牛More石燒專門店 (已結業)

收工唔想煮飯拉左男朋友出街食🤣經過見到呢間石燒牛🤣幾特別就入嚟試下😍 服務員都好nice同我地介紹左石燒牛同食材嘅品質😋聽完即刻落單睇下係未真係咁正先❣️我地坐單人位🙃可以專心食嘢之餘又可以享受一下私人時間👍🏻私隱度高👏🏻湯、白飯、飲品同水都係自己去專區拎👍🏻方便❣️🔺牛more之道 - 牛板腱連鵝肝🔺一送上枱就見到好貼心用紙巾擋著啲油👏🏻聽服務員介紹塊石有370度❣️真係要小心啲燒😅切已經感覺到個種靭勁👍🏻食落有嚼勁😍而且多汁👍🏻加埋新鮮手磨wasabi好夾👍🏻🔺美國select - 牛小排🔺大概熟到5，6成就係最好味👍🏻肉質好鮮嫰啖啖都充滿肉汁❣️可以一試👍🏻

呢間店舖我第二次黎食嫁啦，食完係咁同朋友大力推介，堅好食。男友聽我形容完係咁話要試，剛剛食左晏嫁啦，隔左陣又話要食埋個牛排，一人叫左份300g牛柳，加左30蚊鵝肝。上次食呢朋友叫左西冷同肉眼，我都有試下佢地個啲，我覺得牛柳係最多汁最大舊肉，又好咬，最好食，又唔會好似西冷咁有大舊肥膏，最抵食既。上次同店員傾計，佢話老闆係中環開高級餐廳既，宜家我地食緊既排，係中環賣緊五百幾蚊一個餐。但我地就一百蚊食到，我覺得佢無吹水既，因為真係堅靚，我諗自己去一田買，一百蚊一定買唔到咁大舊同咁靚，一定要帶爸爸媽媽黎食。唔知係咪開得入左啲，間咁好既餐廳好似無乜人知，成日都有位又無乜客人。咁好食又抵食既餐廳，真係唔想佢執笠。我覺得店舖要多啲宣傳，同埋佢好唔顯眼，下午行過，黑媽媽咁，都唔肯定佢有無開，應該整個餐牌架出黎，俾人睇下。講返個鵝肝堅好食，又大塊，只係加三十蚊就食到，我地勁大塊排加埋鵝肝，仲要飯沙律湯任食，都只係145蚊份，真心超抵食，平時其他排餐廳cheap cheap地一個排餐都係呢個價位，仲要勁腌肉味，所以真心推薦，好味👏抵食👍🏻牛肉湯超多料，好濃牛味。沙律，今次有埋粟米粒，好好食。飯，好香米味。

見近期開了一陣子，同太太試一試日式feel的石頭燒牛。老闆亦會好親切介紹每一部位同食法，值得一讚。入到去係自助型式，落單選食物飲品都係用日本款式的自助售賣機提交，而付款都可以用octopus, credit card，記住帶卡係身，係唔收現金架。個人覺得以這個平民價位，我可以話你知這間牛的質素十分好，一定會不停番啅。仲有飯湯沙律任添架，連任食的沙律都有3種醬汁選擇，十分細心。真心推介各位巴打絲打一試。

正式開張之前嗰日嚟過，覺得一般。隔咗兩個星期俾多次機會佢，結論都係一樣。我揀咗最平$75嗰款，絕對適合食肉獸...今次我冇加配鵝肝，$30覺得唔係好值似一舊牛肉，完全唔似塊扒⋯⋯個湯冇味，沙律醬有四款，白飯沙律任食。可以算係經濟實惠。

原先諗住上open rice 睇下食評，點知完全無所以就膽粗粗咁去試下啦！今日星期五，晚上7點去到門口仲有位，講真有點擔心，入到去3款牛都有叫，點知失望⋯環境，室內抽風系統唔得，好煙，地方好窄，真係肥d都唔知點食好，肉質一般，熱力好難控制，想攞起佢都唔知放邊好，所以好多都去到8、9成熟，同埋完全無配菜（薯菜）⋯⋯ 另有自動Bar位，有飯、湯、沙律沙律全部係椰菜絲，免強有一兩粒蕃茄，一讚嘅係待應們服務態度好好！不過，唔⋯我唔會再去呢⋯⋯

元朗新開熱石牛扒 作為牛魔王既我 當然要試下啦。入門後自助售賣機買飛。已經有專人介紹各款牛味 如果唔食牛 都有熱石豬扒 汽水和果汁。今次初嘗 當然點最平的牛柳試試啦。Honey果份就再加30元 多塊鵝肝添點餐後 店員安排坐位。座位較迫 不過係有背椅 但如果手拿大袋或大背囊 就可能麻煩少少 要放地下 這點應作改善。講返食物：原來 還有沙律🥗 牛肉湯白飯全部自助任食任飲任裝話口未完 店員取餐來了。登登登登：牛柳加鵝肝到店員好細心 早已比多個碗 教我們先切一半在碗上 免太熟。雖然睇相好似好生 但可以自己烹調熟度。還有 重點推介：醬汁和自家制手磨芥辣。出奇地 芥末配牛真心好味。還有 白飯加一點點紫菜碎 認真開胃。還有 沙律 可自己調味 可選芝麻醬 沙律醋 式沙律醬。我情有獨鍾芝麻醬。還有牛肉湯 清清地 淡淡地 味道一般 好過飲茶但如果中意飲汽水 果汁 都可以入門時 在售賣機加點。今次 食得好滿足 牛肉份量其實好足料 有200g和300g選擇。我和Honey都係點左200g 已經飽到不得了。亦可能係我地有添飯關係 因為飯加上紫菜碎真係好鬼開胃又好味今次真係大滿足 估唔到85元的熱石牛柳會有如此水