牧羊少年咖啡館 (The LOHAS康城)

營業中

休息中

牧羊少年（康城）餐廳剛剛進駐於新界將軍澳日出康城康城路1號 The LOHAS康城四樓,餐廳裝修族新,設有綠色元素擺設,亦有文青書櫃,座位寬敞坐得舒適,設有戶外座位供客人選擇,餐廳主打西餐咖啡店,服務招呼殷勤友善。與你分享二人套餐小食東京醋汁雞翼,雞翼一共有五隻,炸到金黃色,微辣酸酸地,雞翼皮微微脆,雞肉食落嫩滑。主菜黑椒香蒜煙鴨胸意大利粉意大利粉配料有洋蔥絲和西椒絲,鴨胸肉微辛,微鹹香口,意大利粉軟硬適中,每條意大利粉沾有香蒜和黑椒食落美味可口。紅酒燴牛面肉伴薯蓉、烤澳洲西蘭花大大塊牛面肉經廚師烹調,夠入味超腍滑,有牛味,酒味不太濃,薯蓉綿滑,烤澳洲西蘭花青嫩清爽。甜品häagen-dazs oreo雪糕飲品有午夜和氣泡鳳梨lemonade

♡♡♡📍牧羊少年咖啡館 (The LOHAS康城) (將軍澳)將軍澳康城路1號The LOHAS康城4樓417號舖約咗朋友入康城行街，順便去海邊散下步，然後揀返間環境幾好嘅餐廳食飯🥰同朋友揀咗個<與你分享2人套餐>，入面有前菜、意粉、主菜，仲包兩杯飲品同Haagen-Dazs雪糕杯，都幾抵食～🍽️照燒汁煎乾蒜美國牛柳粒牛柳粒煎到剛剛好😚外層有少少焦脆，而入面都仲好多肉汁同埋嫩口。配搭埋照燒醬啲甜味，同牛肉都好夾～不過個人覺得乾蒜可以再多啲，因為本身佢煎得幾香，想再食多啲🤣🤣🍽️金沙咸蛋黃鳳尾蝦意大利粉成碟意粉一上枱，真係金金黃黃架喎🤩🤩🤩擺入口，都覺得好香咸蛋黃味，同埋啖啖都有咸蛋黃既口感😚成件事好真材實料，再加上鳳尾蝦都好爽甜，唔係嗰啲又霉又淋既肉，好食😍🍽️紅酒燴牛面肉伴薯蓉烤澳洲西蘭花呢個主菜都好食嘅，牛面肉唔會煮到全熟，伴埋紅酒汁，就啱啱好了😆最有驚喜係薯蓉！佢有啲奶香味，雖然唔係好食得出加咗咩調味，但真係好好食🤣另外西蘭花都好有趣，長到好似露荀咁😆😆😆🍽️芒果茉莉茶忌廉芝士奶蓋/冰梨無花果白桃烏龍芝士奶蓋唔洗額外加錢都飲到既特飲🙂‍↕️平時呢啲出面都30幾蚊一杯啦～

好難食！！經外賣平台🛍️叫左晚餐🍽️價值$118💰的鮮忌廉黑松露醬雜菌長通粉🍝，備注左走洋蔥🧅，黎到都係有好多洋蔥粒粒🧅，完全漠視客人要求‼️🤬洋蔥粒粒🧅夾都夾唔走，邊食邊lur，仲要有好多生蒜🧄，注意⚠️係無煮過，真係生的蒜粒🧄，食完口勁臭😮‍💨，而且完全沒有黑松露味🤷🏿，菇🍄都只得幾粒。仲有價值$58💰是日蛋糕🍰，款式每天不同，原來係普通到無得再普通的黑森林蛋糕🍰，個人覺得東海堂好食好多。😀

呢一間位於康城新開嘅cafe見好吸引就決定去試下啦🥳是拉差醬雞翼（3隻）是拉差醬嘅辣味恰到好處，雞翼烤得金黃香脆😙魚湯輕炒西蘭花（半份）西蘭花炒得脆口，加上魚湯嘅清甜，係一個好清新的選擇🤩鮮忌廉黑松露醬雜菌長通粉一入口就感受到濃郁嘅黑松露香氣😌，配合滑溜嘅忌廉醬，真係一流！長通粉煮得剛好，唔會太軟，吸收咗醬汁，食落去每一口都好滿足😍生薑味噌三黃雞（半隻）伴牛油烤椰菜花及日本南瓜雞肉嫩滑，外皮香脆💯，生薑同味噌嘅味道十分突出，配搭椰菜花同南瓜，增添咗一份香味😝杞子木瓜牛奶（熱）呢杯飲品好特別第一次試🤣，木瓜嘅天然甜味搭配杞子又好夾😋抹茶牛奶（熱）香濃嘅抹茶味，搭配綿密嘅牛奶😎是日蛋糕-黑森林蛋糕層層疊疊嘅巧克力蛋糕😍，中間夾住酸酸嘅櫻桃，真係一個完美嘅收尾🌟Häagen-Dazs 雪糕杯

