牛車水餐廳 (美孚新邨)

營業中

休息中

本身去左盈暉臺搵食，點知係沙漠黎，就走返美孚食牛車水，其實已經知係茶記一間，思前想後因為想飲餐湯同食個餐包，於是點左豬扒拼鴨胸其實冇期望應該冇失望，但黎到食完，覺得豬扒多肥膏，冇咩肉，鴨胸交來貨色煎完之後又係油，係個湯一般水準仲好多粟米，杯凍檸茶走甜都ok，但要一舊水就有少少唔抵

前陣子停業了一會嘅牛車水餐廳，近日恢復營業，今日終於可以過來飽吃一頓！！午餐價錢為50-60蚊，視乎你所點的食物，而每款食物皆附送空白堂和飲料，凍飲加兩蚊。白湯非常足料，有濃厚creamy質感，而非普通交數式水質行貨白湯。今日點了個芝士焗雞扒長通粉，佢有其他飯意粉選擇，可惜最想食的闊條麵今日無貨。鷄扒雖然非厚切但有三四塊已經相當足夠。濃厚芝士表層焗至香脆，入口可以拉絲，我估計是巴馬芝士吧。芝士足夠達致長通粉嘅濕潤，份量豐富絕對可以飽撐一整個下午！！埋單$58蚊絕對係假廉物美

前排去左兩次好耐都冇去既美孚第一次係仲有堂食既時😂😂見到餐廳竟然新裝修咗‼️🤭一次係已經冇堂食餐廳有種煥然一新既感覺!坐位好似都有改動空間感大左好多!🧐🧐坐得比之前舒服但裝筷子個筒好似同個裝修~有啲唔夾😂😂😂(張台感覺可以再大啲🤔)仲有堂食既時候🤣🤣🤣食左個鐵板西冷牛扒呢到出名係好似鐵板同咖哩而我當然要食肉肉質比以前更好食~聽講轉左廚師！唔知關唔關事😂😂終於係我想要既感覺😂（裝修完又遇到疫情🤔依家飲食業真係好難～～）

無得飛的情況下，只好去有特色的食肆滿足口福。當自己出咗埠。今次我去咗牛車水餐廳。店內提供新加坡、泰國、越南、大馬及印度美食。我個人偏向食新加坡及大馬美食。因為是下午茶時間。可以食到平價餐。我先點咗個菠蘿海鮮炒飯，加杯凍奶茶共$39。好抵食。個海鮮炒飯菠蘿粒好新鮮。份量足料。飯粒食得出係隔夜飯炒。好美味。蝦仁新鮮彈牙。杯凍奶茶有奶茶味。好飲。之後因為好抵食，我決定再加單，食多個餐當晚飯。泰式雜錦金邊粉加凍杏霜。個金邊粉好味，麵質彈牙。加入泰國醬料，好重泰國風味。螺肉新鮮爽口。個豬頸肉好彈牙。加埋杯凍杏霜，清甜。總共$79。個人建議下午茶時間食兩份餐，相等用一個晚巿時間食一個餐價錢。

美孚新村萬事達廣場呢間牛車水餐廳應該都有十幾二十年了好多人係呢到食早餐午餐晚餐大入餐廳見到大部分人都係老人家今日唔肚餓叫左碗金菇肥牛金邊粉牛肉材料好多朋友叫左個豉汁蒸倉魚好似每日限量大少就睇你好唔好彩有碗飯有個湯！全部大大碗不過女仔黎應該講食唔哂我地傾左好耐都冇趕我地走夜晚時段比較小人

做嘢做到下午茶時間先食飯，求其是但食，對茶餐廳已經唔會太高要求，但係真係難得差到咁，就算下午茶餐份量細碟啲都唔係得咁少啩，都算，咖喱雞雪味濃，咖喱汁無咖喱味都加啲薑去雪味呀唔該，服務又差，大劣人劣質服務，錯漏百出，真係一試難忘…差、差難怪劣評如潮。

以前係呢到食過焗飯,記得幾好食,今日經過呢到諗住再幫襯下點知極度失望！呢份下午茶,盛惠＄４３你冇睇左，真係＄４３，如果呢個係中環尖沙咀呢Ｄ地方，我覺得ＯＫ呢到只係一個住宅區既普通餐廳夠膽死賣呢個價錢之餘淨係比一塊薄過我面皮既牛扒同埋十隻手指都數得晒既薯條，我數過得七條呢幾條薯條真係貴仲要係淋到嘔唔知放左幾耐既今次呢餐真係極後悔極後悔冇上openrice如果有上見到咁多負皮一定唔會食奉勸各位千萬唔好食呢間垃圾

👩🏻‍💻今日因為趕住出門🏃🏻‍♀️怕暈車浪所以食個🍳早餐再出發，去到其他食店發現到到都坐滿晒，見到呢一間仲有位，就試呢間啦。​​店內地方闊落，環境休閑，燈光柔和，座位舒適，叫完早餐，店員放低果一下真係忍唔住係心到講咗句：咁寡？😳見到佢個煎雙蛋多士，火腿米粉，同我見到餐牌張相嘅大相逕庭，於是再望一望餐牌，右下角有寫「圖片只供參考」😅嗯，要點樣先好食真係要動下腦筋😂​​🍜火腿米粉配煎雙蛋多士​🌟大大碗😋清湯配製既米粉，米粉唔太爛👍🏻火腿兩大塊，米粉入面仲有紅蘿蔔🥕粒，粟米🌽粒做配料，最後加咗辣椒🌶️油，食落味覺頓時滿足😋👍🏻煎雙蛋外形美觀🍳多士烘得剛剛好，麵包香氣加上牛油🧈下次要記得飛邊🤣​店員服務親切，效率高👍🏻整體感覺唔錯😊👍🏻​​☕️熱鴛鴦​🌟味道一般，奶味比較重，味道可以接受

