犇羴鱻

營業中

休息中

我們一行6人，經過門口俾佢招牌吸引到，所以便入內光顧，一入門口，服務員禮貌地招呼我們入廳房，原來呢度全部都係獨立房間，私隱度好度，環境舒適，服務員個個都笑容滿臉，因為第一次嚟，所以叫服務員幫我們寫菜，頭盤先來風味六小碟，有金磚脆馬友，孜然羊肉串，椒香鮑魚，酒香鴨舌、蔥油舟山海蜇頭及香辣鳯尾魚。全部都係我們的至愛，湯是什麼松茸長期白山雪雁燉甲魚，嘩！正到呢，一打開個蓋香到走廊都聞到，然後再來一個蔥燒遼參又係一個香到無朋友的菜式，再來是東星班，廚師用心左大量的蒜子把魚用砂窩乾逼逼熟，今次真係成間房都香噴噴，食咗咁多濃味嘢，輪到一D清清淡淡的菜式米湯千層浸時蔬，可以清一清口腔，跟住落嚟就係富貴鹽香雞，食到尾一樣咁正，食得出系新鮮🐔，主食來一個家鄉炒麵皮，這個是四川農家菜，非常地道，甜品是三小點，和牛雪糕、楊支甘露及潮州月餅，非常應節🥰🥰🥰，今晚用餐服務和出品非常到位，環境清幽，非常好的一次用餐體驗！