之前都有試過牧羊少年，見佢開咗新分店就去試吓餐廳裝修都好舒服，見到好似有戶外位置，秋冬都可以出去坐感受吓涼風 仲有一大個書架擺滿咗書可以俾你借嚟閱讀📚主食同意粉可以加錢變做套餐有小食飲品同埋雪糕，亦都有二人餐同埋四人餐可以選擇紅酒燴牛面肉配薯蓉及西蘭花$188 + $58 升級做一人套餐 配是拉差雞翼(3pcs)& 氣泡鳳梨 Lemonade +$18 由雪糕變蛋糕牛面肉真係好出色😳🤩肉質好腍，再配埋一啲好似牛筋嘅質地，非常之好食！薯蓉亦都非常之順滑，好香好好味雞翼炸得好脆，是拉差醬汁都好好味是日蛋糕係黑森林蛋糕，相比之下就有啲失色，普普通通金沙咸蛋黃鳳尾蝦意大利粉 $118每條意粉都掛滿咗鹹蛋黃味嘅醬汁，上面亦都有鹹蛋黃粉加強味道，有四隻蝦，係幾特別嘅fusion菜式牛油果莎莎墨西哥脆片 配 酸忌廉$68墨西哥脆片用咗即食已經有味粉嘅嗰種，配上大方嘅牛油果醬加酸忌廉，呢個菜式冇得輸🤩值得一讚嘅係佢小食真係有好多款式，有成四頁，真係好難揀🤣🤣見其他食評都差評服務，但我當日佢又未有咁樣嘅體驗，可能我時間比較早5:30pm左右去到，亦都唔使等位，不過食完就見到都幾多人喺門口等，建議大家

My friend and I recently visited the Alchemist Cafe and tried a few interesting dishes 😆. To start, we had nachos served with avocado salsa and sour cream 🥑. The nachos were crisp and paired well with the creamy avocado and tangy sour cream, making a nice, light snack to begin the meal 🙌🏻.For the mains, we ordered the avocado, mango, and chicken pizza 🍕, which was dressed with the thousand island sauce. The combination of avocado and mango added a fresh twist! The chicken was well-cooked and bal

Weekday 食lunch，等咗唔算好耐，坐吧枱，環境唔舒服，一開門外面啲風會吹入嚟，根本成個裝修design有bugs,侍應要不停開門閂門，坐吧枱嘅人都調位，因為會吹到好唔舒服。另外啲嘢好難食，食到中途我覺得肚痛😂咩玩法，係食物唔新鮮定污糟？同出面嘅牧羊少年完全唔同，完全唔值得幫襯，唔明點解要等咁耐位？唯一杯咖啡叫正常少少，間餐廳想營造chill嘅感覺，但完全唔係嗰回事，我諗個個都係幫襯一次冇下次。

This restaurant opened in Lohas Park only a few weeks ago so we tried it for the first time at lunchtime.  The food was excellent! We had the vegetarian brunch , even though neither of us are vegetarians, and a chicken salad and shared both dishes. The vegetarian brunch was especially delicious with eggs, mushrooms, avocado, pumpkin, tomato and yoghurt, and we'll order it again. The set meals also included pumpkin soup which was also lovely, although the staff forgot to serve it so we had to ask

食物已經唔係好食，侍應服務極之差。絕對唔係平時市區嘅牧羊少年。有一次，晚飯已經要你等60分鐘，叫飛時間1分鐘內跳六張，然後話你已經過咗五張。不予補飛。態度極為囂張，好似乞求施捨。然後入座不停每3分鐘行過嚟想收你份Menu驚死你阻住佢個位咁。雖然康城食飯好似施捨但係呢個體驗絕對係康城之中最差。

牧羊少年咖啡館是香港本土餐廳，於2012年開業，並且是首間以旅遊為主題的咖啡店。新分店位於The Lohas，內部裝修採用簡約風格，以牧羊少年標誌作為焦點，右側設有專業咖啡吧服務台，中間則以T字型設計，搭配一棵植物和高腳凳，增添了自然氣息。整體而言，個俄式牛仔柳意大利粉，香氣撲鼻，所用心製作。而我的粉紅香蒜醬水牛芝士杏片意大利粉既美觀又美味，搭配清香的白土烏龍茶和濃郁的抹茶牛奶，味道唔錯。🩵俄式牛仔柳意大利粉 $98是日餐湯俄式牛仔柳意大利粉白桃烏龍茶（凍）🩷粉紅香蒜醬水牛芝士杏片雜菌意大利粉 $86是日餐湯抹茶牛奶（凍）©$8.0牧羊少年地址：將軍澳康城路1號The LOHAS康城4樓417號舖交通：港鐵康城站B出口，步行約1分鐘

