玉桃軒酒家 (康怡廣場) (已結業)

最近撞番個中學老師，咁耐冇見就約咗個舊同學同老師一齊出嚟食個飯，老師喜歡食中餐，今晚就去咗玉桃軒食飯。今晚叫左個晚膳三寶，包括一品蒜香雞半隻、清蒸海石斑一條、蜜豆百合炒藕片，仲叫咗個原煲明火靚湯。一品蒜香雞半隻，雞髀肉質嫩滑。清蒸海石班都幾大條，幾新鮮。蜜豆百合炒藕片份量都好多，老師話食咁多肉加返個菜感覺會好啲。原煲明火靚湯係成煲上嘅，西洋菜陳腎煲生斑魚湯，啲湯好清甜，我都幾鍾意食D湯渣，清熱醒胃。

玉桃軒向來是我家飯堂，今晚又再與家人吃頓便飯。玉桃軒地方闊落，環境舒適，菜式選擇頗多。晚市可選擇激抵三寶套餐，今天我和家人散叫了其他未試過的菜式。菠蘿雞球蝦球酸酸甜甜，味道醒胃。拌炒的青椒、菠蘿和洋蔥味道清甜。雞肉肉質嫩滑，蝦球大隻爽口。薑蔥焗日本珍珠蠔煲，蠔肉爽口大隻，醬汁惹味，薑蔥用來拌飯一流。蝦乾瑤柱浸時蔬，是日的時蔬是白菜仔，時蔬的份量比想像中多，上湯湯頭清甜，不是死咸的味道。蝦乾和瑤柱提升了餸菜的鮮味。

難得出太古，太古嘅熟朋友推介左我呢間酒樓去飲茶，於是搵埋屋企人一齊去食下。酒樓位於太古站旁，走路大約3分鐘便到，地理位置都幾好，當日是上午10時到，由於酒樓面積大，即使人多亦無需等位，這點很適合我們這些懶人。首先上菜的是山竹牛肉球，牛肉球的份量比起乒乓球更大，十分誇張，味道亦相當出色，鬆軟彈牙，配上香口的喼汁，十分出色。然後是叉燒腸，一望個外相已相當吸引，而且上菜時熱氣騰騰，輕嚐一下，外皮相當薄皮，然後嚐到便是肥瘦適中的叉燒，油樓姐姐更表示當中的醬油可以令叉燒腸更上一層樓。其他的點心亦不錯，未能一一盡錄，兩人食完結帳大約是$250，港島區而言，相當化算。

於太古分店：入來慶祝家人生日食餐飯， 叫左片皮鴨、雞、魚、伊麵，晚上6點入座，岩岩開場無乜人 ，無論入口門....（已預訂座位，但見到你門口企係度，但行開，再回頭望你，但無理你），上菜點菜（態度不友善，態度及感覺像下等街邊酒樓），如果以這個等級酒樓，整體態度差，不會再來......... 建議選同橦大廈其他酒樓用膳....... bad experience, bad attitude, wont come again

是晚和家人到玉桃軒，經常來的地方，因為近屋企。隨便點了幾個簡單的家常小菜吃，味道不錯，價格合理，難怪平日夜晚人流挺多。荔芋南瓜炆排骨，湯汁有少少椰汁味，還有香菇，清清淡淡，連汁都可以飲。排骨份量很少，最近豬肉貴。XO醬炒花枝片，要趁熱吃，涼了就比較難吃。這味我當是菜，裏面有西芹，雜菇，彩色椒。挺豐富的，味道比較辣，但少少辣，還可以。這粉絲煲家人大讚，既可當小菜又可當主食，當主食味道就會偏咸。粉絲煲有好多大蝦，係基維蝦，唔係冰凍蝦，食落好鮮甜！粉絲亦用豉油炒得很香，好彈牙好好味。餐廳仲有唔少其他小菜，選擇都挺多，係一家大細進餐既好選擇。

又係一家人開餐嘅時候，去太古城食飯，阿媽係中菜fans所以冇得揀，中菜來講佢一定揀玉桃軒。我哋四個又嗌咗扁皮鴨，呢個真係次次黎都要食又抵食，鴨燒到好香脆，一d鴨so味都無，而且係有鴨香，包埋層粉皮黎食真係食到6,7舊。下一碟嗌左大蝦上湯伊麵，蝦肉彈牙又入味，個上湯汁調得岩岩好，仲有少少芝士味，d伊麵索晒d汁，真係無得彈！呀媽最愛三色蛋泡菜芯，呢味送屋企食唔到，皮蛋咸蛋都唔係主角，係個湯先主角，d湯滲入曬d菜芯，唔多食菜既我都夾多2條。乾蔥豆鼓雞煲又係送飯一流，雞肉鮮嫩，但個汁同d乾蔥先係超水準，好勁火喉！見到呀媽食到lam lam脷我就最happy!!

