猛醬兄 (已結業)

🐓去骨海南雞飯有好多出名海南雞嘅舖，但好似真係第一次識得欣賞個海南雞飯。啲去左骨嘅雞勁嫩滑，加埋啲雞油浸埋落啲油飯度真係好正，係暫時見過最深印象嘅海南雞油飯。🍜慢煮牛面肉冬蔭功湯米線冬蔭功湯唔會太鹹，重椰奶香，啲慢煮牛面肉煮到好似牛腩咁，米線都幾彈牙。

之前有朋友推薦呢間外賣店嘅醉雞米線，身為醉雞控嘅我緊係即刻買黎試食啦🤩🥰今次我係透過外賣平台買返屋企食嘅🫣🥢去骨冰雕醉雞熱湯米線🍜🐔 $50 （外賣平台$68）湯可以選擇凍湯/熱湯🥣一打開碗麵就聞到好香嘅醉雞味👃🏻店鋪好好係將個麵同湯分開👍🏻個米線煮得啱啱好，唔會太淋，有d口感🤤個雞肉係雞脾肉🐔充滿住酒味，個湯都係好濃花雕酒味，但又唔會係過份酒精嘅味道🤤不過略嫌唔夠熱，但都有機會係外送過黎所以先冇咁熱🫣👍🏻推薦同我一樣都係醉雞控嘅你買黎食另外店有冬陰功同埋飯類下次有機會都想買黎試😝

晚餐於外賣平台揾到猛醬兄，睇過餐牌家人認為可以試下。我地叫咗去骨海南雞冬陰功米線，特色去骨海南雞飯，瑞士雞翼，慢煮冬陰牛面肉。先講家人的海南雞米線，都幾辣，整體OK但並無太大驚喜。而我叫的去骨海南雞飯好味，份量亦都足夠。瑞士雞翼有4隻，但其中一隻的外觀麻麻，其實呢個情況唔應該出餐，因為真係好明顯。至於個牛面肉，相對就爭咗啲啲，牛味方面過濃，我同家人唔太鍾意。猛醬兄食品的價錢大眾化，希望可以慢慢調校食物的味道及質素。

話說我唔夠現金，周圍都唔收八達通，我死都唔信邪，終於俾我搵到一間外賣店收八達通！見佢外面大大隻字寫住外賣，就睇吓佢有咩咁正，間店舖細細間好骨子，食物嘅種類好集中，款式唔係好多，但係全部都啱食！我就試咗：去骨海南雞飯$45可選兩款醬：招牌混醬、青BB薑蔥蓉、火紅辣醬、醋香醬油古早肉燥煎蛋飯$38香茅豬扒飯$45 配送醋香醬油一返到屋企睇到份量好似好細，但係原來都夠食，所有材料加配料都好好食，我最欣賞係佢個飯同埋醬料，個飯唔係普通有飯，加咗特別調味料，四個醬汁都非常好味，調得好有心機！去骨海南雞非常滑嫩，啖啖肉好爽！，豬扒算係薄切，肉質都唔錯，有碳烤味，好正！肉燥飯就正正常常，整體來講，有驚喜！非常滿意！

外賣 去骨雞飯 大隻佬豬扒飯出菜快 等候時間不耐雞已去骨 食既時候方便 上班族之選雞味濃 多白肉 值得推介豬扒大塊 厚肉多汁 絕對飽肚飯就不過不失 一般質量而且價錢便宜 cp值高 會再食

整體評分：🌕🌕🌕🌕🌗（4.5/5）總評：本身想叫臭臭雞翼但叫唔到有機會試下先，今次試左兩款價錢同質素都唔錯，可以再戰！😝菜式細評：《海南雞 - 例牌》無骨本來都食得好爽雞皮唔係食落好爛好淋既口感仲有少少爽口😋雞肉相當嫩滑入味，就咁單食都夠味就連雞柳位都唔會鞋口另外有配款青醬，有少少辣、比較清新同一款配合香茅，有少少既辣椒油既醬個人比較中意青醬😛但都睇得出呢間店對醬料係有堅持唔係平日一街都係既海南雞醬🤣《醉雞湯米粉》醉雞比較甜身、帶微微酒香質感無海南雞咁爽彈我無咁喜歡呢隻🤭但湯頭好清甜，忍唔住成碗飲哂唔覺有味精，好正😋😋😋😋

自從食左猛醬兄真係返唔到轉頭，佢D海南雞連雞胸都係滑嘅同最緊要冇骨啱我喱D懶人食，香茅豬排都係好好食，同我覺得最好係佢成日有新菜可以試唔同野，不過如果可以有得簡白飯就更好，因為有陣時食油飯都會覺得有啲漏，但係焦點都係放喺個醬度 ，真係冇得輸，青BB醬已經可以食哂成盒飯

個飯好特別，唔似平時既海南雞飯d油飯噤得黃色無咩味，食到好香香料味雞好滑得黎又夠味，但點埋醬食仲好食，係無得堂食要攞返屋企食好似硬係差少少下次試埋醉雞，聽講都唔錯