牡丹金閣

營業中

休息中

呢間酒樓嘅千層糕真係一絕，鹹蛋黃味濃郁，層次分明，口感鬆軟，令人一試難忘。其他點心雖然唔算特別出色，但整體質素尚可，唔會令你失望。晚市嘅燒味更係一大亮點，燒鵝同燒豬都煎得剛剛好，外皮酥脆，肉質鮮嫩多汁，味道一流，絕對比好多其他酒樓更出色。餐廳環境舒適，服務亦都親切，出面仲有車位，係一個適合同朋友或者家人聚餐嘅好地方。

今個weekend，親戚約咗我哋去呢間酒樓度飲茶。我都係第一次嚟呢度，呢間酒樓距離西鐵站比較遠，可能轉乘輕鐵會比較方便。.我哋都叫咗好多個點心，其中以下係我覺得比較鍾意嘅.🌟鯉魚芒果布甸而家都唔多茶樓，再整鯉魚形狀嘅布甸我覺得呢樣係好特別好有兒時嘅回憶另外布甸芒果味香濃配埋好多嘅花奶，真係好好味.🌟壽桃包個外型好美觀一樣唔係間間舖頭都有入面有好多蓮蓉整體嚟講好好食.🌟乳豬仔雖然唔係好大隻但係外皮好脆點埋甜醬同埋砂糖真係好夾

以前喜歡到這間酒樓飲早餐，因為性價比高。今日同家人過嚟，發現新年起點心加價加得好多，食物係ok, 但係入邊環境其實好唔靚，仲有d殘舊。所以俾貴左，但冇環境享受；另外叫左嘢食要半個鐘先到。幾失望。好難有下次。我不如去利苑，食物環境更好，價錢差不多，又可以坐得舒舒服服。以我所知好多老人家以前貪呢度價錢唔太貴，食物味道ok, 唔計食完每次係有d口乾。食物推介：蝦餃，燒賣，排骨，鳳爪呢啲基本點心係okay, 只是價錢要四十幾至五十元，真係唔便宜。不推介：腸粉不夠新鮮，牛柏葉太淋

有些不適，叫外賣自取，到取未準備好，準備好的也凍的，非常客氣要求蒸熱，拒絕。也算，另外想購買1 些熱點心，又話點心（有就有，冇就冇）。我購買點心$200 幾蚊。甘既服務。我現在明白為何多人北上消費。蝦餃打開爛哂。未食1 肚氣。已經駕車去，還要受氣。絕對不值。食物質素以外，服務態度係重要因素，店長出來處理也沒有幫助。非常失望。當時點心部不是繁忙狀態也這些服務，希望認真注意1 下。職員也應以心待客，如果是自己吃一些凍了的點心是如何感受？

每日早上7點開始就會有長長人龍掛隊買點心，因為外點心都只係賣15元，20元1籠,每日都新鮮制造，同堂食1樣但價錢差很遠可以買回家慢慢享用，點心款式選擇亦很多，樣樣有

星期六訂左位食父親節飯，佢就話淨返8點(第二輪)咁就照要啦，嗌左個3488套餐，啲嘢幾好食，但性價比唔太高(貴食材唔多)多數都係平食材，但係份量多，味道唔差。上菜好慢，8:10先俾我哋入，8:40先上菜(訂位時已提早點好餐)，我哋10幾個人食到9:30，啲樓面就趕我哋走，話收10點。我哋嘢都未食完，蛋糕都未食。好心收10點就唔好接8點嘅客接又趕人走態度傲慢，擺明趕客唔會再俾錢佢哋賺🤬🤬🤬做節/慶祝唔好揀呢間😡😡

同親友一齊飲茶，佢哋揀咗佢哋飲開嘅老字號酒家。🔴極品燒鵝王（例牌）+上湯米粉 $138呢間酒樓嘅燒鵝非常出色！皮薄肉嫩油脂香，外皮微焦帶甜味，平時少食到如此滿意嘅燒鵝。順帶一提米粉非常之多。🔴蝦頭油瑤柱炒飯本身好奇乜嘢係蝦頭油，原來係提升鮮味嘅一種食材。蛋香比較明顯嘅炒飯。🔴豉油王豬爽肉炒河調味不錯有鑊氣，豬爽肉彈牙香口，長輩們都讚好。🔴南乳粗齋煲南乳本身同好多食材都夾，配搭齋菜令呢煲小菜一啲都唔寡。有粉絲打底索晒啲味。🏠牡丹金閣 (元朗)📍元朗西菁街10號好順泰大廈地下4-5號