好耐都無去酒樓食飯，朋友喜歡中菜就選了今日來到太古的玉桃軒酒家晚餐🥣餐廳裝潢雅緻舒適👍🏻👍🏻見到晚餐三寶好抵食，所以就點左黎食😊一品蒜香雞雞燒得外表啡啡金金的顏色吸引，入口仲係熱辣辣嘅，外皮帶脆肉質嫩滑😋😋😋清蒸沙巴斑沙巴斑大約有一斤多😍蒸得剛好熟，肉質很滑而且很新鮮，仲有一條條蔥絲更添滋味😋😋黑椒西芹腰果牛柳粒小菜簡左黑椒西芹腰果牛柳粒，牛柳黑椒味道夠重很入味，腰果脆口又大粒，西芹很爽口👍🏻👍🏻

很久未食過傳統的酒樓菜式，今日來到太古的玉桃軒酒家晚飯，就食了令我覺得回味的酒樓菜式。餐廳長長的大廳及紅地氈，配上雅緻的裝修，更顯酒樓氣派。激扺晚膳三寶$318: 一品蒜香雞半隻、清蒸沙巴斑一條及魚香茄子煲。先上的是魚香茄子煲，一般外面食的魚香茄子都會連皮的，而這裡的則去了皮。茄子裡面配料有芫茜、蔥、肉碎及辣椒碎等，令軟腍的茄子香辣又入味，真是非常的惹味。一品蒜香雞，剛剛燒起，入口還帶著熱，雞燒得外表啡啡金金的，顏色非常吸引，見到已令人垂涎。一品蒜香雞外皮帶脆，醃得很入味，肉質嫩滑，酒樓的質素果然不同。清蒸沙巴斑，沙巴斑一條，大約有一斤多，與平時見到的分別是面上鋪的沒有綠色而全部是一絲絲的蔥白。沙巴斑蒸得剛好熟，肉質腍滑中食得出的新鮮魚味。我最愛食那魚腩，又腍又滑的，連那一絲絲的蒽白齊食，更為惹味。酒樓與餐廳有時並非是名字的不同，而是質素與味道的俱別，今晚食到了一種久違了的有質素的酒樓菜式。

每次去探這位朋友，她必定招呼我在家吃飯，但今次她帶我去附近的酒樓品嚐靚湯及片皮鴨。可惜今天客人比較多，吃不到美味的片皮鴨及燉湯，所以有点失望，但它們的老火湯也很好，所以就点了個西洋菜陳腎燙山班魚，湯非常夠火候，用料充足，非常清潤。另外富貴生汁明蝦球，蝦肉炸得鮮嫩但外皮酥脆，加上特製的沙律汁，味道很好。脆米咕嚕黑豚肉，酸酸甜甜的咕嚕汁內加入蘋果肉，非常特別，黑豚肉也很嫩，再配上脆米，整體都非常配合，好味。

琴日同朋友出咗康怡廣場，午飯時間去咗玉桃軒酒家飲個靚茶，玉桃軒酒家位置喺康怡廣場北座M樓M1號鋪，由港鐵太古站A出口行2分鐘就到，非常方便今次午飯時間，點左高湯海皇灌湯餃、甜心流沙包、脆皮燒脯仔、四川菜肉雲吞擔擔麵及宮廷薑汁糕高湯海皇灌湯餃，齋睇外型已經贏晒，一盅一件，用料充足，連埋高湯一齊食，非常好味甜心流沙包，熱辣辣嘅流沙包，入邊係香噴噴嘅金黃流沙奶黃，必食脆皮燒脯仔，燒得恰到好處，皮脆肉嫩，必點四川菜肉雲吞擔擔麵，賣相十分吸引，味道亦一流，分量充足宮廷薑汁糕，薑汁有少少辣，好有咬感

假日沒有什麼地方可以去， 味道港島區人士最鍾意嘅大型商場， 老人家鍾意飲茶食中菜， 所以我哋都揀咗酒樓。要知道假日喺港島區呢個商場 飲茶，係件好艱難嘅事， 大型連鎖酒樓完全沒有希望， 分分鐘都下午茶時段都未有位 ，超級多人等。退而求其次 去到康怡玉桃軒😁😁不過呢度都要勁等位， 六人枱 等超過30張， 最後我哋等咗一個半鐘 🙄🙄我哋叫咗以下呢幾樣嘢：福建炒飯🥘鮮蝦菜苗餃 黑椒金錢肚 味菜胡椒豬肚湯🍲鮮蝦燒賣王🦐鹹水角古法馬拉糕叉燒滑腸粉我最鍾意食鮮蝦菜苗餃， 同埋黑椒金錢肚😎😎😎😋鮮蝦菜苗餃 ，外皮煙韌透薄 ，而餡料非常多， 鮮蝦爽口，菠菜餡夠滑。黑椒金錢肚， 香辣無腥味， 金錢肚夠淋滑， 底下嘅蘿蔔吸曬 醬汁精華，好好吃。福建炒飯就麻麻地啦， 醬汁太杰偏鹹， 炒飯質地偏硬😅😅另外鹹水角啲餡料竟然係 叉燒餡料， 好多好咸又濃嘅醬汁， 有冇乜叉燒。最唔好食嘅係， 鹹水角嘅皮外層唔夠鬆化， 而且非常黏牙😥😥

