牛魔王清湯腩咖喱專門店

營業中

休息中

咖喱汁以醬形式上枱，濃郁多洋蔥，中辣唔辣，夠香，醬唔滑，油同渣可以分開既，咖喱汁呈深黃色。坑腩夠肥，唔多肉，入囗即溶。送一舊薯仔，炆既，好味道。價錢偏貴，交通方便。

黎親灣仔做野就會黎餃子源或者幫親呢間。 今次叫左爽腩河拎走。爽腩新鮮入口即溶。 湯甜冇未精。上次食，咁岩冇坑腩爽腩，但普通清湯牛腩都唔錯。一句講哂，一分錢一分貨。

店名叫牛魔王清湯腩，食客自然會期待牛腩會有驚喜，叫咗碗牛腩麵，牛腩並唔係想像中嘅肥瘦均勻，而係成舊都好肥，湯上面浮左一層油…另外，店員態度好差。因為今次食嘢order有啲多，所以臨尾叫店員覆一覆單，店員即刻藐嘴俾晒眼色，（可能係我太敏感）上菜嘅時候勁大力咁拍咗落張枱度..😓🥲

牛腩好少面好多，但啲面好碎。不過牛係好食既！ 但真係好少囉。舖頭細細有好多款嘢食。不過淨係牛好食其他都一般😪😪😪😪大熱天時喺出邊等，點知原來冇落單。只收現金隔離個小姐話喺OpenRice落咗單但原來間鋪一路都冇接。呢啲就係服務態度？見到個小姐冇帶錢落嚟攞外賣。之後，見佢唔接想在上OpenRice度落order已經落唔到。人哋本來係想要個set .焗人哋食咗單叫。如果俾我係嗰個小姐我寧願唔會食佢。

以前牛魔王既牛腩真係做的好味，但最近疫情後去過兩次，同樣點佐清湯牛腩飯，牛腩既肉質差佐，牛腩睇落好似凍肉咁蒼白，依家份量又少佐。本身店就唔大，坐落就覺得比較逼，就係貪佢味道好先過來，依家味道變差，以後唔會幫襯。

放飯時間灣仔間間餐廳都好多人咁啱見到仲有位就同朋友入去食自己用白板筆圈要啲咩有車仔麵、飯、湯飯、水餃等等我就叫咗車仔麵每人最低消費係$30 唔包野飲既本身想叫其他餸 但好多麵$9起最貴係$15汽水豆漿加$7 真心有啲貴所以我無加叫咗牛柏葉魚片頭米粉 咖喱汁兩餸$35 同埋份量普通 大食未必夠同埋佢地個汁真係無乜咖哩味😂Ummm如果咁既價錢食我窮願食貴少少食任你點💛如果灣仔放飯唔知食咩好可以一試但我會想試其他野多😂

好耐冇打食評，今次真係忍唔住。其實買外賣都不外乎落單、比錢、等、拎走呢幾個步驟，居然會有間野係做外賣都可以比每一個客受氣，仲要係態度極度惡劣，簡單係貼錢買難受。疫情關係，間間過左6點都係做外賣架啦，我7點去到，一個光光地頭既男人(唔知係店員定老板)係度落單，其實一d都唔忙，除左已經落完單既幾個人等緊野食，就我前面一個人落黎單，跟住到我，兩個客咁大把。個光頭男就話如果要飯就要等10分鐘，然後就同前面個客係咖喱飯唔要飯同咖喱例牌呢個落單過程度有兩句口角，然後大大聲同個客講「咁你唔鍾意可以唔買格。」，然後到我落單，我第一次幫襯，以下係落單過程：我：請問牛三寶係乜？光頭男：牛腩、牛肚、牛脷，要咖喱定清湯？我：我都係要咖喱牛腩飯(我唔知三寶係有牛脷，我唔食牛脷)。光頭男：(塊面勁唔好老脾，懷疑因為已經係部機㩒左牛三寶) 冇飯喎，要等10分鐘。我：我可以等呀。跟住佢出單，我見到張單寫住小辣。我問佢可唔可以要大辣，佢即刻發哂老脾，大佬我第一次黎，落單你又唔問我要咩辣幫我落左小辣，我講返聲我想要大辣你就發哂脾氣，唔駛咁呀嘛？如是者因為佢話飯要等10分鐘我就行去便利店買野，買左5分鐘返黎已經有得拎其實根

今日同同事做完野去食下午茶，最後入咗呢間牛魔王，佢嘅下午茶除咗有啲炒野同埋有個好特別嘅巴基斯坦咖喱，最後都揀咗佢招牌嘅清湯腩。食牛腩河最緊要加辣椒油，啲牛腩都算唔錯有啲半肥瘦🥰奶茶都有水準。