上星期試，這間是2021 年吃過服務同環境最差的酒樓，亦係我2021年比既最差食評，基本上除外賣員工態度好之外，店內所有職員包括門口帶位員都態度差！無人加水，永遠叫都無人理！落錯單！大量熟客直接走入去搵位，對响出面排隊嘅人唔公平！最差係要同啲三唔識七嘅人搭枱，仲要無隔板，對面一咳我都唔知點好！地方又細，通風都有問題，門口有2張2人抬，一張對住高高貨物（比較好，不過貨物放太高依然有跌落嚟嘅危險），另一張對住收銀職員同影印機座，呢間我永遠back list ，同名既酒樓我都唔會再去！因為見到地方太細人太多，而家疫情又再爆，我唔敢留太長時間，一座底叫幾碟食完立即走！但佢門口賣外賣點心員工有禮貌，外賣價錢合理，比堂食便宜！野食就一般，不過不失！對面抬叫咗碟魚，話太腥叫部長取消，部長亦見怪不怪立即取消。

等位等到傻想同屋企人飲茶最後都放棄左外賣算燒賣 鮮竹卷 馬拉糕 粉果 都唔錯春卷 返到屋企仲係脆 好ok蒸排骨個芡太稠？ 一舊舊咁 not so good蝦腸比較厚粉飯好多都話賣哂要等得章魚肉餅 吃過就明何解淨低佢仲有現貨其實外賣少左加一同茶位仲平D不過老人家始終鍾意坐喺度堂食無辦法

屋企人好鍾意喺呢度飲茶，可能老人家習慣左去一D地方，好少會轉變， 牡丹金閣應該真係好舊既茶樓，裝修地方都好有歷史感，見到天花都有D發霉，如果我自己一定唔會黎呢度。但老人家鍾意呢度，可能係因為有人情味，呢度D侍應都好有禮貌，收碟都好快手，老人家喜歡講笑，D侍應又有回應交流，氣氛又真係幾好。食物質素講真一定唔係頂級，但又唔差喎，價錢又真係好平。孖寶 有得選擇粥+一個㸃心 $25.8皮蛋肉片粥好大碗，粥底好綿春卷大大件，仲好脆鳳爪排骨飯，鹹魚肉餅飯都係$14.8叉燒腸好大條，不過唔夠熱。三寶 $14.8有蝦餃， 潮州粉果， 燕麥糕各一，蝦餃就一般，粉果幾多料，皮煙煙靭靭， D料花生同菜脯幾好食。 燕麥糕就唔知，因為我唔食嘅鳳爪排骨飯，鹹魚肉餅飯都係$14.8整體覺得好抵食，味道都可以，但如果唔係同屋企人一齊，係唔會選擇呢度。

今日食評有✍🏻 牡丹金閣@元朗試食指數⭐⭐⭐店舖衛生⭐⭐⭐侍應態度⭐️⭐⭐⭐((每項5⭐️為滿分)) ·近年連鎖式酒樓愈開愈多真心好少光顧舊式酒樓今日好驚喜在元朗搵到幾間我哋就試咗牡丹金閣·一眼望落去長直大廳乾淨俐落的格局枱的距離都很闊落舊式唔代表唔乾淨枱、櫈、餐具、以至地墊都衛生企理·食物方面Brunch時段都係點心紙1️⃣咸菜豬肚湯⭐️⭐⭐/5熱，足料，豬肚乾淨可惜湯底咸咗少少2️⃣粉果⭐️⭐⭐⭐/5熱，味道好，原來多韮菜係秘訣🤫3️⃣蒸腸粉⭐️⭐⭐⭐/5好好味嘅蒸腸腸粉白、滑、香👍🏻👍🏻失色在於甜麻醬好難食🥲4️⃣藥膳雞腳⭐️⭐⭐/5藥膳味香濃🤰🏻我唔食得屋企人成碗藥湯飲哂雞腳夠腍但賣相麻麻🤪5️⃣蓮藕餅⭐⭐/5賣相味道都屬正常範圍冇乜評價👍🏻6️⃣棉花雞⭐️⭐⭐⭐⭐/5攞5星嘅點心竟然係不起眼的棉花雞😋將普通食材整得好味好才是高手👍🏻棉花即魚肚剛好索左啲湯湯汁雞夠嫩滑又冇乜肥肥，讚👍🏻賣相靚放咗兩粒紅棗兩粒蟹柳在面畫龍點睛未食已經流口水🤤·職員方面唔係話好慇勤嗰種態度但感受到嗰份街坊街里嘅親切感去舊式小店會感受到🤪👌🏻·二人186溫馨提示200以上才可以簽卡599•Eat疫情下的食肆怕多人辛苦排得嚟又唔好食食外賣食