今日去太古睇戲，睇完戲之後男朋友建議直接係太古食埋飯，所以就決定睇下附近有咩食。因為想食中菜，係康怡廣場行左個圈見到玉桃軒，記得之前去過銅鑼灣分店飲茶，野食都唔錯，所以就入左去。  星期一至五晚市有好幾款優惠，全部都好抵食，不過要留意每枱淨係可以揀一款。男朋友好想食片皮鴨，所以就直接揀左老京城片皮鴨，加$68仲可以一鴨兩食，不過我地得兩個人怕食唔晒所以今次無叫到。除左片皮鴨，我地仲叫左一個薑葱焗日本珍珠蠔煲。  先講片皮鴨，除左鴨外會跟埋麼麼皮、京葱、青瓜同甜麵醬。一隻鴨上到枱發現原份量真係好大，鴨皮香口重油香，配上青瓜中和油膩感，男朋友食唔停口。第二樣抵讚既係，呢度唔似坊間其他餐廳啲配料經常唔夠包鴨食，佢地配料都俾到好足，食完啲鴨仲有剩。  而薑葱焗日本珍珠蠔煲，份量都好多，有六七隻蠔。蠔夠大隻肥美，吸晒薑葱既香味，好正！ 整體黎講，食物質素唔錯，價錢合理，下次可能會帶屋企長輩黎食。

今晚同老公撑枱腳，揾間近近地食，最近去過玉桃軒酒家飲茶，見佢份晚市三寶好似唔錯，$318就有三款菜，其一仲要係蒸海班，就約老公到這裏。酒家地方雖大，座位也夠闊落，平日也幾乎滿座。一品蒜香雞，雞皮燒得脆口，夾雜咗陣陣蒜香味，雞肉嫩滑有肉汁，鹹度適中，又唔肥😋清蒸海班有大約一斤左右，估唔到套餐也咁大條，海班剛剛熟，好鮮甜😋蜜豆百合炒藕片，清清地，唔多油，夠健康😄我地又點咗兩盅姬松茸螺頭燉雞湯，燉湯夠足料，小小一盅，材料豐富，有姬松茸、金華火腿、螺頭、瘦肉同雞，鲜甜、滋補😋

今晚在太古附近收工，約了朋友在康怡廣場閒聚兼晚飯，時間尚早，便逛逛有什麼好吃，在地鐵站出口，上自動電梯見到玉桃軒酒家，被門口的片皮鴨廣告牌吸引，記起他們的片皮鴨是招牌菜，我便向朋友提議到這裏吃。酒家地方颇大，佈置簡潔高檔，我們兩人部長也為我們安排了一張六人枱。，皮片鴨二食皮片鴨很大隻，侍應把鴨片皮，也有鴨連皮肉，刀法纯熟，一會兒就一大碟鴨片端上枱。鴨片香脆，用薄皮把鴨片、京葱、青瓜同京醬包起來吃，完全唔腻。鴨肉皮脆，肉質嫩滑，另一種風味。豉汁涼瓜炆鴨件，涼瓜同鴨件炆得入味，涼瓜不太腍。瑤柱蛋白炒飯夠乾身，唔太鹹，瑤柱絲也很多。

有親戚住喺太古城有一次過去成家打牌，聯誼一下，打牌之前首先醫好肚仔，就去咗玉桃軒食飯燒肉，喺度食飯一定要食燒肉，個皮好脆口，肉質好juicy,春卷，老竇就最鍾意食呢度嘅春卷豆腐海鮮羹，非常足料，每一匙都有蝦仁，味道清新粟米餅，粟米超甜，粟米粒粒飽滿我就一直等鳳爪排骨超級入味，醬汁濃郁嚟到呢度又點可以唔食呢個酸甜排骨，每粒炸排骨都沾滿甜酸醬，食呢度餸最緊要唔好太多醬汁沾滿碟底，得哩到做得到！最後就食返個中式甜品馬拉糕作結，馬拉糕正嘅時間啱啱好識落非常鬆軟