昨晚我本來就想光顧位於「灣仔」「春園街」的「牛魔王車仔麵茶餐廳」，可惜「牛魔王」昨晚沒有開門營業。之後我被迫在「灣仔」裡面兜兜轉轉，食骨頭多過牛肉的「LA骨」，又食另類美式快餐炸雞碟頭飯。翌日我再次來到「灣仔」，不過為免重蹈覆轍，所以事先在網上搜尋，了解一下有關「牛魔王」的實際營業時間，然後才重臨「灣仔」光顧「牛魔王」。結果翌日我再次到達「春園街」，「牛魔王」終於都有開門營業。不過實際上「牛魔王」裡面的提供的「牛腩」，不只包括有本來要食的「車仔麵」，原來「牛魔王」還推出了「五香牛腩飯」。於是我在「牛魔王」裡面，除了利用餐廳提供的筆填寫「自助點餐板」，點了一碗我平日會選擇享用的「基本組合」：粗麵、牛（坑）腩、（瑞士汁）雞中翼，還有蘿蔔。至於「湯底」方面我選擇了「沙爹汁」。至於飲品，「牛魔王」的「車仔麵」和「牛腩飯」套餐裡面，除了一般茶餐廳冷熱飲品之外，原來可以另外選擇享用罐裝汽水，結果我分別為堂食「車仔麵」和外賣「牛腩飯」，各自選擇了「可樂」跟「雪碧」罐裝汽水。「牛魔王」廚房師傅製作的「牛腩」、「雞翼」、「蘿蔔」「沙爹汁」「車仔麵」，很快就順利製作完成，跟「可樂」汽水一同送到我的面前。至

看見招牌是腩河，當然要去試試，爽腩沒有想像中出色，$47粉麵套餐（粉麵加嘢飲）感覺上不是很優惠～牛根多得令口感也影響了。想嘗試一下他們的魚蛋，可是沒有魚蛋（很少在粉麵店發生這樣的事）最後點了貴妃雞湯河，雞的數量多，頗有肉味，可是河粉的湯底和粉麵也不是十分出色，肥仔波不會再幫襯了🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺肥仔波指數：2.5/5分

早前去律敦治探完屋企人，經過牛魔王，入去食清湯牛腩，牛腩入味， 坑腩真的不錯 ，我哋都有買外賣返去加餸，湯底係幾好， 不錯。今晚同屋企人再去，我地想坐得舒服啲就坐一張冇咁多人嘅枱 ， 點知有個店員黑面叫我地坐另一張， 因為佢未清潔那張大枱 ， 要坐張細枱都唔緊要，但佢態度真係差， 完全不知待客之道， 所以我哋一聲不出就掉頭就走。 話知你啲食物幾好食，咁嘅態度唔會再幫襯， 加上又唔係真係特別好食， 無謂貼錢買氣受，無下次🧐

今日lunch想食得清淡少少就去左呢間牛魔王食牛腩湯河！牛腩湯河個湯底好入味，牛腩好林！蘿蔔非常甜！相信啲牛腩煲左好耐好正好濃味！我朋友就叫左咖哩雞扒飯，個咖哩都幾辣下！但食落又好過癮，食完一啖仲好想食第二啖架！我地食果陣係下午茶時段，所以配埋飲品都好抵！全單計埋$100都唔洗！係灣仔食到咁嘅價錢都已經好抵食喇！佢仲有其他下午茶餐都好吸引架！中意食牛腩同咖哩嘅朋友仔，我真係特別推介你食呢間牛魔王！😍😍😍

番工前當然要食番個早餐先得啦，今日再次來到牛魔王專門店食早餐。一輪無來到，原來已經稍稍加價，全部醒晨早餐都轉為$32。今次當然都叫回平常來吃的鮮豬肝公仔麵，但是...店員一句無豬肝啦...我才醒起香港豬肉仲未正常恢復，所以唯有求其次了。沙嗲牛肉麵 - $32沙嗲牛肉味濃，汁比較竭，而麵質比較硬身，把沙嗲跟麵撈勻後，麵入口更加富味道。跟餐還有火腿奄列+牛油方包面包加入了牛油餡，而奄列亦不太老身，把奄列夾面包一同吃，是另一種享受。啡走 - 咖啡味較濃，加入煉奶，口感更滑，但還是有點苦澀味。

牛魔王清湯腩咖哩專門店唔止有牛肉，牛腩，咖哩，佢地仲有好多其他野食都好好味嫁今日就試下個早餐先,睇睇個早餐，醒晨早餐都係$30（灣仔區，坐定定仲有埋野飲都好小有啦）而且仲有三文治類（輕食又可以自選配料），再想健康一點可以點他們的鮮奶麥片，緊有款適合你E餐 - 鮮豬肝公仔麵 配火腿奄列牛油方包 - $30公仔麵較硬身，而豬肝食落尚算新鮮且有爽口的感覺而配搭的火腿奄列牛油方包，可以接受，面包不會太乾，而火腿奄列亦不太老身茶走 - 茶味十足，加入煉奶，口感更佳

今日晏晝經過春園街，就再諗住是旦搵間餐廳食lunch啦，之後就見呢間牛魔王都幾多人食，價錢係灣仔來講都唔算貴，人均消費都係40-60，所以就決定試一試啦🤤🤤🤤當日我就叫左set lunch, 牛腩牛肚河加左杯凍檸茶，呢度嘅牛腩炆得好淋而且好入味，而牛肚睇得出廚師刀工好好，而且都好入味，分量來講都算多，牛腩同埋牛肚各有五、六舊，而且裏面嘅湯底亦都好重牛肉味，飲得出應該落咗好多牛肉去煲成嘅🤤🤤🤤