住在美孚十幾年,咁多年不時都有幫襯牛車水呢間老店,但今日真係好失望。今日中午放飯本身外餐自取叫左一碟星洲炒米,去到店舖取餐時先發覺店員落錯單變成炒貴刁,結果需要再等10分鐘重煮,但結果收到既星洲炒米質素參差,米炒基本上係白色同濕,而且食落仲要無味無道。浪費晒食飯時間之餘仲要唔好食。雖然個餐連湯,餐包,和一杯熱飲(熱檸水)合共收52蚊,今時今日價錢尚算抵食,但牛車水既食物質素同服務真係愈來愈差,令人好無奈同失望。

摩囉雞扒飯，喺老牌大餐廳飯，喺懷舊飯，平時係唔多見到，今次見到所以就叫嚟食，點知可能因為廚師水準唔夠，有可能對呢一個飯嘅知識同掌握不足，就中伏。雞排炸出嚟，而唔喺煎出嚟已經好唔掂，個汁甜甜酸酸，但係又唔夠香口，個味道似係甜酸汁多過摩囉汁，完全唔似以前食過摩囉雞嘅味道，雞肉攪到又嚡又硬，完全唔係個回事! 摩囉雞肉飯唔喺咁樣!!唔單止個飯唔好食，就連最基本嘅羅宋湯，佢都煮得唔掂，一味得個酸，完全唔好飲。幻想破滅! 大崩壞!

美孚呢間牛車水已開業超過十年，多年前食午餐，個場都幾爆下。食物質素一般，尚算可以，午餐價錢算貴少少，有加一服務費。前兩日夜晚收工約八點，在美孚附近，諗住去幫襯下。個場咁大，竟然得兩枱客，都覺得奇。 諗住食少少野，見餐牌價錢加咗價。小菜套餐價錢平均差不多要九十蚊，咁叫咗碟星洲炒貴刁，加凍奶茶，埋單$72蚊。碟炒貴刁，色水淡黃，有幾條肉絲，椒絲幾條，毛仔幾粒。食落淡味，河粉炒得好碎濕濕，筷子夾唔起，肉絲有縮味。最後食咗一半河粉走人。呢餐太失望。

去完郵局之後，就喺附近睇吓有咩食。美孚真係好少食物選擇。又唔熟 就唔打唔撞入咗呢間茶餐廳，以為開得耐嘅茶餐廳好少中伏我入咗去就同住附近嘅朋友講話我去咗呢度食，朋友話係好肯定好難食。我就唔信啦。咁我就帶咗一個我以為好穩陣嘅麵！雞翼金邊粉我冇諗過金邊粉配嘅唔係炸雞翼或者煎雞翼，而係滷水雞翼 滷水雞翼唔緊要，我都鍾意食，點知佢係有隔夜味，就有雪藏味。極度唔新鮮。碗麵，非常之冇誠意，咩都冇，麵仲多過湯。味道淡淡不過，熱檸茶OK。價錢唔貴就算啦，都係食街坊生意😂

以前覺得這餐廳的食物味道一般，後來聽說轉了廚師，水平大躍進，這天一吃，果然如此。點了兩客午餐，一客是海鮮喇沙米線連凍檸檬茶，另一客是蒜蓉汁豬扒拼牛脷飯連羅宋湯和凍檸茶。海鮮喇沙米線：湯頭味道不錯，湯濃稠，配料包括蝦、炸魚片、雞蛋和豆卜等，湯裏面還有大量的小蝦、小蜆和切成小塊的八爪魚，可以說是不錯的了，只可惜米線煮的過軟。蒜蓉汁豬扒拼牛脷飯：蒜蓉汁香，和白飯很相配，豬扒和牛脷肉質柔軟，味道好。羅宋湯：味道也很不錯。這餐廳的食物，味道比以前好得多，怪不得餐廳內坐滿了人。餐廳的環境一般，像茶餐廳，服務也只是一般，像我們點了兩杯凍檸檬茶，其中一杯是少甜的，但侍應把兩杯檸檬茶放在桌上，並沒有說那本是少糖的。不過基本上，侍應也算是有禮貌的。

今日星期日去牛車水食下午茶一入間餐廳 有陣奇怪既酸臭味 感覺污糟假期比較多人 要自己搵位 無人招呼你坐低咗之後嗌咗個豬頸肉喇沙米線$38 送熱飲個米線一上我以為佢俾錯咗我未見過喇沙湯底咁杰似乎個廚房將一pat沙嗲醬淋上面就算我仲要自己搞勻個湯底湯底只有沙嗲味，無椰奶 椰香味個麵食到落底 湯底變稀 好似清湯咁好明顯個廚房係無自己既喇沙湯仲好意思話自己係星馬泰菜雖然價錢合理 但味道難食睇得出間餐廳毫無誠意極度失望以後都唔會再食

間鋪非常之方便，一出地鐵行條樓梯仔就見到。自己係叫到附近住開，都會間唔中過黎食下，個環境唔差，幾闊落，坐得都舒服既。不過D野食水準相比係以前就有D參痴，價錢都偏中上。整體不過不失啦。