牡丹金閣

營業中

休息中

今日落到元朗市，四周圍行吓唔知食乜嘢好，經過呢間酒樓，又唔想坐低咁就買少少外賣試吓先，佢呢個珍珠雞真係夠晒珍珠$15兩件真係兩啖都冇咗，味道正常份量好少，價錢一般好彩冇坐低

要數元朗食物有水準既酒樓，並唔係咩大集團既酒樓，而係呢間，佢位於西菁街地舖，酒樓唔算大間，星期六日下午茶時間經常要等位，點心款式好多，食物質素高，而且價錢仲好大眾化，侍應好有禮貌，見到有好多熟客幫襯，係非常有人情味既酒樓。羅漢齋炒麵麵餅炒到香脆，上面再舖上羅漢齋。斗門鮮蝦餃蝦餃皮夠薄，入面D蝦又大隻又彈牙。薑蔥牛柏葉牛柏葉爽脆名醬蒸鳳爪鳳爪醬汁惹味。香茜牛肉腸腸粉皮真係超薄，睇得出師傅功架有幾高，而且好涌，餡料又夠多。

難得放假♪(´ε｀ )，諗住飲個早茶，行過竟然見到呢間地舖酒樓。可能因為舖租問題，而家都冇乜地舖茶樓喇，於是一行幾人就咁入咗去。酒樓平面圖係長方形，都差不多坐滿晒。睇張點心紙，都有好幾樣點心係而家好多茶樓都冇做㗎喇。例如蜂巢炸芋角，味菜蒸大腸，素餃等等。我對芋角有情義結，每次飲茶都會留意有冇芋角╮(￣▽￣"")╭。芋角 新鮮即炸，芋蓉皮薄，好食。燒賣 切肉燒賣，口感彈牙。叉燒包 大細適中。叉燒腸 足料腸粉，啖啖肉。鮮竹卷 汁唔太濃，適合崇尚健康嘅人，同老人家。牛肉球 有芫茜果皮，而家好少用果皮了。整括而言，點心質素高，有心經營，好明顯大都係自家制點心。值得一讚，員工有禮貌，加上因為地舖原因，好多行動不便的老人家嚟，人情味濃(^з^)-☆

平時好少係酒樓食咁多野， 因為怕太油膩， 但呢度既野食一d 都冇呢個感覺， 仲非常好味雖然平時唔鍾意等位， 但好食等一陣都ok 既今日叫左8 樣野， 5 個大人都夠食， 埋單都係$236 ,好抵喎我覺得樣樣都好好味， 但一定要揀的話， 我會揀藥善棉花雞🐥D 雞超滑， 味道剛剛好又唔油， 正跟住既叉燒檬 , 同牛肉腸就難分高下喇， 都太好食蜜汁叉燒包好味到想食兩個， d 肉同包既比例剛剛好， 皮又唔會太厚， 以後會每次都叫另外呢幾款都好好味，又冇油膩感， 喜歡飲茶既朋友一定要試啊仲有值得一提既係， 呢度有得叫桂花茶， 可以美肌架， 女士門唔好錯過喇

星期六同屋企人去飲下午茶, 地點近屋企, 所以好多時都揀牡丹金閣. 雖然唔出名, 都唔算大間, 但係其實佢比好多大酒樓好食, 食物新鮮同真係即叫即蒸.香茜牛肉腸好好食, 腸粉皮好滑, 牛肉好味, 呢個真係呢度既必叫點心之一.點心三寶拼盆包括: 斗門鮮蝦餃x1, 潮州蒸粉果x1, 千層薑汁糕x1, 其實好抵食, 不過要下午茶時段先有, 十幾蚊, 有3樣點心!粥水灼唐生菜唔同平時D灼菜, 加左粥水, 真係另到條菜食落係滑D紫薯煎軟餅有薯味, 皮好煙韌荷香珍珠雞味道ok喇, 但係佢真係一隻隻蒸, 依家好多珍珠雞都係一大籠蒸, 蒸完切開一舊舊再用荷葉包住, 咁樣唔好食.柱侯金錢肚正常味道.XO醬蘿蔔糕辣度啱啱好, 但係炒得未算乾身, 如果再乾身D, 食落就唔會一pat嘢咁.

今早同媽媽係元朗千色廣場後面健康院復診，復完診後去附近飲個早茶🍵醫肚⋯⋯於是去「牡丹金閣」等待時間10 分鐘入座，都算快有位啦！酒樓環境舒服，冷氣充足星期六都有早晨優惠選擇滋補藥膳雞腳＄21.8鹹魚肉餅飯＄12.8馬拉糕＄15.8

第一次入嚟元朗飲茶，d侍應好有禮貌，食物夠熱，真係即叫即蒸即炸，尤其係甜品千層糕，夠薑味甜味適中（唔鍾意食甜的人士一定喜歡），另外環境乾淨，必定會介紹朋友再嚟飲茶

第一次食，帶著愉快心情，但，失望出黎，講真，服務一般般，唔系特別好，光顧。d食材，得幾個選擇，仲要收148，真心唔抵，自己做左水魚，四條友食，加起來都500幾，寧願食泰國野仲好，一句講曬，下次，以後都唔會再黎。

優閒日曜日辛勞了一星期，又是好好款待自己和陪家人的時間了，星期日早上到酒樓飲茶，對我這個怕去排隊的人來説，實在痛苦，又想食很又不想等位⋯可以點😂⋯都係等！幸好只等了一會😍(可能我們早）這間新開的酒樓，朋友介紹，所以即管一試，地方不算太大（以元朗酒樓來説），可能早市關係，放枱比較迫一點，但可接受的！不過環境雅緻，地方整潔！坐下來也很舒服😊一坐下來，我們一行四丁人，已經超肚餓，未來得及叫點心，侍應姐姐剛帶來一碟新鮮熱辣金黃色的叉燒餐包，真係好開心，即係拜託姐姐放低，唔理三七二十一⋯⋯食左（我連相都影唔到😂）！帶小小甜的包面配上叉燒餡料-味道剛好，加上剛出爐！好味！❤️❤️❤️❤️（4/5）之後例牌⋯評分制 ❤️❤️❤️❤️❤️(5/5)1）蝦餃⋯皮薄加大粒蝦⋯正❤️❤️❤️❤️2）燒賣⋯口感實在，肉質鮮美！不會像有些酒樓吃落去滿口肥肉！❤️❤️❤️❤️3）牛肉球⋯囗感彈牙，牛肉不覚有膻味❤️❤️❤️❤️4）煎薄餅⋯夠咸香脆口⋯❤️❤️❤️❤️❤️5）腸粉⋯皮薄⋯又滑❤️❤️❤️❤️6）糯米雞⋯👌🏻味道適中，不過再多些餡，糥米薄少少！就更好！❤️❤️❤️7）藥膳雞腳 ⋯ 淡淡酒香，味道不會過濃，雞腳口感適中！❤️❤️❤️❤️❤️8）芋角 ⋯ 我最愛，不油膩，鬆脆內軟