玉桃軒酒家 (康怡廣場) (已結業)

位於太古康山道康怡廣場北座M樓的玉桃軒酒家，在地鐵太古站上蓋，交通非常便利。以粵菜、點心為主的中菜館。環境時尚乾淨。一品蒜香雞，雞肉嫩滑，雞皮香脆，蒜香味滲透到雞肉里，食后回味無窮。清蒸石斑魚，火候控制恰到好處，魚肉剛好離骨，肉質鮮美嫩滑。鮑魚冬菇生菜，中規中矩，沒有太大的驚喜。玉桃軒除了有早午飲茶外，晚膳還有三寶套餐優惠可選，三個送只需318元，價格也非常合理抵食，值得推薦。是家庭親朋好友聚餐的理想酒家。

今天和媽覆診後，帶佢去玉桃軒飲早茶。疫症下酒樓比平時少人。為了维持競爭力，酒樓推出更多優惠孖宝及特价點心。我們叫了小籠包，芋丝春卷，煎釀茄子，兩煲鳳爪排骨飯，兩碟招牌芝蔴卷，只是150元埋單。食物質素維持一貫水準。芋絲春卷香脆惹味，煲仔飯有飯味，小籠包湯汁鲜味。煎釀茄子內有厚厚魚肉，茄子炸得香軟，但較為油膩。芝麻卷尤其出色，比齋菜店的更有芝麻味，更爽脆可口，媽每次都吃。茶錢9元一位，水滚茶靚。酒樓環境坐得舒服，服務水準尚可。

約了友人一早出發往屯門行山，怎知天公不造美，整朝黃色暴雨警告信號，但我倆都不想放假困在家，就轉移陣地到太古先飲早茶，嘆著早茶點心靜待天氣好轉，想著能行轉大潭水塘都好過無，怎知，雨仍是下過不停🤦🏻‍♀️🤦🏻‍♀️🤦🏻‍♀️！我倆就在茶樓坐足2.5小時🤣🤣🤣。早市茶樓職員(樓面)不多，目測得2-3位，眼見他們走來走去，又落單、又斟茶、又執枱，也替他們感到辛苦！潮州粉果很一般，不吃沒損失。野菌什菜餃好好味！👍🏼呢個芝麻卷很有驚喜，正！！！👍🏼依個懷舊千層糕又係好一般，可能有鹹蛋黃的關係，凍咗很硬很難食！要食一定要襯熱！！！

難得有時間吃早茶 個人建議不要浪費在這家茶樓首先 等了蠻久才有位置，可等的時候沒有點心紙可以先看早茶點心 其貌不揚 食落更差蝦餃菜苗餃皮厚 內餡油膩，食物也不見得很新鮮腸粉叉燒有怪味/雪櫃味，難以入口，跟服務員說，就算是主管也只會喃喃說幫你取消，一句不好意思都不會說，也沒有主動offer換一碟另外，服務員唔會提醒有早茶優惠點心紙 我們事後發現叫服務員，他們就話已落單 價錢都差不多，敷衍了事 個人覺得好唔helpful

多得林鄭 無聊又無謂又無效既為左三萬服務既限聚令玉桃軒好耐都無做過晚市為左兩位偉大既母親 咁今晚就叫個母親節套餐賀賀佢啦因為唔係早一日訂位手所以錯過左減一百蚊既優惠咁六位既餐就要2060 加一咁包6罐野飲咁佢安排座位係混亂既出面個姐姐同內面既姐姐好明顯無夾到入面又鬼咁多位出面又死都唔放大家都好燥明既明既 放左咁耐假 忽然番工仲做得咁甘 係會攰啲既頭盤 唔錯既 叉燒都唔太肥 燒腩仔有肥有瘦再黎大蝦伊麵 個蝦係霉既！蝦頭係唔熟既正常既冬菇鮑魚生菜依個 小棠菜 草菇 我懷疑佢唔夠小棠菜所以佢放左娃娃菜係底充撐場面！好多無咩味既料放入左個好杰既翅 有少少龍蝦粒 咁好油既花枝炒西芹依個係抵讚既脆皮雞 皮真係脆同埋多肉！乾就乾啲架喇 咁冰鮮雞又唔可以同新鮮雞比不過酒樓有咁既質素 可以呀依個係比較驚喜既荷葉飯仲有好味既壽包同都甜既大陸美人瓜可以啦～

今天约了家人去玉桃軒午膳，貪佢環境，衛生，食物和价錢都合理。限制令下，食物的選擇比平時少，但仍然有特价及正价食物供選擇。我們試了特价的班頭腩炒麪，麪香脆肥，魚亦新鮮，雖然魚份量不多。懷舊义燒飯飯靚义燒香甜，燒腩仔皮脆肉滑。點心如牛肉球，雞扎，雞包仔等都保持水準。因匯豐咭埋單正价点心有九折，每人80元左右已享用一餐滿意的午餐。

