksa應有的味道，換來的是咖喱不似咖喱的黃醬面，淡而無味，豬扒更是完全無味的。海南雞飯有血水，而且份量極其少，又唔好食，你賣我29蚊我都會覺得唔值。加左六蚊轉紅豆冰，但紅豆超級少。拜託呢間野唔好用星馬菜來打招牌，簡直侮辱人地星馬菜！

深水埗給我的感覺是：較多平民小店，但過往的經驗告訴我：要多花功夫才找到一家質素較好的餐廳，不然就會「中伏」。是日在深水埗的西九龍中心購物過後，時間不早，只想快快找家餐廳足飢。眼見餐廳裝修企理(深水埗的餐廳比較下)，而看過門口餐牌，見價錢不太貴，便入去「牛車水」了。這張餐紙設計尚算有心思，只是那幾隻字的所用的字型，讓我感覺處身外地餐廳，幸好不是寫簡體字…餐湯是忌廉湯，還有餐包。忌廉湯實在不討好，屬普通港式茶餐廳用的那種，有點稠。但餐包則異常美味—非常夠熱，而且極級軟熟！這是比一般麵包店還要上佳的麵包，不用塗牛油，那種麵包味極為新鮮和香。而我點的是鐵板西冷牛扒餐($70)，要求9成熟，但餐湯未飲畢，西冷牛扒不夠5分鐘已經上桌?未免太快了吧，希望不會中伏吧…由於未飲完餐湯，所以要求侍應不要立即把汁(我選擇的是沙嗲汁)淋上。份量似乎挺多的，而且除了薯菜還有飯。味道又如何呢?這是3塊扒中較薄的一塊—9成熟，還可。但之後味道來了—原來3塊西冷，其中2塊都是較厚的，而上圖的一塊則非常薄。結果9成熟嘛，這一塊真的9成熟，其餘的?則只有1-2成熟！連切都需花不少力氣，咬起來還非常辛苦，味道非常差！教我怎

果一晚臨時同人食飯, 西九龍多野食, 但又唔想食得太貴。 本身想食吉野家, 不過太多人啦, 於是就去左對面呢間牛車水, 見有電視睇又唔駛等位, 就試下。入到去揀個對住電視機既位置, 跟住點左個雙拼餐, 我自己就叫左個雞排+青口 飯, 要左杯熱杏仁霜。野食一到, 我 哇 左聲。 因為本身我又唔係肚餓, 見到碟野有雞排兩塊, 又有薯條, 仲有湯, 另上一碟飯。坦白講, 作為一個女仔, 作為一個比一般女仔大食少少既女仔, 我食唔哂-口-個湯係紅湯, 比較水水地, 淡淡地。 個汁好濃, 都算SALTY。 青口幾好, 不過都好似SALTY左少少。杯杏霜 都水左D, 好淡。 (我不嬲去餐廳飲野, 就算有 0水我都唔會落糖)整體黎講野食OK, 份量算多。價錢視乎你叫既係雞排定牛排定肉眼排定豬手。 我雞排好似七十幾蚊左右。

今日係西九行到攰攰地想搵下野食 西九真係好多野食 但我一路都想試牛車水 因為全港幾一兩間平日無咩機會食同埋成日係吉野家 M記呢D就泥食到悶我係下午茶時段去既但都好多人 得番唔係好多位我揀雖然多 但唔洗搭枱個種都算好同埋呢度接近自助式 無人帶位 呢度有度唔好我見有人企左係出面勁耐都唔知係自己搵位講番野食先睇左餐牌 選擇絕對唔少 連下午茶都咁多選擇我就揀左咖哩 30蚊左右 唔算貴但落單就真係有D辛苦 叫左好耐都無人理真係要搵準機會 一眼神接觸就叫上菜速度真係唔快可能廚房慢掛但等左差唔多十分鐘 我個飯先泥第一眼望落去好細 但食落份量都算OK咖哩味夠 但個汁稀飯以下午茶泥講都多整體就合格啦 但服務真係差少少 好多客人都被忽略

服務態度好都 唉～等位?吾使,自己行入去搵啦！舉手? 等幾分鐘啦！落單? 快到你吖,一分鐘KO！送餐? 送錯嘅!?好食? 牛油囉！咖啡? 有沖過嗎？有汁? 有嘅，多架！薯條? 冇味架！

價格:39元(加一共43)加野飲要6元,無加到。時段:2:30-6:30下午茶菜式 :雜扒鐵板餐深水埗扒房除飛鷹,以前扒王真是無邊幾間…忽然想食鐵板餐一於去這兒食下。價格一般,算便宜,份量可以,不過質素真是有所保留,不過不失。用料有:洋蔥、蔬菜、薯條、雞翼、起哂粒粒皮的腸仔、火腿、豬扒、牛扒覺得熱就是熱,倒是食物質素好似不太…新鮮。

平，但份量真係太小，我爸爸叫左咖啡牛腩飯，得兩細片牛腩，個下…心諗……甘都夠膽攞出來既……我叫左鐵板牛扒，冇分幾成熟…，仲要薄到不得了。。。服務態度一般，不算太差

落大雨，都係留返係屋內食野啦，茶餐廳都懶得行去 牛車水已經食過幾次架喇，對佢既印象都係一黎啦，唔係特別好食... 只係算比較平今次叫左碗鮮蝦喇沙... umm... 個蝦真係唔係好睇得出有幾鮮 明顯係急凍蝦仔，仲諗住可能都會有2-3隻蝦碌，睇黎真係諗多左... 喇沙最重要係個湯，呢碗真係差少少喇，明顯見到就咁有一堆咖哩醬係面... 完全無惹味既感覺，增加唔到食欲，加上覺得好油，唔敢點樣飲個湯...呀媽叫左個炒河，黎得比較慢，不過都有d炒既香氣，中規中矩，仍然係偏油呀，唯一讚既係跟餐個包好熱，熱辣辣既包特別好食!題外話，咁岩餐廳侍應又係同一時間食飯，坐正係隔離枱，有個食粟米食到我成隻手都係水... 佢都幾強勁，d水彈到咁遠仲完全無感覺... 老實講真係有d噁心...

今日3點去左食牛車水,諗住試下好無食,等位唔洗點等, 叫左個 什菜拉麵轉餐 ,我食左兩啖 唔想再食因為真係好難食,味道淡 員工服務超差,諗住飲紅湯算, 點知飲左幾啖, 再"北" 有"小強"腳, 馬上叫員工問下佢係咩離佢答我"哦"  真係火都離!!! 到埋單比錢都無一句對唔住!!! 正係取消左轉餐ge錢!!!呢間野 員工態度+服務超差, 食物唔衛生 , 又難食=唔會再去!我所講全部事實!