大食怪出動，後補爸爸生日，3個人叫半圍食！都係$888全包價5式拼盤，竟然有滷水鵝翼， 燻蹄，好好味雖然波龍細左d，但都叫有一隻，味道唔差斑塊炒西芹，交足料，大大件好嫩滑魚肉，有成6件，出色蒸頭斑腩，真心good，皮好厚，一蒸上來，熱辣辣即食，好快清哂。唔要雞，加$130轉左半隻鵝，份量算大隻，我真係好中意食燒鵝架一上枱皮仲係脆卜卜，平得來，真心有質素燉湯，飲得出，好夠味，夠火喉有干鮑，海螺食下，成煲湯消滅哂

近來外賣優惠多， 心思思想試，經過時看到有套餐便選一個，甚是期待!四餸一湯套餐有魚有肉，清蒸沙巴龍躉仔最是吸引!雖是龍躉仔，但都幾厚肉，新鮮，蒸得剛剛好!燒味雙拼的份量一般，味道適中。太子龍皇羹一共有四碗。有蛋白，蔬菜等配料，調味適中，易入口。小菜選京都焗肉排 看來有點過油但還可以接受，味道甜甜酸酸幾開胃，肉排有嚼勁，菠蘿與洋蔥吸收醬汁後很好味。小菜二選了雜菌肉碎豆腐。是下飯家常菜，份量夠，餸汁也夠，有菇、豆、豆腐、肉碎，好好味!精美糕點四件在點外賣時未有問及糕點的名堂，因為只是在意主食，但在進食時味道意外的好，桂花甜味溫和，內裏的果肉也同樣好味!這$298套餐真是抵食!多買一份龍蝦伊麵，因為在外賣處見到時已被吸引着 。伊麵軟稔，還有大隻龍蝦鉗，啖啖龍蝦肉。湯汁有豐富的海鮮味，令伊麵更美味，最重要是價格相宜!

在上年年尾，傳來一股楓葉潮，元朗大棠賞楓葉，見到朋友們紛紛在 社交平台post 相洗版！ 由於賞楓葉期有限，至到大約1月頭！恰巧！媽咪的一班行山朋友，提議遊元朗大棠賞楓葉！所以，媽咪問我有無興趣 join？！ 既然啱時間，當然不容錯過啦！我們賞楓葉後，再行完山共大約兩小時，便一起搭小巴落元朗食飯！我們跟他們走到元朗的 <牡丹金閣> 飲茶！蜜汁叉燒腸 (大點)即叫即蒸熱辣辣，腸粉質感不會好黏，油潤帶晶瑩！內裡的叉燒餡尚算足料！荷香珍珠雞 (特點)軟糯的糯米飯，吸收醬汁，滲出荷香又美味！檸蜜脆皮蛋散 (中點)蛋散好大件，入口超鬆化， 檸檬汁蜜糖提升口味，又好夾得來！ 不容錯過！推介！大澳牛鬆炒飯 $68炒飯色澤均勻！而且炒得乾身又入味！

開年飯的好日子選擇在酒樓吃晚飯，之前已預訂了十二位用的套餐與親友相聚。頭盤 - 風生水起一齊撈起第一道菜是冷盤，所有調味料是在上菜時才一次過倒進去，好讓我們一圍枱的食客一起做撈起的動作，一起念着好意頭的說話和亙相祝福。將所有排列整齊的食物與醬料拌勻就可以進餐，確有開心好玩的氣氛! 材料有青菜絲、薄脆等，只是薄脆並不香脆，與青菜絲一起吃時口感並不太和諧。冷盤調味料有汁又有粉狀，但粉狀未能即時溶解，所以味道較濃!鴻運乳豬全體燒得不錯，皮薄和脆，可以彌補第一道菜薄脆不脆的失落。有適中的脂肪和豬肉比例，調味有少許偏鹹，可以接受兼好味!上湯焗美國龍蝦伊麵底龍蝦已開邊，都幾大隻，每人有半隻，肉質滑。伊麵軟軟，上湯與調味適中好味!發財好市瑤柱甫碟上的食材滿滿，見到已很開心，又入味，瑤柱又夠腍，發菜和菜苗在獻汁的包裹裏非常好味!百花炸釀蟹鉗熱騰騰的蟹鉗，炸得很美，每件體形不一致，喜歡炸的可選大件，想少吃多滋味的可選細件，非常香口好味!濃湯雞煲翅湯看起來很濃但入口不油，味道適中，湯料亦豐富，包括一整隻雞。清蒸大海星斑魚肉全熟，因為有少許過熟，只有某部份的魚肉較嫩滑，但整體都是鮮美的星斑!蠔皇六頭鮑魚伴花