玉桃軒新年後同家人去飲茶，平日既午餐都好多人！「玉桃軒酒家」係康怡廣場內，太古站出3分鐘就到！ 太肚餓了，快手叫了幾個點心同飯食。先來「叉燒飯」，叉燒好食大約有6/7塊，幾抵食！另外都叫左個面，是自選2送的，叫了鮮雞肉片同鮮冬菇准山面，$58！面是即叫即整的，雞肉面好滑好好食，冬菇有3/4片，份量好足，2個人share 岩岩好！友人好愛吃蝦，叫左「玉桃晶瑩蝦餃皇」，一籠有4粒！蝦肉滿滿的，皮薄肉汁，夠熱再加分！「鮮蝦滑腸粉」也是我最愛，每一次都是飲茶必點食物！鮮蝦大大粒，澆上醬油，我一個人都可食整碟！茶是香片，水滾茶靚！同家人聯天好地方！

話說今晚同我的他過嚟太古，諗起上次喺銅鑼灣玉桃軒分店食過晚飯，都抵食夾大件又好味，但無試到片皮鴨😟今晚又心思思不如食返次片皮鴨先😌入到去問過，點知原來又因為就黎假期（農曆新年），無特價片皮鴨😭算啦！貴$60左右，都好想試下，一於點啦！片皮鴨$288。鴨皮好夠脆，而且餅皮薄得黎又好夠韌口，醬料配搭得宜，非常好味😋加上我倆已經好肚餓，而呢味片皮鴨係第1道菜上枱，所以有爭食嘅情況出現🤣上湯蝦球伊麵$128。呢碟伊麵嘅水準甚高👍因為蝦球數量都唔係少，而且好大隻😱蝦球好爽但好鮮味，絕對唔係「啤水」啤到爽！而伊麵夠彈牙，個汁好好味又唔會過鹹，有驚喜😍生菜片鴨崧$68。呢個係片皮鴨兩食，所以都想試下😋鴨崧炒得乾爽，鴨崧底墊左啲脆米，撈埋一齊夾生菜包，食落好香脆可口，我倆大包大包都食左大半碟😝我倆雖然係好肚餓，但畢竟都有少少眼闊肚窄😅伊麵同鴨崧都各食剩少半碟。但我倆絕對唔做大嘥鬼，加上食物美味，所以都將剩餘嘅食物帶走啊👍👍呢餐點左片皮鴨，而且樣樣菜式都大大碟，埋單5百幾蚊都唔算貴😁希望下次黎可以食到特價片皮鴨啦🤑

今晚和丈夫去了太古城康怡廣場的玉桃軒吃晚飯。玉桃軒的食物水準不錯，雖不至於驚豔的好，但勝在可以維持穩定水準，不會像很多食店般大上大落。點了欖菜四季豆和瑤柱黃粟塊；四季豆維持一貫水準，豆杆爽脆，肉碎惹味，是拌飯的好幫手；但瑤柱黃粟塊就有點名不符實，皆因只有兩三條瑤柱。雖然我不太喜歡吃瑤柱，但平心而論這也太少瑤柱了。不過，魚塊炸得相當好，沒有油膩的感覺，算是扳回了一城。

今晚在放工後在太古晚飯，想簡單吃點中菜，想起這家在康怡廣場的玉桃軒酒家，菜牌頗經濟實惠，就來一試水準。裝潢時尚得體，環境乾淨企理，座位寬敞舒適，平日晚上亦接近全滿，人多要預先訂位。餐牌選擇各式各樣，亦有不少優惠套餐組合，價錢大眾化，今晚兩個人簡單叫了一個晚膳三寶。一品蒜香雞半隻蒜香雞份量二人剛剛好，雞肉嫩滑，雞皮爽滑而味道豐厚濃郁，蘸上醬汁特別醇厚和味，滲透骨肉，吃來有齒頰留香之妙，為雞肉增添一道鮮味。滬江賽螃蟹賽螃蟹沒有花巧的配料及調味，吃的是以假亂真的口感與味道，也是考驗大廚對油溫與火候的控制，賽螃蟹入口如豆腐般嫩滑，質感輕柔不塌，味道清淡帶鮮，加上鎮江醋，味道微酸，可減少油膩感。清蒸沙巴班沙巴班新鮮游水，所以味道新鮮，甘腴可口，滋味雋美，其次是火喉拿捏恰到好處，一夾肉已離骨，但肉質仍保持細嫩而厚實，相信廚房內的一定是大師傅。