入座果陣，員工話要最低消費每人要叫一個Main及提示手機落單～我地覺得奇怪，點會每人要一個Main。牧羊一向都係最低消費每人一杯飲品。坐低後再問清楚員工，是否每人一個Main定係點樣。之後員工表示每人叫一個Item 或3個人享用2人餐都可以。隨後，有位著白色恤衫女員工高馬尾，膚色較美白同我地講你地叫左2個Item,唔夠最低消費,語氣態度極差, 我地表示話問左你地員工係話Okay,我地先會叫。完全沒有回應就離開了。立即另一位著白色恤衫女員工身形肥胖，戴豹紋眼鏡，於我地身旁勁大聲爆咪向其他同事講，係要每人最低消費係要一個Item。依家係你地員工出錯，成個感覺即係責怪顧客，即係無點3個Item 即係顧客既錯。再者係你地內部溝通有問題，而唔係向顧客發洩。隔離顧客聽到我地係到討論，原來佢今日享用過程都並不愉快及向佢表示每位最低消費係$100。咁邊一個版本先係正確？經理想提高生意額？成個感覺好差～難怪咁多劣評。

要等 40-50張飛，但其實好多人已走，叫「空氣」飛都要逐個起碼叫3-4次 … 但叫飛個個要做埋帶位&送餐，而停左唔叫飛 … 另一個穿白恤衫速高馬尾瘦身型嘅職員仲要話叫飛得個一位，跟住仲要叫佢停止唔好叫住 …出面等左成個鐘嘅客人，明明見到中間& 近門口嘅 bar 檯位置，總共有 8個位，但只得一人入座，但職員都係唔安排等侯客人入座，過咗一個鐘後，最後都係坐呢啲位，真心唔明佢地搞咩！其實戶外 & bar 檯都有位，但佢地都唔安排入位，故意令客人等候時間加長。令到原本來品嚐此新餐廳食物質素之心情也被破壞。

攞飛個刻等50張檯係starsbuck坐低等想食咪等左2個鐘 應該算有誠意睇左差兩張檯到號碼一分鐘行到上去話過左五張檯要重新攞飛都係嘅 康城分店職員檯與檯之間叫號之快 得2秒唔企係店前兩個鐘都唔洗食

兩份早餐外賣，等40分鐘。炒個蛋，煎雞排，切個牛油果，用40分鐘。不懂為什麼，就算是當下去樓下fresh賣也來得及了吧。其實服務員知道今天忙，點單的時候可以講一下需要等40分鐘那麼久，如果講了，我就不點了。懷裡還抱著孩子，一點都不considerate。真的服。小票上有下單時間，第二張小姐姐手機上有時間，此時外賣還沒準備好。以後應該不會再去了，康城這麼多餐廳，第一次遇到要浪費我時間寫差評等餐廳，沒眼看。

話說見佢第一日新開 又見佢個名有咖啡兩個字咪諗住買杯咖啡飲囉， 好啦，咁我望過頭頂個Menu見到佢熱Cafe Latte $24 覺得幾抵喎，就更加覺得要試喇。 排隊前面其實都係得 一個人， 個服務員得閒就望吓自己啲同事吹兩句水， 有時就去帶位，  有時就講講吓嘢突然行開咗，我心諗條友係咪新來㗎，但係我發覺原來唔係 佢啲同事都喺一擔擔，其他人都係喺度吹水。 Anyway講返重點，咁我嗌熱latte 同我講上面頭頂個Menu係錯嘅，同埋佢剩係得大嘅杯，所以呢個價呢就要跟返紙張Menu個價$36， 我心諗冇問題啦，平時咖啡都差唔多呢啲價錢啦。咁我就俾錢啦，條四眼女依舊都係一心幾用 但又冇效率，我俾applepay好似都俾咗幾分鐘。 過咗幾分鐘，佢遞杯熱latte俾我 個杯喺同麥當勞 細橙汁 嘅size仲要細， 如果呢個係個大杯裝，咁我諗佢部咖啡機應該退休嘞。 不過我無謂為咗$36同佢去爭論啦，顯得我cheap， 一嚟佢哋印象分已經接近零二來杯咖啡亦都唔係好飲，所以呢我就永久Blacklist啦 你哋去試呢就祝你好運喇。 康城又多一間垃圾啦，過兩年一定執。