犇殿台灣火鍋 (青衣城1)

營業中

休息中

原本唸住新開就試下拉。點知係伏到咁，野食少都算拉，我地5個人都等位都有35分鐘左右，3個職員分別喺短時間內問左我地3次幾個多人😂，最後門口無曬人得我地5個人企左係度都再問多次，唔緊要既，都要confirm 多次既。入到去坐低叫野食拉，有2個人唔食牛，所以我地選擇左最平果個餐。黎到見到啲肥牛，嚇死人。真係肥牛啊。脂肪比例有8成係脂肪😆，落單每次份量只限每樣兩碟，每單最多10碟，但次次黎都係得2件2件咁，搞到我地要係咁叫野食，眼見有6至7個員工，都可以隔好耐先有人過黎清下野，唔緊要，我同我女朋友竟然俾2個職員收碟收到彈到成身汁，我女朋友成對鞋係豉油，我仲慘，成個碟跌左落黎。我成身都係肥牛血啊，豉油啊。呢間野真係抵我打咁長既文去讚好。多謝呢間野令我見到火鍋店既低處未算低既境界。🥲相我就無影拉。唔信就去領會下，btw,5個人埋單1200幾，唔貴，但情願1200蚊食老麥

一間自稱高質牛肉台灣火鍋店諗住平平食95蚊有牛五花既午市60分鐘餐試食，個職員好有良心同你講個牛五花有8 9成係肥膏 姐係叫你唔好叫 相比牛一 一鍋堂 牛大人從未發生過 其他火鍋店任食火鍋配料好多都會放入雪櫃保鮮 佢就係無 同種類太少 裝修幾靚坐得舒服 不過食過一次就夠 無下次