夜晚八點係鰂魚涌收工，邊行邊諗晚餐食咩好，不知不覺就行到黎康怡廣場，抬頭就見到呢間玉桃軒酒家，跟住就行左入去。因為得兩個人，唔係食到好多野，所以淨係叫左兩道菜。第一味：老京城片皮鴨，由於得兩個人，所以冇叫到兩食。即叫即整即切，非常新鮮，皮脆肉嫩，肉汁豐富，配埋青瓜京蔥同醬汁，包埋一齊食簡直係絕配！第二味：上湯蝦球伊麵，蝦球爽口彈口，配搭煙韌既伊麵，再加上上湯作為醬汁，冇得彈！兩個人埋單四百幾蚊，價錢合理。

玉桃軒酒家通常都是食晚飯的，竟然有火鍋喎！朋友生日就畀一個驚喜佢，因為佢好鍾意食火鍋㗎！環境很不錯呢！坐位都幾特別，而且坐得好舒服，兩個人慢慢享受，今日仲有優惠火鍋添！牛肉系列~就會送一個自選湯底，我哋就揀咗鴛鴦鍋，秘製馬來沙爹和芫茜皮蛋。芫茜皮蛋湯好正，壽星妹竟然先飲咗兩碗湯。😁😁鮮製四寶餃，招牌四寶丸，羊肉片，皇帝菜，西洋菜，大魚頭方魚雲。我哋都比較細食，只是各叫半份就夠了。羊肉片沒有騷味嫩滑爽口，👍當然唔小得頂級安格斯小牛排啦！😋😋壽星妹好鍾意食牛肉，所以就叫大份一啲！真係好大份呀！差啲食唔曬，不過最後都係佢包底，肉汁好juicy超淋又爽口。👍連配製醬料都超多啊！有十幾款，材料很特別和都幾矜貴啊！而且係用玻璃樽仔裝住，超靚呀！仲有一碗芫茜蔥花跟埋添。

玉桃軒呢間中式老字號，今日去食打邊爐！入到去睇吓菜單，見到有叫牛肉送湯底嘅優惠，我哋即刻叫咗個中上等嘅牛肉，再加咗個四川麻辣湯底。先講四川麻辣湯底，一開始食覺得冇乜特別不是太夠味，點知食下食下味道開始出，湯底好香。而二百幾蚊嘅牛肉，上菜嘅時候大家都好驚訝，因為佢份量好多，有成三四十塊！仲要每塊都肥瘦均勻，牛香肉嫩，正！另外仲叫咗手打丸拼盤、餃拼盤及蔬菜拼盤，全部都份量好足好新鮮！最特別係佢嘅醬料，有好多好有特色，平時邊爐都冇嘅醬料，例如櫻花蝦辣醬、XO醬等，配邊爐一流！再者，座位寬闊，服務員爽快，有機會再去！

呢晚放左工，同老婆行左過去康怡搵食。老婆突然話好想食片皮鴨，一時間都唔知係邊度搵比佢。但原來係M層有間玉桃軒酒家，門口就大大個牌有隻片皮鴨，咁就入去試下啦。由於我地得兩個人，所以淨係叫左一隻片皮鴨都已經夠食，不過因為我想飲下湯，所以叫多左個螺頭燉雞湯試下。過左陣，隻片皮鴨就上枱喇。老實講，碟片皮鴨真係幾大碟，兩個人泥講係有啲over😂。不過佢皮真係脆，味道又真係唔錯，食下食下又唔覺滯。其實佢仲有個二食，係炒鴨肉碎生菜包，不過驚食唔晒，所以無叫到。跟住係咁以講下碗湯啦。湯係燉幾入味，入面仲有粒縲頭肉食下，都幾好食。下次再想食片皮鴨，真係可以泥試下！

今日我地見一家人齊人食飯，決定唔煮啦，落樓下尋找好西食～突登搵左近近地又好食嘅玉桃軒！先叫左個扁皮鴨。個皮脆卜卜架，再掂埋個醬汁食，真係好好味呀！而且粉皮好薄，食完都唔會好飽。屋企人中意每餐飯都要有魚有菜，我地仲叫左石班魚塊，師傅炒得夠晒鍋氣，呢個用尼送飯最岩啦。仲有三色蛋菜心，清清地，又有皮蛋咸蛋🤨調下味啊！仲有個雞煲呀！呢個好野味，食完雞仲要食埋吸晒味嘅洋蔥，真係好入味呀！最報後我地叫埋大蝦上湯伊麵！上湯入面有一陣淡淡地嘅芝士香味，會令人愈食愈想食呀！整體呢一餐，我地都好滿意，份量偏多，係平晚家常便飯嘅選擇。